رواية رتبة وظفيرة الفصل الثاني عشر 12 بقلم الكاتبة رسل فهد
رِتبة و ظفيرة ..
..
18
وأنه گِتلك لَزمه الشباچ حاجه
ولزمه الشارب وَعد
معركة أني انتَ لو تربحني لو تطلع خَسارة
ماكو حَل ثالث بَعد
-رُسل فَهد
65
…
في مكان اخر
37
ام باسم: إبليس يريدني اموت يالله يتزوج خاطر تموت حچايتو وياي
84
شروق : يُمة اكيد اسم الله عليج اذا صار بيج شي يموت كلشي
احنة ما ورثنا القوة العندچ
22
ام باسم: تفوووو عليچن من بنات
111
سَحر : علمينا شنسوي يُمة لا تضلين تلومين بينا
21
ام باسم: ما اريد خلفتو بَعد راح اخذ الاعز من ضنا
419
…
يَاسمين ..
22
وگفت يم المرايا اباوع لشكلي گرصت خدودي
و نزلت لگيت ابو قيصر بالمطبخ هوَ و مرتة و مخلي قيصر بحضنةً
گتلة عمو ابو شاهين منتظرني برة اروح ؟
أبتسم و أردف .. روحي
عَكس نظرات الام الي چانت مِستغربة
215
فتحت سرقي الباب و اني أحس نَفسي اسعد انسانة
طلعت لگيتة بالباب و اضوية السيارة مشتغلة شِفت نظراتة الي حلوة
عكس كل المرات
126
أرشد : منو شافچ من طلعتي
– ابو قيصر و أختك
– يا حَبيبي
378
حرك السَيارة درت وجهي عليه .. وين ؟؟
أرشد : للفندق .. و غُمز
739
يَاسمين : شنوووو ؟؟؟؟
كفخني على راسي خَفيف
– و عرج والله عايشة اللحظة
206
– لا صدگ وين ؟
– ترجعين !!
– لا
– عَجل أنچبي
155
صارت تمشي السيارة بشوارع عَامة و الاضوية مشتغلة
و النَاس تتمشى و الحياة حلوة .. أبتسمت
– ممم شو أنخرستي
– أگلك شو الدنيا احسها صايرة حلوة ؟
174
ما جاوبني أجة ولد يبيع نفاخ كبار شكل شخصيات كارتونية
كالة انطيني وحدة باوعلي الولد و انطا وحدة مال بنات ..انطانياها
– شكراً
أرشد : بخِدمة الزعاطيط أني
ارشد : يولي والله ميلوگلچ الادب
– شتريد يعني اگوم أغلط مثلاً ؟؟
– جَربي ، تا افرگو لهلحك والله
272
– مو گلت أخذچ لدُرة ؟ انطيني رقمها و رجع سيمكارتي
ما جاوبني هَم اخذ الجهاز من حُضني و طلع الشريحة من
الچكمچة و دخلها بالجهاز و اتصل و انطانيا
9
ركن السيارة گبال مَطعم و گال احجي وياها بين ما اجي
اجاني صوت امها و گلتلها اريد دُرة
10
-لججج الو شونج ياسمين صدككك ؟ هاي انتي
– هلو حياتي الحمدلله و انتي
– لج انتي وين !!!
– ما گتلچ غير خطبني بس بدون حفلة و خلاني اكمل مدرسة
و نجحت من الثاني و انتي شونج
-لج وحدة وحدة اوكفي ليش وافقتي !
265
– يعني شسوي دُرة وين اروح وهو كلش حباب وياي
مخليني يم اختة وبناتها كال من الكة عمج ادزج يمة
– لج ياسة انتي وينج وين هذا المو راحة
– لا لتگولين مو راحة اصلاً اموت عليه صرت وهو مو بحالي
– لتصيرين ضعيفة الشخصية و تفشلينا
شعجب خلاج تكملين !
445
– لج هو ترى مثقف مو همجي
– و مرتاحة وياهم ؟
– اي كلش حبابين احسن من بيت خالي ، نجحتي ؟
– ايي وراح ادخل معهد تمريض
– لعد اني هم راح اكلة ادخل ، تدرين اهلة ميدرون اني خطيبتة ؟
85
– لا والله وليش ؟ و انتِ ليش قابلة !
– شعلية ! ترى اني موافقة علمود المدرسة و هو ميدري احبة
– هسة چلبتي بي والله ما اطيقة
– انجبي شايفة شخصيتة و شواربة و طولة !!
لا بعد ما اكدر اكمل اسكتي
725
– هههههه كبر للمستخفة
– اششش اجة ، يلا روحي
– يا عار بعتيني علمودة .. ضحكت و سديتة
114
صعد خلة علاگة مال اكل بحضني
– أدري بيج حوتة كَثرت
– عادي اهم شي مَيبين
134
اخذت لفة و انطيتة وحدة وخليت الباقي ع الكشن الورى
بس جايب ببسي وحدة كتلة الك لو الي ؟
گال اني ما اشرب چنت اكل و الجام مَفتوح و شعري ضوجني
من وحدة سَد الجامة و خلة گذلتي ورا إذاني
223
يا رَبي هو متقصد لو ممتقصد من يسوي هالحركات !
هو ميدري شيصير بية من يعاملني هيچ خاف شوية اني عايزة
حتى يشلع گلبي اكثر
143
أرشد : مَرتاحة ويانة ؟
يَاسمين: اي كلش قابل شمسويلي !
– إممم إذا بيوم تحتاجين شي دزي رِسالة تا اجيبو
معقول مَيلزمچ شي !
– لو محتاجة اگلك عادي لو اكول لأختك
357
– لا عيب يولي ايشي تحتاجينو گولي و اني اجيبو
– شكراً ، ان شاء الله
وصلنة للمنطقة و اني ما اريدة يوصل للبيت گد
ما حابَة قُربة الي نزلت و هو يباوعلي سويتلة بوسة بالهوى
هوَ ضحك و مَد ايدة من جام السيارة عود لزم البوسة
و بَاس ايدة
1.9K
صعدت للبنات و اني حتى الهوى الي استنشقة احسة طَيب
گد ما فرحانة حركة وحدة نَستني الدنيا كلها
شلون بية شلون بية
98
نمت و حاضنة النفاخة يمي و مغطيتها وياي
مِشت الايام و ماكو غير حُبي الة الي يومية يزيد و ما اعرف هو شنو
معتبرني بحياتة يخابرني مرات بَس يسئل على اخباري و يسدة
يگول عندي واجب
125
منا هوَ و منا صوت البنية الي صار اكثر من مرة اسمعة
اني متإكدة اكو احد بالحديقة بس اخاف اجازف و اروح
و الي اكدلي اكثر مرة جنت واكفة اغسل مواعين الظهر دِخل
ابو قيصر و بأيدة علاكة بس ما طب للبيت راح للحديقة
350
مِن خوفي من الحديقة و الصوت البيها ما تجرأت اطلع و بيوم چان
قَيصر اليوم اربعينة و البَنات نايمات و امة چانت تريد تسبحة
خلت على المَي مِلح و شَكر و گالت روحي جيبي يَاس من الحديقة
اخذت المگص و طلعت گصيت غُصنين و مِشيت
رجع نَفس صوت البنية ..
42
اجيت اتقرب و سمعت صوت ام قيصر رجعت انطيتها الياس
بَس گلت اليوم الا اعرف هنا منو بالنهار ما اكدر بس بالليل
و اني الليل لان ظلام اخاف ضليت احجي بداخلي
يَاسمين انتي قوية
160
نامن البنات طلعت من الغُرفة على أطراف أصابيعي
بَس الخوف محتلني لان اذا احد شافني بهالوضع مية تُهمة
تنحط براسي و هم بتهم ما رحموها
44
نزلت فتحت باب المطبخ صار صوت ضليت واكفة بمكاني
و اباوع لغرفتهم گلت راح يطلع ابو قيصر وتحترگ ورقتي
بَس چان الحظ بيومها محالفني
25
طلعت للحديقة أسمع صوت بنية تغني
الرَهبة اخذت كل حيلي اتقربت على صدى الصوت الخفيف
بصف شجرة اكو مربع خشب و بي فتحات صغار
121
و عليه غراض وخرت الغراض جريتة قوي انفتح مديت راسي
شفت درج و الصوت راح
ياسَمين : منو هنا
– اني
قريت راسي اكثر ما اشوف شي ظلام
بس ضوة القمر داخل
يَاسمين : منو انتي !
165
– سمر ؟
– لا اني ياسمين عايشة يمهم
– منو انتي روحي ليلزموچ
– انتي ليش محبوسة هنا
– غلطت و هذا عقابي روحي ليجي رَعد
1.1K
سديت المكان ورجعت الغراض و دخلت ركض
غطيت وجهي و اني الرجفة لازمتني يمة منو هاي
و اني صارلي شكد من سمعت هذا الصوت
يعني اني ما جنت اتوهم !!
27
لعد هاي صارلها شگد مسجونة هنا
و گعد دماغي يربط الاحداث بخصوص هالموضوع
ثاني يوم ماكدرت انزل لان البنات سهرن
22
ورا اربع ايام رادن يروحن لبيت جدهن بقينة بس اني و رونق
الي ما خلوها تمتحن چان عندنا امل بالدور الثاني و هم ما خلوها
كاللها ابوها هو انتِ مستواج ضعيف عيدي السَنة
ماتت من القهر الظهر هي نامت بَس ابو قيصر اجة
و خفت اروح انتضرتة العصر يروح وطلعت
31
ركضت للحديقة فتحت الباب و نزلت من الدرج
بس اريد اشوفها هاي منو وشلون عايشة جوة الگاع
باوعت للمكان بس فراش و مكان صغير بعيد عن الفراش
اعتقد الي هي المفروض صحيات بَس حتى الحيوان
مايرضى بهيچ
101
الشمس داخلة من الفتحات مضوية كل المكان
و هي نايمة بأيدها تليفون صغير معاني وجها طاغي عليها الحزن
منو هاي و شنو قصتها !!
55
باوعت لشكلها شعرها اسود قصير وجسمها كلش ضعيف
لكن ملامحها حلوة و حزينة
مديت ايدي اكعدها طفرت حتى اني انرعبت ورجعت ليورة
26
نِيران : منو انتي ؟؟
– الي هذاك اليوم حجيت وياج كتلچ ياسمين
– عش اجيتي رَعد ليشوفچ
– لا راح شبيج
– منين انتي !!
83
– ابو شاهين تاركني امانة
– ارشد ما غيرو ؟ يقتلون القتيل و يمشون بجنازتو
– انتي ليش هنا بس فهميني شتصيرين منهم !!
– اخت رَعد ابو قيصر نفسو
247
انصدمت ..
23
يَاسمين : ابو قيصر ليش هيج مسوي بيج معقولة ؟
نِيران : استاهل نزلت راسو بين الوادم
– شسويتي دادة ؟؟؟
42
– يولي سالفة طويلة ودفعت ثمنها عُمري
شنو .. ؟؟؟
18
دحكي .. و بچت
بيوم هالگلب الملعون هوى
و تعدة الخطوط الموجودة جعلني بالموت و لا دحكت ذاك اليوم
36
عشگت زلمة مو منا و هو عشگو الي اكثر مني
مشيت ويا بدرب نهايتو الموت حبيتو من صغري لما اجة اليوم
الي جنت محتامة لشوفتو و سلمتو نفسي وبعدها الندم جان سيد الموقف
266
– يعني شنو سلمتي نفسج ؟
-اخذني
– وين ؟
609
– معقولة ما تعرفين ؟ تركج منها
– لا الله عليج كوليلي والله اني احس اكو اشياء ماعرفها
57
– يولي العلاقة بين المرة و زلمتها
– يعني من تحبة !
لطمت على وجها
460
نِيران : دحكي روحي وبعدين تعالي ووعد احجيلج كلشي
يَاسمين : ليش متشردين اساعدج
نِيران : ول يابة أكسرو مرة ثانية گلبي ما يطاوعني
194
شفت نفسي تاخرت گلتلها بعدين ارجعلج بس ضلت روحي يمها منظرها يكسر الگلبصعدت و سديت الباب و رجعت الغراض لكيت رونق فوك هستوها كاعدة همزين
24
بعدها اسبوع كامل ما كدرت اروح يمها
بالليلة من ليالي الصَيف الحَار و كهرباء ماكو و كلنة مَيتين من الحر
اول ما اجتي الكهرباء البنات نامن ضل بالي يمها شصار بيها بهالحر انتظرتهن يتعمقن بالنوم و طلعت وصلت يم الشجرة فتحت الباب و نزلت
25
اخذت وياي الجداحة مال الطباخ حتى اضوي بيها
لگيتها تكسر الگلب ما ادري ليش هيج صابرة ،
27
نِيران : ليدحكچ احد عش تجين
يَاسمين : ما أكدر من شفتچ لليوم حتى بالكوة انام
– تگدرين تساعديني
– طبعاً بس احجي
– كولي لامي اني عايشة
– عزا يعني ميدرون بيج هنا ؟
106
– لا دحكي
بَعد ما غلطت خفت من أرشد تايگول لابوي
– ليش هو شمدري !
15
لان چانت عيونة تدحگ بية چنو يعرف كلشي و هجستو يعرف لمن گام يقنع بأبوي يعطيني لوليد هو نفسو الي احبو بس عش ساكت ماعرف
36
– ما گتيلي هو انتي شسويتي مو گلتي اكلچ ؟
ضحكت و اردفت.. فضولچ چتال
47
بدت تشرحلي و اني فاتحة عيوني كل وسعها مَعقول شلون ؟؟
من صدمتي گمت أبچي و هي احتارت شلون تسكتني ليطلع صوتي
287
نِيران :سكتي يول اتمنجدنا
يَاسمين : شنو ؟
– انفضحنا
115
نِيران : شفت الگاع ضاگت بية و هو يجيب بالعالم الخيرةو ما يلگة غير الصَد خفت لا يجي يوم تعز عليه نفسو و يمل و اطلع بس انا خسارة
23
– يعني شنو هو لازم بس واحد ؟
ضحكت و كفختني
– اششش كافي شنو من بلوة انتي
128
يَاسمين : بس كملي شلون اجيتي هنا و قابلة
نِيران : عجل اشوة من الموت على ايد اخوي
– و شفرقج عن الميتين ؟
سكتت
49
دحكي باليوم الي اجيت لامي اسرها بمصيبتي
ماعندي لا اخت و لا خالة حچيت سالفتي لأمي گامت تعيط و تلطم
على صوتها طَب رَعد باست ايدة حتى يفتهمهابس هو الظاهر چان يسمع كلشي جَرني من شعري للمضيف
41
چان منصور و ابوي و ارشد و عمي ابو ارشد موجودين شمرني بالگاع
ابو منصور : عش هيچ مسوي بأختك
– مصخمة راسيييييي كلة بسببك يابة كلة كتلك اعطيها اعطيها الو
ملحتو وراها شي
37
لزمني أرشد من رگبتي
– عجل كلچن نفس الطينة
بعدو عني خافو تايخنگني مثل … وسكتت
164
– مثل منو ؟
سكتت وبعدها أبتسمت
– مثل المجرمين العندو عجل هو مو ضابط
– كَملي
71
ابو منصور : اذبحها
امي گامت تلطم و عمي ابو ارشد ما قبل بس منو يسمعلهم
منصور چانت روحو متعلگة بية جَرني من شعري و صار يضرب بية و يبچي كلة مني خسرتهم حنيتهم و دلالهم .. و بِچت
124
ما أسمع منو غير كلمة لچ عَش صخمتي روسنا !!!
سحبني منو ارشد و رَعد جرني للسيارة امي وكعت على طولها
شمروني بجنطة السيارة و مشو درب بعييد
– يُمة و كتلوچ ؟؟
778
غمت گصتها و گالت يولي عجل روحي الگاعدة گبالج ..
نزلوني بمكان چولة بس صوت الجلاب طالعة منو
سحبني رَعد للكاع و ارشد يخلي طلق بمسدسو
208
هي تحچي و اني مَصدومة صدگ
هذا كلة يطلع من هالكائنات اللطيفة ؟
يا لطيفة هو هذا رونق غلطت طاحولنة دَگ كلنة
183
أرشد : الشَرف و النعال عِدچن … تشاهدي
خلة سلاحو براسي و اني بس دموعي تنزل على عمري
الي راح بسبب غلطة وقت طيش
303
سمعت صوت طلقة من خوفتي حَسبت متت
بس ما احس بالالم لان يكولون الي يموت رحو تبقى تدحك
فتحت عيوني و ادحك جلب مجتول جدامي
225
باوعت لرعد الي عيونو متروسة دموع
ارشد : موتها بالحياة بس لا تكتلها
رَعد : الوادم شكللها
– تمرضت و ماتت
143
خلوني بهالبيت جان محد بي مهجور بعدها عزيز جاب
مرتو و البنوات وعاشو هينا
-صار شگد
– خمس سنوات
– محد يدري بيج عايشة
– لا بس هو و رفيجو ارشد
– ارشد زين ؟
99
– تحبي ؟ يولي لا دكولين اي
– لا مادري والله بس هو حباب
– شتهجسين من تعاينين طولو !
– بطني تكوم توجعني
– مبارك طايحة
1.2K
– يولي شكد ما بيج ابتعدي عنو اليمو ما يرحمنچ
وانتي الف واحد يتمناج دحكي بس العيون تشگ
98
– أگلج هو عاقد علية يصير اتزوج غيرة لو بعد هايهية ؟
536
لطمت على خدها وچ شلوووون رضيتي
– خلاني اكمل دراسة
غَمتني
گومي روحي تأخرتي
65
صعدت لگيت ام قيصر هستوها طلعت من الغرفة
– عش كاعدة
– عطشانة و نزلت شربت مي
و طبيت للغرفة بساع نمت
13
ضليت صافنة بحچيها معقولة يا ربي هيچ يكتلون عادي ؟
و ليش دگول ابتعدي عنة بس هو ابد ما أذاني و منو اليمة تقصد امة !
108
…
سَميحة
53
نَضفت غرفتو و نزلت جوة سِمعت صوتو يم أمي سَهلة بالغرفة
و هوَ يگلوللها
7
أرشد : يُمة عَدحكها تذبل بغيابي و ماگدر اضمها يَمي
سَهلة : يــع ييمة أتزوجها و جيبها هينا و قنعها دامها تحبك ترضى
321
أرشد : على بختچ يا يمة البِت جاهلة و انا وي الكبار ما غَزرت
سَهلة : جَربها
221
أرشد : منتظرها تكبر بَعد تاشوف هذا حبها صدگ مو طيش
سَهلة : تحبها يَرشيّد ؟
128
أرشد : لا ، بَس ماگدر اكسر گلبها
سَهلة : لا تگربها عَجل
365
ارشد : و تنطي ضناها ! هو انا ابو المصيبة و ما راضي
– عجل شلون ؟
– تصفة
316
دخلت و گال حضريلي الحمام ارشد يكول لامي ماحبها عجل
شعندو يبوس بالصور !! انتظرتو يصعد يترك محفظتو خاطر ادحك
الصورة المن ..
57
اول ما طب يسبح طَبيت لغرفتو المحفظة على الكومدي فتحتة
ادور على الصورة و لگيتو حاطها بين الفلوس ما تبين سحبتها
شفتها صورة بنية تشبه ياسمين بَس صغيرة
256
يعني هاي ياسمين و هيَ طفلة ؟ ما شاء الله
و مَكتوب بظهر الصورة بخط ايدو .. طـــرگــاعــتـي
1.8K
منها و عرفت حُبو الها شگد چبير بس يكابر
او من خوفو عليها لانو بَعد ما چتل باسم و مِسك مرتو
ما بردت نار گلبو
91
اخذ الطفل وطلع حسبالنة عيذبحو وراحو ورا ابو قيصر
و فراس اخوي طلع شامرو بدار الايتام و صوت ام باسم الي رَچ البيت
و هي تصيح
234
– والله ثُم والله دَم أبني ما تشربو هالگاع الا براسك يا أرشد
214
عَمي ابو مَنصور و ابو باسم روحهم من الدنيا أرشد
لانو هو ذراعهم اليمين بكلشي حتى ماتضيع حياتو شُرطو على الكل
يكولون موت باسم رصاصة بالغلط من مسدس ارشد
36
بعد ما دفنو مِسك الي هي ما الهة حتى جنسية لانو دخلها تزوير
محد يكدر يفك حلگو بَس أم باسم الي جانت مَتسكت أبد
و قبل الحُكم بيوم و أرشد چان بالتوقيف شرطت عليهم شَرط
19
انُ يَمتى ما أرشد يتزوج أول خلفتو الها تعويضاً لأبنها
ابوية بسُرعة وافق على كلامها و گاللها عمي ابو منصور
تاخذينو من هالشارب
655
لهالسبب هو لليوم ما يرضىى يتزوج يگول حملتو شواربي چلمة
و تعرفوني ما اثني چلمتي لو تاركيني اتحاكم اهون
89
و انا ما اظلم بت الناس الاخذها واحرمها من ضناها
و صابرين بت خالتي تگول اقبل و گلنالو بس هو ميريد
يگول دامها بايعة ضناها من هساع ما استبعد تبيعني
و احتارن امهاتي شلون يقنعو و ميقبل لما أيسن
263
رجعت المحفظة و نزلت ليشوفني
هَيثم صارلو فترة مختفي وروحي يمو شگول عليك يا يابة
عاد چنت ادحك طولو بين اخواني يرتاح گلبي شوية
112
هو أمو متوفية و ابو متزوج وجانت مرت ابو تتفنن بتعذيبة
لما كُبر وصاحب اصدقاء السوء و عاش يمهم وترك بيت ابو
بسَ هم ما يعترفون بديانة احد علمو انُ ربك لو موجود ويحبك
ما تركك يتيم
110
وهو چان مراهق و حالتو تعبانة يريد احد يحتوي صار يسمعلهم
وكُبر على هذا الشي و مِشى بكل الدروب المو زينة اخر شي
صار ضمن الجماعة الي يعرفهم و هساع عايش هو صديقو
بمنطقتنا غادي ارشد سولف قصتو لابوية
و ابوية مايواطنو بعيشة الله
16
مَرة چان هو بالمضيف و انطيت لمحمدنا الچاي سمعت صوتو
لمن رفعت عيني شفتو صافن عَلية ضل رَسمو بدماغي
ونضرتو هذيچ
33
حبيتو و اني ما اعرفو هو نفسو الملحد الي ابوية ما يريدو
اول لقاء جمعني بي اندگ الباب و صحت منو گال ولچ انا
58
فتحتة ودحكت طولو گتلة الولد مو هنا
گال و انا جاي على أخت الولد
256
صرت يومية انتظرو يجينا حتى اشوفو لما صرنة نلتقي بالمزرعة
وعرفت هو نفسو الملحد هو الگالي ورجع حچالي قصتو
و گال أهديني على أيدچ تا افوت الاسلام بيچ
173
بدة ينهدي لكن عقدتو الصلاة و هو بدونها
مايكدر يلتزم بشي لكن شلون اصير من نصيبو هاذي الا معجزة
من رب العالمين و اني كُلي ثقة بمعجزاتو
143
…
يَاسمين
26
صارت شوفة هالبنية جزء من حياتي المن احچي و المن اگول
اكيد يگولون و انتِ شنو شدخلچ
39
و تَعبني هَو يدلعني يوم و يتركني شَهر أحاول اصير قوية
بَس يمة ما أكدر من يروح للواجب احس المحافظة كلها مابيها ناس
اتصلت عليه اجاني صوتة و هوَ يگول .. أششش لتمسلت
49
أرشد : هلا يااابة ناسينة يَول ؟
يَاسمين: اني لو انتَ ؟
– هَساع اني عندي شغل انتِ شعندچ
أبو فَزعة : چذاب الله وكيلچ مگضيها دومنة
604
ارشد : معليچ يريد يخربنا
أبو فزعة : شخربكم اليشوفك يگول باقات الورد و الهدايا تارسات
بابها شكلك مال مسلبچي لتخربة بالحُب
492
يَاسمين : هذا صديقك
أرشد : لا اني عار هذا واحد من جنودي بَس احترمتة شوية أستچلب
صرت ما اگدر امشي بدونة
377
ابو فَزعة: شقصدك اني نعال ؟
– رَحم الله امرءً عَرف قَدر نفسه
298
ابو فَزعة : امداها الدنيا الخلتني يم نقيب عفطي مثلك
و ضحكو بصوت عالي ..
303
أرشد : متروح تحجي وي بناتك نريد نحچي چلبت !
ابو فزعة : لا اعذرني مطفي الانترنيت هسة بس أتصل
يلتمن واچفص يم وحدة بأسم الثانية و يصير الوضع فيطي
487
ياسمين : يقصد بناتة يعني حبيباتة ؟
– امممم .. شونچ
– زينة يعني
27
– راح إسافر سِت إشهر عندي تدريب للولد
– يُمة و شدعوة هلگد ؟
– ليش تشتاقيلي!!
– لا بس يعني هواي نص سَنة
– وراها عندي تَرقية
195
– شوكت تجي ؟
– شوكت ميعجبج اجيج هَسة !
– شسوي بيك بس يعني اگول يعني
– شدي حيلچ الثالث شوية بي صعوبة
– اريد ادخل معهد تمريض مثل دُرة
– نجحي و الله كريم
579
سديتة بس احس نفسي اختنگت شنو سِت اشهر غير اموت والله
و بِدت المَدرسة وراحت ام قيصر جابتلنة ملابس وي رجلها
الي محيرني مَحد تطلع أبد أبد اقوى شي لبيت جدهم ننتظر المدرسة
يوم يوم حتى نشوف الشارع
86
لكن هالمرة صار ياخذنة ابو قيصر و يرجعنة عصام
ويرجعن ويانا فرح و أسيل و مَرة دزلي رسائل على الفيس
ماعرف منين ماخذ صفحتي الي خلاني اجاوبة يعني اسلوبة محترم
205
صار يتردد علينة بالبيت هواي و احنة بالمطبخ نسولف
و يتشاقة وي البنات بس ام قيصر تجي تشاوره ويروح
و مرات يجي ويا محمد اخوهم الصغير
51
ما أعرف بمنو من ينام يفكر بية بَس الي اعرفة اني عقلي
و گلبي ميعترف و لا يقتنع أنُ اكو رجال بالدنيا مثلة
هوَ يختلف بكلشي ..
101
التهيت هالفترة بالدراسة و احاول شلون ما چان الزم نفسي
حتى ما اتصل عليه اريدة هو يتفقدني مو كلة اني
بس ترعبني فكرة يسافر سِت اشهر ورا ما خُلص الشهر الاول
و بقيت محافظة على مستواي بالدراسة
16
چان اكو اجتماع اولياء الامور و تكريم الاوائل بالشهر الاول
حتى يكون تحفيز للبقية و اني من ضمن الي انطوهم البطاقة
چنت اتمنى لو ابوية موجود لو امي ! حتلو بيبي
بس حتى يفتخرون بية مثل الَبنات
100
اني ما گلت لاحد اخذت البطاقة و ضميتها بالجُنطة
لكن بالطريق سَمر گالتلي شفت أسمچ بقائمة الاوائل ليش ما انطوچ
بطاقة گلتلها انطوني و ضميتها شسوي بيها
37
رجعنة و احنة فرحانين باجر ماكو هواي واجب
نداوم بس درسين و نرجع غفران و رونق ما داومن
داومنة ثاني يوم و سَمر بَس تبتسم
– شبيج اليوم طابگات ؟
– شلون يعني منبتسم!
197
خلص الدوام و أني واگفة يم المغاسِل أنتظر سمر
عدلنة ملابسنا و طلعنة بس ما اخذتني من باب الساحة الا باب الادارة
خفت لنترزل و الامهات و الاباء ترسو الكراسي
اجينة نطلع و أشرتلي سَمر بعيونها درت وجهي ..
70
و أشوفة هوَ و ملابَس الدوام السود و البيرية و السَلاح
سَلم على المديرة و مَدت ايدها و تصافحو و أنطاها البطاقة
باوعت لسمر بصَدمة
420
سَمر : رديها الي عود بالمُستقبل
– البطاقة شلون اخذها ؟
– انطيتها لابوي الصبح ينطيهيا
252
مِن الفرحة ما أگدر اخفي الابتسامة هو دار وجهة عيونة تدور
لمن شافني أشرلي بأيدة تعاي رحت يمة خَلة أيدة على چتفي
و بَاس راسي
175
المُديرة : لحد الان هي امانتك ؟
باوعلي و ابتسم گاللها .. وللموت
864
وقع و أترخص منها و طلعنا وسَمر تغمزلي
صعدنا بالسيارة و گال .. عَش يابة مَتخبريني مو گد المقام ؟
يَاسمين: لا بس گلت بالواجب شيجيبك
– عاشت أيدچ خوش درجات تستاهلين الجية
278
نزلنة وهو نزل سلم على اختة وراح بَس اني احس روحي
ملكة زماني و الفرح طالع من خَشمي
هَسة شيصير لو يحبني مثل ما احبة !
519
يومية اخابر دُرة اسولفلها مواقف اليوم كلها هي متطيق ارشد ابد
بس من گلتلها على سالفة الاجتماع گالت لا كبر بعيني
568
…
سَميحة ..
90
چان گاعد أرشد بالهول و ألبنوات يسولفن على يَاسمين
اسيل گالتلنة طالعة من الاوائل
فَرح : و شالفايدة بيها توحد مثل المخبلة
اسيل : لا سَمر دگول بالبيت كلشي مابيها بس هي تحب صديقتها
و متقبل تصادق غيرها
سَميحة : الله أحب هيچ
175
هوَ طلع للكراج طلعت ورا شفتة يرجع الصورة للمحفظة
يعني هم باسها ! شگثر يحبها عَجل ؟
422
بَعدنا گاعدين و شفتو يسحب بعصام و محمد دخلهم لغرفة سَهلة
و قفل الباب صار منسمع بَس صوت فشارو العالي و الضرب
فراس و علي رادو يكسرون الباب بَس هو گاللهم
لحد يكسرو تا ما ادخلو وياهم
259
ضلينة منتظرينو ايمتى يفك عنهم و يطلع عجل غير السالفة چايدة
اذا هيچ يضربهم الله اعلم شمفينين من مُصيبة امي صعد ضغطها
ورحت گتلو يلا فتح الباب دحكت بوجوهم تخوف من اثار الضرب
79
وهو مصرفن ردانو و شرايين گصتو كلها بارزة من العصبية
عش شنو هالموضوع المخلي هيچ عجيب حاولت امي ويا و ماقبل يحچي يحچي فراس و علي لحگو المصيبة فوگ الضرب هذا كلة هم نايمين
86
بالليل صار صياح قوي بالمضيف و ابوية هم اجة ضربهم بَس
ارشد وخرة لان گلة اني بَيست بيهم حاولنا نعرف شنو السَبب
وماگدرنا لحد ما سمعت فراس يگول لعلي
– هو صوچة ارشد عجل يخزن المخدرات بالبيت غير يذبهن
شيعرف عندو المؤدبين
1K
فراس : يعني خزنهن وشلون غير بيتو و متوازي هم جهال ميعرفون
هذا شنو شو اسكت علي اسكت
74
تمنجدنا يعني محمد و عصام يتعاطون يا مصيبتنا
و يعني المَخزون فوگ مخدرات !!!
من ثاني يوم حبسهم بالغرفة الفوگ و صارو يجون اطباء
لجنة كاملة فترة قصيرة و رجع الوضع طبيعي و اجة وكت دوامو
واخذ اجازة سمعتة من يگول لامي سَهلة احمد ربي النسبة قليلة
هستوهم بادين ياخذون
174
كل فترة استلام او تسليم سلاح يصعدون الولد چياس بيض
ورا فترة تجي جماعة تاخذهن بس من سئلتة مرة گالي مادة تنظف السلاح
510
بكل المواقف الي تصير بالبيت اروح اتصنت ادري هالعادة حرام
بس شلون ارضي فضولي اهجسة مرض ولازم اتعالج منة
281
….
يَاسمين ..
27
نزلت من فوگ بعد ما نامن البنات و اخذت التليفون حتى افتح فلاش
طلعت للحديقة و فتحت الباب جستها لگيتها مصخنة غسلت وجهة بالمي
يالله گعدت بس تون شلون يربي !!
43
اخاف اروح اكللهم مريضة و اخاف اسكت و تموت
فتحت التليفون اليمها مابي غير رقم ابو قيصر حاچيتها
متكدر تحچي يربي شلون
15
طلعت من مكانها و اخذت علاج من الكاونتر و انطيتها
كالت اذا تگدرين تساعديني بس گولي لامي اني عايشة
لان ادري بيها راح تموت على فراگي
42
– وين بيتكم ما اندلة ؟
اشرتلي نفس هذا الشارع بس بالبداية و كون محد يعرف
بالاخص ارشد كلتلها اروح هسة ؟
132
ما قبلت كالت باجر صعدت تمددت بفراشي و افكر
شلون اروح لامها و شكللها منو يخليني اروح اذا هي تريد محد يعرف
ثاني يوم گلت لابو قيصر مشتاقة لسميحة متاخذني !
58
هوَ لان اول مرة اطلب منة طلب گال مومشكلة العصر اخذچن
خابرت دُرة كالت لتدخلين معليج هو اخوها
گلتلها لا راح تموت خطية بس ابد ما وافقتني وهي تدري
اني اذا خليتها براسي اسويها
241
چان الجو بارد گلت للبنات و طفرن يحضرن بالملابس
اني أخذت تنورة بيضة و بدي ابيض خفيف فوگا مانتو
وظفرت شعري يجوز هو موجود ! لازم اطلع حلوة
519
طلعنة وصعدنا بالسيارة بَس گلبي يدگ قوي على الخطوة
الي راح اخطيها احس اني راح اغدر ابو قيصر رغم كل الايام
الهادئة الوفرها الي لكن هذا تصرفة غلط لازم انقذها
292
وصلنة للبيت چانو عصام و علي برة طبينة و اني افكر شلون اوصل لهذاك البيت ما جان ببالي غير اقنع عصام ياخذني لان بس هو شوية سبورت
و ميحچي طَبيت جوة من بعيد شفتة گاعد بالصالة يباوع من شاف كل البنات
جايات
– عَجل ياسمين ضلت وحدها ؟
94
طَبيت تحولت نظراتة و نظرات الكل علية
سلمت ونص جاوبو و نص لا اني عندي اهم شي هو جاوبني
كعدت شوية يم البنات و سَهلة و هو يراسل و لا شال ايدة
53
لابس الدشداشة رصاصي و السِبحة بأيدة چانت سودة
أباوع لمَنظر ايدة و المحابس الفَخمة اللابسها ولَمن مَد ايدة سحب الجداحة
حتى يورث جكارة
78
طلعت بالگراج حتى أشوف عصام ياخذني لو لا
امشي و ادعي يارب كون ما انكشف يارب
قبل لا اوصل الباب سمعت صوتة وراي درت وجهي
اشرلي بأيدة تعاي وصلت يمة ابتسم حتى اخفي التوتر الفاضحني
28
أرشد : شعندچ غادي !
يَاسمين : نشتم هوى اذا انتو ساجنينة اربعة و عشرين ساعة
30
أرشد : لا يابة خَوري منو كاضبچ ، بعدين شهالبس !
– شبي .. وافتريت .. اكو استر من هيچ ؟
مَد ايدة بحجة يعدل شعري
78
بالچف الي چان لازم بي السبحة دَخل ايدة بالبدي
فكيت عيوني و هو ابتسم وطلع ضليت بمكاني مفَهية
نسيت حتى نِيران
1.3K
لمن سمعت صوت سيارتة تحركت طلعت مديت راسي
لكيت عصام و علي نفس مكانهم اشرتلة بأيدي اجاني
– تاخذني لبيت اهل ابو قيصر ؟
– شعندج ؟
– مرة شفتها و حبيتها اريد ارجع اشوفها
– اكو احد يدري راح تروحين ؟
– لا عفية بس انتَ لان هم اكيد ميخلوني اروح
69
عقد حاجبة مستغرب من روحتي و توتري بالكلام
عصام : امشي
طلعت ويا و امشي اسرع منة گالي بساع منتظرج هينا
كل ما اتقدم خطوة صوت بداخلة يگول ارجعي
وصلت لباب المطبخ …
845
….
رسُل فهد
