رواية دية الصلح الفصل السادس عشر 16 بقلم مرج البحر
#ديه_الصلح
٠٠٠٠٠٠٠٠٠٠٠٠٠٠٠٠٠٠٠
بارت16
+
احمد : سولاف هاي دنيا كلشي يصير ما نعرف
شنو مكتوبلنه فااريد ديرين بالج عليهم
وعلى نفسج ومن اروح الدوام اريدج مثل
ما انتي تقومين بواجب امي واخواتي مااريد اي تقصير واذا رجعت ولكيت امي راضيه عليج وعد اوديج تشوفين اخوانج
+
سولاف : دلل بعيوني بس صدك راح تخليني اروح اشوف اخواني تعرف احمد كلشي مااريد
بس اروح اطمئن عليهم وهاي هيه
+
احمد : كتلج وعد بس اريدج تسمعين كلامي
+
سولاف : هاي هيه والله اسوي الي تريده
تدري بس اريد اشوفهم حتى ارتاح وبعدهه
خلي اموت والله لو تعرف كميه الوجع الي بكلبي والله ماعدهم احد غيري ربيتهم واني
طفله صرتلهم السند ولميتهم وحتى احسسهم
حالهم حال اي عائله وما ناقصهم شي
+
احمد : ماكو احد مرتاح كل انسان بداخله اوجاع
جنت صغير اكول شوكت اكبر واكون عائله واعيش وياهم بأمان ومرتاح
وهاي اني كدامج تشوفيني تغير كلشي حلمت
بي وتحملت مسؤوليه اخواتي من بعد ما انقتل
ابويه وتغيرت كل حياتنه
+
سولاف : من جاب سيره مقتل ابو بسرعه غيرت الموضوع كتله صدك ليش ما تعشيت
تريد اصبلك قبل لا تنام
+
احمد : لا مااشتهي مااعرف شبيه احس بأحساس غريب
+
سولاف : اني اعرف على شنو جاي تلمح
+
احمد : و وجع على شنو للمح شتقصدين
+
سولاف : جاي تحجي هيج حتى احن عليك
+
احمد : سولاف اريد اكلج شي راح
+
سولاف : اي كول شنو هو
+
احمد : سولاف اني نعجبت بيج وهذا الاعجاب
تحول على حب اي سولاف حبيتج ودخلتي كلبي
+
سولاف : شنوووو شبيك نسيت منو اني
اني بنت اخو كتال ابوك نسيت شلون اجيت وشلون تزوجنه ونسيت شلون جنت تقسي عليه شبسرعه حبيتني وشلون
+
احمد : حبيت وخلص ترى الحب يجي من غير سابق انذار واذا عليج انتي شلون اجيتي وشلون تزوجتج هذا كله ما يهم ترئ مو اول واحد يحب بهاي الطريقه الحب يجي بعد العشره صحيح اني جنت حاقد عليج بالبدايه
و ردت اخذ ثار ابوية بيج وجنت ناوي بس
تجيبين طفل اطلكج بس هسه لا شلت كل هاي التفكيرات من راسي وكمت يوم بعد يوم احبج
وانعجب بيج
+
سولاف : بس اني ما احبك ولا راح انسه شلون اخذتني واذيتني
+
احمد : كتلج جنت مقهور على ابويه وهيج
تصرفت جنت معمي على عيني ودليل على كلامي من بعد ما اجيتي وشفتج وعرفت انتي
مالج ذنب غيرت كل اسلوبي وياج
+
سولاف : انت الحجي ضايع وياك كتلك اني
ما متقبله كل هذا الزواج واني بس لكه فرصه
اعوف كلشي واجع الاخواتي اني واخوتي صرنه ضحيه سبب مشاكلكم واعرافكم العشائريه
+
احمد : سولاف انتي ليش ماتنسين كل هاي الامور وخلي نفتح صفحه جديد هاي قسمتنه
واني تقبلت هذا الشي انتي هم تقبلي وخلينه
نعيش ك اي اثنين متزوجين ليش تصعبين الامور واني والله حبيتج واريد اغير كلشي
+
سولاف : احمد انطيني مجال بلكت بمرور الايام اكدر اتخطى وانسه الي صار واكدر اتقبلك كمت طلعت للصاله لان كلش اختنكت
واني اتذكر اخواتي الي عفتهم واتذكر شلون جان يضربني واذكر سامر رفضته واني احبه بس علمود اخواني وهسه هذا جايني يكلي احبج وفتحي صفحه جديده ليش هو بايدي صاحت عليه خالتي ام احمد
ارجعي لغرفتج احمد باجر يروح الدوام شوفي شنو يحتاج جهزيله اغراضه مو عايفته وكاعد هنا روحي يله لو بس محسوبه عليه مره
+
سولاف : ان شاء الله خاله
رجعت للغرفه هسه شحجي واني مااريد اسمعه لو احجي وياه هذا منين طلعلي بهاي السالفه
دخلت للغرفه واني الخنكه كاتلتني
+
احمد : وين عفتيني وطلعتي
+
سولاف : الله يخليك احمد والله الخنكه موتتني عوفني البيه كافيني
+
احمد : ماشي عل راحتج سولاف اني ما اضغط عليج وخليهه بالج انتي زوجتي وما اتخله عنج مهما يكون يله كومي جيبيلي مي
وتعالي نامي اني باجر وراه كعده من الفجر
+
سولاف : رحت جبت مي نطيته و اتمددت
ومن كثر التعب والتفكير غفيت بلا وعي بنص لليل حسيت على احمد يشتم بشعري ويمسح على خدي سويت روحي غافيه مسح على شعري ونام واني هم نمت الصبح كعدت سويت اكل و احمد سبح وبدل واجى اكل
وكام للغرفه صاح عليه اجيت من دخلت قفل الباب وحضني حضنه قويه گال اني رايح
اتمنئ ارجع الكه ناسيه الماضي ونبدي حياة جديده باوعت بعيونه بيها لمعه انقهرت عليه
بوسته و ودعته كتله تروح وترجع بسلامه وانت هم اعذرني لان والله مو بيدي الي صار وياي مو قليل واعرف البارحه جرحتك بالكلام
اني اسفه واكول ان شاء الله بمرور الوقت اكدر انسه
+
احمد : الله كريم واني عاذرج واني كتلج ان بسبب قهري على ابويه تصرفت وياج هيج
واتمنى انت تسامحيني وان شاء الله اكدر اعوضج على كلشي وبعد ما اوصيج ديري بالج على نفسج وعلى امي واخواتي واني اعرف
انتي قويه وسباعيه لذلك كتلج ديري بالج عليهم يله اودعناكم اشوفج بخير ها قبل لا اطلع يمج بالمجر المفتاح مال الكنتور اذا تحتاجين اي شي افتحي واخذي فلوس شنو يلزمج يله اني رايح
+
سولاف : الله وياك
طلع احمد وطلعت وياه الباب ردت اسد الباب لتفت عليه باوع بعيوني اشوف بيهن حجي
رجع باس راسي ومسح عليه وكال يله دخلي وسدي الباب سديت الباب ودخلت الصراحه كلش انقهرت عليه نضرت عيونه وكلامه
مااعرفت شنو تفسيرهم ضليت افكر بكلامه
ساعه انقهر عليه وساعه اكول لا تنسين شنو سوه بيج ضليت افكر لحد ما نمت كعدت قبل الضهر لكيت فايتني الوقت ركضت للمطبخ علمود اسوي غده لكيتهم وجوهم مكلوبه
+
ام احمد لتسوين شي احنا مامشتهين شي
يمه حمودي ليش رحت ولك راح يضل كلبي
معلعل منا لمن تجي سوده بوجهي ولك يمه
+
سولاف : ليش خاله ما تشتهون هو وين رايح
كله كم يوم ويرجع وانتي لا تضلين تقهرين
بروحج مو زين على صحتج
+
ام احمد : عبالك مرتاحه من راح اي اكيد تكفين يموت حتى تخلصين
+
سولاف : لا والله خاله ليش هيج تكولين
الله يرجعه بسلامه للج
+
ام احمد : گلبي نار على وليدي اخاف اخسره
ما عندي غيره
سولاف : ان شاء الله ماكو شي اذكري الله
لا تفاؤلين عليه ادعيله الله يحفظه
+
ام احمد : ان شاء الله خير بس والله كلبي
مو مرتاح
+
سولاف : خاله روحي رتاحي وادعيله وان شاء الله ماكو شي هاي لان ما متعوده يبعد عنج
راحت الغرفته واني هم وجعني گلبي عله بس لا صدك يصيرله شي
فكرت بي البارحه شلون يحجي وشلون مهموم
كلش ضجت وضليت طول اليوم افكر بي واعصابي مشدوده بعدين صفنت على روحي ليش اني افكر بي ومهتمه هو اذاني و ضربني
لا سولاف لا يصير كلبج قاسي مع هذا هو ماقصر وحاول يصحح غلطه واعترف بحبه
اكو اضطراب بين عقلي وقلبي وماانسى شلون من حسيت علي يشم شعري
ومن يحضني ومن اعترف واللمعه البعينه
كلهم ابالي طلعت كعدت بالحديقه والتفكير ماخذني مر اول يوم ثاني يوم اتصل وطمنه عليه ومرت الايام وصار على روحت احمد ٣ اسابيع اتصل بينه كال اني باجر انزل امه واخواته كلش فرحو نمت كعدت الصبح امه
كالت وصيت على سمج وجابو احمد يحب
السمج بالتنور سوي وسوي وياه تمن زلاطه
كتله دللي خاله هسه اسوي رحت المطبخ حضرت الاكل طبخت التمن وجهزت السمج
رحت شغلت التنور خليتهن بي ورجعت
مااعرف ليش حبيت اعدل نفسي واحس فرحانه الجيت احمد رحت طلعت ملابس دخلت سبحت وطلعت خليت ماسك الوجهي
انتضرت شوية وغسلته وخليت كحل وشويه مرطب شفه وتعطرت رتبت الغرفه وغيرت فرشه الجربايه وعطرت الغرفه حضرت ملابس احمد خليتهم على الجربايه وطلعت رحت
المطبخ وحضرت بعض الشغلات صار الضهر
احمد بعده ما رجع رحت على خاله كتله خاله
شوكت يوصل صار الضهر خابرتي عليه
+
تم احمد : هو خابرني البارحه العصر كال باجر اني انزل الضهر ان شاء الله يمكم هسه اخلص
صلاه واخابره
+
سولاف : ان شاء الله خاله رجعت المطبخ
حضرت المواعين وللبن وحضره رحت طلعت السمج من التنور فات الوقت وهو ماكو صارت
الساعه ١ الضهر هو ماكو خابرنه عليه جهازه
مغلق صار العصر هو ماكو اي خبر ومر الليل كله ام احمد كاعده واني خايفه انام وتجي تسمعني كلام ورجعو يتصلون بي مغلق
الصبح البيت كأبه والكل دايخين وهدوء
كامت ام احمد راحت لبيت كرايبهم علمود تكول الهم احمد ماكو رحت عليهم وجت كرايبهم يتصلون ماكو اي خبرصار الضهر اني ردت اخرب من الجوع طلعت شويه خبز وجبن
سويت لفه اكلت بالبوكه رجعت عليهم امه
دك وتلطم واخواته يبجن من صدك كسرو كلبي
وهم خلص اليوم وماكو اي خبر من عنده تاخر الوقت صارت الساعة ٢ ونص بليل كلت خلي اروح انام شويه لان تعبت حيل البيت صاير
هوسه من الناس كرايبهم وكل ساعه جان ومي
رحت نمت وحسيت على صوت العياط
يمه اسم الله شصار طلعت مثل المخبله حتى شال ما لبست لكيت البيت بي وجوه مااعرفها والنساوين تملخ بروحها
+
،،،،،،،،،،،،، يتبع
+
#مرج_البحر
+
