رواية دية الصلح الفصل السابع عشر 17 بقلم مرج البحر
#ديه_الصلح
٠٠٠٠٠٠٠٠٠٠٠٠٠٠٠٠٠٠
البارت__17
+
سولاف : ركضت على أمل صحت عليها شكو شصاير
أمل : مصيبه وكعت على راسنه ولج ارهابين هاجمين على المقر الي بي احمد وماخذيهم
ولج راح يكتلوهم سوده بوجهي ياخويه
+
سولاف : عززز شلون هيج صار ليش هو مكانه
هيج خطر
+
أمل : ولج الوضع مو زين ويكلون صاير انقلاب وبايعيهم اللارهاب
+
سولاف : عززه ليش هيج صار يمه كلبي يالله ليش وياي ياربي شسويت حتى اتعاقب بهيج عقاااب ياربي اخذني
لمن صار زين وبديت احس بالامان ويا تاخذه
طكيت من البجي لدرجة الكل انتبه عليه
رحت على خاله ام احمد الي ملخه نفسهه توسلت بيها على كيفهه وي روحه وان شاء الله يرجع و مابي شي جانت حالتها تكسر الخاطر وكل ساعه تطلع بره تريد تروح عليه اشوفه مثل الطير المذبوح كعدت يمهه
واهون عليه
مااحس الا وحده كبيره بالعمر جايه تدفرني
وتصيح اتشفي بنت القندره انعل ابوج لا ابوه الخلف والله اذا صار عليه شي روحج مقابل روحه صفنت عليه هاي شبيهه قابل اني شعليه
شنو اني موديته وكايلتله روح لو اني انطيته
الهم
كمت عنها ودخلت لغرفتي يالله شبيها الناس وياي هسه اني عايزه
لحكتني أمل للغرفه فتحت الها الباب
كالت لتحجين شي وحاولي لتطلعين هاي عمتي اخت أبويه ترى تأذيج ومنكدر نسوي شي ابقي هنا
+
سولاف : ماشي بس فدوه لكلبج اذا سمعتي شي جديد كوليلي
+
أمل : ماشي
+
سولاف : احنه جاي نحجي ودخلت عمته موتتني من الكتل عضتني من ايدي وملخت
شعري بلكوه خلصتني أمل من عدهه اخذتهه
وطلعت
كمت ركض قفلت الباب وكعدت اندب على حضي
عشت برعب يومين بلا اكل أمل اجيبلي اكل ومي بالبوكه
كضيتها لو نايمه لو ابجي اكعد احجي ويا نفسي ليش هيج جاي يصير وياي ليش ياربي
ضليت الليل كله كاعده الصبح وجان الصبح الاسود سمعت صوت عياط قوي والدنيا احتركت كمت لبست شال وطلعت
لكيتهم ملخين نفسهم واسمعهم يكلون كتلوهم كلهم جماعه قتلهوهم قتل دفنوهم وقسم قتلوهم وشمرهم بالمي
+
ماااااات احمد
اي مات شهيد مات هو كان احد ضحايا 1700شهيد مات هو كان من ضمن الي قتلوهم وشمروهم بالمي شايفينه بالتصوير
هذاك اليوم الي بي راحو ضحيته شباب بعمر الورود هذاك اليوم الي خله النايحه لكل بيت
هذاك اليوم الي فجع كلب كل والده والي كسر
كلب كل اب والي يتم كل طفل ورمل كل مره والي كسر ضهر كل اخ وخت اوووف
+
بقيت جامده بمكاني وبس ادموعي تنزل واني اشوف ام احمد الي مال تحملت الخبر وتخربطت وشلوهه المستشفى واني اشوف
كدامي اخت احمد الصغيره وهيه نصدمت وما تحملت خبر استشهاد اخوهه وكانت صدمه جبيره عليهه لدرجه خلتهه تفقد حياتهه وروحه فارقت جسدها حتى قبل لا يلكون
جثه احمد وامه من صدمه الخبر ضربتهه جلطه بقيت مااعرف شسوي احس بشي نكسر بداخلي نفس ذاك الاحساس من مات عمي
اعيط بس مااسمع صوتي كل هذا صار كدامي
وصار بدل الفاتحه فاتحتين بدال الفاجعه فاجعتين وخلصت فاتحته وهو حتى قبر ماله
+
عليه
بعد فتره
جنت مدخله ام احمد الحمام اسبحه سبحتهه
وطلعتهه لبستهه ملابسهه ومشطت شعرهه
رحت جبت اكل وكلتهه لان خطيه ايدهه ماتكدر كملت جبت انجانه بيهه مي وغسلت
ايدهه وحلكهه هاي يوميه اني اوكلهه واغسلهه
نشفتلهه بالخاولي وخيتهه بفراشهه وغطيتهه
ردت اطلع لزمت ايدي كالت سدي الباب وتعالي اكعدي اريد احجي وياج رحت سديت الباب وجيت كعدت يمهه على الجربايه
+
گالت بنيتي شنو سبب هذا الحزن على ابني
وليش انتي هيج مهتمه بيه بعد كل الي سوينه وياج
+
سولاف : اذا على حزني على احمد هو حاول يصلح غلطه واعترفلي بحبه هذا السبب الي خلاني احزن واذا عليج ليش مداريتج اول شي انتي مره جبيره بالعمر وماعندج احد والسبب الثاني هو جان يوصيني بيكم وهذا
اقل شي اكدر اقدمه اله
+
ام احمد : اوووف يمه وليدي يا ابو كلب الطيب ليش تركتني ورحت لييش
ولج جان يوصيني بيج يكول يتيمه خطيه ديري بالج عليهه ومالهه اي ذنب اووف يمه
ولك ليش رحت
+
سولاف : ماكدرت اتماسك نفسي وبجيت ام احمد حضنتني وتبجي وياي وتكلي يمه سامحي كتلهه خاله مسامحته دنيا واخره
+
مرت ٣ اشهر على الفاجعه انتهى كلشي
والناس نست حتى بعد محد يجي واحنه
محد بقالنه اني بهاي الفتره ابد ما تركت ام احمد مهما يكون مره جبيره على الاقل اكسب بيهه اجر واني يوم بعد يوم حالتي تتعب
ومااعرف شيبه كله تعبانه ونفسي تلعب والشهريه باايام الفاتحه اجتني شي قليل ونقطعت وبعد مااجتني ما كان بالي شي غير بسبب
التعب والقهر تخربطت عندي وما مخليه بالي
اي شي واني نفسيتي كلش تعبت وما طايقه
احد
وبيوم من الايام جنت بالاحمام اسبح ام احمد
كملتهه ولبستهه ملابسه وطلعتهه على كرسي متحرك لا هيه جبيره بالعمر ومنا ايدهه ورجلهه فما تكدر تمشي طلعتته الغرفه وشويه
ولان جايه عمت احمد وهاي حاطه راسهه براسي كل ما تجي تسمعني حجي ومن غير
الضرب اجيت خليت ام احمد بفراشهه جان
تكلي عمته ولج روحي سويلي جاي لا تضلين
واكفه كدامي مثل شمعه الفكر ما حاجيتهه
خليت وطلعت لان كلش مالي خلكهه واني احس روحي دايخه فد مر رحت المطبخ
خليت القوري على النار وحضرت الصينه وخليت بيهه الاستكاين ومي وانتضر يخدر
الجاي كملت صبيت الجاي ورجعت الغرفه
مال ام احمد وصلت الباب واسمع ام احمد
تكلهه على بختج خيه الابنيه بعدهه حزينه
حتى العده ما مخلصتهه شني السالفه خيه
شنو مشتريهه حتى دم ولدي بعده ما برد
وثاني شي الابنيه يتيمه خافي الله بيهه
اني عفتهم ورجعت الصينيه المطبخ ورجعت
الغرفتي وحتى ماعرفت على شنو يحجن
بس عرفت عليه الحجي وما خليت بالي
كلت مثل كل مره على ابو هيه بنت اخو كتال
اخوي من هاي السالفه رحت تمددت على الجربايه واني التعب ماخذني منا الحزن ومنا
ام احمد الضهر اجتي امل دكت الباب كالت
سولاف امي تريدج كتلهه هسه بس جان وجهه
مكلوب كتلهه عمتج بعدهه موجوده كالت لا ولت البيتهه بقيت صافنه ليش هيج تحجي
عليهه طلعت رحت الغرفه ام احمد
كتلهه ها خاله رايده شي
+
ام احمد : سولاف تعالي بنتي كعدي يمي احجي وياج
+
سولاف : تفضلي خاله احجي
+
ام احمد : شوفي بنتي اني بعد مالي شي يمج تكدرين تروحين اني مسامحتج واريدج انتي هم تسامحيني روحي لخوانج واني حزني على وليدي وبنيتي هد حيلي وكسرني وانتي
حزنج على احمد ومداراتج الي كسر كل الحقد والقهر روحي شوفي حياتج يا بنتي
+
سولاف : صدك تحجين خاله
+
ام احمد : اي بنيتي روحي ولو اني ما ردت تروحين اريدج تبقين على الاقل اعوضج
عن الايام الي ضلمتج بيهن بس هسه مااكدر
اخليج لان يابنتي صح الحقد الي بداخلي مات وي موتت وليدي وبنيتي بس ما مات جوه كلب عمتهم وهيه اليوم جايه تريد تاخذج الابنهه وتريد تخليج خدامه جوه ايدهه حتى ماخلت احترام الابني وانتي حتى العده ما مخلصتهه بنتي اسمعيني اني مااكدر احميج
منهم خلي يصير الليل واخذي غريضاتج وروحي
+
سولاف : خاله تحجين جد شنو تاخذني الابنهه
شنو لعبه باديهم
+
ام احمد : اي بنتي هذا الي تريده الحقد عامي كلبهم
+
سولاف : ماشي خاله واني اشكرك
طلعت من يمهه واني دايخه معقوله اكو ناس هيج تفكر حضرت الغده محد اكل جانو ضايجين من تصرف عمتهم ام احمد خطيه
خلصتهه تبجي تنعى على ابنهه وبنتهه وامل
هم جانت تحجي على عمتهه وكلش ضايجه
بس مايكدرون يحجون يخافون من عدهه
رحت دخلت غرفتي اني فرحانه واخيرا راح
ارجع الاخواتي واخويه وبيتي ونفس الوقت
مقهوره على ام احمد واخته بس ما بيدي شي
لان اذا بقى مو بعيده هاي عمتهم تسوي الي براسهه حضرت اغراضي وملابسي خليتهم
بالجنطه ورتب الغرفه طلعت ملابس رحت
سبحت وخلصت اتذكرت المفتاح الي كال عليه
احمد طلعته كلت انطي المفتاح الامه اجيت
اطلع بس صار عندي فضول اعرف شنو موجود وليش مقفوله فتحت باب الكنتور
لكيت بي اغراضه الخاصه واكو صورت ابنيه
شلتهه اباوع منو هاي ضليت ادور بين الاغراض لكيت اوراق وافلوس ماتقربت عليهم
خليتهم بمكانهم ولكيت شال نسائي شلته جان
بي رساله فتحته وقراة اول سطر وسديتهه
عرف هاي مال حبيبته هيه كانت الي بصوره
كلبت الصوره جان كاتب عليهه بيت شعر وجان اسمهه جوه بيت الشعر جان اسمهه ازهار رجعتهه بمكانهه انتبهت اكو دفتر صغير
اخذته وتذكرت هذا الي جان احمد يكتب بي
بليله من راد يروح الدوام فتحت الدفتر اكلب
بين الاوراق اكو كتابات وتواريخ قديمه عرفت
هذا مذكرات وهو كاتبه انتبهت اسمي موجود
اخذت الدفتر وكعدت على الجربايه وبديت اقره الصفحات اول صفحه جان شلون يوم الي اخذني من بيتي بسرعه ضجت وما حبيت اكمل كلبت الورقه الثانيه شفت هو كاتب كل الي صار وياه لحد ما وصلت الاخر صفحه
الي هيه كانت اخر لليله وياي وبديت اقره
ودموعي تنزل قريت وكانت الكلماته مثل سهم بكلبي اني جاي اقره دخلت أمل كالت سولاف
يله بسرعه خلصي حتى تروحين قبل المغرب
اني كلت الولد جيرانه يوصلج كومي خيه بسرعه همي ايدج كمت سديت الدفتر ورحت
قفلت الكنتور بعد ما رجعت كلشي المكانه
بس الدفتر اخذته حبيت اعرف كلشي عن احمد طلعت غراضي وسديت باب الغرفه
وطلعت واني تركت كل ذكره مؤلمه داخل هاي الغرفه رحت على ام احمد وانطيتهه المفتاح وكتلهه هذا احمد انطانيه قبل لا يروح هيه اخذا المفتاح وباسته وكالت عمت عيني عليك يمه وابد ما بطلت بجي سلمت عليها مسحت ادموعهه وكالت
+
ام احمد :الله وياج بنيتي وسامحيني وسامحي وليدي روحي بنيتي الاخياتج واخيج بس لتنسين عندج ام
+
سولاف : منو الام خاله
+
ام احمد : اني امج لتنسيني عود زوريني
+
سولاف : بعيوني خاله
بست راسهه وطلعت هيه زادت بالبجي
اجت أمل كالت خيه اعذرينه اذا فد يوم اذيناج
والله ياخيتي جنه مجبورين والحقد عامي عيونه وكلبنه لان ابويه جان عزيز علينه
كتلهه معذوره وبوستني وتشكرت من عندي
على الي سويته وي امهه وطلعت وياي
وصلتني للشارع ونطتني مبلغ كالت هذا مصروف الج وكالت الولد وصلهه مثل ما كتلك
كالهه صار خويه رجعت هيه البيت واني صعدت السياره والله ما مصدكه ياربي الف الحمد الك والشكر راح ارجع البيتي
مشت سياره واني اتذكر شلون من اجيت هنا
ومرت كل لحضه كدام عيني وهسه ودعت كل هاي لحضات واني راجعه الخواتي
مشتاقتلهم حيل شوكت اوصل واشوفهم
اوووف شطوله الطريق احس السياره مو سريعه لهفتي لأخواني موتتني
وصلنا البيت نزلت ودموعي وحدهن يوكعن
الولد خطيه نزل غراضي كال يله خويه دكي الباب حتى أمن عليج قبل لا اروح كتله خويه مشكور ما قصرت تكدر تروح هو صعت سيارته وراح واني وبلا وعي ركضت ادك الباب
بكل قوتي انفتح الباب ….
+
يتبع …..
+
#مرج_البحر
+
