رواية دية الصلح الفصل الرابع 4 بقلم مرج البحر
البارت4
هل تعرف معنى ان تعيش واقعاً
لا يشبهك مرغماً على العيش به
وكل محاولاتك للتخلص منه بانت
بالفشل هكذا هي حياتي ….
✍#مرج_البحر
سولاف :صار الليل وماما مجابت عصير
اني تعمدت وكلت الها ماما شنو اليوم ماكو عصير
كالت لا اليوم استراحه
امنت وكلت الحمدالله يمكن الله سخرني اسوي هيج علمود يخلصنا من هذا الحقير
مرت ٢٠ يوم احنا مرتاحين و ماما متطلع من
البيت قليل بعد فتره رجعت ويانه على العصير
واني ثوله اول يومين اشربه طيب
نسيت سوالفها كلت مرت فتره اكيد ماما تركت
هاي المواضيع وحتى جنت مقرره ارجع الذهب
بمكانه
بس رجعت لنفس الحاله الصبح اكعد جسمي
يوجعني ونعسانه وطخت يمي عرفت ماما
عدها شي
اليوم الثالث جابت العصير وشمرته من الشباك
وكعدت بفراشي انتظر الى ان صار الوقت بس
هاي المره دخل غير ذاك الرجال صديق بابا هذا جان لابس عسكري
وماما جانت مجهزه روحها على الاخر
وكل عاده صار الي صار واني اباوع على ماما
بنظره حقد وكره
مرت ايام على هاي الحاله صرت اني اشرب
العصير علمود ابتعد وانسى الي ديصير
بعد ما اكتشفت قذارة ماما كرهت كلشي
والي عرفته بعدين انو ماما مشتكيه على
صديق بابا ومتهمته بسرقه الذهب ومخلينه
بالسجن والي دخله السجن هو نفسه عقيد
سالم الي خابرته وهددته بي وهو نفسه الي
اجه البيت
بقينا على هاي الحاله اسنين اني وعيت وعرفت كلشي كبرت صار عمري ١٧ سنه
وماما صارت هيه تطلع بالليل
وانتقلنا بغير منطقه حتى تبتعد عن كل الاقارب ماما باعت البيت واخذت بيت بمنطقة
راقيه ومابيه احد عرف و قريبه على المدينه لان بيتنه القديم قريب على القرى يعني صاير
بطراف مدينه بابل
واشترت سياره الها
مع مرور الايام صرت عداوه وياهئ
وصلت الها الفكره وكلت انو اني اعرف كلشي
من مات بابا
عصبت وضربتني وهددتني تتركنا اذا اعيد
الموضوع
فد يوم اجى عمو زياره وبقى يمنا يومين
واشوف نظراته على ماما مو طبيعيه
راد يطلع للاسواق وكال تعالي سولاف نطلع
سولاف: اي عمو بس ابدل ملابسي
عمي : لا حبيبتي بالسيارة تبقين ميحتاج تبدلين
سولاف : اوك عمو صعدنا بالسياره وطلعنا بالطريق
سئلني
عمي : شوفي سولاف حبيبتي انتي بنت اخويه واني بمقام ابوج الله يرحمه كوليلي انتو مرتاحين هنا
سولاف : اي عمو مرتاحين الحمدالله واني ملتهيه بدراستي
عمي : سولاف حبيبتي اريدج تحجيلي كلشي
وبصراحه واذا كذبتي مااحجي وياج بعد لأن
اني اكيد راح اعرف الحقيقه
ولازم اجاوبيني وبيني وبينج محد يعرف يبقى
سر .
سولاف : شنو تريد تعرف عمو اني احجيلك
عمي : احجيلي عن امج الصراحه اني ممرتاح
الها شكلها مو راحه
سولاف : نزلت راسي ولا ارادياً نزلت دموعي وعرف بيه اكو شي
عمي : حبيبتي سولاف ليش تبجين احجيلي بنيتي اعتبريني ابوج
سولاف : عمو شحجي الكلام يخجل
عمي : احجيلي لتخجلين مني ترى ازعل عليج
يله احجي حتى انزل اجيبلج شي حلو
سولاف : عمو اسمعني ماما مو شريفه
ماما من مات بابا صارت اجيب ناس للبيت
وتقضيها سهرات وحتى صديق بابا الي جان يجينه من بابا عايش هم صار يجي البيت بليل وجانت تحط منوم بالعصير
ونشربه
وباعت بيتنا واجتي هنا وصارت تروح بالليل
مااعرف وين ومتجي للفجر وع الاغلب تجي
بحالة سكر وملابسها مخربطه ولمن حجيت
وياهه ضربتني ومن كنت بذاك البيت صديقتي
كالتلي عمها ضابط ومسوي علاقه ويه ماما
واني صرت اخجل
وحتى مستواي بالدراسه اتراجع كلش
عمي : ايا بنت الحرام والله جنت شاك بيها وكم مره اطلب من عمامج ناخذكم وما يقبلون يكولون ابيتهم وامهم وياهم افضل تالي طلعت
كحبة
سولاف : فدوه عمو الزم اعصابك ولا تسوي مشاكل والله احنا نتأذه مو هيه
عمي : ماشي بنتي اني اتصرف
سولاف : شلون شراح تسوي
عمي : اليوم اخذ زوجتي ونرجع للبيت واجي اني أجر بيت او بالفندق واراقبها وهسه راح
اشتريلج تليفون وخط ونتخابر اني وياج
سولاف : تمام عمو براحتك
نزل عمو واشترى تليفون يجنن موديل جديد لون ذهبي وخط ورصيد
كلش فرحت واخيرا صار عندي فون ممصدكه
لان الصراحه ماما كانت هاملتنه وما تشتريلنه
شي حتى من كان بابا عايش هو كان يطلع يشتريلنه ملابس وحتياجات هيه كانت بس النفسهه المهم
رجعنا للبيت وعمو اخذ زوجته وراح ماما كالت شنو هذا
ليش اخذه الج
سولاف : هو كال علمود يتصلون بينا ويطمنون
على اخبارنا
ام سولاف : ماشي بس ممنوع يشغلج عن دراستج
كبر الج ول عمامج
تركتني وطلعت ما اهتميت الها بقيت كاعده
واحاول اتعلم علي
بعد المغرب سمعت ماما تحجي بالفون وضحكتها عاليه ما اهتميت الها
اتصل بيه عمو وكال ها شكو ماكو
سولاف : ماكو شي
عمي : بنتي شوفيها تطلع اليوم و رجعيلي جواب انتظرج بعد ساعه اتصل اني جاي بالطريق
سولاف : تمام عمو طلعت من الغرفه ولكيت ماما
كاعده بغرفتها ترتب بروحها كلت الها ماما اليوم تروحين لبيت صديقتج
باوعت عليه صفح كالت اي اروح خير تريدين
تمنعيني
سولاف : لا مجرد سؤال عادي
ام سولاف : لتسئلين بعد اي اروح صديقتي مسويه عمليه
ولازم اروح انام يمها واجع الصبح انتي اقفلي
الباب ولتفتحي لأحد واذا صار شي اتصلي
عليه هذا رقمي احفضي يمج
سولاف : تمام ماما صار
اخذت الرقمها وحفضته وانتظرت عمو يتصل
كعدت ادرس وصارت الساعه وتصل عمو
جاوبته بصوت ناصي كلتله عمو راح تطلع ماما
ومااكدر احجي اخاف تسمعني
كال اوك بنتي روحي لتسمعج سد الخط وراح
اني صرت قوية و ماانكر الخوف الي بداخلي
المهم صارت الساعه ١١ تعشينا وكملنا ودخلنا
للغرفه انام وماما اخذت جنطتها وطلعت
قفلت الباب علينا وراحت
اتصلت على عمو وكلتله ماما طلعت كال اوك
اني واكف انتظرها اشوفها وين تروح
سولاف : اوك عمو بس بداعتي رجعلي جواب كلبي نار
عمي : لتخافين بنتي وداعتج ميصير كلشي
اني مراح اسوي وبدون اي مشاكل اطمئني
حبيبتي
سولاف : عمو اذا عرفت انو كلامي صح شراح تسوي
عمي : ما اسوي شي بنتي اجي اخذكم تعيشون يمي واخليكم بعيوني
سولاف : تسلم عمو اني احبك هوايه
راح عمو ودعيت من الله يعرف الحقيقه علمود
اخلص من القذاره العايشه بيها
كمت فتشت بالغرفه مالت ماما ولكيت ذهب
وفلوس هوايه بالدولار
اخذتهم وضميتهم وكلت اذا رجعت و مصار شي اني اكول الها سمعت صوت وخفت عبالي
حرامي وضميتهم
واذا صارت مشكله اخذهم كلهم وياي الذهب
الي اخذته قبل بقى بذاك البيت ومناسيته
خليته للزمن وفكرت اذا كبر اخويه اخلي يطلعه ونقسمه حسيت بالمسؤليه برغم صغر
سني
بقيت انتظر هوايه صار الفجر وعمو ما رجع
ولا اتصل وماما ماكو عنها اي خبر مو من
طبعها تتأخر لبعد الصلاة
كمت صليت وجسمي كله يرجف ومابيه حيل
بالكوه كملت الصلاة عرفت او حسيت صاير
شي مو زين
اجيت للفراش وماكدرت انام طلع الضوه
وماما ماكو صارت الساعه ٥ ونص طلعت
الشمس وماكو اي خبر
اتصلت بعمو ميجاوبني كررت الاتصال ٥ مرات
ماكو جواب رجعت اتصلت على ماما ونفس الحاله مجاوب انجنيت معندي ارقام احد بس
ماما وعمو
لن أنسى تلك اليلة التي فضيتها
في فراشي كجثة هامده قد أنسى
كل شي اتذكر بوضوح ذلك الشعور
الذي نهش جوفي …
✍#مرج_البحر
صارت الساعه ٨ وسمعت صوت الباب ركضت
طلعت ماما بس ترجف وتبجي وحالتها كلش
صعبه
كلت الها شبيج ماما شصار
ام سولاف : معليج عوفيني ارتاح ليش كاعده لهسه
سولاف : مكدرت انام سمعت صوت بالبيت عبالي حرامي وخفت
ام سولاف : امشي نامي
سولاف : ماشي
اجيت للفراش وزاد بيه الخوف كررت الاتصال
بعمو وبعد معاناة رد عليه
الو عمو وينك ليش مجاوب
جاوبني بس الصوت مو عمو كال
انتي منو وشنو تصيرين من صاحب هذا الجهاز
سولاف :العفو اني بنت اخو سولاف
انت منو وليش اجاوبني لعد عمو وين
الرجال : اني ضابط شرطه واحنا لكينا عمج
مقتول والجهاز مالته بي رمز وما كدرنا نوصل
لأهله اتصلي بيهم خلي يجون للمركز
بالمنطقة ال …؟
سولاف : بين الصدمه والرعب والهبطه مااعرف
شصار بيه
اصيح بكل صوتي وما اسمع روحي
حسيت على ماما واخواتي يمي وماما تبجي
تكول شكو
سولاف : عمو مقتول هسه اتصل بيه الضابط
لج يوم الحكيلي فدوه
ماما اتخربطت ومتعرف شتسوي وجها انكلب
ليمونه
اخذت الجهاز مالتي وكالت اسكتي معلينا احنا
حاولت بكل طريقه بس علمود تتصل ب عمامي مقبلت وكالت احنا خارج قوس ومالناعلاقة
عرفت انو هيه الها يد بالصار لعمو وقررت مااسكت …
…… يتبع
