رواية دية الصلح الفصل الرابع عشر 14 بقلم مرج البحر
شويه ورجع كال
احمد : يمه خابرني صديقي اسمي طالع وراح
اروح للجيش
ام احمد : ولك حميد هم رجعنه الهاي السالفه
احمد : يمه الله يخليج لا تعرضين بطريقي
جماعتي كلهم صارو بالجيش ليش اني ابويه
الله يرحمه وكف بطريقي انتي هم لا توكفين
ام احمد : اصخام بوجهي ولك يمه هو بس انت بقيت تريد تفجع كلبي وبعد نار ابوك بكلبي
احمد : يمه شنو السالفه شنو قابل رايح حرب
شو حالي حال جماعتي شنو كلمن راح عسكريه مات اذكري الله
ام احمد : ولك يمه انت مو عفتهه شنو رجعك على هاي السالفه ولك تريد تموتني
احمد : يمه بسسس كليلي اني شنو مسوي حتى اموتج يمه اني راح اروح اخلص تدريب واشوف وين المكان الي يخلوني بي
وبعدين اسوي نقل هنا بالمحافظه
ام احمد : ولك يمه اني مااريد اخسرك زين احنه منو النه هو بس اني وخواتك ما تفكر
اذا تروح منو يبقالنه
احمد : يمه ابوس راسج لا تعرضيلي يمه اني من زمان اريد اروح جماعتي كلهم طلع اسمهم وراحو بس اني
مرتين اقدم عليهه وبسببكم انتي ابوية اعوفهه
اني مو طفل ولا اني جبان واذا على الموت كتلج كلمن بيومه
ام احمد : اسم الله عليك يمه يحفظك الرحمن
وليدي يومي قبل يومك هاي هيه يمه سوي الي تريده
سولاف : اني مااعرف على شنو يحجون بالضبط بس وجوهم انكلبت وحتى الغده ما كملو لميت المواعين وغسلتهم وسويت جاي
انطيته الهم احمد جان بالغرفة اخذتله الجاي
وشفته يدخن بكثره وصافن كلتله احمد هذا الجاي
احمد : رحمه على والديج
سولاف : شبيك وين صافن
احمد : انقهرت على امي تخاف عليه امي ما تريد تقتنع اني كبرج مو جاهل مرات اضوج من تصرفاتهه ومرات انقهر عليه اكول حقهه بس اني الها بعد موت ابويه
سولاف : زين اذا انت مقهور عليهه ليش تروح عوف الموضوع
احمد : ولج شنو اعوفه واني من زمان رايدهه
ولج دفعت فلوس بس حتى يطلع اسمي
ابويه جان مقيدني مي خليني اخطي خطوه
كم مره طلع اسمي ويرفض ويزغرني كدام جماعتي بس هسه محد يوكف بطريقي
سولاف : لعد شراح تسوي بهاي الحاله وامك
خطيه مقهورهه
احمد : اني احجي وياهه وافهمه
سولاف : الله كريم بس ابوك ليش جان ما يقبل
احمد : اي جان رافض ومن عرف ابويه كلب الدنيا عليه يكلي انت مكانك بالارض وزرع ويكلي انت مال عسكريه حتى شخصيه ماعندك حالك حال الحرمه واني جنت اضوج بس مااكدر احاجي لان مهما يكون يبقى ابويه جماعتي كلهم راحو ومن بعد ما مات ابوية كلت لازم اروح خابرت الولد صديقي حتى يرتبهه الي لان همه دفعتهم راحو هسه بالتدريب واني كتله
يخلصهه الي حتى اروح وياهم
سولاف : الله يسهل عليك
يله اني راح اكمل شغلي وانام محتاج شي
احمد : لا بس مشكوره الي سويتي اليوم عجب امي واخواتي واريدج دائما هيج حتى تكسبيهم
سولاف : لتشكرني
احمد : يله كومي خلصي شغلج وتعالي عندي موضوع وياج
سولاف : اوك
كمت غسلت الاستكانات ومسحت المطبخ ورتبت الصاله لان تهوست كملت رجعت الغرفه
لكيته كاعد ينتظر عرفت شيريد
احمد تعالي اكعدي يمي
سولاف : لا هنا مرتاحه تفضل شعندك
احمد : اني مشتاقلج وانتي زوجتي واريد حقي
سولاف : بس اني مالي خلك ومااريد هذا الشي يكفي اني اشتغل بالبيت وقايمه بواجباتكم
احمد : لا ميكفي اني صرت زوجج ومن حقي اطلب راحتي وبعدين انتي مراح تخلصين مني الا من تجيبين طفل
سولاف : روح تزوج وارتاح منو لازمك وسالفه الطفل مو بالي
احمد : بس اني انعجبت بيج وغيرت سلوبي وياج ليش تدفرين النعمه
سولاف : احمد اسمعني وافهمني الصار بيه مو قليل اني ما جاي اتقبل هاي الشغله
احمد : ليش تخليني اعصب وارجع اعاملج مثل قبل افتهمي والله رايدج شبيج انتي
سولاف : اخذ الي تريده وخلصني
احمد : مو هيج اني اريدج بكل رضى حالج حال اي زوجه مو تكونين مجبره عليه
سولاف : احمد لتنسى اني منو وشلون تزوجتني وشلون اني كنت مجبوره وحتى انت كنت مجبر واخذتني حتى بس ترضي اهلك
احمد : يعني اني اريد اطلعج من هاي الاجواء
واعاملج معامله زينه وانسه كلشي وافتح صفحه جديده وانتي ترجعين الهاي السالفه
سولاف : بس هاي الحقيقه
احمد : اني كتلج اريد ننسى كلشي ونفتح صفحه جديد انتي فكري بكلامي وحاولي تتقبلين الوضع يله اني راح انام
سولاف : الله كريم اني هم اريد انام اليوم تكسرت وخليت راسي على مخده وضليت افكر بكلامه معقوله يريد يفتح صفحه وياي
وثاني شي اني مااقبل مااكدر اتقبله واني كلبي
سلمته الغير واحد صح قبلت اكسبهم بس مو اصير زوجه فعليه ل احمد معقوله انسه سامر
واتقبل الوضع لا لا مستحيل اقبل ضليت افكر لحد مانمت
احمد : نمت ساعه وكعدت رحت السوك وحضرت احتياجاتي وخلصت كل اموري وتجهزت الدوام ..
وكلهه كم يوم واصعد دوامي
سولاف : كعدت العصر احمد ماموجود
كمت بدلت ملابسي وطلعت غسلتهم وكعدت
صار المغرب وكمت اجهز للعشى دخل احمد واسمعهم يكولون لا تسون عشه
دخل احمد للمطبخ
احمد : لا تسوين عشه اني اليوم مسوي ثواب
الابويه وراح اسوي كباب وتكه
سولاف : ان شاء الله واصل
احمد : سولاف خلصت كل اموري عكب باجر اصعد الدوام
سولاف : تروح وترجع بالسلامه
احمد : من كلبج هاي تحجين انو ارجع بالسلامه لو تريدين اموت حتى تخلصين
سولاف : شنو شفتني هيج كلبي قاسي انت هم عندك ام واخوات الله يرجعك سالم الهم
احمد : جا اذا كلبج مو قاسي ليش تخليني اروح واني زعلان عليج
سولاف : الله كريم خلي افكر
احمد : اوك هو اني اريدج تفكرين وتاخذين قرار عن قناعة …
يتبع ….
