رواية دية الصلح الفصل الثاني عشر 12 بقلم مرج البحر
البارت12
12
شويه واندك باب الغرفه
سولاف : يااا لن هاي اخت احمد الثانيه تريد
اسويلهه مثل اختها تعرفت عليها وكعدنا شويه
كلت الها بس ارتاح تعبت
وكمت سويت الها ترتيبات وحفيت الها وهم كسبتها وصرنا اني وياهه صديقات طلعت من
الغرفة واسمع ام احمد تصيح عليهن
ام احمد : سوده بوجوهكم شمسويات برواحجن ولجن منو الي لطمت وجوجهن هيج
البنات شبيج يمه سولاف هيه الي سوتلنه هيج
والله يا يمه طلعت مو قليله كلشي تعرف لا
نوب طلعت تشتغل وعدهه محلات
ام احمد : ولج سولاف تعالي يمي
سولاف : عززه اليوم شيخلصني
اتفضلي خاله
ام احمد : ولج انتي ما تستحين مو عيب تسوين هيج بالبنات ابوهم ما صارله هواي ميت لو انتي متعلمه عندج عادي
سولاف : العفو خاله والله مالي دخل همه طلبو مني واني نفذت
ام احمد : ممم سوده بوجهج طلعتي مو قليله
سولاف :ههفف ارتاحيت ترزلني لو تضربني
بس مبين عليها تمدحني بس بطريقه غير
مباشرة وابتسمت
ام احمد : منين تعلمتي
سولاف : الوكت يجبرنا نتعلم
ام احمد : تعالي اكعدي واحجيلي
سولاف : شحجي خاله اسئليني واجاوبج
ام احمد : انتي عندج محلات
سولاف : اي خاله اول محل فتحته محل هداية وبعدين محل البسه نسائيه ومواد تجميل
ام احمد : ليش انتي تشتغلين بيهن
سولاف : اي خاله لان اني يتيمه واخواني صغار و مجبوره اشتغل حتى اعيشهم وما نحتاج الواحد
ام احمد : وشلون جان شغلج
سولاف كلش زين شغلي الحمدالله جنت بخير
ام احمد : وهسه جا شنو شبيج
سولاف : خاله الي تزوج بطريقة الي اني تزوجت بيهه وينكتب الها شي ما جانت تحلم
بي شلون ترديهه تكون
ام احمد : احنا ما غلطنا بحقكم عمج متهور
وانتي صرتي ضحيه تهوره واذا تردين تحجين
احجي على عمج وكلام زايد مااريد
سولاف : العفو خاله مامنكم اي تقصير الحمدالله على كل حال
ام احمد : يله كومي احمد وصل
سولاف : كمت واني ضايجه ومقهوره دخلت الغرفه شويه و اجئ احمد جايب بيده علاكه
شمرها عليه
احمد : هاج هاي نساتل انتو بنات المدينه تموتن على هيج سوالف ما تعيشن بلاها
سولاف : ترى ماكو فرق بين بنت المدينة او بنت الريف
احمد لا اكو هوايه فرق
سولاف شلون يعني
احمد : راح اسئلج وانتي جاوبي اذا عرفتي
سولاف : اوك اسئل
احمد : شنو اسم الذكر مالت الاغنام وشنو اسم الانثئ
سولاف : هااا ما اعرف
احمد : شنو كرك
سولاف : هم مااعرف
احمد : طاحضج جا اكو فرق هواي
سولاف : شو هذا ضحك وطلع كبر اهوو سولاف الزمي لسانج شويه انتي مو كلتي اكسبهم يووو
كمت فتحت العلاكه بيها انواع النساتل فتحت
نستله اكلتهه شو هذا رجع دخل للغرفه
احمد : طلعت من الغرفه اضحك و أمي
شافتني اضحك كامت ترزل بيه شبيك يل
اغم توزع ابتسامات
احمد : اضحك على حضي
ام احمد : جا ضحكنا وياك
احمد : سئلت سولاف عن اسم الذكر والانثى مال الاغنام متعرف
ام احمد : اي يمه شوفها شسوت بخواتك طلعت مو قليله
احمد : ليش شسوت
ام احمد : روح وشوف بعينك
احمد : رحت لغرفه البنات باوعت عليهن
حافات ومسويات شعرهن كلت شنو هاي
ولجن شمصخمات بوجهجن كالن هاي سولاف
سوته النا ماشي بس بعد لا تعيدنهه
رجعت الغرفه متفاجئ
سولاف : ها شكو شبيك
احمد : طلعتي مو قليله
سولاف : ليش
احمد : جنت خايف عليج من البنات بس شو انتي سبقتي ورتبتي الامور
سولاف : والله عبالي براسك سالفهةشسويت
قابل عدلت شويه من شكلهم وحبو التغيير
احمد : ها ماشي بس لا تعلميهن على هاي السوالف وطلعي النستله كمليها ليش ضامتها
سولاف : كبر هذا شلون شافهه فشلني الله ياخذك …
يتبع…
