رواية دية الصلح الفصل الثامن عشر 18 بقلم مرج البحر
سولاف : انفتح الباب وصار اخويه كدامي هو نصدم خطيه ركض عليه حضتنه كام يبجي
عمت عيني بوسته وضل يعاتب بيه ليش عفتينه بهل اثناء طلعت رفل تصيح على كافل
لان تاخر شافتني خطيه كامت تعيط من الصدمه ركضت عليهه اريدهه تهدأ اخذتهه الصدري فرفحت من البجي وعلى صوتنه طلعو
نسوان عمامي والجهال وشويه طلعت رهف
هم حضنته اخذت اخوني كلهم لميتهم الصدري
واشم بيهم وهمه يعاتبون بيه شلون عفتهم
اباوعت عليهم شلون ضعفانين وجوهم مصفره والوصخ كاتلهم احضن بيهم واسكتهم
كعدت بالكاع ابجي هذا حالهم
فجأة عمي وكف كدامي كال شو جايه
ليش شرايد لعد
+
عم سولاف : اخاف شارده وتسوينا طلايب
+
سولاف : بس انت لتسوي طلايب وهي ما تجينه
عم سولاف :هسه كولي منو جابج وليش جايه
سولاف :احمد استشهد مال سبايكر واخته هم
ماتت وامه صارت بيهه جلطه بعدين كالت روحي
+
عم سولاف : ها يعني الله خلصنه منهم
+
سولاف : حسبي الله ونعم الوكيل على كل دمعه نزلت مني بسببك
اجوي نسوان عمامي وسلمو عليه وكل هذا صار واني بعدني بطارمه رجعت انتبهت على اخواني كاتلهم الوصخ كمت اريد ادخلهم تذكر ايلاف التفت ماكو بسرعه ححيت لعد وين ايلاف حجت رفل نايمه شنو نايمه بهل وقت وكل هاي هاي الهوسه وهيه ماسمعت كلبي عصرني ركضت البيت دخلت الغرفتنه لكيته بفراشهه اجيت رفعت الغطه
من عدهه دموعي نزلت واني اشوفهه صايره
جنهه مومياء من الضعف مسحت على خدهه
وندهت باسمهه ايلاف ايلاف حبيبتي كعدي
هاي اني سولاف اجيت كومي شوفيني ماكعدت وماكو اي ردت فعل منها رجعت دغيتهه ايلاف ماكو هنا تخبلت حركتهه ماتتحرك لا ايد ولارجل كمت اعيط ملخت نفسي طلعت مااعرف شنو اسوي عيطت
على عمي كتله امشي شيلهه خلي ناخذهه
المستشفى شالهه وطلع وكفنه سيارة صعدت
وخليتهه بحضني اباوع عليهه فاقده كلت
اذا صار عليهه شي ابدا ما اسامح نفسي
وصلنه المستشفى راح عمي جاب سديه
دخلنهه اجه الدكتور يفحص بيهه يسال شبيهه
كتله دكتور بيهه سكر ونامت اجيت اكعدهه
لكيتهه بهاي الحاله كال ماخذه علاجهه كتله
ها مااعرف كال الدكتور بنتي شنو ماتعرفين
هيه بيهه سكر غير ديرون بالكم عليهه صاح
على الممرضه تقيس السكر جيكت سكرهه
طلع مرتفع ٥٠٠ همه نخبصو ضلوا يحجون بينهم انكليزي مااعرف شن السالفه واخذه أيلاف دخلوهه بغير غرفه شويه وطلع الدكتور
كال بنتي ليش هيج عايفيهه شنو ما جاي تاخذ علاجه ما منظمه اكلهه ليش هذا الاهمال منكم
ضليت حايره شنو اكله كتله دكتور هسه هيه
شبيهه عفيه والله راح اموت من الخوف عليهه
+
كلي بنتي وين اهلهه ابوهه امهه او اي احد كبير حتى اشرحله حالتهه
كتله دكتور اني اختهه الكبيره وامي وابويه ميتين ومحد عدنه
كال لا حول الله اعتذر بنتي بس مااخفيج بنتي اختج وحالتهه حرجه ما ملتزمه بعلاج
ولا منظمه اكلهه لهذا السبب سكرهه مرتفع
والاسف دخلت غيبوبه بنتي احتمال تصحه
من الغيبوبه واحتمال لا سامح الله نفقد المريضه وارجع واكول كلشي بيد الله بس اني كتلج حتى تكونين على درايه سولاف سمعت كلام الدكتور انهاريت كتله دكتور لا فدوه اختي والله يتيمه وهاي امانه عندي دخيلك دكتور ابوس ايدك سوي اي شي لا تخليهه
تموت فدوه دكتور ودنكت على ايده اريد ابوسهه اتوسل بي فقدت سحب ايده كال
+
استغفرالله بنتي مابيدي شي الي عليه سويته
والباقي على رب العالمين اني ما راح اقصر بشي هذا واجبي بس هاي ابعد الاحتمالات
كتلج عليها وننتظر منا ٢٤ ساعه اذا فاقت اكدر اكلج اتعدينه ٥٠ %من مرحله الخطر
+
دكتوراذا هاي اكدر انقلهه مستشفى اهلي
+
بنتي اذا هنا او مستشفى اهلي نفس الشي هيه
في غيبوبه واني اكلج انتضرهه اذا فاقت اني بنفسي راح اشرف على حالتهه وهذاك الوقت راح اكلج على خطوات تمشون عليهه حتى تكدرون سيطرون على سكرهه
شكراً دكتور والي تريده اني انطيك بس اريد اختي تصير زينه
بنتي هذا واجبي وكلشي لا تنطيني
+
سولاف راح الدكتور واني ضليت الوم بنفسي
اختي هيج يصير بيهه ااااخ يا سولاف من مصيبه المصبيه شوكت ترتاحين كلت خلصت
من هذا الزواج ورجعتلهم بس شلون رجعه
لكه اختي فاقده اوووف ضليت واكفه يم الغرفه ما يخلوني اشوفهه بقيت انتضر الليل
كله بلكت تصحه ماكو الصبح اجه الدكتور
شافهه كال ماكو اي تحسن زاد خوفي وقلقي
واني تعبت حيل لان صار يومين ما ماكله شي
ولا نايمه افترت الدنيا بيه ردت اوكع لو ما الممرضه اجت عليه لزمتني وكعدتني على كرسي كالت خير حبيبتي شبيج كتله مابيه شي بس يجوز لان ما ماكله وما نايمه كالت
تعالي خلي الدكتوره تشوفج كتله ما يحتاج
هسه اصير زينه حبيبتي شوفي وجهج شلون اصفر انتي شخسرانه تعالي خلي تكشف عليج
كتلهه مشكوره كلبي هسه اصير زينه هاي من التعب كالت ماشي بكيفج خلت وراحت للضهر
اجه عمي جاب اكل كال تعالي اكلي اجيت
اخذت شويه من الاكل اكلت لكمه نفسي لعبت
ماتحملت ركضت على سله النفايات وستفرغت
شافتني نفس الممرضه اجت عليه كالت حبيبتي شوفي وضعج وحالتج روحي على الدكتوره تشوفج ليش تعاندين كتلهه اوك
هيه خطيه كالت ابقي راحت جابت باص واجتي كالت بسرعه قبل لا يخلص الدوام راحت واني وياهه جانو امو كم مريض ف هيه دخلتني
بسرعه من غير سره حجت الدكتوره وطلعت
اجيت اني سالتني الدكتور وشرحتلهه الحاله
حتى من جنت بيت احمد كالت ماما انتي تجيج الدوره كتلهه من ٣ اشهر اجت وانقطعت
اني كلت يجوز بسبب التعب والحزن هيج تخربطت عندي كالت الدكتور بنتي يجوز عندج حمل هسه اسويلج تحاليل حتى نتاكد اني هنا
جمدت بمكاني شنو هاي المصيبه ياربي اني بيا حال اني بس ردت اخلص من هذا الزواج نوب
احبل واتحمل مسوؤليه طفل وحتى ابوه ماعنده ويجوز اذا اهل احمد دروه ياخذونه من عندي اوووف دخيلك ربي ارحم بحالي اني مو حمل كل هذا يكفي عليه اخواني انتهبت على
دكتوره تحاجيني وين صفنتي اني مو احجي وياج كتلهه اسفه انطتني ورقه بيهه تحاليل كالت سويهن وتعالي طلعت واني بحيره هسه شلون اذا صدك طلعت حامل هذا منو يتحمل مسوؤليته اني شلون راح اربيه الهذا الطفل
اووف يارب (ربي مسني الضر وانت ارحم الراحمين) رحت سويت التحاليل وطلعت انتظر كلبي نار منا اختي منا هاي السالفه الي طلعتي صفح ادعي بكلبي كون مو حامل مرت نص ساعه من الانتظار القاتل صاحو باسمي
رحت واني جسمي كله يرجف يارب بس كون مو حامل اجيت كتلهه نعم اني سولاف انطتني
التحليل كتلهه شنو طلع كالت ماما ارجعي الدكتوره وهيه تفهمج اخذته ورحت الدكتور
انطيتهه التحاليل شافتهه ابتسمت وكال مبروك بنتي انتي حامل وانتي خلصتي شهر الثالث
شعجب ما عرفتي بنفسج اني هنا حسيت
مصايب الدنيا كلهه وكعت على راسي كتلهه
دكتوره اني زوجي استشهد وجنت بيت عيالي
بسبب حزني وتعبي ما خليت بالي كالت بنتي
هذا التعب والدوخه كله الحمل هسه اكتبلج
مقويات وهذا كارت العيادة وراجعيني حتى اشرف على حالتج واسويلج سونار حتى نطمئن على صحتج وصحه الجنين اخذت الكارت وطلعت واني اجر بنفسي ياربي شنو هذا امتحان جديد مو كافي تعبت ربيت اخواني أيتام وهسه اربي ابني يتيم هاي اذا ما اخذو مني وخلوني بحسرته اااخ يارب تعبت استغفرت ربي وكلت هاي بعد ما بيدي شي ولا اعتراض على امر رب العالمين رجعت
على اختي لكيت الدكتور يمهه شويه وطلع
ابتسم كال بنتي اختج فاقت الحمدالله كمزت
كتله صدك دكتور يعني اختي راح تعيش كال
اي بنتي بس لازم اكو خطوات نمشي عليهه
حتى نسيطر على حالتهه لان سكرهه مزمن
كتله ان شاء الله كلش فرحت وحمد ربي
+
ضلينه اسبوع بالمستشفى وحالت أيلاف تحسنت واليوم طلعناهه ورجعت
البيت سبحت ايلاف ودخلتهه الغرفه حتى ترتاح كعدت يمهه حضنتهه جان تكلي
+
أيلاف : سولاف فدوه بعد لتروحين
+
سولاف : لاحبيبتي اني هنا مااتركم بعد
+
أيلاف : اي عفيه والله ما تدرين شلون تعبت من رحتي مااعرف انتبه على اخواني لو على نفسي هاي كل يوم تضربنا وتخلينا نشتغل
وبناتها يدرسون واحنا بطلتنا من المدرسه
واني حتى علاج محد يجيبلي
+
سولاف عزه منو هاي
+
أيلاف : زوجه عمو ياسر
+
سولاف ياناقصه يا حقيره هيج تسوين بخواتي ماتخافين من الله وهمه أيتام
+
أيلاف : مو بس هيج ام حسين العامله اجيب النا ملابس واكل ومن تروح تجي تنزعنا الملابس وتاخذها لبناتها
+
سولاف : والله اليوم ادفنها هنايه الناقصه
كمت عليها ولزمني عمي واجتي زوجة عمي المرحوم صارت كدامي استحيت منها
حضنتها وبجيت كالت لتهتمين عوفيهه الخاطر
الحمد لله رجعتي لبيتج ولخواتج
+
سولاف : عمه ماتشوفين شلون حال اخواتي
كالت مي خالف تعالي نكعد وخلي نحجي
رجعت البيتي وجت وياي كالت عوفي الماضي
ابدي من جديد انتي مو كدهم واذا على اخوانج ومن باجر نروح نرجعهم للدوام اني اعرف المديره وانتي تكدرين ترجعيهم مثل الاول واحسن
+
سولاف : ان شاء الله وضلت كاعده شويه وراحت كمت اني انضف البيت وخلصت
اغراض البيت كلشي زين ماخذي نسوان عمامي سكتت كلت بعدين اني اعلمكم
صحت على اخواتي سبحتهم ورحت اجيبلهم
ملابس واحتياجات طلعت اجيت للسياره التايرات نازله مابيها هواء والجامه مكسوره
صحت على عمي كلتله سويلي السياره
كال تدللين راح يسويهه
+
واني طبيت للمطبخ مابي شي رحت لبيت جدو وكلشي الي اخذته من اغراض ومواعين
رجعتهم وكملت تنضيف اجيت كعدت واخوني بحضني اووف صدك جذب
صار العصر واجى عمي غاسل السياره ومسوي الجامه
اخذت منه السويج صعدت اخواني واخذت اشتريلهم ملابس واخذت ايلاف تغير جو
وديتهم اشتريتلهم ملابس واحذيه وعطورات
وكل احتاجاتهم وخلصت رحت اخذتلهم اكل
ورحنه الحديقه عامه وكعتدهم ياكلون واني
اشوف الفرحه بوجوهم خلصت الليل يله
رجعت خليتهم ينامون وأيلاف انطيتهه علاجه
وخليتهه تنام
+
اتصلت بام حسين العامله
وطمنت عليها كالت الصبح اجي اشوفج
فعلا الصبح اجتي سلمت عليه صدك بنت حلال وطلعت كد الامانه….
+
يتبع …..
+
#مرج_البحر
+
