رواية دية الصلح الفصل التاسع 9 بقلم مرج البحر
#دية_الصلح
٠٠٠٠٠٠٠٠٠٠٠٠٠٠٠٠٠
البارت 9
+
*حلم يلح عليه متى تكبرين
حتى كبرت وليتني لم اكبر
ليتني اعود طفله بلا ذنوب
بريئه اتألم فاانسى
لاتستغلني الحياة بخداعها
ولاتجبرني على رفقه عذابها
اترى حزني يكبر معي
ستظل هذه الامنيه تشغلني
وستبقى ضيفه احلامي..
ورفيقه يقضتي ..
ليتني اعود طفله
با ااحضان امي وابي
ليتني اعود طفله
✍#مرج_البحر
+
كام احمد وجان مبتسم واني مكسوره
كال
+
احمد : اني بحياتي كلها ماردت شي ومصار
لذالك انصحج لتحطين راسج براسي لأن
تخسرين وهاي اول بداية الانتقام اخذتج
وكسرتج
من هاي اللحضه بديتي حياة جديده وغصباً عنج تعتنين بيه وتقومين بواجباتي بالاضافه
لواجبات البيت حالج حال اي وحده هنا
وبالقندره وشغلج ك خادمه
+
والحل الوحيد الج اجيبين طفل ويعتبر هاي دية ابويه يله تخلصين من هذا العذاب وبعد كلمه اني مالي دخل
وماقتلت ابوك اتحجيها لان ممكن ادفنج يمه
+
سولاف : ولك انت عار ومتنحسب على الرجال
لو بيك خير روح تقتل القاتل مو تجي تبيع
مراجلك عليه اني بنت يتيمه وصاحبة ايتام
اخوتي ادمرو بسببك
منو يقوم بواجباتهم منو يعتني بيهم
ولك اني مو عايشه مع عمامي من ماتت امي
جدي جابني هنا لأن معندي احد وقشمروك بيه
بس فعلاً انت مو رجال
+
احمد :ههههههه راح اقدر وضعج وماارد عليج
هسه لأن صوابج بعده حار اذا اني مو رجال
لعد الصار هسه شنو
+
سولاف : حاول تميز بين الرجال والذكر انت مجرد ذكر وبكل اصناف الحيوانات اكو انثى واكو ذكر وفهمك كفايه
اني احجي واغص بالعبرات ودموعي تنزل حاره تجوي وجهي دموع غضب وظلم
+
احمد : هههههه يله لمي روحج وفوتي اسبحي
وتأقلمي ترى هاي السوالف متقدم ولا تأخر
+
سولاف : الحقير النذل شلون نفسه تتقبل يسوي
هيج ويه وحده ترفضه وتكرهه
طلع للحمام
كمت دورت ملابس مالكيت اريد شي استر
روحي بي ماكو لان ملابسي واغراضي بقن بالبيت محد جابهن من تأكدت منه ديسبح لفيت روحي بالفرشه
وكمت دفرت الباب عليه كلتله اريد ملابس
+
احد : اي من اطلع اجيبلج قنادر يله ولي لغرفتج
+
سولاف : ايا ناقص والله ماكو براسك ذره غيره وشرف
+
احمد : سمعتها ادردم مااهتميت جنت اغني
والراحه فووول احساس بلذه الانتقام يجنن
سبحت وطلعت هيه لافه روحها بالفرشه
رتبت روحي وكلت الها شكد قياسج اروح
اجيبلج ملابس
+
سولاف : انطيني جهازك اتصل على العامله بمحلي
تجهزلي ملابس وانت بس روح جيبهم
+
احمد : هيه تعرف قياسج
+
سولاف : اي تعرف
+
احمد : لعد ميحتاج اني اروح الها وسالفة
التليفون لجيبيها على لسانج لا اكطعه
ممنوع التليفون
+
سولاف : كبر
+
احمد : شنو
+
سولاف: لا هيج
+
احمد : ماشي اني طالع راح اقفل عليج الباب
الغرفه بس لحضه اجيبلج شي تاكلين لأن
صرفتي جهد ههههههاي
+
سولاف: بكلبي كلت تاكل سم عساك مترد يا عار
راح جاب اكل حطه بالكاع وقفل الباب وطلع
+
احمد : صعدت السياره ورحت المحل لكيته معزل على الباب مكتوب رقم موبايل كلت
اكيد هذا رقم العامله كتبت الرقم واتصلت
جاوبني ولد
كتله الو
+
الولد : هلو عيني تفضل
+
احمد : حبيبي انطيني امك
+
الولد : عمو ماما ميته انت منو
+
احمد : اني زوج سولاف انت منو
+
الولد : عمو اني كافل اخو سولاف امانه عمو جيب
سولاف نشوفها اشتاقينا الها فدوه عمو
+
احمد : يالله شنو هالصدمه منين طلعلي هذا
اي حبيبي اجيبها بس احجيلي هذا موبايل منو
+
كافل : هذا جهاز اختي سولاف
+
احمد : اوك حبيبي انطيني رقم العامله مالت
محل الملابس
+
كافل : اي عمو لحضه اطلعه
+
احمد : اوك حبيبي
+
فجاه جاوبتني وحده عمو الله يخليك تعال
اخذنا ل سولاف
+
احمد : منو انتي
أيلاف : اني أيلاف اخته لسولاف
امانه عمو والله اخوني كتلنهم الجوع واني مريضه محد جابلي علاج صار يومين جيب سولاف وتعال اخذنا
+
احمد : الصراحه وجعني كلبي عليهم وصرت
بموقف صعب واتذكرت كلام سولاف اوووف
شنو عالمغثه
+
اخذت رقم العامله بعد معاناة واتصلت بيها
+
جاوبتني كلت الها اريد اشتري ملابس عروسه
كالت اوك عشر دقائق اني يمك
+
ماكلت الها اني زوج سولاف خفت انصدم بعد
انتظرتها وفعلاً اجتي
فتحت المحل دخلنا جوه كالت شنو محتاج
+
احمد : كلت الها تعرفين قياس سولاف وشنو تلبس وشنو ذوقها كالت اي بس انت منو
وليش تسأل على سولاف
كلت الها اني زوجها وهيه دزتني عليج تريد ملابس
+
العامله : يمه جمدت بمكاني
+
احمد : شبيج اختي ترى ما جاي اسوي شر
+
العامله : لا اسفه بس فاجئتني لحضه اجهزلك
جنطه
+
احمد : وكفت بصفحه والعامله اجيب وتحط
ملابس ترست جنطتين مو وحده
كالت هاي الملابس حاضره
+
احمد : اوك شكد حقهم
+
العاملة : لا ميصير شلون اخذ
+
احمد : لا مااخذهن الا ادفع اني زوجها ولازم
ادفع حقهن
+
العامله : ماحسبت بس يله انطيني اليطلع من خاطرك
+
احمد : اوك هاج هذا المبلغ
تعالي اريد اسئلج كم سؤال
+
العاملة : تفضل
+
احمد : اخوان سولاف منو يعتني بيهم وشلون عايشين
+
العاملة :والله ياخويه من بعد سولاف ضايعين
البنات خدامات ين نسوان اعمامهم والولد
يكسر الخاطر وصار يومين ما رايحين دوامهم
سالتهم ليش كالو بطلوهم من المدرسة وهسه حالهم حال الحيوانات يم اعمامهم
+
احمد : وانتي تروحيلهم
+
العامله : اي رحتلهم يوم ال راحت بي سولاف
وشفتهم ورجعت اخذلتلهم ملابس ومسواك
ومن رحت ثاني يوم شفت اولاد عمامهم لابسين الملابس ومااكدر احجي شي
+
احمد : لحضه انتظريني
اخذت الملابس للسياره وجبت مبلغ بسيط
كلت الها اختي اني كل فتره اجي انطيج الاكدر عليه وانتي اشتري الهم ملابس وحلويات ومن
تروحيلهم اكعدي يمهم وقت اطول بس هذا
يبقى سر
+
العاملة : ماشي اخويه الله يحفظك ويطول عمرك
بس عليك الله دير بالك على سولاف والله يتيمه ومحترمه وسوت المستحيل حتى بس
تحافظ على اخواتهه واخوهه من الضياع
والحرمان بعد ما مات ابوهه وامهه صارتلهم
الاب والام والاخت تركت مدرستهه حتى
تتفرغ الهم اشتغلت وتعبت حتى لا يحتاجون
احد وكدرت تحافظ عليهم وعلى دراستهم
ف الي ترجاه منك دير بالك عليهه لان ماتستاهل ولا تعاقبهه بذنب مو ذنبهه لان
هيه مو كد هذا الحمل كافي الي شافته وعاشته وهيه تربي اخوانهه الايتامه ولا
تبعدهه عن اخوانهه لان حيل متعلقين
بيهه خطيه وعدهه اختهه مريضه خطيه محد
يعتني بيهه غيرهه ف اترجاك لا تبعدهه عنهم.
+
احمد : : ماشي واذا كدرت اجيبلج صور لسولاف خلي اخوانها يشوفوها
+
العاملة :ماشي اخويه
+
احمد : اتشكرت منها ورحت البيت والطريق كله مااعرف احجي على روحي الي الحقد
والانتقام عمه عيوني لو على عم سولاف
الي دمر الدنيا بسبب حقارته وعينه الضيكه
اووف يالله
+
رجعت للبيت وجنت كلش ضايج هاي المسكينه تحملت ذنب هيه مالها دخل بي
بس هذه اعرافنه العشائريه ولازم نرضى بيهه
+
سولاف : من راح اكلت شوية واتمددت جسمي
كله يوجعني اتذكرت سامر ودموعي نزلن من
غير سابق انذار ليش هيج لو موافقه ومتزوجين هو يحبني واني هم حبيته وكلبي
تعلق بي بعدين استغفرت ربي وكلت مهمه
يكون هسه اني على ذمت رجال مايصير
افكر بيه انتظرت احمد هوايه مااجى وما
حسيت من اني غفيت
+
حسيت على صوت الباب نفتح
دخل الافندي جايب جنطتين
+
احمد : اتفضلي هاي الملابس يله شوفي شنو
تلبسين وكومي اسبحي قبل ما يجون اهلي
+
سولاف : يااا شعجب صاير مؤدب ويكول تفضلي سبحان مغير الاحوال
انتبهت علي حسيت اكو شي ومتغير تعامله
ونضراته الي كلتله شنو كالتلك العاملة
+
احمد : ما كالت شي انطتني الاغراض واجيت
+
سولاف : ماشي اطلع اريد البس شي
+
احمد : ماشي بس بسرعه اذا اجوي اهلي ماراح تكدرين تسبحين
+
سولاف : اوك بس فاركني حتى اكوم
+
احمد : اوك
تركتها وطلعت اباوع على ملامحها كلش تأثرت والله
وكلام اخوانها بقى براسي ضليت ألوم بنفسي
اني ليش هيج سويت وليش قبلت انو اخذهه
شنو ديه شنو صلح ليش هيه شنو ذنبهه
ليش هيج الحقد سيطر عليه ليش قابل هيه
قتلت ابويه شنو ذنب اخوانهه وهمه ايتام وهاي اختهه المريضه منو يعتني بيهه
وضليت احجي على نفسي بس بعد شيفيد
الحجي والوم
+
سولاف : طبعاً اكو شي شو هذا بينت عليه
ملامح الانسانيه واحسه جاي يتعاطف وياي
لازم اعرف خاف سامع شي او صاير شي
لأخواني لو صاير شي على اختي أيلاف اسم الله
دخلت الحمام وسبحت بسرعه وطلعت
لبست دشداشه نص ردان وشال العاملة ما
مقصره كلشي حاطتلي ما مخليه اي نقص
+
طلعت ركض الغرفة كلت بلكي موجود افهم
منه اخاف صاير شي مالكيته الحقير تركت
الموضوع
مشطت شعري ونضفت بشرتي ردت اخلي عطر بس خفت هذا ينجلب عليه فتحت الكنتور ورتبت ملابسي
خلص لازم ارضخ الأمر الواقع لأن اني بنص
وحوش اذا ابقى اعاند اشبع كتل خليني اسايسهم واشوف تاليتها
+
سمعت صوت بالبيت عرفت اهله اجوي كعدت
بمكاني فجاة صار هلاهل وهوسات ودخلو عليه هاي الي تكول كسرنا عينج وهاي التشتم بيه
احمد اجى صار بيني وبينهم دفعهم طلعهم بره
وسد الباب بقيت صافنه شبيهم ذولي تخبلو صخام بوجوهكم ياهمج ….
+
يتبع …..
+
مرج البحر
+
