رواية دهب لا ترحلي الفصل الرابع والعشرين 24 بقلم فاطمة محمد
دخل زين مكتب ادم
زين : بقولك يا ادم عاوز اخد بكره اجازه
ادم : مفيش مشكله بس ليه كداا
زين بمرح : طبعا مش حبيبه القلب جت لازم متبقاش دريان بحاجه
ادم : طب ما بدل ده كله كنت قول ليه و اققولك علي حاجه مفيش اجازه و يلا امشي من هنا بقااا
زين بجديه مصطنعه : ادم هو مش انا خطبت كارما
ادم باستغراب : ايووه
ليكمل زين : طب هو انا هفضل خاطبها يا بني ادم انا عاوز اتجوز بقااا
ادم : طب متجوز هو انا ماسكك
زين : خلاص اديني اجازه بكره بقاا عشان عاوزين نجهز البيت فرحنا بعد شهر
ادم بفرحه و هو يحتضنه : طب متقول من الاول يا راجل الف مبروك يا زين بس هتلحقو تجهزو البيت في شهر
زين و هو يبادله الحضن : الله يبارك فيكي يا ادم عقبالك انت و دهب يارب و لو علي البيت هو كدا كدا جاهز ناقصه بس يتفرش
ادم : ربنا يتمم عاي خير يارب بس انا علي كدا هسبقك
زين : ده ازاي الكلام ده
ادم و هو يجلس مره اخري : اصلي كلمت خالي و امهاا عشان اتجوزها و هم وافقو و الفرح اخر الاسبوع ده
زين : لا والله و انا اخر من يعلم صح
ادم : اذا كان دهب نفسها متعرفش
زين باستغراب : متعرفش و الفرح اخر الاسبوع
ادم : اهاا اصلي هفاجاءها قايلها اني عندي مناقصه و اول مخلصها هتقدملها
زين : الف مبروك يا ادم ربنا يتمملك علي خير يارب
ادم : يارب يا زين يارب
………………………………………………..
في المساء
ذهبت كارما لزياره دهب
حبيبتي وحشتيني جدا حمد الله علي السلامه
دهب و هي تحتضنها : و الله انتي وحشتيني اكترر
كارما : احكيلي بقا انبسطي هناك
دهب : ههههه اه انبسط اوووي تخيلي ان طول اليوم شغل يبقا منبسطش ازاي بقاا
كارما : يا بت عليا الكلام ده اومال ادم سافر لمين و قضه معاها اسبوع
دهب : هههه انا و كان احلي اسبوع في السفريه كلها والله
كارما : يا سيدي يا سيدي
دهب : قوليلي بقاا انتي ايه اخر انجازاتك
كارما بهمس : قربي و انا اققولك
دهب : هو سر و لا ايه
كارما : قربي بس
لنقترب منها دهب
كارما : انا و زين بعد شهر بالضبط هنكون مع بعض علطول و حاليا بنضبط البيت
دهب بصرخه سعاده : هتجوزو خلاص
كارما بتكبر مصطنع : اهاا عقبالك
لتحتضنها دهب و تبارك لها لتقاطعها كارما
كارما : لسه مخلصتش انجازاتي
دهب : قولي في ايه تاني
كارما : انا خبطت بنت بالعربيه
لتتسع عيون دهب : موتيهاا
كارما : يخربيتك فال الله و لا فالك يا شيخه بقولك خبطتها
لتقص عليها ما حدث
بس يا ستي و من ساعتها بقينا اصحاب لتنظر لها عاوزه اعرفكو علي بعض
دهب : اكيد لازم اتعرف عليها مدام حبتيها يبقا هحبها ثم اكملت بتاثر لما حكته لها كارما
دهب : بس هي ايه اللي مصبرها علي جوزها ده متسيبه دي كدا ممكن تموت مره في ايده
كارما : والله ياما قولتلها مفيش فايده بتحبه يا دهب
دهب باستنكار : بتحبه !
ده اللي هو ازاي يعني بتحبه و هو كل يوم يصبحها و يمسيها بعلقه
كارما بحزن علي صديقتها : ربنا يهديهولها يارب
دهب : ان شاء الله
………………………………………………..
عند مروه
كانت تقف بالمطبخ شارده تعد لها الاكل فاليوم كان اليوم الاول لعودتها للعمل بعد اجازه طويله ليقطع شرودها جرس المنزل فذهبت لتفتحه فتفاجئت بسليم امامها
مروه : انت بتعمل ايه هنا
سليم بنظرات غامضه : ممكن اعرف مبترديش عليا ليه
مروه بعند و تحدي : يا سيدي انا مش عاوزه اشوفك و لا اكلمك انا حره
سليم بعند و تحدي اكبر : لا مش حره يا مروه و انا قولتلك عاوز اجوزك لينظر حوله
و بعدين هنفضل نكلم من علي الباب كدا كتير
مروه : اسفه يا سليم بس انا عايشه لوحدي و مش هينفع ادخلك
سليم و هو يدخل عنوه من الباب : و انا مش حد يا مروه انا هبقا جوزك و يغلق الباب و يجلس علي الاريكه
لتفتح مروه الباب مره اخري و تذهب باتجاهه
مروه و هي تجلس بالكرسي المقابل له
ممكن تقولي انت عاوز مني ايه
سليم : عاوزك يا مروه تبقي مراتي
مروه : صدقني مش هينفع
سليم بغضب : ليه مش هينفع ليه
مروه : بص يا سليم انت مش في موقفي و لا حاسس باللي انا حساه انا بعت صحبتي يا سليم انا مش عارفه عملت كدا ازاي
سليم : مروه انتي عملتي الصح لو مكنتيش عملتي كدا تمارا كانت هتأذيني و بعدين انتي وقفتي مع الحق
مروه : ماشي حتي لو كلامك صح بس انا المفروض كنت اكتفي باني اققولك علي اللي هتعملو مش اكون معاك في انتقامك منها
سليم باقناع : مروه انسي تمارا و انسي كل حاجه و تعالي نبدء من جديد
مروه و هي تنهض : انا فعلا هبدء من جديد يا سليم بس مش معاك
سليم : يعني ايه
مروه : يعني انا متقدملي عريس وافقت عليه
………………………………………………..
احسان : يعني انت عاوز تجوز رنا
عمر : ايووه يا بابا بحبهاا
إحسان : بتحبها و لا عشان شبه ماجده
عمر : صدقني يا بابا انا ممكن اكون في الاول اتشديت ليها عشان الشبه اللي بينها و بين ماما بس بعد كده حبيبتها و نفسي تكون الانسانه اللي اكمل معاها حياتي
إحسان : طب و سهراتك اللي كنت بتسهرها و البنات
ايقاطعه عمر
عمر : انا نفسي اعرف مين اللي مديك الصوره دي عني انا اينعم كنت بسهر شويه مع صحابي اما من ناحيه البنات فانا مليش علاقات معاهم الا في حدود الصداقه و حتي السهر مبقتش اسهره من قبل حتي ما سافر
كان إحسان يعرف هذا الكلام و لكنه كان يريد سماعه من عمر
إحسان : طيب انا عن نفسي موافق جدا علي رناا بس اللي انا قلقان منه بقاا هي سماح
عمر : ليه يا بابا هي ممكن ترفض
إحسان و هو يحك دقنه : بصراحه اه اصل انت متعرفهاش يا بني
عمر بقلق : طب بتقلقني ليه دلوقتي
إحسان : لا متقلقش مدام انت و رنا بتحبو بعض و متفقين يبقاا متقلقش من حاجه انا معاكو و في ضهركو
ليسعل عمر بتوتر : بابا انا لسه معرفتش رنا
لينظر له إحسان بعدم فهم
لسه معرفتهاش ايه بالضبط
عمر بتوتر : كله
إحسان : يعني هي متعرفش انك بتحبهاا
عمر : لا
إحسان : طيب انا برضو هكلم والدها و انت شوف هتفاتحها في الموضوع و لا لا
عمر بصوت منخفض : منا لو عاوز اققولها كنت قولتلها هستناك تقولي روح قولها عشان اقولها ده ايه النصاحه دي
إحسان : انت بتقول ايه يا عمر
عمر : بدعي يا بابا بدعي الموضوع يكمل علي خير و يهدي خالتي
………………………………………………..
كارما و هي تنظر للساعه
ياااه انا اتاخرت اووي
دهب : اتاخرتي ايه بس خليكي معايا شويه انتي وحشاني اووي
كارما و هي تتذكر شئ ما : بقولك عاوزاكي تنزلي معايا اشتري شويه من الحاجات اللي نقصاني
دهب : طب ننزل اخر الاسبوع بقا عشان نبقا تاني يوم اجازه
كارما : خلاص اشطاا باي يا حبيبتي
دهب و هي تخرج معها من الغرفه : باي ايه هنزل معاكي تحت تعالي
………………………………………………..
يوم الخميس
دخل زين مكتب ادم
زين بضحك : مبروك يا عريس بكره هنفرح فيك مش مصدق والله
ادم بسعاده : و لا انا مصدق اني هجوز دهب خلاص
زين : ايووه يا عم
ادم : لا ونبي بلاش قر
هي كارما نزلت
زين : اه قالتلي هتقابل دهب و هيشترو حاجات
ادم : اهاا دهب قالتلي
………………………………………………..
دهب : كارما انا مش قادره خلاص بقالنا ساعتين بنلف يا مفتريه
كارما : ايه يا دهب هو احنا لحقناا
دهب : طب تعالي نروح نشرب و لا ناكل اي حاجه الاول
كارما : ماشي يلا
ليذهبوا لاحدي المطاعم و يطلبون طعام
دهب و هي تمسح فمها : ايه ده ده انا كنت جعانه اوووي
كارما بقهقه : مهو باين
لتنظر لها دهب بغضب : تصدقي انا غلطانه اني نزلت معاكي
كادت كارما ترد عليها ليقاطعها رن الهاتف لتجدها سهر
كارما : ايه يا حبيبتي
سهر ببكاء و صوت متقطع : كارما تعاليلي لو سمحتي دلوقتي بسرعه يا كارما انا محتجاكي اووي
كارما بخضه : مالك يا سهر في ايه و بتعيطي كدا ليه
سهر : تعالي بس الاول مش عارفه اكلم يا كارما
كارما بلهفه : حاضر حاضر جيالك لتغلق معها
دهب بتسئال : في ايه يا كارماا
كارما : دي سهر اللي كنت حكتلك عنها مش عارفه مالها بس بتعيط جامد انا لازم اروحلها تعالي معايا يا دهب
دهب : ماشي يلا بينا
………………………………………………..
سهر ببكاء : انا خلاص مش عاوزاه انا عاوزه اطلق منه
كارما بتاثر : خلاص بقا يا سهر مش انا قولتلك الكلام ده من يومين و انتي اللي قعدتي تقوليلي بحبه بحبه
دهب : خلاص يا كارما بقاا
سهر بحزن زايف : لا سبيها يا دهب كارما معاها حق ياريتني سمعت كلامها من الاول مكنش حصلي اااي حصلي ده
