رواية حبيتك مرتين الفصل الثاني 2 بقلم سلسبيل احمد
انتي بتقولي اية
= بقول فاكر اول مره اتقابلنا.؟!
____________
فلاش باك #
– لو سمحت !
= خير
– انت قافل على عربيتي
= لا مش قافل
– لا قافل
= قدامك المكان واسع ما تلفي!
– مبعرفش
= نعم !
– بتعلم جديد مش هعرف اللف وسع انت
= وانا مالي مش مشكلتي
– اية ياخي البرود دا
= انتي عبيطه ما تحترمي نفسك
– لا بقولك اية انا سكتالك من بدري وانت واقف رخامه اصلا وسع بقي
بثقه = مش هوسع ! ما توريني هتعملي ايه
– لااا دا انا هعمل كتير
= مش بتعرفوا تسوقو العربيات بتتفزلكوا وتركبوها ليه من الاول
فضلت باصه لي بتحدي وقررت اركب واللف بالعربيه من جمبه وبوووووووم….
– الله يخربيتك !!!!!!!
__________
والله العظيم هوا الى كان واقف قدامي مش راضي
يوسعلي البني أدم المستفز دا
– اسفين جدا يا ادهم باشا
وشي احمر وبصتله وهوا بيقعد على الكرسي بأرتياح
= خبطتت عربيتي وكسرت الفانوس ياريت تعمل اللازم بقي يا اكرم بيه مش هوصيك
الظابط بصلي واتكلم – دلوقتي حضرتك لازم تمضي عالمحضر واعتقد دا حق المقدم ادهم
لانك خبطي عربيته و…
بطلت اسمع كلامهم بعد مقدم دي والشر الي كان في عينيه ناحيتي مشفتش قدامي الا سواد و وقعت..
______________________
– انتي لسه عايشه
= انا فين؟
– في مكتبي لما انتي خيخا كدا بتنططي ليه
= خيخا و ينهار اسود مكتبك؟
-و ليكي الشرف انك دخلتيه
= هتعمل فيا اية اكيد هتلفقلي تهمه م انت طلعت ظابط بقي انا بس عايزه اقولك كلمه واحده ان
حط ايده على بوقي فا سكت وبصتله
– انتي اكتر حد مزعج قابلته في حياتي غير انك ضيعتي عليا معاد مهم لا كمان جبتيلي صداع والمحضر اتلغي انا مش عاوز حاجه دلوقتي غير انك تختفي
= اية امشي كدا خلاص!؟
– اها
= تصدق انك مستفز جبتني كل دا وضغطي وطي بسببك ومش هتعملي حاجه
– عاوزاني احطك فالحجز عيني
= لا طبعا انا همشي ، قلة ذوق صحيح
– يابت انتي لمي لسانك ده!!
= احبسني بقي احبسني
– احبسك عشان تاكلي دماغي انا عاوزك تمشي
انا بس بعرفك ان مش اي حد تعملي عليه عفريته وبالنسبه للفانوس انا هصلحه
= لا وانا مقبلش وانت فاكر نفسك اية فلوسه هتوصلك عشان انا
قاطعني بنفاذ صبر- خلاص ماشي ابقي هاتيهم خلصيني منك ارجوكي بقي
= اصلا انت الى كنت غلطان وقافل عليا تعرف
– ششششش مش عايز اعرف امشي!!
= الله جرا اية متزوقش سلام..
نزلت من عنده وركبت عربيتي وانا محرجه عملت سبع رجاله واغم عليا اول ما دخلت القسم ياضحكو
اخيرا اليوم الغريب دا خلص ..
_______________
– انتي تاني!
= لا مانا مش جايه عشان سواد عينيك فلوسك اهي
– هوا انتي هبله؟
= هتغلط هغلط.
– انا فلوسي لو عايزها هعرف اجبها منك خديهم وامشي
= لاء دي غلطتي وبصلحها
– روحي ياحببتي هاتي بيهم شيبيسي وكراتيه
سبتهم على مكتبه واتحركت خطوتين= مغرور صحيح
– بقولك خد..
مكملش جملتة وفجأه اضرب رصاصه من الازاز لدرجه اتكسر ميت حته وبهدل الدنيا و ادهم وقع على الارض والظباط الي في المبني كلهم دخلوا يشوفوا
– ابعدوا عنه بسرعه مينفعش العدد ده حوليه ، خليك معايا انت سامعني … سامعني؟؟؟؟
غمض عيونه وجسمه رخي..
_______________________
– أهءء أهءء
= ادهم ادهم انت كويس؟
سمعاه عمال يتوجع وهوا نايم فا قربت وطبطبت على كتفه وايدي سرحت في شعره الناعم
– ماما
فتح عيونه فا رجعت بسرعه = مامتك نايمه جمبك اهي وطي صوتك
ريح راسه بتعب = انتي! هو انتي طالعه ليا فالبخت
– تقريبا انت الي لازق فيا بقي
= اصلي بحبك موت اهههههه
اتوجع لما حطيت ايدي على جرحه – اممم شكلك بقيت احسن دراعك خد رصاصه فمكان خطر
– ماهو من عينيك
= لا وانت الصادق دا من كتر م انت مفتري وشايف نفسك
= ابعدي ايدك دي عني
– بدل ما تشكرني
= انتي دكتوره؟
– للأسف اها وانت اخر حد ممكن افكر اعالجه بس احترام المهنه بقي
= وانتي اخر واحده افتكر
انها تبقي دكتوره انا همشي واسبلك المستشفي كلها
– لا ونبي خليك ونبي اوعي تمشي
غمض عيونه = لا مش هطيق لاء
– ابقي قابلني لو خرجت ومش هياكل مع الدكتور انك مقدم بقي ماشي دي مستشفي محترمه الشغل شغل
– انتي بالعه عمرو دياب؟
= لاء اشمعنه
– وسعي من قدامي ، كدا كدا هخرج بمزاجي
مليت على ودنه واتكلمت بأستفزاز – بقولك مستشفي محترمه دا غير ان الحجه ممكن تتعب اوي لو عرفت انك عاوز تمشي قبل ما تكمل علاجك وانت مصاب يحرام اصلي قولتلها ان اصابتك خطيره خالث
= يبنتال…..
باك #
– حصل كل دا ؟ وكمان انقذتيني
بصيت لعيونه = ايوا
– امممم حكايه جميلة والله مش فاكر منها تفصيله واحده
حاولت اهدا = مش مهم انا معاك لحد ما تفتكر
– مش عاوز
= انت مهزق؟
