رواية جبروت جد الصعيد الفصل السادس 6 بقلم ياسمين علاء الدين
جبروت حكم جد الصعيد
+
السادس
+
سبحان الله وبحمده …سبحان الله العظيم
+
حامد شال حنين اللي وقعت في الحمام وحطها علي السرير ومسك رجلها صوتت
+
حامد بقلق : وقعتي كيف
حنين : ها
+
حامد : بقولك وقعتي كيف . وريني في حاجه تانيه
+
مسك وشها بين أيده وبيشوف دماغها رفع أيدها
+
: في حاجه بتوجعك
+
حنين بخجل : رجلي
+
حامد : شكلها أكده مش طبيعي . ربنا يستر وميكونش اتكسرت
حنين : اكيد فرحان فيا دلوقيت
+
حامد : افرح في ايه يا بنت عمي . ياريت كنت انا وانتي لع
+
حنين اتصدمت : انت بتدعي علي نفسك
حامد: انا استحمل عنك .
+
حنين : علي اساس مين كان بيضروبني
+
حامد : عشان لسانك الطويل دهون بيعفرتني .
+
مسك رجلها وبيحاول يحركها صوتت : مش قادره
+
حامد: خلاص متحركهاش اصبري
+
وقف قدام الهدوم وخد عبايه ليها وساعدها تلبسها وسألها وخرج
+
حنين حاسه انها متلخبطه من قرب حامد ليها . اول مره راجل يقرب منها ..
+
. في المستشفي …
+
دخل دكتور عظام يشوفها ولسه هيلمسها كان حامد ماسك أيدها : بتعمل ايه يا واكل ناسك
+
الدكتور: هكشف علي المريضه
+
حامد : تكشف علي مين .انتي اتجنيت عاد . دي مرتي ، مرت حامد القاضي متتكشفش علي رجاله..
+
الدكتور : طيب حضرتك جايبها هنا ليه
+
حامد : روح هات دكتوره ست علشان مكسرش المستشفي علي راسك وراس اللي خلفوك
+
الدكتور خاف : حضرتك مفيش دكتوره حاليا
+
حامد بقلق : اتصرف احسنلك
+
حنين متابعه حامد وهي مش مصدقه أن هو خايف عليها . افتكرت أنه هيفرح فيها أو هيسيبها من غير علاج …
+
بعد وقت اتوصلو لحل أنه يخلي الممرضه تعمل اشاعه وطلع في كسر في رجلها جبستها الممرضه وخرج بيها وهو شايلها
+
حامد : الف سلامه عليكي .. الدكتور قال ترتاحي ومتتحركيش
+
حنين : انت مش هتخليني ارتاح
. حامد : وه. وانا قاسي قوي أكده. معتخفيش هخليكي ترتاحي .بس بعد أكده هطلع عينك
+
ضحكت حنين : ربنا انتقم مني
+
حامد : تقصدي ايه
اتوترت حنين : ها. م مقصدش . انا يعني عشان كنت مضايقاك وجريت وقعت . اكيد انت داعيت عليا
+
حامد : ينقطع لساني لو اقصد اي شر . يمكن بس يكون مضايق من تصرفاتك بس لو قولت كلمه عفشه قلبي بيقول بعد الشر
+
حنين : قلبك
+
حامد : اه قلبي ..فاكره عاد اني معنديش قلب
+
حنين هربت منه وبصت من الشباك . كلامه انهارده غريب عقلها مش مبطل تفكير في كلامه وهو يقصد ايه علشان يقولها كده .
+
وصل البيت وشالها للاوضه : سلامتك يا حنين
حنين : الله يسلمك
+
حامد : هقولهم تحت يجبولك وكل
حنين : لع مش جعانه
+
حامد : طيب اشربي عصير .
ابتسمت ليه : شكرا يا حامد تعبتك معايا
+
حامد. : تعبك راحه
+
لسه هيدخل الحمام . حنين ؛ رايح فين
حامد : الحمام
+
حنين : اصل تقريبا في شامبو في الأرض وانا بستحمي وقع مني علشان أكده وقعت
+
حامد : معتخفيش هاخد بالي
+
حنين ؛ ركز بس لتقع ونبق احنا الاتنين متخرشمين
+
ضحك حامد : هركز حاضر
+
خرج حامد بعد ما خد دش وقعد جنب حنين علي السرير : تعبانه
+
حنين : لع
حامد : لو تعبانه قولي
+
حنين غمضت عينها بسرعه : لع شكرا .. انا هنام تصبح علي خير ..
+
ضحك علي تصرفاتها الطفوليه وهو شايفها بتهرب منه ، قرب منها وباس جبينها : وانتي من اهل الخير واهلي
+
ضربات حنين بقت سريعه ومش فاهمه حامد بيعمل كده ليه . التاني فرحان أن علاقتهم بتتحسن لو بس تفهمه هتعرف هو ليه بيعمل كده
+
…..
+
الصبح عرفت العائله اللي حصل لحنين اطمنو عليها
+
وطول اليوم مهتمين بيها .. حامد دائما بيراعيها ويهتم بيها ، عاجبه أنها بتتكسف منه
+
….. بعد أيام
+
علي جهز نفسه علشان يسافر مع زهره للقاهره
+
علي : جهزتي شنطتك
+
زهره : جهزتها
+
علي : تمام .
+
نزل تحت وودعو العيله ..في العربيه طول الطريق ساكت وهي كمان
+
علي : طبعا احنا هنروح القاهره . معيزش حد يعرف انك مرتي
+
زهره بصتله: كيف يعني .
علي : أكده احسن . انتي هناك اختي وبنت عمي وبس
+
زهره : رجعني بيت جدي يا علي . انا معيزاش اروح معاك في مكان.
+
علي : افهميني يا زهره. قولت هنبدا بدايه جديده وطبعا انتي خابره اني
+
زهره فهمت : اه . قصدك علي البت اللي عتحبها .
+
علي : اه . خلينا متفهمين .
+
زهره ببرود : ماشي . مفيش مشكله
+
علي : يعني من هنا ورايح نكون أصحاب . وقدام الناس انتي اختي
+
زهره : معنديش مشكله . احنا كل اللي بينا ورقه وقريب هتنتهي
+
علي ؛ بس هنفضل قرايب ولاد عم
+
زهره : صوح يا ولد عمي ..
+
بعد ساعات وصلو الي القاهره وحجز اوضه في فندق يقعدوا فيها
+
زهره : احنا هنقعد مع بعض في اوضه واحده
+
علي : ده مؤقتنا لحد.بكره أن شاء الله هروح اشوف شقه نقعد فيها
+
زهره : أن شاء الله ..
+
…..
+
اليوم التالي
+
علي كان اجر شقه يقعد فيها مع زهره ورتب كل حاجه وعلي اليوم اللي بعده انتقلت زهره مع علي الشقه
+
علي : كل واحد ليه اوضه ليه
زهره : كويس جدا . علشان محدش يدخل في شؤون التاني
+
علي : اه
+
دخلت اوضتها وقفلت الباب ثواني وكان علي فتح الباب عليها
+
: قصدك ايه يعني محدش يدخل في شؤون التاني
+
زهره : قصدي انا مليش صالح باللي هتعمله وله انت ليك صالح باللي هعمله
+
علي : كيف يعني . انتي بنت عمي وفي رعايتي يعني أنا اللي قول تروحي فين ومتروحيش فين وتستاذني مني لاول
+
زهره : ليه بقي أن شاء الله ، مش موافقه
+
علي : وافقي وله متوفقيش علي راحتك بس كلمتي هي اللي هتمشي انتي أهنأ معايا يعني لو حصلك حاجه انا اللي هتحمل النتيجه. فاهمه وله لا
+
. زهره : عاملي فيها ديمقراطي وانتي زيهم متحكم
+
علي : متخليش العرق الصعيدي ينط . اسمعي الكلام يا بنت الناس
+
زهره : حاضر . اتفضل بقي بره علشان عايزه انام
+
علي : شكلك أكده اتمردتي . بس الكلام ده مش عليا أنا يا زهره .
+
زهره بصتله ببرود وهو اتنرفز وخرج بره الأوضه قعدت تضحك بانتصار : هو انت لسه شوفت حاجه. انا هشلك بالبرود. والله البت حنين دي طلعت فنانه ..
1
…
+
في بيت العائله
+
رجع حامد البيت كانت حنين واقفه علي رجلها
+
حامد : عتعملي ايه يا حنين . مش قولتلك بلاش تقفي علي رجلك
+
حنين : انا زهقت .
+
حامد : أكده مش هتخفي بسرعه
+
حنين : معتخفش
حامد : كيف يعني . معخافش
+
قرب منها وشلها . ابتسمت : شكرا
+
حامد قعد جنبها وهو بيبصلها : عفوا
+
حنين وشها احمر : عتبصلي أكده ليه
+
حامد : انا حر . مرتي وله انتي مش واخده بالك
حنين اتكسفت : انا عايزه انام
+
ضحك : مفيش نوم. كل اما اكلمك كلمه تقولي هنام
+
حنين : انت اللي بتلخبطني .
حامد : انا عملت حاجه
+
حنين : مش فاهمك .. انت عايز ايه . عتحبني وله عتكرهني . بتضايق مني وله بتخاف عليا . انت بتعمل كل حاجه وعكسها
+
حامد : مش قولتلك بجره
+
احمر وش حنين بغضب : وسع أكده . انا اللي غلطانه علشان بتكلم معاك افتكرتك اتغيرت بس لسه زي ما انت
+
حامد ضحك و حط أيده علي كتفها قربها منه وهي بتحاول تبعد بس هو رافض : شششش. انا هفهمك كل حاجه يا بجره
+
حنين : مش عايزه افهم حاجه ومتقوليش بجره
+
حامد : احلي بجره
حنين :. برضو اسمها بقره . وبعد عني
+
حامد وهو مستمتع بمضايقتها : طيب بصي أكده انا عحبك يا بجره ومعرفش ابعد عنك . لاني عحبك من زمان قوي . هو لسانك ده اللي عامل زي المبرد مجنني . فرحت اما بقيتي مرتي وعلي اسمي .. قولت اعترف بحبي بس انتي سودتي علينا اليوم . الله يسمحك .
+
حنين فاتحه بوقها ومصدومه
+
حامد. : اقفلي خشمك ده ليدخل فيه حشره وله حاجه .
+
حنين : انا مصدومه ، انت بتتكلم بجد ..يعني بتحبني انا
+
حامد : بتكلم بجد هكدب ليه ، انا عحبك ، مقربتش منك عشان عايزك تحبيني .
+
حنين : ءء انت مقولتش الموضوع قبل أكده
+
حامد : موضوع ايه . وانتي بلسانك الطويل ده عايزاني اقولك اني عحبك قبل ما نتجوز كنتي فرجتي عليا الدار باللي فيه . وغير أكده انا قولت اقولك وانتي حلالي وملكي بيبق ليها طعم أكده
+
حنين حاسه انها اتجمدت ومش عارفه ترد تقول إيه عقلها مش مستوعب أن حامد بيعترف بحبه ليها
+
******”
+
في القاهره
+
زهره وعلي قاعدين بياكلو
+
زهره : ممكن اطلب منك طلب
علي :؛ اه طبعا اتفضلي
+
زهره : انت خابر اني اتخرجت السنه اللي فاتت من الثانويه العامه وجبت ٩٥ / وجدك طبعا رفض ادخل الجامعه
+
علي : خابر . مع اني معرفش ليه مصمم البنات متكملش جامعه
+
زهره : اهو تحكم وخلاص.. كنت بفكر بما اننا هنا في القاهره. عايزه اكمل تعليمي. تقدر تساعدني
+
علي : بجد . انتي عايزه تكملي تعليمك
+
زهره : اه . عايزه اكمل. هتساعدني
+
علي : هساعدك طبعا هسالك في الجامعه لو ينفع تكملي وانتي متاخره سنه وان شاء الله خير
+
زهره : أن شاء الله . ده هيكون سر بينا وحتي لو روحت الجامعه مش هقول لحد اني اعرفك
+
علي : تمام
+
زهره اتنهدت وهي حاسه انها بقت حره وبعدت عن جو العبوديه اللي جدها معيشها فيه
1
********
+
مع حنين وحامد
+
نام هو . وهي طول الليل بتفكر في كلامه هو بيحبها .. كان بتسال نفسها هو ليه اتغير . بس طلع العيب فيها هو دائما كان بيحبها وهي اللي مش شايفه الحب ده . اينعم تعبيره عن حبه غريب بس هي اللي كانت بتستفزه
+
حنين بصت علي ملامحه الرجوليه وهو نائم وبتفكر هي ممكن تحبه وله لا؟؟
2
*****
+
يتبع
+
