رواية تحت مسمي النصيب الفصل الرابع عشر 14 بقلم ملك ايهاب
تحت مسمى النصيب
الفصل الرابع عشر :(تنفيذ بالاكراه!!)
———————–
اعاد كنان حديثه مجددا :-
خطوبة مين …انت ….انت بتتكلم جد؟؟
وقف بشموخ واتجه ناحيته :-
وانا من امتي بهزر ياكنان ؟؟….انت وسُلاف كتب كتابكوا الاسبوع الجاي مع الخطوبه
تحدث بأندفاع :-
انت جاي ورحمة مكملش علي وفاتها سنه وتقولي اتجوز….ومين بنت خالتها ؟….انت فاهم يابا انت عايزني اعمل ايه؟؟
لم بجد رداً يريحه لتتجه سلاف نحو والدها وتمنت لو ينفي ذلك الخبر او يعارضه :-
الكلام ده صحيح يا بابا ؟؟….قولي انه لأ….انت مشيت حازم….مشيت حازم من هنا زعلان مني عشان فهمته اني انا موافقه؟؟….حازم.مشي زعلان من هنا عشان مفكر اني مواقفه علي الجوازه دي ؟؟….قولي حاجه
لم يعطيها ردا ف فهمت انه لن ينفي ولا يعارض شئ!!
قامت سعاد من مكانها واتجهت نحو كامل زوجها :-
مين ده اللي عيتجوز سلاف ؟؟….ها ..بقي انت جمعنا إهنا عشان تجول كده ؟؟….ملقتش غير بت فاطنه اللي تجوزهاله ياكامل ؟؟
استقام في وقفته وشرع في الذهاب:-
انا جولت اللي عندي وكتب الكتاب الجمعه الجايه وبعديه باسبوع الفرح ….(نظر لكنان و سعاد) وكلامي هيتنفذ
•••••••••••••••••••
لم يجدِ نفعاً حديثهم جميعا مع كامل او اسماعيل
فصمما الاثنان علي رأيهما ولم يهتما لرأيهم
قامت سلاف من فراشها لتجد آيه تتجول في غرفتها باعجاب
فركت سلاف عيناها وتاكدت ان آيه قد نزلت الي الصعيد
التفت آيه الي الوراء واتجهت نحوها بلهفه وشوق
***************
كانت بدر تجلس في غرفتها تستشيط غضبا لا تعلم سببه !!؟
تقف في شرفتها ناظره الي اسر الذي وصلت ضحكاته مع يمني اليها
كلما تتذكر موقفه معها عندما رآها داخل غرفة فارس رغبة في البكاء والحرج تتملكها …تذكرت عندما فُتح الباب فجأه وظهر اسر من ورائه والدهشه تحتل وجهه
-:انتِ بتعملي ايه هنا ؟؟
-: ها ؟؟؟…ولا حاجه كنت بجيب حاجه لفارس من الأوضه
-:وهو مطلعش يجيبها ليه ؟؟؟وليه تليفونه في ايدك؟
:-هو كان عايزه فجبتهوله….بعدين انت هتحقق معايا ليه؟؟
مسح بيديها علي وجهه وزفر:-
فعلا احقق معاكي ليه …ماشي يابدر انا اسف
فاقت من شرودها علي صوت الباب يطرق :-
ادخل
فتح فارس باب غرفتها وتقدم نحوها بوجوم وغضب
*****************
آيه :-
وحشاني جداا…عامله ايه؟؟…وايه اللي حصل امبارح؟؟….وازاي سيبتي حازم ؟؟…وازاي اصلا هتتجوزي كنان ؟؟…فهميني
سلاف :-
اهدي يا آيه كل ده ورا بعض …..اولا انا مسيبتش حازم ولا هسيبه ….انا موافقتش علي جوازي من كنان انا مغصوبه وتقريبا امبارح عمي كامل حلف علي كنان انه هيحرمه من الميراث لو متجوزناش لما لقي ان كنان مصمم علي قراره حلف انه هيعمل معاه زي ماجدي عمل مع بابا وهيخليه يسيب الثرايا ويمشي
معرفش ايه اللي حصل بعديها بس اعتقد انه هيوافق علي الجواز بعد الكلام ده
آيه :-
ااااه طب وعمي اسماعيل موافق ازاي ؟؟
هو مش عارف انك بتحبي حازم وهو بيحبك؟؟
سلاف :-
عارف….بس متكلمش وشكله هو كمان كان متفق مع عمي كامل …انا متلخبطه ومش عارفه حاجه…وحازم سبني ومشي وشكله مش راجع تاني
آيه :-
ليه؟؟
سلاف:-
شوفته امبارح معاه شنطته ومسافر وعمي صالح مظهرش هو كمان تقريبا سافروا
آيه :-
طب قومي اغسلي وشك والبسي عشان ننزل مش هنقضي اليوم كله هنا
سلاف :-
هو كنان تحت؟؟
آيه :-
معتقدش الوضع متعقد تحت اعتقد مشي
زفرت سلاف بضيق واعتدلت من جلستها واتجهت الي خزانتها
•••••••••••••••••••
كان يجلس وملابسه متسخه بسبب التراب
لا يفعل شئ سوي الجلوس امام قبرها والصمت
هل حقا ستكون زوجته واحده اخري؟؟
كيف سيتعامل معها وعشق رحمه مازال يحتل قلبه ؟؟
ومن ناحيه اخري كيف سيغضب والده ؟؟
مازالت كلماته تردد علي مسامعه
<<الجوازه ديه هتم ياكنان ….وكلمتي هتتنفذ …والا البيت دي معيبقاش بيتك ولا هيبقي ليك مكان فيه زي عمك اسماعيل
زمان >>
~~~~~~~~~~~
ظلت تنظر لفارس بخوف فنظراته لها لن تحمل معني من الرفق !!!
كور يده بغضب ونظر لها :-
طيب …كام مره بجولك ابعدي عني ؟؟ها ؟
معتحرميش ابدا؟….دخلتي اوضتي ليه؟
تلعثمت وتوترت من اين له ان يعرف انها دخلت الي غرفته؟!!
بدر:-
يافارس اصل…
فارس :-
اصل ايه ؟؟…شوفي يابدر انا جبت اخري وعشان معملش مشكله جولت لاسر اني جولتلك تجيبيلي التليفون من اوضتي ….لكن قسما بالله ان قربتي مني تاني لا عمايلي معتجبكيش يابدر (صاح بها) سامعه ؟؟
بدر :-
س…سامعه
==============
استقام من جلسته ونظر الي قبرها:-
غصب عني يارحمه ….مقدرش اعارض في حاجه مش عايزها لان اللي بعديه هيبقي اسوأ….مقدرش ازعل ابويا مني …..مش هحبها ولا هحاول حتي …سحرتيني يارحمه حتي بعد ما موتي مش هعرف احب تاني!!!
∞∞∞∞∞∞∞∞
نظرت له لوهله بحسره :-
هقولك ايه ياكنان …..اتجوزها….انا مليش كلمه دلوقتي وبنتي الي كنت خطبها ماتت …مقدرش امنعك …بس سلاف يا كنان؟!!!…..بنت خالتها؟؟
احتل الرجاء والحزن قسمات وجهه :-
والله انا ماخترتش….انا اصلا مبحبهاش ومش هحاول بنتك بس اللي في قلبي ….بس مقدرش اخلي ابويا غضبان عليا وزعلان مني …انا بقالي سنين بطوعه وبحترمه وعمري ما عارضته حتي وانا صغير اجي دلوقتي واخليه غضبان عليا؟؟؟
ربطت علي يده وابتسمت بهدوء:-
ربنا معاك يابني مهما هتعمل هتفضل زي ابني برضه ….ماهو بغصبك وعدم رضاك وعندك حق مينفعش تغضب ابوك عليك ….اتجوزها وحبها ياكنان ….سلاف طيبه وروحها حلوه مش هتلاقي منها كتير دلوقتي عيش حياتك محدش يقدر يربطك
اعتدل من جلسته وشرع في الوقوف:-
مقدرش احبها ….محدش هيخليني احبه زي ما حبيت رحمه …..( نظر لها) شكرا انك تقبلتي الموقف انت اكتر واحده كنت خايف علي زعلها
ودعا بعضهما ونزل كنان من المنزل ميقناً انه لن يعود اليه من جديد!!
*****************
كان وليد يتجول في شوارع القاهره يفكر في صاحبه العينان الزرقاويتان!!
لم تغيب عن مخيالته ….تمني لو يراه لمره اخري !!…..قاطع افكاره رنين هاتفه معلنا عن اتصال كنان به !!!
لم يهاتفه منذ اسبوعان لما يتصل به الآن ؟؟؟
———————-
مر الاسبوع بضيق وبطئ لم يتقابلا كل من (كنان) و (سلاف) طيلة الاسبوع كان يحاول تجنبها قدر الامكان كما كانت تفعل هي !!!
تخاف مواجهته ورؤيته لسبب لاتعلمه ؟؟!!
كانت تجلس برفقة آيه ويمني تجهزت وارتدت فستان زفافها الفضفاض وحجابها
آيه :-
غضاً للنظر ان انتي حلوه من غير حاجه…بس مش هتحطي ميك اب خالص؟؟
نظرت بتحدي في المرآه :-
هما مش عايزني اتجوز بالغصب يبقي يشوفوا بقي
آيه :-
سلاف اعقلي انت هتنزلي انهارده وتقريبا نص البلد عندكوا فاعرفي بتتصرفي ازاي
عانقتها سلاف وهي تردف:-
متخافيش انا عارفه انا بعمل ايه ومش هعمل حاجه تحرجنا انا فاهمه يا آيه
آيه :-
ربنا يستر
•••••••••••••••••••••
ارتدي بذلته التي زادته اناقته امسك بعطره المفضل و وضعه
نظر بشراسه الي المرآه وارتدي ساعته وخرج
فارس :-
كنان سلاف خلصت عمي بيجولك روحلها عشان تنزلوا مع بعض
تنهد وتمتم:-
حاضر يافارس….نازل
_____________
كان جميع من في القصر قد تجهز ونزلا اسماعيل وكامل لاستقبال ضيوفهم
كانت سعاد تجاس غير راضيه عن تلك الزيجه ابدا ….وظهر ذلك علي ملامحها رغم ابتسامتها التي حاولت مرارا ان تظهرها !!
****************
كانت سلاف تجلس برفقة يمني وآيه صامته قاطع ذلك الصمت صوت طرقات الباب وتقدمت يمني لتفتح الباب
ظهر صوته اخيرا من خلفها:-
نادي سلاف لو خلصت !؟
التفت سلاف مسرعه للوراء و وقفت وتقابلت اعينهما في الطريق !!!
*************
الفصل الرابع عشر :(تنفيذ بالاكراه!!)
———————–
اعاد كنان حديثه مجددا :-
خطوبة مين …انت ….انت بتتكلم جد؟؟
وقف بشموخ واتجه ناحيته :-
وانا من امتي بهزر ياكنان ؟؟….انت وسُلاف كتب كتابكوا الاسبوع الجاي مع الخطوبه
تحدث بأندفاع :-
انت جاي ورحمة مكملش علي وفاتها سنه وتقولي اتجوز….ومين بنت خالتها ؟….انت فاهم يابا انت عايزني اعمل ايه؟؟
لم بجد رداً يريحه لتتجه سلاف نحو والدها وتمنت لو ينفي ذلك الخبر او يعارضه :-
الكلام ده صحيح يا بابا ؟؟….قولي انه لأ….انت مشيت حازم….مشيت حازم من هنا زعلان مني عشان فهمته اني انا موافقه؟؟….حازم.مشي زعلان من هنا عشان مفكر اني مواقفه علي الجوازه دي ؟؟….قولي حاجه
لم يعطيها ردا ف فهمت انه لن ينفي ولا يعارض شئ!!
قامت سعاد من مكانها واتجهت نحو كامل زوجها :-
مين ده اللي عيتجوز سلاف ؟؟….ها ..بقي انت جمعنا إهنا عشان تجول كده ؟؟….ملقتش غير بت فاطنه اللي تجوزهاله ياكامل ؟؟
استقام في وقفته وشرع في الذهاب:-
انا جولت اللي عندي وكتب الكتاب الجمعه الجايه وبعديه باسبوع الفرح ….(نظر لكنان و سعاد) وكلامي هيتنفذ
•••••••••••••••••••
لم يجدِ نفعاً حديثهم جميعا مع كامل او اسماعيل
فصمما الاثنان علي رأيهما ولم يهتما لرأيهم
قامت سلاف من فراشها لتجد آيه تتجول في غرفتها باعجاب
فركت سلاف عيناها وتاكدت ان آيه قد نزلت الي الصعيد
التفت آيه الي الوراء واتجهت نحوها بلهفه وشوق
***************
كانت بدر تجلس في غرفتها تستشيط غضبا لا تعلم سببه !!؟
تقف في شرفتها ناظره الي اسر الذي وصلت ضحكاته مع يمني اليها
كلما تتذكر موقفه معها عندما رآها داخل غرفة فارس رغبة في البكاء والحرج تتملكها …تذكرت عندما فُتح الباب فجأه وظهر اسر من ورائه والدهشه تحتل وجهه
-:انتِ بتعملي ايه هنا ؟؟
-: ها ؟؟؟…ولا حاجه كنت بجيب حاجه لفارس من الأوضه
-:وهو مطلعش يجيبها ليه ؟؟؟وليه تليفونه في ايدك؟
:-هو كان عايزه فجبتهوله….بعدين انت هتحقق معايا ليه؟؟
مسح بيديها علي وجهه وزفر:-
فعلا احقق معاكي ليه …ماشي يابدر انا اسف
فاقت من شرودها علي صوت الباب يطرق :-
ادخل
فتح فارس باب غرفتها وتقدم نحوها بوجوم وغضب
*****************
آيه :-
وحشاني جداا…عامله ايه؟؟…وايه اللي حصل امبارح؟؟….وازاي سيبتي حازم ؟؟…وازاي اصلا هتتجوزي كنان ؟؟…فهميني
سلاف :-
اهدي يا آيه كل ده ورا بعض …..اولا انا مسيبتش حازم ولا هسيبه ….انا موافقتش علي جوازي من كنان انا مغصوبه وتقريبا امبارح عمي كامل حلف علي كنان انه هيحرمه من الميراث لو متجوزناش لما لقي ان كنان مصمم علي قراره حلف انه هيعمل معاه زي ماجدي عمل مع بابا وهيخليه يسيب الثرايا ويمشي
معرفش ايه اللي حصل بعديها بس اعتقد انه هيوافق علي الجواز بعد الكلام ده
آيه :-
ااااه طب وعمي اسماعيل موافق ازاي ؟؟
هو مش عارف انك بتحبي حازم وهو بيحبك؟؟
سلاف :-
عارف….بس متكلمش وشكله هو كمان كان متفق مع عمي كامل …انا متلخبطه ومش عارفه حاجه…وحازم سبني ومشي وشكله مش راجع تاني
آيه :-
ليه؟؟
سلاف:-
شوفته امبارح معاه شنطته ومسافر وعمي صالح مظهرش هو كمان تقريبا سافروا
آيه :-
طب قومي اغسلي وشك والبسي عشان ننزل مش هنقضي اليوم كله هنا
سلاف :-
هو كنان تحت؟؟
آيه :-
معتقدش الوضع متعقد تحت اعتقد مشي
زفرت سلاف بضيق واعتدلت من جلستها واتجهت الي خزانتها
•••••••••••••••••••
كان يجلس وملابسه متسخه بسبب التراب
لا يفعل شئ سوي الجلوس امام قبرها والصمت
هل حقا ستكون زوجته واحده اخري؟؟
كيف سيتعامل معها وعشق رحمه مازال يحتل قلبه ؟؟
ومن ناحيه اخري كيف سيغضب والده ؟؟
مازالت كلماته تردد علي مسامعه
<<الجوازه ديه هتم ياكنان ….وكلمتي هتتنفذ …والا البيت دي معيبقاش بيتك ولا هيبقي ليك مكان فيه زي عمك اسماعيل
زمان >>
~~~~~~~~~~~
ظلت تنظر لفارس بخوف فنظراته لها لن تحمل معني من الرفق !!!
كور يده بغضب ونظر لها :-
طيب …كام مره بجولك ابعدي عني ؟؟ها ؟
معتحرميش ابدا؟….دخلتي اوضتي ليه؟
تلعثمت وتوترت من اين له ان يعرف انها دخلت الي غرفته؟!!
بدر:-
يافارس اصل…
فارس :-
اصل ايه ؟؟…شوفي يابدر انا جبت اخري وعشان معملش مشكله جولت لاسر اني جولتلك تجيبيلي التليفون من اوضتي ….لكن قسما بالله ان قربتي مني تاني لا عمايلي معتجبكيش يابدر (صاح بها) سامعه ؟؟
بدر :-
س…سامعه
==============
استقام من جلسته ونظر الي قبرها:-
غصب عني يارحمه ….مقدرش اعارض في حاجه مش عايزها لان اللي بعديه هيبقي اسوأ….مقدرش ازعل ابويا مني …..مش هحبها ولا هحاول حتي …سحرتيني يارحمه حتي بعد ما موتي مش هعرف احب تاني!!!
∞∞∞∞∞∞∞∞
نظرت له لوهله بحسره :-
هقولك ايه ياكنان …..اتجوزها….انا مليش كلمه دلوقتي وبنتي الي كنت خطبها ماتت …مقدرش امنعك …بس سلاف يا كنان؟!!!…..بنت خالتها؟؟
احتل الرجاء والحزن قسمات وجهه :-
والله انا ماخترتش….انا اصلا مبحبهاش ومش هحاول بنتك بس اللي في قلبي ….بس مقدرش اخلي ابويا غضبان عليا وزعلان مني …انا بقالي سنين بطوعه وبحترمه وعمري ما عارضته حتي وانا صغير اجي دلوقتي واخليه غضبان عليا؟؟؟
ربطت علي يده وابتسمت بهدوء:-
ربنا معاك يابني مهما هتعمل هتفضل زي ابني برضه ….ماهو بغصبك وعدم رضاك وعندك حق مينفعش تغضب ابوك عليك ….اتجوزها وحبها ياكنان ….سلاف طيبه وروحها حلوه مش هتلاقي منها كتير دلوقتي عيش حياتك محدش يقدر يربطك
اعتدل من جلسته وشرع في الوقوف:-
مقدرش احبها ….محدش هيخليني احبه زي ما حبيت رحمه …..( نظر لها) شكرا انك تقبلتي الموقف انت اكتر واحده كنت خايف علي زعلها
ودعا بعضهما ونزل كنان من المنزل ميقناً انه لن يعود اليه من جديد!!
*****************
كان وليد يتجول في شوارع القاهره يفكر في صاحبه العينان الزرقاويتان!!
لم تغيب عن مخيالته ….تمني لو يراه لمره اخري !!…..قاطع افكاره رنين هاتفه معلنا عن اتصال كنان به !!!
لم يهاتفه منذ اسبوعان لما يتصل به الآن ؟؟؟
———————-
مر الاسبوع بضيق وبطئ لم يتقابلا كل من (كنان) و (سلاف) طيلة الاسبوع كان يحاول تجنبها قدر الامكان كما كانت تفعل هي !!!
تخاف مواجهته ورؤيته لسبب لاتعلمه ؟؟!!
كانت تجلس برفقة آيه ويمني تجهزت وارتدت فستان زفافها الفضفاض وحجابها
آيه :-
غضاً للنظر ان انتي حلوه من غير حاجه…بس مش هتحطي ميك اب خالص؟؟
نظرت بتحدي في المرآه :-
هما مش عايزني اتجوز بالغصب يبقي يشوفوا بقي
آيه :-
سلاف اعقلي انت هتنزلي انهارده وتقريبا نص البلد عندكوا فاعرفي بتتصرفي ازاي
عانقتها سلاف وهي تردف:-
متخافيش انا عارفه انا بعمل ايه ومش هعمل حاجه تحرجنا انا فاهمه يا آيه
آيه :-
ربنا يستر
•••••••••••••••••••••
ارتدي بذلته التي زادته اناقته امسك بعطره المفضل و وضعه
نظر بشراسه الي المرآه وارتدي ساعته وخرج
فارس :-
كنان سلاف خلصت عمي بيجولك روحلها عشان تنزلوا مع بعض
تنهد وتمتم:-
حاضر يافارس….نازل
_____________
كان جميع من في القصر قد تجهز ونزلا اسماعيل وكامل لاستقبال ضيوفهم
كانت سعاد تجاس غير راضيه عن تلك الزيجه ابدا ….وظهر ذلك علي ملامحها رغم ابتسامتها التي حاولت مرارا ان تظهرها !!
****************
كانت سلاف تجلس برفقة يمني وآيه صامته قاطع ذلك الصمت صوت طرقات الباب وتقدمت يمني لتفتح الباب
ظهر صوته اخيرا من خلفها:-
نادي سلاف لو خلصت !؟
التفت سلاف مسرعه للوراء و وقفت وتقابلت اعينهما في الطريق !!!
*************
