رواية بيت البخت كامله وحصريه بقلم اريج البغدادي
فزيت بنص الليل على صوت همس….
لكيته فاتح الكتاب الغريب ويقرأ والغرفه ضلمة ومعتمد على ضوء صغير فقط،
وبهل أثناء ترك الضوء من أيدة وباوع على الحايط
ورجع التفت عليه بطريقه مرعبه
اني كبل رجعت اللحاف ع راسي و
نمت
انشدت الوصله السودة على
عيني وجتفوني
– أشش ولا حجاية
الصوت هذا اني سامعة بس وين؟
– مو كنالك انطونه ياه؟
– كتلك دخيل ننطي ركبنا وماننطية
-اي هسة ركبتك بين ايدينه علمود واحد مثله…
بالقرأن الي يتدنى من مرتي رجله تنكص والرّجال البيكم يجي يكابلني
– هيه أختي عوفها مالك دخل اريد اخذها
– وهيه مرتي مثل ما أختك أنسى تطلعها من بيتها واذا طلعت بعد مترجع…
هاي شنو موضوع هاي الكتب؟
– هم دخلت روحها بيهن، أبويه لدخلين نفسج بيهن وخلي علاقتنا بدون فضول خوش
– سكتت وبقى الفضول بداخلي الحد ما نام ورحت لكنتورة وفتحت الكتاب لكيت…
دُرر تعاي بابا صيحي،، ونزلوا
– شيريد ابويه؟
– ماعرف بس كال انزلوا
نزلنا ولكينا الكل متجمع وكأنوا منتظرينه ننزل
– شصاير ليش ملتمين عاد انتوا متلتمون بخير
– ظَهير شوكت تنتبه الكلامك!!!
(بصوت عالي)
….
انتضروني على بارت الاول
(#بيت_البخت) –
#بارت 1
وَخَلَقَ كُلَّ شَيْءٍ فَقَدَّرَهُ تَقْدِيراً.
|
|
|
|
{ بيت أبو دُرر }
رجعت من الدوام ولكيت سيارات سودة طابكة بالفرع والتاهو الوحيدة طابكة باب بيت جوارينه (أبو مهيمن) الي والدي ووالده بنفس العمل،
كملت مشي درت عيني ؏ بابهم طلع واحد ضخم لابس دشداشه سودة غترة خضرة لابسها مثل الحجاب
«باوعلي بخزرة وتيهت اذا هاي نظرته او لمن شافني »
فتح باب التاهو وعرفتها الهم
سمعت واحد يصيحه وتقرب من عنده
– ظَهير أبوية يكول أخذ عبيس وياك
-ظَهير: انلطم وروح منا عباس وحگ
الداحي مالي خلكك
كمل دردمة ويباوعلي من الشباك مالت السيارة أني وصلت مقابيله لان بيتنه مقابيل بيت ابو مهيمن طبيت وطبكت الباب بوجه اول ما وصلت كلتلهم
-دُرر: يمة شمسوين غدة بسرعة
-وردة: اهو أجت العطلانة مسوين مركة شجر
-دُرر: صددككك؟ حتى أشك الصدرية هسه وابطل
-حيدرة: أي يلا والله هاي امنيتي تكعدين وتكابلينه شو بس انتي ادرسين وكاتله روحچ
-وردة: ليش عيني هو بس انتَ الكسولي كاعد ومكابلنه قصدك اني ادرس خارجي عيني
حيدرة: أيي خارجي عود من … اذا نجحتي
-دُرر: كاعدة أكل وصار يروادني بخيالي صاحب الدشداشة السوداء!
خلصت الأكل ونظفت البيت اني واختي بين الضحكة والسالفه خلصنه من كُلشي أخذت قيلوله لحد ما صار المغرب سألت أُختي
-دُرر: وردة ابويه وين؟
-وردة: بالباب ديسلم على صديقه القديم طلع أخوه الجوارينه السيد ابو مهيمن
-دُرر: هاا تمام
طلعت بالحوش الجو مغرب وديأذن وصوت الجماعة بالباب…
-العم قيصر أبو دُرر: لك اهلاا الغالي أبو ظَهير شلونك أخبارك
-العم عواد: واللهي الحمدلله انتَ شخبارك امورك طيبين العائلة
-العم قيصر: والله الحمدلله بخير
لاحظت السلام الحار الي بينهم والاحضان وكأنو يعرفون بعض من زمان
-حيدرة: وين أبوي؟
-دُرر: واكف يم جارنه أبو مهيمن ديسلم على زلم اول مره نشوفهم
وره يومين من هل كلام
طلعت للدوام ضهري وشفت مُهيمن واخويه وهذاك صاحب الغترة
(بداخلي أني وامشي الطريق الدوام أفكر ليش وجهة أحسه مألوف زين ليش همة يضحكون وهوه لأ تحسه يضحك بملامحة مو بفمة وشنو سر نور الي بوجهة وجماله وهيبته، وبنفس الوقت حسيته مينجرع لان ماحب هيجي ناس غامضين مظهرياً)
رجعت من المدرسة ولكيته كاعد براس الفرع هوه وأبن عمة ويدخن وبهل أثناء مهيمن راح ركض البيتهم بس شافني كام على حيله
بس كملت طريقي ودخلت البيتنه
وره نص ساعة أندك بابنه حيل
-حيدرة: ها قيس شكو
-قيس: أبويه صعد عندة الضغط منوره ذراع الله لايوفقه
ركض حيدرة ديلبس ملابسة سأله أبويه
-العم قيصر: شبيك متلهف
-حيدرة: عمو أبو مهيمن متخربط منوره أبنة ذراع
-العم قيصر: صدك ولك شمدريك؟
-حيدرة: هسه أخو قيس كلي
ركضوا كلهم على بيت ابو مهيمن واني أباوع من فتحة الباب، وبلحظة مريبه ابو غترة متلثم وبكل برود واكف بباب حوشهم نزل عينه بالكاع والتفت على فتحت الباب الي داباوعلهم منها وضل يخزر
اني جفلت من هل موقف، والي حيرني شلون عرف اني داباوع من هل فتحة وهيه صغيرة كُلش
وليش نزل عينه بالكاع ورجع باوعلي وكأنو أحد تكلم بأذانه انو اني داباوع للوضع
«رحت أنام وره ما خلص هل حدث ورجع العم علي بسلامة واخويه وابويه رجعوا للبيت وصار وقت النوم، نمت على فراشي ونداريت الصفحة الحايط وايدي على خدي وافكر بهذاك ابو وبأسلوبه الغريب وشكد ما أسولف عن تصرفاته الغريبه والغامضه مايكفي شنو موضوعة؟»
ثاني يوم داومنه أني وزينب بنت جوارينه أبو مهيمن لان نفس المرحلة
واخذتنا السوالف لين وصلتها الموضوع أبن عمها ابو
-زينب: هاا هذا ظَهير ابن عمي أي شبي؟
-دُرر: مابي شيء بس تحسيه غريب وغامض مدري شبي والله ما اتطمنت أبد من شفته
-زينب: بالعكس متعرفيه زين، هو صحيح شخص تحسيه غامض وايضاً إنطوائي بس شهم وابو نخوة
لاحظتها تكول مواصفات بكُل حُب وعيونها تلمع من تحجي بي سألتها
-دُرر: زينب تحبيه شو كمتي اتطلعين قلوب من حجيتي بي
-زينب: لايمعودة ماعندة هيج سوالف وحب يريد تقليد وكلشي بحياتة يحبه برسمية
وتقربت الزيارة لكاظم (ع) وكالعادة عدنه موكب واحد أحنا وجوارينه أبو مهيمن بس هلمره رح يوسعون الموكب لان العم عواد رجع من المحافظة الي كان بيها سنوات علمود العمل وعرفت مارح نخدم هل سنه بعدما سألت زينب
رجعت للبيت وكلت الأبويه هل كلام
-دُرر: يابه عود هم رح نخدم ويه بيت ابو مهيمن هل سنه؟ لان اخو وعائلته رح يخدمون وياه
-العم قيصر: لا بابا ماكدر، عوائل وأهل بيناتهم بعد مانخدم وياهم هوه چان معتبرني بحسبه أخوه عواد وخدمنه سوه بس بعد أخوه رجع وهاهيه أحنا بس نزور وأني صراحتاً تعبت يعذرني الأمام
من نزور نروح عليهم وأسلم وانتوا هم سلموا عليهم بس بعد فقط نزور مانخدم أحنا موكبنا بكربلاء
والله وفعلاً الزيارة ومشينا الى وصلنه الموكب وشفت مُهيمن وأخوانة ذراع وقيس أبو غترة وخوانة يخدمون ومشغلين قصيدة
(نسل حيدرم)
-:يا عمي عفت الوطن لمن شفت عينك وطن
-دخيلك ثوب العرس ماريدة لايكلي الجفن
-أذا نويت الي الشهادة وخله يشهدلي الزمن
-لـ أنادي إن تِنكروني فأنا شبلُ الحسن.
وكلهم ملفلفين الشماغ الأخضر ونص منهم مخليه على چتفهم وقيس يصيح
تفضل يازايرر شلون كص يفوتك زايرر
والبقيه يضحكون ويوزعون الا ظَهير الوحيد ملفلف وجهة ويطبخ بنص النار وشاعل الموكب بالدخان
فتنه من يمهم والدتي سلمت على مُهيمن
-مُهيمن: هلا خاله ام حيدر هلا تفضلي جوة بالموكب والله والدتي مفتقدتي خبزج الطيب لسنه
-زهرة أم دُرر:الكاظم يحرسكم ويحفظكم يمة ان شاءالله ويخليكم بكل سنه تخدمون
-مُهيمن: الله يسلمج يمة دعوتج كافيه
-وردة: لج دُرر عود صدك هل سنه بس نسلم ما نخدم، دُرر؟ وثول
التفت عليها لان جان بالي مو يمها شارد
-دُرر: هاا يمعودة
-وردة: مو احجي وياج شبيج
-دُرر: ممنتبهة
-وردة: اي تباوعين الذاك مو؟
وتأشر على ابو الغترة بكل رعونه
-دُرر: ولج رعنة نزلي ايدج هسه ميكول شبيهن هذن
هو يباوعلي ويخزر وقيس بصفة يشاور بي ومبين انو ديسولفون وهو يرد بس ممبين لان ملثم واجت طفله تجر بدشداشته وصحالها (هاا بويه)
اني ضليت صافنة وكلت ليش ما أسال زينب اذا هوه متزوج أو لا؟ وبالفعل سألت واني عيني عليه بدون ما أنتبه على الي حولي
-دُرر: أكُلج زينب هو ابن عمج الغريب الأطوار هذاك متزوج؟
حسيت على صوت رجولي وراي ينطق
ليش تسئلين…؟
أنتظروني بارت الثاني بناتي
طبعاً بالبارت الثاني رح احطلكم الأشباه.
