رواية بيت البخت الفصل السادس 6 بقلم اريج البغدادي
-سيد فرهود: هاا شكوو
-قيس بفحطة: الحك ابوية حالته أدهورت
-سيد فرهود بصدمة: شنوو؟ هسه رح البس واجيك
-: دخل سيد فرهود يركض وكاللهم شنو صاير راحوا ركض وركبوا السيارات وطلعوا للمستشفى
قيس صاعد ويه ضَهير وأبوه
-سيد ضَهير: من شوكت عمو بالمستشفى؟
-أبو ضَهير: من شوكت لعد الذي حالته مدهوره وماحجيتوا؟
-سيد قيس: والله عمو من الفجر
-أبو ضَهير: انجب ولك انجب غير تخابرون تحجون
-سيد قيس: مادري شنو اكول الكم
-سيد ضَهير: ماكو شيء ان شاءالله هسه نروح ونشوف شكو
-: وصلوا المستشفى
سيد ضَهير لبس الغترة ولفاها على ركبته ونزلهة من وجهة بتوتر وصل الردهة
وسيد مهيمن ايدة على حلكة والثانيه على خاصرته ويفتر
-سيد ضَهير: هاا شكوو مهيمن
-: حضن مهيمن ضَهير وكال
-سيد مهيمن: اعتذر كلش ضَهير
-سيد ضَهير: أنجب مهيمن مو وكتك وين عمو
-سيد مهيمن: هنا تعالوا شويه تحسنت حالته هسه
-سيد عباس بأستهزاء: وليش ما حجيت لو الحقد كاتلك
-سيد ضَهير: عبيس راح امسح بيك الردهة والكفل زينب
-سيد ذراع: عوفه يمعود صغير
-سيد ضَهير: ادوس بحلكة واذا صغير
-سيد مهيمن: عوفه ضَهير مو وكتة هذا البطران
-سيد عباس: ياهو البطران؟
-سيد ضَهير صگ سنونه: اطللع بره عباااس
-: طلع عباس وضل واكف يم قيس
-سيد قيس: يمعود شدتاكل انت وكتك
-سيد عباس: غير قلق على عمي واخوك البنفسجي ميحجي
-سيد قيس: ههسه مصار شي انسى يمعود
-: تحسن السيد علي وضل يسولف مع أخو سيد عواد وأمروا الشباب يطلعون ويضلون وحدهم
-سيد ضَهير: يلا شباب تعالوا
-سيد ذراع: والله نزل كلبنه وهسه يضحك ويه عمي
-سيد فرهود: يمعود دكول الحمدلله من كعد ما سلمها على عين ضَهير
-سيد ضَهير: اسم الله شكد اكلتوا زر#اب اليوم
-سيد قيس بضحكة: باعو وجه عباس شلون مكلوب شبي بلا؟
-سيد فرهود: لان ماتريك
-سيد عباس: خاب نمرووود تره مابيه خلكك والزچية
-سيد سلام بضحكة: عووفووه ترة يغضب
-سيد ضَهير بخزره: عوفوه
-سيد مهيمن: ضَهير تعال اريدك على صفحة
-: راحوا على جانب ثاني
-سيد مهيمن: ضَهير مادري شلون اكلك بس وروح الحسين اني ماحبيت خطيبتك بس مادري شبيه أنلكفت
-سيد ضَهير: لعد شنو هل ضر#اط السويته؟
-سيد مهيمن: شيطان والله
-سيد ضَهير: انعل الشيطان اليخرب خوتنه
-: تحاضنوا وضلوا يدكون ع ضهر بعض
-سيد ضَهير: صدك جذب مهيمن شبيك دمعت
-سيد مهيمن بخنگة: مادري والله كلش مضغوط هاي الفترة ضَهير
-سيد ضَهير: دكول يا الله مهيمن شبيك
-والله مادري شجاني
-معليك من يطلع عمي ان شاءالله بخير وسلامة نلتم ببيتنا
-ان شاءالله ليش لا
-يلا امشي نشوفهم ماخلصوا العمليات الخاصه اسرار
-ههههه امشي
بلسان سيد ذراع
شفت
-: طلع سيد ضَهير يشتم هوى برا المستشفى وبمكان معزول وره المستشفى
ذب الغترة الخضرة وعگد الحافه ويباوع والهوى العالي يهب عليه والهئيه الي هوه بيها مرعبة والدنيا غروب والشمس بدت تنزل
يقرأ سيد ضَهير ويغمض ورجع فتح العقدة ولبس الغترة وفتح عيونه وأبتسم
طلع من جيبه كتاب صغير جدا ويقرة
وأول ما حس أراقبه
دنك راسه وألتفتلي بطريقه بطيئة
اني اتخبيت وره الباب وأول ماحسيت بخطواته كلبي كام يدك سريع أتجرأت وركضت بخفه للطابق الثاني
-: أجتمعوا بالممر مال الردهات مره الثانيه ولاحظ سيد ذراع خزرات سيد ضَهير اله وكلما يدير وجهة ويرجع يباوع السيد ضَهير يشوفه يخزرة تقدم الدكتور بتجاهم طمنهم بحاله السيد علي وأنو يومين ويطلع فقط
-أبو ضَهير: الف صلاة مُحمدية أني أبات يم اخويه انتوا روحوا ولدي تعبتوا
-سيد مهيمن: لا شنو عمي غير ابونا شلون نعوفه
-سيد ضَهير بهدوء: عوف أبوية يضل ويا مهيمن
-سيد ذراع: شنو ليش؟
-سيد ضَهير بخزرة: أنت ميخصك
-سيد مهيمن بأستغراب: عوفوهم سوه تعالوا شباب
-أبو مهيمن: بابا روحوا اريد اخويه يمي
-سيد ضَهير: براحتك عمي
-: رجعوا للبيت بأمر والدهم
(سيد ذراع)
نمت بهل ليله وتحلمت أجاني شخص ضخم الهيئة بأيدة محبس بي سيف الأمام علي (ع) ويكول
ممنوع تكول الاحد الي شفته وكلتله على شنو
-رد عليه
ممنوع تكول الي شفته لأن صدك تتندم يااا يا ذراع
فزيت مرعوب وايدي على گلبي من الي شفتة التفت ع يميني اريد أشرب مي وشفت سيد ضَهير يصبلي مي ولابس كله أسود وغترة خضرة وكلي هاك
ردت أخذ الكلاص ووكع وانكسر باوعت للكاع رجعت رفعت راسي مالكيت أحد
-سيد قيس: شبيك يمعود فززتني خاب اني ليش مانمت بغرفتي نمت يمكم بالأستقبال
-: أخذ مخدته وصعد الغرفته
التفت عالورايه لكيت مهيمن كاعد وصافن عليه ومستغرب سألني
-سيد مهيمن: شبيك؟
-سيد ذراع: شنو؟ شبيه
-ليش لزمت الكلاص وعفته
-أني لزمت الكلاص وعفته؟
-ي چا حبوبتي
-اي اي صح لا مادري
-شنو المتدري بي ذراع انت واعي؟
-أي واعي يمعود تزحلك من ايدي لتسويها قضية
-يابه طبك عرج نام لدوخني
-: نمت وضليت دقايق أتكلب وما حسيت الا أيد انمدت تقيس حرارتي فتحت عيني لكيت اخويه مهيمن
-سيد مهيمن: شبيك ذراع مصخن خوفتني
-سيد ذراع: ها؟
-أأبوية شبيك مصخن
-ماعرف يمكن استبردت
-اي الا هيج اوكف
ردف… زينب زينب وينج
-زينب: ها مهيمن
-سيد مهيمن: تعاي سوي كمادات الذراع مصخن
-زينب: هسه
-سيد مهيمن: بسرعة أبويه
-سيد ذراع: مهيمن
-ها
-تحبني؟
-دنجب لك بربو#ك
-هههه فديتك
-نجب ذراعع
-وجعاع
-هسه تجي زينب خل تسويلك كمادات الحد ما تطفى خوش؟
-شنو لمبه اني
-هسه غير ياكل خر#ة
-ادلل
-: سوت كمادات وصار زين
(صار صبح واشرقت الشمس)
(بيت أبو دُرر)
-أم دُرر: يلا يا جهال كوموا تريگو يمة
-حيدرة: مو صرنه بعران شوكت نكبر يا يوم
-وردة: اني اضل دلوعة
-حيدرة بأستهزاء: بلوعة
-دُرر: ههههههايي قويه بلحلك
-وردة: يوووم باعي شلون يعيبوون
-أم دُرر: أنت خوثه كومي ولطميهم على حلكهم
-حيدرة: دخل تمد ايدها اكليها بدال البيض
-وردة: يمةة سمعتيي
-أبو دُرر: بس بلا هوسه مالي خلك
-حيدرة بضحكة وياكل: يابه انت شوكت صايره هوسه بحياتك اربعة وخمسين ساعة تسكت بينه
-أبو دُرر: ويفيد؟ لا والله ميفيد عبالك احجي ويه مزعطة
-أم دُرر: ميكبرون عيني ميكبرون
-: جهاز دُرر
تم أرسال رساله من ضَهير خطيبي
-حيدرة: شو بلا هههه باع شكاتبه عساس مندري خطيبها
-وردة: اي مو عندها عشره ضَهيرين
-حيدرة: انجبي مضحك
-وردة: مدا اكول نكته
-اي يلا انجبي
-يلا يلا اسكت
-اش ولج ولاحرف
-أبو دُرر: كااافي، شيريد منج دُرر
-دُرر: كاتب صباح الخير
-أبو دُرر: اي ردي بابا
-هو رح ارد
(محادثات)
-صباح الخير
-صباح النور ضَهير
-شلونج زينه
-زينه الحمدلله وانتَ
-ماعرف دايخ وممراسلج صارلي يومين عذريني
-لاعادي شنو سالفه بس ليش خو ما صايرلك شي
-اي والله عمي علي متخربط
-صدك شوكت شو مندري محد كال
-اي ياكلبي هو احنا درينه اليوم حتى ريوك ماتريكنه
-ياا
-والله بس حالته هسه اتحسنت الحمدلله
-دُرر: بابا هذا عمو ابو مهيمن متخربط بالمستشفى
-أبو دُرر: اي بابا ادري قبل شويه خابرني ابو ضَهير كال لا تقلق تعال على راحتك
-دُرر: أي زين
(المحادثه)
سيد ضَهير: دُرر
دُرر: ها
-أحبج
-شكرا ياعيوني
-شكرا؟
-اي ليش
-تمام
-ليش شكو بيها شي
-أنتِ أعرف، اني نعسان اريد انام
-نام براحتك نوم الهنا
-الله يهني ايامج، باي
-باي
-: رجعت كملت ريوك بأستغراب ليش كالها فجأة والصبح ورغم انو ديكول نعسان وتعبان يعني اكيد ماله خلك
قاطع أفكاري حيدرة
-حيدرة: لك دودووو باوع
-دُرر: ها
-حيدرة بصوت ناصي: بس شوفي جمالها دخيل الكعبة
-دُرر: منية هاي
-حيدرة: آيه حبيبتي
-دُرر: والله حلوة منين تعرفت عليها
-حيدرة: معليج بعدين اكلج
-دُرر: تمام بس والله ذواق شلون قبلت بيك يالأجلح
-أبوج الأجلح ولج شبيه اني
-ابويه ابوك يالأسود
-اهخ وكت الاسمر المحبوب صار اجلح عمي غير ماعندج ذوق
-دنجب
-خرب رح احط وجهج بالطاوة
-أبو دُرر: ديلا حتى اكسرك
-حيدرة: شوف شوف عبالك حجيت ويه برلمانيه مو دُرر
-أبو دُرر: حلكة اشكة اليحجي ويه دُرر ووردة
-حيدرة: ها واليكتل حيدرة بالجزمة تكوله رحمة الله والديك مو
-أبو دُرر: هم حلكة أشكة لعد وحد
-أم دُرر: واليحجي ويايي
-أبو دُرر: أبوه اشكة والله شعنديي غيركم
-وردة بحضنة: أحبك ابوييه
-حيدرة: اكلج درة
-دُرر: ها
-حيدرة: منين تطفى اللواگة؟
-من الخشم
-تعاي بلوعة خل ادوس خشمج بلكت تطفين
-بكييفييي ابويه واحبه
-وابوج شنو جوارينه
-هسه ليش ضايج منها دعوفها
-لج دُرر تغث باع وجها
-عوفيه دُرر يغار ع كولتج الاجلح
-اه؟ وعلي مافوتها ال
-اي اي الشنو الحلوات
-سكتي دُرر
-: خلصنه ريوك ورتبنه البيت اني ووردة وضحكنه وسولفنه رحنه نرتاح وانرسلت رساله ساعة ب2:30 الضهر من ضَهير
(محادثات)
-أتصلي دُرر
-شكو
-رح اتصل
-تمام اتصل
(المكالمة)
-سيد ضَهير: شلونج وردة
-دُرر: وردة؟
-خاب وردة شني تيهت وعلي مادري شبيه اليوم
-خاف بالك يم وردة
-لا والعباس شنو شكو خوماكو شي
-كول الروحك
-كتلج تعبان
-كول شكو
-ماكو شي ردت اتصل
-لعد شبيك استعجلت
-ادري بيج حسوني الكلاوجي ماتردين بعد تغطين ومادري وين تروحين ف كلت اسكمج
-ما أنسكم اني عيني
-ليش بلبل انتي؟
-اي بلبل
-لا غلط
-لعد
-فراشة
-شكرا انت الفراشه
-دُرر شوكت تعرفين تحجين
-شكوو ليش
-هسه اني رجال شطولني شعرضني تكليلي فراشه اشنق روحي هسه واخلص من هل عذاب
-اعصابك يمعود ههههه
-دوم، يلا شسوي اتحملج
-هاي شنو تتمنن عليه؟
-لا يابه سمعا وطاعا بس اضحكي
-ههههه
-يلا اني حروح العمي وابويه وعمي الثانيي عيني
-تقصد ابويه
-يي عييني سيادة العم أبو حيدرة
-هههه يلا روح لعد
-روح؟ رحم الله والديج لا لا اش كافي وضحت
-هههه خلي احجي عالاقل
-لالا ولاحرف، جذب كولي
-مادري شلون اكلك
-سكتي عرفت
-شعرفت؟
-تحبين الككو مو
-ايي صح شمدريك؟
-اي ادري من زمان من اجي اجيبلج، يلا مع سلامة أبويه
-مع سلامة
-: سديت التلفون بأستغراب وسالت وردة
-دُرر: وردة
-وردة: ها
-كايلتله اني احب الككو؟
-لا ليش
-ماعرف شمدريه ردت اكله شغله وجاي على بالي ككو بس مو قصدي اكله جيبلي ككو قصدي غير شغلة
-أيي؟ وشصار
-كلي اسكتي عرفت تريدين ككو
-والله يا درة شكلج خطيبج غريبب وكلشش
-مادري
-هسه يلا واذا جاب الككو اكل وياج
-هههه امداج
-: صار العصر ونسولف اني ووردة ونغسل الحوش بالدشاشه مال بيت وامسح بالحوش وفجأة أندك الباب…
-وردة: عزة بس لا ضَهير
-دُرر: ماعتقد يجي ويدري محد بالبيت
-وردة: لعد خل افتح الباب
-: ها بابا فوت
-أبو دُرر: مابي شي الحمدلله متحسن
-أم دُرر: أجى أبوجن
-وردة: أي يوم أجى
-أبو دُرر: لا گليبي بعدني بالطريق
-أم دُرر: دتعال عيني شوف شلون داطلي مسويه مرتك
-أبو دُرر: اويلي يالله واني اكول شنو هل ريحة الجميله
-: وصلت رسالة الدُرر من ضَهير
-باجر اجيكم دُرر
-اي اهلا وسهلا بيك
-عيناي انتِ
-شكرا
-اني لو بس تعوفين الشكرا بخير شنو دسوين صوت رش يمج
-داغسل الحوش
-لعد كملي وتعالي
-: كملت ورجعتله
لكيته كاتب
-تدرين شعاجبني؟
-شعاجبك مستر
-حلوة هاي مال مستر، عموما عاجبني نروح زيارة قبل لا نتزوج بس كون العوائل هم
-قصدك اهلنا ويانة
-اي طلعة عائليه
-وردة: والله عجبتني الفكرة
-ضَهير: اي عفيه كلنه سوه
-دُرر: مادري اشوف امي وابويه وليش لا
-ضَهير: لاكلبي مو هسه بعد
-دُرر: تمام
-ضَهير: أكلج دُرر
-كول
-تعرفين المن تشبهين؟
-المن
-ريم الفلا
-والله
-والله شبيج
-يعني هسه اني غزاله
-لا تشبهيها
-يعني اشبه حيوان رحم الله والديك
-لا لتزميها عليه نكد ابوس ايدج ماكو احلا من ريم الفلا
-هههه لاحلوة
-جاي على بالي من نخلف والله اجيب غزاله صغيرة نربيها ويه أبنه لحد ما يكبر
-اي وشنو الغاية يعني
-أحس اكو فد شي مميز رح يصير
-وردة بهمس: كلة أحاسيس خطيبج
-ضَهير: اي والله صحيح وردة
-دُرر: مساع غلط بأسمج وكالي وردة بدال دُرر
-ضَهير: والعباس بالغلط
-دُرر: على فكره تره اختي واذا ماغار منها
-لو ع الغيرة زين بس خاف شك منا منا
-لا يابه اختي اثق بيها
-ها وانه حايط نصيص مثقين بيه
-صراحة خمسين بالميه
-دسكتي لج
-: سولفنه وتوادعنا
ثاني يوم رتبت نفسي وجهزت روحي
رتبت البيت كالعادة
أندك الباب وطلعت زينب
-زينب: هلاوو شلونج
-دُرر: هلا حبي زينب شخبارج مختفيه
-لا والله بس دراسه وتعب
-اي حقج بس مو هيج حتى مراسله ماكو
-اي يلا عموما أجيت اني
-هلا بيج فوتي حبي
-: وصلنة لباب الأستقبال وأندكت الباب والتفتلي زينب بعيون لامعة وحزينه….
