رواية بيت البخت الفصل الرابع عشر 14 بقلم اريج البغدادي

-سيد ضَهير بصدمة: شنو هاي

-زينب: مادري غير انت؟

-سيد ضَهير: هاي الكلادة… تمام لبسيها

-زينب: هي شكلها مو غريب عليه ابد

-سيد ضَهير: بلي اول مره اجيبها اكيد شايفتها على النت

-زينب: بس حلوة عاشت ايدك

-سيد ضَهير: عاشت ايدك لو شكرا

-زينب: شكرا

-سيد ضَهير: اي عفيه

-زينب: زين لبسني ياها

-سيد ضَهير بتلعثم: ها!.. جيبي خل البسج

-زينب: يلا حبي

-: لبستها واني كلبي مكسور لان الكلادة جبتها الدُرر ولبستها وجانت كلش فرحانة بيها

بعد مرور يومين عرفت زينب هل كلادة الدُرر وجان جايبها ضَهير الها بالهدايات فـ قبل لا تسوي المشكلة راحت تغيض دُرر

راحت ودكت الباب

-زينب: هلو دُرر حبي شلونج

-دُرر بأتفاف: انتِ شنو ماتستوعبين

-زينب وهي داخله: دوخري وخري على اساس بينه هل سوالف تره احنا صديقات وروح بالروح

-دُرر: فوتي فوتي أمري لـ الله

-زينب: اي مو اني كاتله ابوج

-: ذبت الحجاب كدامي وشفتها لابسه كلادتي الي جابها ألي ضَهير من راحت قررت ارفع البلوك عنه واكوله

(محادثه)

-دُرر: ضَهير تره مالها داعي هل حركات أبداً عود تضوجوني وماعرف شنو تره شي راح وانتهى وعيب عليك والله

-: سيد ضَهير اول ما وصلته رساله من دُرر فز كلبه وجاوبها بسرعة وسد الاتصال من زينب

-سيد ضَهير: شنو شنو شكو أكلتيني بكشوري

-دُرر بقهر: والله عيب عليك

-سيد ضَهير: أبويه شبيج

-دُرر: شنو ملبسها الكلادة وجايه كدامي تتفيك؟

-سيد ضَهير: تره منافقه هسه دا تتعارك وياي وتكولي انت مو ناسيها وملبسني كلادتها حتى تشوفني بيها وهل كلادة اني محتفظ بيها بس بالغلط اجت وي هداية زينب

-دُرر: عموما الله يوفقكم

-: وهو يكتب حظرته

-: أتصل سيد ضَهير على زينب

(مكالمة)

-ألو زينب

-هلا حبيب…

-زينب شنو هذا النفاق شنو مقرره تضوجيها قبل لا تتعاركين شكد حقيره انتِ ولج اطبكين عصفورين بحجر لو شنو

-هاا يعني انتَ صدك ما ناسيها واكيد راسلتك هي بس اعرف شلون اخليها تتأدب الا اروح واكول الاخوها

-لج بالقران أشكج نصين اذا تسويها مااخلي حايط ما يعتب على راسج واذا يكولون ليش اكول الهم تغلط عليه بالاتصال

-بتلعثم؛ تمام يلا لعد سد موضوعها وخلص الكلادة ذبيتها وكطعتها اصلا

-منو كلج ذبيها جان جبتيها

-ضَهير شنو تسوي بيها غير اني خطيبتك هسه لو هي

-انتِ بس ميصير، عيب هيج تصرف

-بس هي متدري، اصلا ضَهير عوف الموضوع يلا كول شسويت بيومك وشنو صار

-ماكو مصار شي بس هرولت بآبيه ولعبت وياها وضحكت وي عباس

-اي شكد احب عباس يضحكني

-اي شكو بيها اخوج

-امم… ضَهير ما تغار عليه

-اي شلون ما أغار غير عرضي

-ضَهير

-خيتي كولي

-خيتي شنوو غير خطيبتك هاي بعدك تشوفني اختك ضَهير تره ميصير هيجي شنو ناوي ترفع ضغطي اكيد متقصد

-كافي بابا اكلتيني كافي انطينه مجال نحجي… شغله ثانيه اني متعود اكول خيتي وطلعت مني المهم شكو

-المهم شنو دا ادخن اول مره ادري ادخن

-اي ادخن

-وليش

-ها هم ناويه تدخلين بفص عيني وتعرفين

-اي بفص عينك وكلبك وحياتك كلها غير مرتك

-كولي يا الله وحطي رجلج بالكاع وشغله ثانيه ابويه يكول معزومين باجر على الغدة

-اي اكيد نروح هسه خابر ابويه وسمعته

-اي يلا… رح انام تعبان محتاجة شي

-لا مو محتاجة حبيبي

-يلا مع سلامة

-بيباي حياتي

-: يوم الثاني راحو بيت ابو مهيمن البيت ابو ضَهير

وسلموا على بعض

اتغدوا وكملوا واخذوا راحتهم زينب وضَهير وطبت زينب الغرفه ضَهير تتسأل

-زينب: هاي شوكت ماخذ هل صورة

-سيد ضَهير: هاي يمكن بـ2017 لو 18 ما متأكد

-زينب: أأمم هاي السحبه شوكت جبتها

-سيد ضَهير: صديقي انطاني ياها بـ2020 وكلش احبها معتز بيها لان استشهد خطية

-زينب: زين هذا الكتاب شنو موضوعة

-سيد ضَهير: عوفي زينب ماحب تدخلين بالكتب

-زينب: اوك… يا دشداشه تفضل منهن

-سيد ضَهير: هاي مال خطوبتي السابقه

-زينب: استغفر الله تمام… زين

هاي شنو موضوع هاي الكتب؟

-سيد ضَهير: هم دخلت روحها بيهن، أبويه لدخلين نفسج بيهن وخلي علاقتنا بدون فضول خوش

-زينب: تمام وهسه شنو حتسوي

-سيد ضَهير: طفي الضوة لان اريد انام

-: سكتت وبقى الفضول بداخلي الحد ما نام ورحت لكنتورة وفتحت الكتاب لكيت الكتاب بي مذكرات وسوار وكاتب عن قصه حبه السابقه وكاتب حرف الـ ف يعني لا اني ولا دُرر انصدمت وكعدته من النوم أساله هاي منو

-زينب بصدمة: ضَهير شنوو هاي منو

-سيد ضَهير بغضب: هاي شنو جيبي الكتاب من ايدج ماكدرتي الا ادحسين روحج بحياتي امشي طلعي بره زينب

-زينب بقهر: والله ما اطلع الا تكول

-سيد ضَهير: شلون تلعبين بهل دفتر شلوون

-زينب: منو هاي احجيلي

-سيد ضَهير: لا حول الله ياربي

-زينب وهي تبجي: احجي يلا

-سيد ضَهير: شي انتهى وراح هاي حب المراهقه مدري الطفوله ومادري حاب اتحفظ بالدفتر علمود الذكرى مو لان احبها

-زينب: لو صدك انتهى ما تحتفظ بهل دفتر

-سيد ضَهير: اي وازيدج من الشعر بيت حتى دُرر ما ناسيها واصلا جنت مفكر أزوجها وأخذ دُرر الثانيه

-زينب بصدمة: شنوووو ضَهير صدك تحجي

-سيد ضَهير: اي والله العظيم شبيج كلت ياهي الي اخذها اول أخذ الثانيه لان احبهن ثنينهن

-زينب وهي ترجف: يعني متحبني

-سيد ضَهير ببرود: لا ما احبج

-زينب: يعني تحب الغربه وماتحس بيه

-سيد ضَهير: ما احس مو بيدي اني احب فاطم ودُرر مو كوه هي

-زينب: هاك هاي الحلقه باجر تفصخ وروح ارجع اتقدم الفاطم والدُرر اذا قبلن بيك بعد

-سيد ضَهير: أنتِ الي خربتي دُرر عليه

-زينب: اي اني

-سيد ضَهير: اي ادري يلا امشي طلعي برة

-زينب: تمام اني ماشيه منك ويا كرهي للأيام الي جمعتني بيك

-سيد ضَهير: بس طفي الضوه وسدي الباب وراج

-: راحت وارتاحيت

بس النيه الحقيقيه صدك اتزوج افاطم ودُرر لان شفت منهن حب عميق

وثاني يوم فصخت مني زينب وأمي ضلت ادردم وتكول ما تكعد عندك مره وماعرف شنو والعالم رح تاكل وجهنا وتكول منك السبب وتعرفك على حقيقتك واني بالي يم أفاطم وسالتها عليها لان جانو جوارينه من جنه بالنجف

-سيد ضَهير: صدك يمة شنو صار على أفاطم وعائلتها الي جنه متكفليهم بالنجف؟

-أم ضَهير: شعليك بيهم

-سيد ضَهير: والله أجو على بالي

-أم ضَهير: توفت أفاطم الله يرحمها وامها لحكتها من القهر واخوها الصغير ربوه عمامة

-: انصدمت وضليت ارجف بداخلي وعيوني دمعت… جنت ناوي أخلصها من عشيتها السيئه ومن مرضها وجنت اراسلها واصبر عليها وواعدها بالزواج وهي تكلي مستحيل اوافق احبك بس اتزوجك بالجنه اذا دخلتها ونضل نضحك

وهي فعلا ماتريد تتزوج لان تكول مريضه وماكدر أورط اي رجال وياي ونهايتي الموت بس اني ما جنت مقتنع واكول اخذها واخلف من عندها خمس اطفال بعدين اتناسيتها بدُرر لان حلوة وحبابه وشخصيتها حبيتها وشفتها المرأة المناسبه تعيش وياي للأبد صح اني حبيت افاطم لكن كان أملي احيانا ينخفض تجاها واحبها حب مو ذات مسؤوليه وما مفكر اذا تكون زوجة الي مناسبه أو لا لكن دُرر أخذتها واني واعي فـ حطيت كل أمالي بيها

(مر ثلاث ايام)

ورحت البيت عمي مهيمن أعتذر على الي صار واحاول ارجع زينب

وبالطريق شفت دُرر فاتحة شعرها وكيرلي مثل ما تسميه هي اخذت كلبي وابتسمت لا أرادي

من وصلت البيتهم انطيتهم الحلقه وكلت الهم الله يوفقها هي ماحبت تكمل وهاذا رأيها الشخصي وانو اني ماعندي حظ لا مع الغريب ولا القريب وبينت اني بريء وطلعت

طلعت حتى اشوف دُرر موجودة بعدها أو لا طلعت منهم مرة وتكول الها ما نريدج تفوتين وفكري بالموضوع زين وتره أبني شاريج اني هنا انصدمت وجمدت بمكاني وكفت يم السياره وضليت اخزر بدُرر شوكت تلتفت عليه وتشوفني عصبي وكذا فـ شفت حيدرة وهو طالع

-حيدرة: يلا يمة محتاجة شي

-أم دُرر: لا يمة سلامتك

-سيد ضَهير: هلا حيدرة ماكو انكطعت اخبارك لو شنو أنت هم فاصخ العلاقه مني

-حيدرة بضحكة: لا والله ياحبيبي بس وقت ماكو والبيت كله براسي شلونك انت شخبارك

-سيد ضَهير: الحمدلله حبيبي انتو شلونكم اخباركم

-حيدرة: والله الحمدالله

-سيد ضَهير: هاي منيه الي طلعت

-حيدرة: خطابه بس مادري على منو

-سيد ضَهير: هاا اي شكو بيها الي بي خير الله يقدمة حبيب كلبي

-حيدرة: تسلم ياطيب الاصل

-سيد ضَهير: حيدرة أخوي الغالي الله عليك هم سويلك جية علينه شي

-حيدرة: ان شاءالله حبيبي ان شاءالله

-سيد ضَهير: يلا من رخصتك اني راجع لان تأخرت والله

-حيدرة: لا شنو سالفه مرخوص حبيبي اني هم والله مشغول

-سيد ضَهير: يلا في امان الله

-حيدرة: الله وياك كلبي

-: رجعت للبيت وشفت الكل ملتم بيت عمي أبو لبيد وأبو مهد وأبويه

وشافني عباس

-سيد ضَهير: شكو ملتمين خو ما علية

-سيد عباس: لا يمعود كالو براحتهم قسمة وما صارت

-سيد ضَهير: خوش

-: طبيت سلمت وطلعت فوك أباوع الصورة دُرر واخلي ايدي على وجها بالصورة واشم الصورة

طبت عليه مريم وشافتني

-مريم: هاي شنو دسوي

-سيد ضَهير: معليج

-مريم: هاي شنو جيب

-: شافت الصورة وجرتها من ايدي انصدمت

-سيد ضَهير: شفتيها زين يلا جيبيها

-مريم: على فكرة حرام لان مفرعة بهل صورة وانت تباوع وتشتم

-سيد ضَهير: شسوي احبها بس هي قشمر مريم

-مريم: هي ما تحبك شنو كوه

-سيد ضَهير: تحبني والله بس طلعت زينب قاريه براسها هي اعترفت الي امس

-مريم: عود صدك

-سيد ضَهير: والله شبيج من شافت دفتري مالت افاطم الله يرحمها هي اعترفت حتى بـ الي ما ادري بي

-مريم: كال عباس والله بس ما صدكته

-سيد ضَهير: شنو كال

-مريم: كال هاي بسبب زينب بس اني ما توقعت يطلع منها هيج شي

-سيد ضَهير: لا هي السبب زين اكلج

-مريم: كول

-سيد ضَهير: اذا ارجع اتقدم الها ترفضني

-مريم: واني شنو كاعدة بعقلها

-سيد ضَهير: أهوو روحي منا متعجبيني

-مريم: تريد اكلك اي وتروح تفشل نفسك

-سيد ضَهير: ما افشل روحي ادري بيها تحبني

-مريم: ضَهير لا تعيش بخيالك هواي

-سيد ضَهير: دطلعي وطفي الضوه يلا

-: نمت واني مرتاح من فصخت من زينب ومرتاح بدونها حسيت بكمية ضغط بهذيج الأشهر الي خطبتها بيها وصار عندي أمل ارجع اخطب دُرر وافكر بنفس الوقت هي مو شغله لعب اني اخطب مره ثانيه وارجع افكر أنو هي الي فصخ فـ اكو جانبين الجانب الاول خاف يكولون ماعندة كرامة والجانب الثاني هي الفاصخة مو اني حتى يكولون رجع وتندم

كعدت ثاني يوم وفتحت الموضوع مع امي ورفضت رفض تام بس اني ما جنت اريد رفضها او موافقتها لان اني اسوي الي اريدة ومحد يكدر يجبرني

كمت وقريت قرأن وتساهيل أمر وصليت صلاة الليل قريت زيارة عاشوراء وطلبت حاجتي وره شوي سمعت امي جايتني

-أم ضَهير: كمل خل احجي وياك بموضوع لطمتك دُرر

-سيد ضَهير: كولي يمة مكمل

-أم ضَهير: شنو يعني تريد ترجعها ابني هسه يكولون هذا شكد لزكة

-سيد ضَهير: يمة فهميني فدوة اروحلج البنيه مقشمريها ومستعد ارجع خطوبتي بيها وبين العوائل فقط اسويها وافهم حيدرة بخصوص هذا الموضوع واني متأكد ما رح يرفض

-أم ضَهير: أخذت راي أبوك بلا

-سيد ضَهير: معليج يمة يوافق لان هو يحب دُرر ورح يوافق على معزه أبوها بكلبه

-أم ضَهير: هاا هذا أبوك طب اني معليه أنت احجي ويا وشوف شنو يكلك

-سيد ضَهير بتلعثم: لاا يمة مو هسه خرب

-أبو ضَهير: شكو احجو

-أم ضَهير: هذا أبنك عباله لعبه هي يريد يرجع دُرر ويكول بين العوائل

-أبو ضَهير: شنو ابني بنت الناس لعبه تخطبون وتفصخون شنو هل مزعطة اذا انتو من هسه ما متراهمين شكو تلزك روحك بيها

-سيد ضَهير: يابه مو الزك روحي بيها هسه شنو هذا الحجي تره زينب هي اعترفتلي انو هي الي خربت كل شيء ومستعد أواجها على هذا الكلام وحتى دُرر متقبل تأكد على كلامي لان تحب زينب وزينب مستغلة حبها ودُرر فد وحدة قشمر يابه أريد اخذها لان اذا انخطبت بعد الف مره الف مره تفصخ من يقشمروها فـ يابه وشغله ثانيه أني احبها اذا تريد تخش بخطيتي ومستعد توكف كدام رب العالمين يوم القيامة وتعاتبني وتتعاقب بسببي أرفض واني تره تضل بنفسي هل بنيه اني كلت الكم مو تكولون ما كال ولو اخطب بعد الف بنيه غيرها أفصخ هاي اني كلت الكم وقد أحذر من أنذر

-أبو ضَهير بعصبيه: ضَهير شو أنت اكلتنا بكشورنا وشنو هل خرابيط هاي تره متمشي عندي هاي سوالفك ومستعد ازوجك اربعة وغصبا ما عليك كلهن توافق عليهن افتهمت لو لا

-سيد ضَهير: يابه بالقران اسمعني زين بالقران لو تجيبلي ملكة جمال هل دنيا ما رح اوافق بيها والله

-أبو ضَهير: وشنو تهددني افصخ ومادري شنو لا حبيبي غصبا عليك توافق أنت اختياراتك فاشله خلينه أحنا أكبر منك ونعرف

-سيد ضَهير: أني اخطب دُرر ومن جديد ورح أخابر حيدرة وشنو يصير خل يصير

-أبو ضَهير: ضَهير تسويها عناد اذا تريدها عناد ماعندي مانع وأخلي دُرر أطب هل بيت وهم ماعندي أي اشكال بس رح تشوف شي ميعجبك لا أنتَ ولا هي رغم أنو البنيه اني الله شاهد احبها واعزها من معزه والدها الله يرحمة بس هاي ملحتك تخربني عليها

-سيد ضَهير: وما باقي يمكم أني اذا ما مستقبلين مرتي وما حابيها وحابين العالم تاكل وجهكم ماعندي اني هم أي اشكال اخذها واطلع

-أم ضَهير: شبيك ضَهير شبيك تتصرف مثل المراهقين أدري شنو شفت منها وهلكد حبيتها متكول الي

-سيد ضَهير: لا شفت ولا عفت البنيه اريدها وخلص والي يوكف حصوه بطريقي أعبرة وامشي

-أبو ضَهير: ضَهير الزم حدودك وما اريد أجاوز عليك أنت عزوتي وقرة عيني لا تخليني اهينك

-سيد ضَهير: يابه لو تحط شاجور ما اسكت جوز يسكتني الموت اذا ماتجون تخطبولي البنيه بالعباس ما أخطب اي وحدة غيرها هاي اني كلتلكم

-سيد سلام: هاي شنو الصياح والهوسه شكو

-سيد ضَهير: أريد دُرر وباجر راجع اخطبها يعجبكم تعالو ميعجبكم بكيفكم اني اخطبها وحدي

-أبو ضَهير: دا تسمع الخريط مالت اخوك لو لا

-سيد سلام: ضَهير شنو خلصت النسوان راجع الدُرر الي فصخت منك

-سيد ضَهير بعصبيه: هسه اني شنوو ارجع اعيد الموال البنيه دا اكول قشمرت عليها زينب قشمرت عليهااا واني اريدها محد يوكف بوجهي اني اريدها ياخي ماكدر اتقبل غيرها والدليل فصخت خطوبتي من زينب

-سيد سلام: والله شوف هي الشغلة براحتك تريد ترجعها بس تره ها خيرك وشرك ما ندخل بي من هسه لان انت رح تسوي شي ما يرضي أبويه

-سيد ضَهير: وليش ما يرضي بلا

-أبو ضَهير: خل يخطبها خل يخطبها

-سيد سلام بهمس: ضَهير دير بالك من برود أبويه هذا

-سيد ضَهير: حجيت ويا بسياسة ولطف ما أجى وياي

-سيد سلام: ضَهير تره بديت تجاوز الزم حدودك

-سيد ضَهير: يلا اني طالع وفكرو بالموضوع زين لان رح اخابر حيدرة وباجر اخطبها

-أم ضَهير: أي هاهية يوميه كايل باجرر اخطب وباجر اخطب لعب جهال هو

-سيد عباس: عوفو يمعودين خل يخطب دُرر وتره بس دُرر احنا ارتاحينه الها حتى زينب وبنت عمنة ما عجبتني

-أبو ضَهير: أني احب البنيه واصلا قراره كلش عجبني انو رجع يخطبها لكن رح اندمة على طريقه كلامة وصياحة والأصرار مالتة هذا وحتى يفتهم الي ديسويه مو لعب جهال

-سيد عباس: يابه عود وره الزواج عاقبه هسه ضوجة خل نسوي خطوبه

-سيد سلام: دكوم انت الثاني يدور بس أكل وركص وضحك

-سيد عباس: ها لعد شنو الحياة غير هيج

-أم ضَهير: ديلا كوم جيب صمون

-: صار الليل وخابر ضَهير على حيدرة

-سيد ضَهير: الو حيدرة حبيبي

-جاوبـه صوت بنيه…