رواية بيت البخت الفصل الثاني عشر 12 بقلم اريج البغدادي
أنتَهينا وأنتَهت أيَامُنا
أنتهَت كُل تَلك الحِكايات الَذي تربُطَنا
-أم دُرر: إلى رحمة الله ابوكم توفى يمة
-: هنا أخويه حيدرة كعد بالكاع وضل يبجي بنص الردهة
نحاول نكومة ميقبل ضل يبجي بكل قوتة
أجاني اتصال من سيد ضَهير وكلت الحمدلله اتصل بالوقت المناسب لان ماعندي رقم ولد عمي وحيدرة مو بحال أحد
جاوبت
-ألو
-ألو كلبي شنو دسوين… شنو هاذا البجي اليمج
-ضَهير أبويه توفى ضَهير
-شنووو ياهو توفى ابووج عمو قصير
-أي والله
-وين انتو بسرعة
-بفلان مستشفى
-أنتضرونه جاييكم اني ووالدي
-: وفعلا أجو وحضني عمي أبو ضَهير
وضليت أبجي
ضَهير شاف حيدرة أخويه بالكاع ويبجي بكل ماعندة من قوه ويصيح بويه كسرت ضهرنا بويه
-سيد ضَهير: كوم بويه كوم
-أبو ضَهير: أني ابوك بويه بس كوم على حيلك
-حيدرة: عمي يا حيل عمي ماضل بيه حيل… وعلي ماضل بيه حيل وعلي جدامي مو راضية تعيني
-: سيد ضَهير لف الشماغ وشال طرفه على عينه وضل يبجي وياه وكاعد يمة وايدة على كتف حيدرة
أندار عليه وشافني مدمعة واباوع الحيدرة ومو راضيه أطلع الكتمة الي ضلت بكلبي بس وردة وحيدرة ووالدتي
-: سوو مراسيم الفاتحة وأبويه اندفن
أول يوم الفاتحة كل الاقارب أجتنا وعزونا على مصابنه
بس أني بوجه ذابل وماكو أي دمعة والحسره بكلبي وأحس نفسي أنسان ثاني وتغيرت بخلال ساعات وسلامي ثكيل
صار الليل وكعدنا أني وعائلتي البيت نحس بي مهجور وفارغ ووحدن واحد يباوع للثاني وحيدرة يباوعلنا واني أباوع الكسره بعين أمي
وردة تبجي
-حيدرة: يمة
-أم دُرر: ها يمة
-حيدرة ببرود ودمعه: أبويه بعد ميرجع
-أم دُرر بـ بجي: أي يمة ميرجع
-حيدرة: أني مو چبير البيت ماكو أحد جبير بهذا البيت غير قصير افتهمتو لو لا؟
-وردة بدمع: بس راح رااح
-حيدرة بعصبيه: لتكوولين راااح!… هاي صورته اي شي تريدين تسويه تساليه قبل لا تجيني
-أم دُرر بصوت بجي عالي: كافيي كلمن يكوم على غرفتة يلا
-: كلمن راح على غرفته والحزن والافكار والهواجيس والخوف بكلبنه بدون أبويه
لكن اني بعدني ما مستوعبه الأحساس هذا كله قاطع تفكيري أتصال ضَهير
-ألو
-ها حبيبتي شلونج
-ها ضَهير
-شلون صرتي
-مو زينه
-سودة عليه ابويه أني ابوج
-محد ياخذ مكان أبويه
-أني اخذه
-محد دا اكلك
-واني أكلج اني أصير بمكانه وأسددة بكلبج بس افتحي كلبج اليه
-كلتله بحسرة… مادري ضَهير مدا استوعب
-حقج حاس بيج
-مختنكة ضَهير مختنكة أحس الدنيا طلعت من عيني
-أعرف والله ياروحي والله اعرف مو سهل أبد حسي بالحزن وأبجي اهم شي ماتخلين الكتمة بكلبج دا تفهميني
-شنو
-أبويه انتبهي وياي كتمة لاتكتمين أبجي اذا تضل حسره بكلبج تتغيرين واني اخاف عليج من الهوى
-ان شاءالله اذا كدرت والله ما ابجي الحد ما استوعب
-سودة عليه يابعد امي وابويه باجر اجيج حضري روحج
-باجر لا تجي رح تجي زينب يمي
-براحتج امي وابويه من تفرغين كليلي اجيج
-تمام… ضَهير
-عيون ضَهير
-اريد انام
-متأكدة؟
-لا
-ادري رح تضلين تفكرين كبل نامي درتي
-ماكدر
-تكدرين يروحي نامي
-احاول
-دُرر
-نعم
-لا تردين عليه بكلمة وحدة
-لعد شنو اكلك
-يلا براحتج عيناي أعذرج وضعج صعب ومو سهل أبد يلا نامي وانتبهي الروحج زين
-تمام وانت كذلك
-تصبح على خير
-وانت من أهلو
-: طلعت السبعة مالت وفاة والدي وأجتني زينب
اخذتنا السوالف ووصلتلي النقطة اتمنيت لو ميته وولا مصارحتني بيها
-زينب: دُرر اكلج على فد شغلة بس لا تضوجين
-دُرر: كولي حبيبتي
-زينب: والله بعد ما أكدر احمل حزن اكثر من هيج وقهر
-دُرر: كولي شنو سالفه
-زينب: أني احب ضَهير ومن الطفوله
-دُرر بصدمة: شنووو
-زينب بدمع: اسفه يروحي بس والله من اشوفكم سوة يحترق كلبي وأتالم
-دُرر: صدك تحجين لو مقلب
-زينب: لا والله أصلا ضَهير حب الطفوله وانتِ من اتقدملج ما خربتها عليج لان أحبج
-دُرر بقهر: انتِ أصلا لو تحبيني فعلا متخليني بهيج موقف وتحسسيني مذنبه
-زينب: مو مذنبه والله
-دُرر بـ بجي: مادري شنو اكلج بس ابد مو وكت هيج موضوع ومو مناسب زينب
-زينب بدمع: أحبه والله أحبه كلشي بي أحبه عيونه محبسه غترتة ريحته رموشه وحتى تفاصيل حواجبه وخزراتة
-دُرر بصدمة وقهر: زينب شبيج تره خطيبي
-زينب: شسوي مو بيدي والله
-دُرر: سدي حلكج
-زينب: بس سؤال واحد
-دُرر: شنو
-زينب: تحبيه؟
-دُرر: أي وغترته الهسه ألبسها واشم ريحته بيها
-زينب بأستغراب: من وين جبتيها الغترة
-دُرر: هو لبسني ياها
-زينب: ذبيها
-دُرر: مو بكيفج تره مالت خطيبي وهو انطاني ياها
-زينب: مو كلتلج أحبه؟ يلا ذبيها درة خلي صداقتنة حلوة
-دُرر بصدمة: زينب طلعي برة
-زينب بأستغراب: عود صدك؟
-دُرر: أي والله طلعي برة وبعد ماريدج تعتبين بابنه
-زينب: تمام بعد متشوفيني
-دُرر: تسوين ألاحسن
-: وفعلا طلعتها من بيتنه وخربت علاقتنا
بعد مرور أيام
صار يجيني تأنيب ضمير واكول لازم افصخ وهي لان صديقتي وخاطرها عزيز علية
أفكر افصخ قبل لا اتعلق واحبه أكثر حتى تعيش صديقتي ويا بسعادة
وفضلت سعادتها على تعاستي
وره مرور يومين من هل تفكير خابرني سيد ضَهير وكال انو رح يجي وفعلا أجى
وصل وسلم علينه
ضلينه وحدنه
-سيد ضَهير: شلونج دريرتي
-دُرر: بخير
-سيد ضَهير: شلون صرتي
-دُرر: الحمدلله
-سيد ضَهير: ها يعني مو ناويه تكولين وانت شلونك
-دُرر وهي منزله راسها: شلونك
-سيد ضَهير: زين الحمدلله رفعي راسج خل اشوفج
-رفعت راسي وردفت: شلونك
-سيد ضَهير: الحمدلله ياعيوني
-دُرر: دومك
-سيد ضَهير: دُرر
-دُرر: نعم
-أنتِ متغيرة بس مو بسبب وفاة أبوج
-لا مابيه شي
-بلي بيج شي عيوني حالتج مو صافيه أبد
وتشمرين بالحجي
-هم كال تشمرين بالحجي
-شنو شبيج حبيبي احجيلي أحد واز براسج؟
-بأستغراب كلتله… لا
-بلي أكو
-أنتَ هم مو صافي
-ليش
-تدري قبل لا تتقدم تحلمت بيك حلم مرعب وهسه سوالف دا تثبتلي كلامك من كلتلي بالشوفه الشرعيه اذا تضمين عليه شي اعرفه من وين تعرف أنتَ
-معليج أعرف بس جاوبيني أكو
-لا ماكو
-تمام بس اذا تضمين أنتِ الي تخسرين فـ كولي الي حتى اساعدج
-: وماقبلت أكول اله وترددت بنفس الوقت ثكلت عليه
توادعنا وراح وصار الليل ساعة 1:00
رجع سيد ضَهير ويدك الباب
-سيد ذراع: فوت
-سيد ضَهير: هلا ولك شوكت اجيت
-والله صارلي ساعتين يم سلام نسولف
-ها زين تبات؟
-اي ابات
-:نام سيد ذراع يم سيد ضَهير بغرفته لان الصبح عندهم ضيوف وما كدر ينام بالمضيف فـ كال اله ضَهير تعال يمي وفعلا نام يمة
(ذراع)
فزيت بنص الليل على صوت همس….
لكيته فاتح الكتاب الغريب ويقرأ والغرفه ضلمة ومعتمد على ضوء صغير فقط،
وبهل أثناء ترك الضوء من أيدة وباوع على الحايط
ورجع التفت عليه بطريقه مرعبه
اني كبل رجعت اللحاف ع راسي و
نمت
وره دقايق أنشال الغطى من راسي
-سيد ضَهير بتساؤل: ذراع كاعد؟
-: أني انطيته الصمت لكن عيوني ترجف واني مغمضها
-سيد ضَهير: كوم كوم كاعد
-: كعدت وسويت نفسي هستوني فزيت جاوبته… شكو
-سيد ضَهير: لوتي من شوكت كاعد
-سيد ذراع: لا يمعود بعدين شنو هاي الاجواء المرعبة شنو ذاك الشمع ومدري شنو وكتب كومة
-سيد ضَهير: هاي الشمعة أشغلها اقرة زيارة عاشوراء وأصلي ركعات الأهل البيت الحد ما تخلص وقبل لا اشغلها اقره القرآن ووراها أقرة كتابي المفضل ليش
-سيد ذراع: دوخر يمعود شنو هل رعب دوخر
-سيد ضَهير بأبتسامة: اوكف خل اشغل الضوء
-سيد ذراع: احسك مو خالي أبد
-سيد ضَهير: لا عمي مو خالي
-سيد ذراع بأستهزاء: هه ديلا احجيلي شنو موضوع الكتاب
-سيد ضَهير ببرود: رعب
-سيد ذراع: شنو يعني
-سيد ضَهير: اوكل عليك أخليك تضحك؟
-سيد ذراع بصدمة: ضَهير شبيك
-سيد ضَهير بضحكة: انجب وارجع نام
-سيد ذراع: بعدين ولا كدرت انام شنو هاي بس أتكلب
-سيد ضَهير: ليش حبيبي
-سيد ذراع: شمدريني أني هو غير أنت مرعب وغرفتك متروسه روحانيات مدري شنو
-سيد ضَهير: ذراع انت ماعندك ايمان قوي برب العالمين لذلك تختنك
-سيد ذراع: ماتسكت ضَهير
-اي والله شبيك هسه سلام من يجي ينام مرتاح
-هو سلام اخوك نفس الطكات مالتك
-لا والله بس متدين أنت واخوانك فيطيين خاصتا هذا قيس فد واحد عفطي مثل عباس
-لا والله اصلي بس اكره الروحانيات
-بس صدكني انت مستقبلا روحاني عظيم
-شلون
-تعال جرب تقرأ وياي زيارة عاشوراء لمدة أسبوع تصير عندك طمئنينة
-مادري والله ما ملتزم بيها مو دوم اقراها
-بلي كلش حلوة
-: صار صبح
-سيد عباس: يمةة كومو تريكوو
-أم ضَهير: وكرص هسه اني حاجيه
-سيد عباس: بعد ميحتاج اني كلت بمكانج
-سيد سلام بضحك: هذا شبي
-سيد فرهود: هسه تنفتح نفسيته مبين هو حاليا منعش
-سيد عباس: اي والله منعش وكلش
-سيد سلام: دكوم كعد ضَهير وذراع يلا خل ينزلون
-سيد عباس: منو ذراع اهووو
-سيد فرهود: لك انجب اكبر منك
-سيد عباس: ياخي والله عضمة بزردومي مينبلع خرب يومة
-سيد سلام: لان ثكيل انت هيلكي وي خاصر وقيس طبعاً تشوفه مينحب
-سيد عباس بعصبيه: فرهود عليكك ضلع الزهره مو هو ذراع دمة جامد لو لا ومو هو ميضحك وميحب وذيج المرة بالزياه شفته شلون عازل روحة
-سيد فرهود بضحكة: لك هو ثكيل مو جامد
-سيد عباس: دطيرو والله جامد
-سيد ذراع: منو أني؟
-سيد ضَهير بضحكة: ديشيل بغيبتك رح اطب الجنه بسببه
-سيد ذراع: خاب هو وطي#زي شكد أنفهلة هسه
-سيد عباس: فدوة شكد احبك اني ونوب تغلط
-سيد ذراع وهو ياكل: تعال بوس رجلي
-سيد عباس: خاب ايع
-سيد ذراع: الك شرف حبيبي
-سيد عباس: الزم الشرف الي يجيني منك وادكه بنعال
-سيد ذراع: يطبك طوب
-أم ضَهير: شكو يمة
-سيد ذراع: عمة ابنج يغلط
-أم ضَهير: أيدك الك
-سيد عباس: باع عبالك فختيه مو ابنها
-أم ضَهير: وين اخوك ضَهير
-سيد ضَهير: ها يمة
-أم ضَهير: تعال حبيبي اريد احجي وياك
-: على جانب أخر اخذته وضلت تسولف وياه بخصوص
-أم ضَهير: يمة رحت الخطيبتك شفتها شبيها ما بيها شنو محتاجة؟
-سيد ضَهير: أي يمة وديتلها شغلات هم
-أي يمة زين تسوي وشلونها زينه
-زينه يمة زينه بس حيل ثكيل كلامها وياي
-أي يمة اعذرها خطية مصدومة من أبوها
-يمة مو مالت صدمة من أبوها
-لعد
-يمة طبعا اكو واحد يلغي براسها ومغيرها
-لا تضلمها متعرف حالتها أنتَ عوفها
-أني رح اعوفها بس هسه يثبتلج كلامي وشوفي شلون رح تتغير البنيه وجوز حتى تطفر من ايدي
-لا تحجي هيج ماما شبيك اندمجت أنتَ بالتفكير ولاتضيق عليها تره تنفر منك
-يمة المعشر مو زين واني ماحب اتدخل بحياتها هسه خاف تكول اي معقد وماعرف شنو
-عوفها يمة عوفها يلا روح اتريك ولا تنسى رتبو المضيف رح يجون بيت عمك أبو مهيمن
-هلا بيهم هسه نرتبه
-سيد ضَهير: كومو كافي أكل يلا خل نرتب المضيف رح يجون بيت عمو علي
-سيد عباس: هلا هلا قيس وياهم
-سيد ضَهير: مادري يلا كوم
-: رتبو المضيف اخر مخدتين رتبهم سيد ضَهير ودخلو
سلمو عليهم واخذتهم السوالف واللمة الحلوة
صار الضهر صلوا ونصبوا الغدة
-أبو ضَهير: تفضلوا يابه تفضلوا… زينب بويه لا تستحين اكلي
-زينب بخجل: لا عمو ما اشتهي
-أبو ضَهير: لا شو تاكلين وغصبا عليج هاج هاي اللكمة من ايد عميمج
-زينب بخجل أكلتها: تسلم عمي الله يحفظك
-سيد عباس: يمة يمة باع اللسان شلون ترد
-مريم: ها تريدها خرسه
-سيد عباس: اكلج شو أجت دُرر القط ماكل لسانها
-زينب بخزرة: واني شعليه بيها
-سيد ضَهير: اف ليش مو صديقات أنتو؟
-زينب: اي اكيد بس يعني ماله علاقه هيج موضوع
-سيد ضَهير بأستغراب: هاا زين زين
-: صارت دنيا ليل
وسيد ضَهير يرش بالزرع ما حس الا صوت خطوات وراه
التفت وشاف زينب
-زينب: شلونك ضَهيري
-سيد ضَهير: هلا خويه زينب
-زينب: شخبارك
-والله الحمدالله انت شلونج اخبارج بويه
-والله زينه
-شعجب جايه يمي
-حبيت تفرني بالبستان ضايجة
-اي طبعا فوتي وياي شنو تريدين
-أصعد على الخيل
-ماكدر واعد دُرر بس هي المرة الوحيدة تصعد على آبيتي
-شنو يعني رح أكلها ضَهير!
-لا ابويه مو هيج بس اني يعني..
-تمام تمام فهمت
-ولج زينبه لتشمرين بالحجي تره اضوج
-ليش عصبي
-اي ماحب بنيه تجاوز بنبره كلامها
-ليش مجاوزه عليك دُرر؟
-شنو هل كلام وشنو جاب موضوع دُرر هسه بنص
-اي صحيح شنو جابها بنص
-هي موجودة بكل زمان ومكان بكلبي بس يعني موضوعج لا تربطيه بيها
-ضَهير شبيك دتحسسني دا اغلط عليها
-ولج شحدج أعلكج بالنخل وحق هذا المنجل
-هههه… ضَهير اريد اعترفلك بشي
-أي كولي
-تفرگ بايدها بتوتر… مادري شلون اصارحك
-بأستغراب: كولي؟ شكو
-ضَهير أني مغرمة بيك من زمان بس…
-هو شنو بس روحي بابا متشوفيني خاطب هسه تذكرتي؟
-لا بس…
-زينبب روحي منا لا احد يسمعج ويكول هذا ضَهير مو خوش أنسان روحي
-ضَهير اني أحبك ومن كُل كلبي والله وحتى ما كلت الدُرر لان صديقتي واحبها وفضلت سعادتها على تعاستي
-بابا اني أحب دُرر ترة ومستحيل أفصخ علمودج
-شنو يعني مستحيل أفصخ علمودج ليش اني كلت أفصخ
-اي لعد غايه مصارحتج شنو زينب غير تريديني اخذج واعوفها مو لو لا
-ضَهير حتى لو تاخذني ثانيه والله عادي اني احبك
-بويه زينب انتِ مراهقه هسه متدرين بروحج من تكبرين تعرفين وتتندمين والله
-يعني هسه لان أحبك من طفوله صرت مراهقه؟
-اي مراهقه وستين مراهقه روحي منا زينب
-: راحت بس حسيت بتأنيب ضمير وكسر هل أحساس اتصال من دُرر وحسيت روحي طاير بالجو ونسيت كل كلام زينب وما اهتميت أبد لان متأكد من حبي الدرتي
-ألو روحي
-شنو ليش أروح لعد ليش فتحت
-أني شلون بالجافة
-هسه شنو يعني
-ولج روحي بويه يعني انت رويحتي
-هاا فهمتك…
-اي كبدبدي شو متصلة مو من عوايدج
-ضايجة وحبيت اخابرك
-ديلا لعد معزومين باجر يمنة وصدك اريد افتح موضوع وياج ومو مال أتصال هل موضوع
-كول تره ما اكدر انام حتى
-لا تنامين حبيبي حتى الزمج واسهر وياج باجر اخذت اجازة
-ليش اخذت اجازة
-ياحبيبتي غير عازمكم انتضرت يطلع الاربعين حتى متكولون هذا بيا حال
-لا ما نكول هيج
-ميخالف عمري ميخالف
-: حيدرة: هذا منو
-دُرر: يعني منو
-حيدرة: جاوبي
-دُرر: ضَهير
-ضَهير: انطيني يا خل اسلم عليه
-دُرر: هاك يسلم عليك
-حيدرة: هلا حبيبي شلونك
-ضَهير: هلا بيك بذات متسأل لو اني لو متكول عندي نسيب أبد
-حيدرة: اعذرني والله مشغول هل ايام
-ضَهير: معذور حبيبي
-حيدرة: الله يسلمك بعد روحي
-ضَهير: باجر معزومين يمنه على الغدة مو متجون تره نزعل ها
-حيدرة: نجي حبيبي اهم شي متزعل سيد
-ضَهير: يمة فدوة كضه كضه
-حيدرة: ها شبيك تعضني
-ضَهير: من تجي اعضك ليش لا
-حيدرة: ههه حبيبي يلا هاك دُرر تريد تحجي وياك
-دُرر بهمس: ليش اجذب
-ضَهير: يعني متريدين تحجين ويا
-: صار ثاني يوم وأندك الباب
ودخل ضَهير بالدشداشه والعكال والغترة السودة وهيبته وجماله وعطرة الي ترس المنطقة وعضلاته الي محليه الدشداشه وكل تفاصيل الحلوة بي
-حيدرة: اني افتح الباب
-سيد ضَهير: سلام عليكم
-حيدرة: وعليكم السلام نورت حبيبي تفضل
-سيد ضَهير: يلا تعالو تأخرتو
-حيدرة: مستعجل هاي شبيك هستونه جاي نبدل
-سيد ضَهير: ديلا أني اخذكم اجيت المهيمن هنا على شغله وكلت خل اخذكم وياي
-حيدرة: عفيه بالبطل
-سيد ضَهير: بطل ببسي لو ميرندة
-حيدرة بابتسامة: الي يعجبك
-: اخذنا زاويه بالبستان نسولف أني وضَهير بموضوع الزواج
-سيد ضَهير: دُرر أني ادري كلامي الي رح أكوله يمكن يزعجج
-دُرر: كول
-سيد ضَهير: زواجنا شوكت بعد صارلنا 3 أشهر ووالدج توفى خلص الله يرحمة احنا لازم نزوج اذا ما قربنه الوقت صدكي تبدأ تتلاشى الامور الحد ما تتبخر
-دُرر: شبيك مستعجل
-هو شنو مستعجل يا أبويه غير نتزوج؟
-أي تطلع السنه مالت ابويه يلا
-شنو سنه ما سنه طلع الاربعين وخلص أحنا لازم نتزوج درة لان أنتِ تعرفين شي واني اعرف شي وماريد تخرب علاقتنا
-ما يخرب شي
-بلي يخرب تعرفين ليش؟
-: حط وجهة بوجهي وكال
-لأن أكو طرف ثالث واني ما متأكد من حبج الي واحساسي يكول الي بمجرد ما ينلغي براسج انتِ تفصخين
-شنو قصدك طرف ثالث من طرفي لو طرفك
-هذا الشيء اكلج عليه من نتزوج أما هسة لا
-وليش يعني متكول
-لان ما اريد أكول وخلص
-وانت هيج خايف من الطرف الثالث
-مو من الطرف الثالث منج
-واني شعليه
-لا تكولين اني شعليه أنتِ فد وحدة رچيچة وقشمر اذا الطرف الثالث الي اني اعرفه نغ براسج رح تنهين كلشي
-ضَهير احجي عدل قشمر شنو
-والله قشمر والف قشمر وأكو شي احس بي بس ما متأكد منة
-لا تجاوز ضَهير وخلي حدود الطريقه كلامك
-صار… بس قدمي موضوع الزواج وخلي أولوياتج درة ماريد أخسرج
-لو ما تريد تخسرني صدك متحجي وياي هل شكل
-أوفف… يا چلمة ردي المچانج واعتذر ها زين؟
-أي زين
-ديلا امشي وفكري بالموضوع وردي خبر باليل
-أفكر
-وهو يدفعني: أي فكري فكري
-:وصارت سوالف وضحك بين الأهالي والشباب والكعدة الحلوة بالبستان وواحد ياخذ للثاني صور بأسواء الحال ويساومون بالصور
توادعنا وياهم ورجعنا
بعد مرور يومين
(بيت أبو دُرر)
-دُرر: يمة اريد احجي وياج بموضوع
-: الباب انطرق
-أم دُرر: حيدرة يمة شوف منو بالباب
-حيدرة: دُرر هاي زينب بالباب
-دُرر بصدمة: شنو؟ زينب
-حيدرة: اي لعد بيبيتي كومي كومي
-: سلمت عليها ودخلتها
-دُرر: فوتي زينب
-زينب: شلونج درة
-: كعدنه وضلت تسولف وبنص السوالف…
-زينب: أني اسفه على الي سويته دُرر اتمنى تسامحيني
-دُرر: انتِ صحيح أسفه بس مو ناسيه حبج أله
-أي ميخالف اتخطى وي مرور الايام بس سامحيني حبابه الله يخليج
-تمام سامحتج بس لا تعيديها لان متصدكين شكد أنغثيت
-لا عليج الله اسفه… وهاج هاي حبه
-ححبه شنوو ولج
-يعني بوسه على كولت بيبيتنا
-هاا دمشي امشي منا
-ها وين اروح
-تعالي خل نگرز
-لعد وردة وين؟
-نايمة وردة عوفيها خل نسولف
-صدك دُرر أكلج على فد سالفه كلش رح تحبيها
-أي يالله واخيرا شي بي خير
-اي والله… مهيمن يحب وردة
-دُرر بغصة: شنوو
-أي والله العظيم شبيج بس ميقبل يكول
-واني أكول ليش ركض عليها من وكعت
-وين شوكت
-من رحنا وصلنا ضَهير وي بابا الله يرحمة وكعنا من البايات مالت المقدمة ببيتهم شايفتهن
-أي وشصار
-اي وكعت وردة وجرتني بس هي صارت وراي وركضلها اخوج العينتين لزمها الكل صار يباوع عليهم ويخزرهم حتى ضَهير كال وهو شكو لبگ عليها
-اي عيني غير حب وما يفعل… زين بربج هي ماعندها مشاعر تجاه مهيمن
-والله مادري تصدكين حتى ما اعتقد بالها يمة
-ليش شنو مرتبطة
-يمعودة كولي يا الله مرتبطة بشنو لا يسمعج احد يكول يدورن وليدات
-هههههه لا يمعودة بس الله عليج اقنعيها بي تره يحبها وهو كال بس تخلص هل مرحلة اخطبها
-يا يا نوب مقرر يخبط… يخبط شنو يخطب
-يخبط حلكج الما تسديه
-هههه اي والله ينراد اسد حلكي كايم يهذري
-: صار العصر وراحت
بس أني انقهرت كلش عليها وحسيت هي مضلومة وتحبه فـ قررت أترك ضَهير الها
كمت وخابرت على ضَهير
-ألو
-هلا وغلا كبدبد
-شلونك
-زين وانتِ شلونج
-ضَهير أريد افتح وياك موضوع
-أي كولي ماعندي شي
-ضَهير أني اريد أفصخ الخطوبه
-شنووو هاا بلشت رحمة الله
-أي والله… ولا تسألني ليش رجاءً
-هلوو اني غسلت ايدي من كلتي رجاءً احجي احجي بلا شكو
-ماكو شي ضَهير بس اني مو متقبلتك كـ زوج والله أنسى كلشي بينه وأنهي
-: وسديت التلفون بوجهة
صار الليل وسمعت الباب أندكت وحيدرة مو موجود
فتحت الباب وشفت ضَهير جمدت بمكاني وكلت….
