رواية بيت البخت الفصل الثالث عشر 13 بقلم اريج البغدادي
وعَدتي وخَلفتَي بِوعَدكِ
لَو كُنتَي لا تُحبَيني وبَي لَم تَرغبي
لِما مِن البِدايَة بَي وافَقتي…
دُرر: شبيك اكو واحد يجي هسه
-سيد ضَهير: وخري من وجهي وين أمج
-دُرر: كاعدة هنا
-: تذكرت هو دفعني ولازم اصير شخصيه قويه
-دُرر: ولا تدفعني هيج
-سيد ضَهير بنضره أستهزاء: أنجبي قشمر
وين أمج
-دُرر بعصبيه: ضَهير كلت خلي حدود الكلامك
-سيد ضَهير: لج من أكلج قشمر بالقرأن ما ارتاح لو أكو تعبير ثاني جان وصفته شفتي شلون ضحكت عليج؟
-دُرر: ضحكت عليه شنو منو دا تقصد
-سيد ضَهير: أنجبيي دُرر أنجبي الخاطر الملائكة والانبياء وحتى الله من فوك اسكتي وين امج
-أم دُرر: شكو يمة شنو هل صوت العالي فوت جوة وخل نفتهم شكو
-: دخلو وضل سولف الامي أنو اكو طرف ثالث قشمرني وفصخت بسببه هو الموضوع هل شكل فعلاً لكن حبي الـ زينب منعني أستمر ويا
-دُرر: أي يمة ماريد اتزوج اني أبويه جان جابرني وخفت أرفض
-أم دُرر: دُرر وين جبرج أبوج كال وحدة منكم توافق وانتِ قبلتي بأرادتج محد كلج وافقي
-دُرر: يعني هسة تذبون اللوم عليه!!
-أم دُرر: أنجبي دُرر
-سيد ضَهير: عمة أني متاكد أكو شخص دا ينغ براسها وغيرها عليه
-أم دُرر: سيد شنو قصدك بهل كلام بنتنا مو زينه لو شنو
-سيد ضَهير: عمة لا تروحين بعييد اني وين احجي
-أم دُرر: اي لعد فهمنة شنو قصدك
-سيد ضَهير: هي عندها صديقات سوء خل تبتعد منهن اني متأكد وحدة منهن السبب واعرفها كلش زين حتى اني
-أم دُرر: درة صحيح هل كلام؟
-دُرر وهي منزله راسها: لا مو صحيح اني اريد افصخ لان ماريد أكمل ويا
-:أختنكت ولزمتني الدمعة عفتهم وطلعت الغرفتي وامي تصيحني بصوت عالي كملت طريقي طبيت للغرفه وقفلت الباب
-سيد ضَهير: عمة أنتِ قنعيها وأتاكدي منها وأنتِ امها أعرف بيها ليش هيج البنيه تغيرت من وفاة ابوها وبعد ماعرف
-أم دُرر: لا تمسلت هاي هسه اشوف شبيها ماعندي بنيه تفصخ وماعرف شنو
-سيد ضَهير: هسه اني صحيح صرت عصبي وعذروني الله شاهد لو ما أحبها ما أكطع الطريق هسه من السماوه وأجيت اخذت اجازة من الدوام هو باجر نزولي اني طلعت من هسة علمودها والله
-أم دُرر: يا سودة عليه أبني معليك بيها تهذري والله أني اقنعها لا تشغل بالك
-سيد ضَهير: وأنتِ هم لا تجبريها هاي قناعتها اذا ما رادتني من صدك عوفيها خلص ننهي كل شيء على كولتها
-أم دُرر: لا يمة لا تحجي وحدها
-سيد ضَهير: يلا عمة أني رايح وسلميلي على حيدرة ووردة
-أم دُرر: يوصل أبني دير بالك على روحك حبيبي سلم على أهلك
-سيد ضَهير وهو رايح: يوصل أمي… عمة مو تنسين قنعيها
-أم دُرر بحزن: أي والله ما اخليها تفصخ
-: وادعها ودخلت للبيت
سمعت صوت أمي وهي تصيح
-دُرر وينج دُرر
(بيت أبو ضَهير)
-أبو ضَهير: ذيل العجل كوم افتح الباب
-سيد عباس: رحم الله والديك
-:سيد عباس وهو يمشي أجيت أجيت
لك اهلين وسهلين مين هاد
أخ الجهره مكلوبه شكو
-سيد ضَهير: وخر عباس مابيه حيل
-سيد عباس: شكو شبيك جنك مو على بعضك
-سيد ضَهير بتعب: هاك الجنطة وولي مني
-أبو ضَهير: منو عالباب
-سيد عباس: ضَهير بس مو على بعضة ماعرف شبي
-أبو ضَهير: عوفه براحته هو من يهدأ يسولف
-سيد عباس: واني أنتظرة من يهدأ
-أبو ضَهير: أكبصها ولا تضل تركض وره الولد
-: بعد مرور يومين
-أم دُرر: يعني هسه أنتِ قافلة على الفصخ فد مرة؟
-دُرر بـ دموع: أي ما اريدة يمة ما أريدة لا تضغطون عليه
-حيدرة: امسحي دموعج هاهيه متريدي ما تاخذيه مو بالأجباري هيه
-وردة: لج دُرر كولي يا الله تره والله ضَهير خوش ضَهير
-حيدرة: هو مال خوش ولد منتهين ولد أمانة الله وهاي كدام درة لو تلفين الدنيا كلها على تك رجل بالعباس ما تلكين من ضَهير بس هم اني خو ما اجبرج
-: صار العصر وخابر حيدرة ضَهير
-حيدرة: الو حبيبي ضَهير
-سيد ضَهير: هلا بيك خويه حيدر شلونك
-حيدرة: الله يسلمك كلبي شلونك انت
-سيد ضَهير: والله ماشي الحال خويه
-حيدرة: خويي اريد اكلك على موضوع بس والله متفشل شلون اكلك
-سيد ضَهير: لا خويه كول شنو سالفه مو بينه
-حيدرة بتلعثم: خويه والله درتنه قافله على الفصخ وذهبك والهدايات شلون يعني اني اجيبهن الك أنت تاخذهن
-سيد ضَهير: شلون حيدرة يعني ما لكيتولي زين سبب مقنع تفصخ بي هي!!
-حيدرة: وحق ربك حاولت وياها اني ووالدتي بس تكول جان ابويه ضاغط عليها واني الله شاهد لو ادري من البدايه ابويه ضاغط عليها اصلا ما اوافق صح انت خوش ولد وشهم والله مو كدامك بس اختي هاي بعد
-سيد ضَهير: حقك يابه حقك وبخصوص الغراض خليهن بقيهن ماريدهن خويه
-حيدرة: لا يابه شلون وذهبك موجود
-سيد ضَهير: بقيه مني الها
-حيدرة: لا خويه فدوة اروحلك
-سيد ضَهير: تمام اني رح اجي أخذهن
-: أجى ضَهير وبعد السلام والسوالف
أمي حاولت تكعدني يمه أخر مره حتى يقنعني
-سيد ضَهير: شلونج درتي… اعتقد هاي اخر مره الي ألفظ بيها اسمج وأخر مره الي حق أكول درتي بس
-دُرر: ضَهير اني لان النهر ضيگ اريد اعبره ماريد ادمر حياتي
-سيد ضَهير: بـ شنو زين انطيني سبب مقنع على الأقل
-دُرر: ماكو سبب بس خلص اريد ابتعد منك
-سيد ضَهير: هاهيه براحتج… انتبهي الروحج وأختاري الشخص الصح مستقبلا تره هذا عمر مو يوم يومين والطريق طويل يلا أبويه اني اترخص
-: كام وطلع وأخذ الغراض وأخر شي سألني على الغترة مالته الخضرة
-سيد ضَهير: زين الغترة وين
-دُرر: ذبيتها
-سيد ضَهير بصدمة وحزن: ذبيتيها؟
-دُرر بـ برود: اي
-سيد ضَهير: شنو من گلب شايله دخيل ربج والله توقعتج أحسن من هيج خيبتي ضني
-دُرر: ميخالف
-: وطلع واعتذروا اهلي منة وكال الهم عادي وهي الحياة قسم ونصيب واحنا مالنا نصيب يمكم وأخر نضره شفته بيها يبتسم بحزن وي والدتي ركضت جوه أبجي من كل كلبي بدون ما أحد يدري واسبوع كامل ما اقبل أحد يدخلي وما استقبل الأكل لان صدك أحبه والشعور الي انطاني ياه محد شوفني ياه قبل
-بعد شهر
(بيت أبو ضَهير)
-سيد ضَهير: يوم دور الي مرة وأي وحدة تشوفيها زينة وبنت أوادم أقبل بيها
-سيد سلام بصدمة: مو جنت خابصنا الا اريدها هيج واريدها هيج وهيج هسه صارت بس حبابه وهاهيه
-أيناس مرت سلام: عوفوه أكيد انصدم من الحب
-سيد ضَهير: أي عموما اي مره هسه جيبيها
-سيد عباس: عندي الك مرة
-سيد ضَهير: أنجب عباس
-سيد ذراع: ضَهير مرتك يمي
-سيد ضَهير بأستغراب: شنو
-سيد ذراع: زينب مكبع بيها لا حاضر ولا غايب ولا تفكر بيها ومن غير شي احنا ولد عمام ونتشرف ننطيك مره وماتضيع من ايدنه
-سيد ضَهير بتلعثم: ومنو تقصد
-سيد ذراع: زينب… لا تشوفها صغيرة والله شايلتنا بالصلوات وأكيد اذا تجي يمكم مارح تحس بالغربه واحنا ما نريد نشمرها الأي شخص يجينا
-أم ضَهير: اي عيني ناخذها ليش لا خوش بنيه وحلوة عين النبي عليها
-أيناس بصدمة: مريم؟
-أم ضَهير: اي وشبيها مريم
-أيناس: لا براحتكم
-: نصبو الغدة
-سيد ضَهير: مالي نفس أكل والله
-سيد عباس: أعرف ليش
-سيد فرهود: ديلا سد حلكك
-: صار الليل وقت نوم ودخل سيد عباس على أخوه ضَهير وشافه كاعد على جربايته ويفكر ويباوع لـ السلسلة الي جابها الدُرر هدية
-سيد عباس: عادي أدخل
-سيد ضَهير بـ برود: فوت عباس
-سيد عباس: ضَهير لا تضوج حباب
-سيد ضَهير: مو ضايج
-سيد عباس: ضَهير لا تضغط على روحك اذا ما متخطي دُرر يا أما تنتظرها يا أما تتخطاها يلا تتزوج لا تزيد الطين بله
-سيد ضَهير بدمع: أنجب عباس أحبها ما توقعتها ولك سألتها غترتي وينها الي انطيتها الها تكلي ذبيتها
-سيد عباس: لا تصدك بيها اكيد ضامته
-سيد ضَهير: تره انت هيج تزيد ملح بالجرح لا عبالك اكول اي وهيج ما رح اتخطاها أكثر
-سيد عباس: بس…
-سيد ضَهير بعصبية: خلص أخطب زينب وانتهى كل شيء وعلى كوله أبو المثل اخذ اليحبك ولا تاخذ التحبه
-سيد عباس: ومنو كلك زينب تحبك
-سيد ضَهير: هي بنفسها… قبل لا افصخ هي كالت انو تحبني
-سيد عباس: شنو هل سخافه مو جنت خاطب
-سيد ضَهير: الاسبوع الجاي اتقدم اخطبها وباجر اتقدملها
-سيد عباس: لك بابا عبالك هيجي رح تنساها والله ما تنساها
-سيد ضَهير: لعد شأسوي عباس كول يلا كوول
-سيد عباس بحزن: بعد روحي عساها بيه ولا بيك هل فرفحة… عساها بعافيتج يا دُرر
-سيد ضَهير: ولك لا تدعي عليها لا اكسرك
-سيد عباس: أوف يا ضَهير أوف…
-: صار ثاني يوم العصر وسيد عباس جايب
ومخليها بالاستقبال راح بشغله ورجع شاف سيد ضَهير يعزف بيها ويلحن بصوت جميل وحزين
-: نَعم سُرى طَيف من إهواهُ فَارقني
-والحُب يعَتَرضُ للَذاتِ بِالألَمِ
-لَو لا الهَوى لَم تُرق دمَعنا عَلى طَللِاً
-ولا أَرقت لِذكَرِ الَبَان والعَلم…
-سيد عباس: الله شنو هل صوت الجميل
-سيد ضَهير بتلعثم: هاك ذبها لك شنو هاي الطرب الجايبه للبيت
-سيد عباس: هي مال ككو ضَهير هو انت عزفك بيها غير عبالك فنان
-سيد ضَهير: انجب وكوم من وجهي
-سيد عباس: ثاني شغله أنت وين رايح شو مكشخ
-سيد ضَهير: أتقدم
-سيد عباس: وين
-سيد ضَهير: شبيك انثولت اتقدم الزينب بنت عمي
-سيد عباس بتلعثم: ها… اي تمام روح الله يوفقك
-أم ضَهير: يلا يوم أمشي هاك هاي السترة مالتك
-: راح يتقدم وكلبي أخذه ويا لان ما اشوف وحدة مناسبه الـ ضَهير غير دُرر بس بعدين تذكرت هو كبير ولازم يتزوج ويشوف حياته وعائلته فـ التزمت الصمت
وفعلا وصلوا البيتهم مع رجعه أم دُرر ودُرر ووردة من بيت جدهم
-وردة بهمس: هاي شنو ديسوون وليش مكشخ ضَهير وهو جاي البيت عمه
-أم دُرر: رح يخطب زينب
-وردة بصدمة: عزةة تحجين صدك يمة؟
-أم دُرر: ها لعد ينتضر أختج العطلانة هو شاف الي تناسبه وخلص
-وردة: يمة بس خطية باعي دُرر شلون ضاجت
-أم دُرر: بلا بلا دراميات هي رادت تفصخ وخلي الولد يتهنى
-: أباوع عليه وهو نزل من السياره أني خدرت رجلي وصرت أمشي ببطء وهو باوعلي بخزرة وكال يلا يمة نزلي وانطاني ضهرة
اني دخلت لبيتنه بقهر وكلت سوت الي تريده زينب
وبليلتها أكتشفت زينب صديقه سوء وحياله ونصبت عليه وحتى اعتذارها ألي تتخفى بثوب البرأة
(بيت أبو مهيمن)
-أبو مهيمن: نتشرف بويه حبيبي
-أم مهيمن: يا شنو فايت النا ياعيوني زينب تاخذها مكبعه والله
-أم ضَهير: لا عيني ليش انسويلها أحلا عرس والدنيا والناس كلها تسمع وتشوف
-زينب بفرحة: يعني اجيتوني فجأة ما لحكت أرتب روحي
-سيد قيس: باع الجذابه جانت تخط والله
-أم ضَهير بضحكة: لا عيني هي حلوة بدون خط ما شاءلله
-سيد ضَهير: عموما أني طالب أيد بنتك عمو
-أبو ضَهير: بويه شو مستعجل غير أني الي اخطب الك
-أبو مهيمن بضحك: دعوفه يا خويه عوفه خل هو اليخطب ويعيش الجو خلووه
-سيد ذراع: يعني نقره الفاتحة؟.. ها زينبه نكول يا الله
-زينب بخجل: كول يا الله ههه
-سيد ذراع: صلوا على محمد وسمعونا الفاتحة
-أبو مهيمن: سمعونا الفاتحة على نية التوفيق وزواجهم الدائم أن شاءالله
-: وره أسبوع أجتني زينب
-دُرر: هلا بالي هجمت بيتي
-زينب: شنو هل كلام دتحسسني متزوجة ومطلكتج اني… بعدين مو اني اعتذرت الج وكلتلج نسيت يعني بسببج فصخ
-دُرر: مو هو الي فصخ أني حبيبتي
-زينب: أهااا
-دُرر: وهسه شنو تريدين
-زينب: معزومة على خطوبتي
-دُرر: وكل عقلج أجي يعني
-زينب: اي وشنو يعني الدنيا قسمة ونصيب وانت الف واحد يتمناج
-دُرر: شو طلعي برة طلعي برةةة
-: طلعتها بره وبعد مرور يوم سمعت صوت هلاهل وهوسات
فتحت الشباك مالت الطابق الثاني وشفت ضَهير ينزل من السياره وضلو يركصون أخوته وولد عمة ووجهة وملامحة متلاشيه ما بين الحزن والفرح
صار الليل وشفت طابوكة أنشمرت ببيتنه وأني بالحوش ملفلفه بورقه
وبالورقه كلمة (أحبج للأبد أنتظريني…)
أستغربت فتحت الباب على النص اشوف منو واكف بس ما لكيت أحد
(بيت أبو ضَهير)
الكُل-: مبارك ضَهير تستاهل كل الخير والسعادة الله يباركلك يا رب
-سيد ضَهير بأبتسامة خفيفة: الله يسلمكم كلبي… بس اني تعبان اريد أصعد فوك لان تعبت من الهوسه ودايخ
-أم ضَهير: أي يمة حبيبي روح اصعد نوم الهنا
-سيد ضَهير: يلا تصبحون على خير…
وصعدت فوك أول ما طبيت للغرفه ركضت للكنتور أدور على عطر دُرر الي جبته الها والزم كلادتها وكل الشغلات الي جبتهم الها وضليت حاضن صورتها الي ردت أجيبها الها بأخر روحة الهم كـ مفاجأة وهل صوره أخذتها من وردة وما كلتلها ليش اريدها
حضنتها وكل عقلي رشيت عطر على الصورة واشمها
-: أندك الباب
-سيد ضَهير وهو يضم الغراض بسرعة: منوو شكو مو كلت اريد انام
-سيد فرهود: هاك هاي سبحتك
-: أخذتها ورجعت طفيت اللمبه ونمت وصافن على السقف وايد جوه راسي وأيد على جبهتي والتفكير ماكلني والأرق الي صابني من بيوم فصخت البنيه مني الهسه لا ليلي ليل ولا نهاري البنيه وحسيت سعادتي مبنيه عليها ومن غيرها مستحيل انسعد
لفيت على مكان ثاني وأني افكر شنو سبب الفصخ زين معقوله زينب… لا مو زينب اكو طرف ثاني غيرها…
نوب تلاشى تفكيري على حزن أهل البيت وطلعت باسم الكربلائي وبجيت من كل كلبي والمفروض افرح لان هاي خطوبتي لكن اني العكس وطلعت
(باسم الكربلائي)
-: عادت لـ تلقى أمها أماه أني زينبُ
– عادت لـ تلقى أمها أماه أني زينبُ +٢
-أمي خذيني وأنضري جسمي هزيلا متعبُ
-أبنائك قد ذهبو والوعد ألا يذهبو
-للقبر ضمَيني فلا أدري على من أعتبُ
-والتحمل الحوراء نعشاً من الأزراء
– لا لا تصبُ الماء فالأمر للعباس.
-طفيت جهازي ونمت وره ما صليت ركعتين تساهيل أمر وذبيت حملي على رب العالمين وكلت ربي أنت حلها ومادري شلون بس انت التعرف والتكدر وعفت سجادتي مفتوحة كلت ياربي ما اشيلها الا لمن تگضيلي حاجتي وعگدت شماغي وذبيته
على السجادة ونمت…
(بعد مرور شهر)
-أبو ضَهير: بويه ضَهير شوكت تتزوج لا تطول مثل ذيج ويخرب كل شيء
-سيد ضَهير: عوفني يابه على كيفي هاي ماتفصخ لتخاف
-أم ضَهير: وانت ليش متأكد هلكد
-سيد عباس: هي غير مخرخره عليه والله أشك هي خربت علاقتة ذيج
-سيد سلام: ولك شنو هل كلام
-سيد عباس: لك اعترفتله بحبها وهو جان خاطب شتتوقع يعني
-سيد فرهود بصدمة: شنو هاي عود صدك ضَهير
-سيد ضَهير: اي صحيح
-أبو ضَهير: خو ما هي سبب فصخ خطوبتك ذيج
-سيد ضَهير: هي بس بعدني ما لازم دليل
-سيد سلام: شنو دراك هي
-سيد ضَهير: كل شيء مبين و واضح ماكو داعي اسوي نفسي ما افتهم بس هي قشمرت دُرر قشمره زينه خلتها تكرهني كره أبليس
-سيد سلام: استغفرالله من ذنبها
-سيد ضَهير: بس اني اخذتها لان أدري بيها تقبل الحلو والمر مالتي وتصبر عليه لان تحبني ومراهقه فـ كلت هو اني فصخت بعد ما اخليها بنفسها فـ وافقت
-: بنفس اليوم رحت أزور زينب وانطيها هدايه ورتبت الهدايات وبالغلط واني ارتب هدايات دُرر القديمة وافصلهن عن هدايات زينب خليت كلادة بالبوكس ومشيت بدون ما أنتبه
دخلت البيتهم وسلمت عليهم
واخذنا راحتنا اني وزينب
-سيد ضَهير: شلونج زينب
-زينب: بخير الحمدلله وانت شلونك
-سيد ضَهير: والله على الله أنت اخبارج ماكو شي جديد بحياتج
-زينب: أكيد متعرف شنو الجديد بحياتي على اساس حارك التلفون اتصالات
-سيد ضَهير: شسوي يا زنوب والله شغل الراسي وما افرغ
-زينب: تمام عاذرتك بس من نتزوج أعرف شنو أسوي
-سيد ضَهير بأبتسامة: شنو تسوين
-زينب بخجل: كذب ما اسوي شي
-سيد ضَهير: لا لا كولي كلش اخاف اني منج
-زينب: والله تخاف مني صدك
-سيد ضَهير بـ جدية: الصراحة أي…
-زينب: ليش
-سيد ضَهير: زينب شوفي اكلج شغله
-كول
-أتمنى ما يكون الج أيد او ضلع بسالفه أنهاء خطوبتي السابقه
-هاي شنو ضَهير شو عبالك مو متخطيها
-اي ما متخطي لان اريد اعرف سبب ليش فصخت
-اي واذا فصخت غير ما تحبك وابوها جابرها عليك حقها البنيه اني لو مكانها هم افصخ
-تمام عموما هذا الموضوع اني رح اسدة بس أفتح عليه دفاتر بكد الدنيا اذا عرفت الج ضلع بالموضوع يا زينب
-شنو تهددني شنو تسوي مثلا
-ما أهدد عيوني بس صدكي رح يصير شي ميعجبج
-تمام هسة شنو جاي تزورني لو ترزلني
-بهاي اللحظة اتذكرت كلام دُرر بالبستان وصفنت
-ها شبيك
-لا هيج
-وشنو جايبلي هدايه بلا
-شوفي انتِ وحكمي
-: فتحت الهدايات واخر شي شافت كلادة مو بالعلبه ومبين بالغلط مخليها
-زينب: هل كلادة مو غريبة عليه أبد
-سيد ضَهير: شو بلا يا كلادة
-زينب: هاي
-سيد ضَهير بصدمة: …..
أميراتي الاحبهم أنتظرني على بارت
