رواية بنت بمدرسة عيال اغنياء الفصل العشرين 20 بقلم ماري جو
.
البارت العشرون بنت بمدرسه عيال اغنياء
زينب:مزعجه
….:تدرين كم مرا اتصلت عليك لييه مارديتي
زينب بضحكه:سووريي
….:انتي مجنونه الحين من صدقك قصتي شعرك للحين ماستوعبت وبعدين انتي مدينه لي بتفسير وضعك تدرين اني اشتقت لك عجزت اصدق من مشاعل اللي قالته
زينب بتنهد:هذا اللي صار ماقدر اغير شي الا شسمه وش صار معاك انتي ومشاعل
….:لاتغيرين السالفه الحين انتي من صدق ولا تستهبلين على مشاعل هاه
زينب بتنهد:طيب اسمعي انا الحين مشغوله بجد بس اخلص اقول لك التفاصيل -بصوت حزين- ريوندا في اشياء ابي اقولها لك وترا والله اشتقت لك ولحنانك وكل شي
ريوندا بتنهد:ترا انا انتظر لا تتاخرين تفهمين
زينب:طيب
وسكروا الخط ورجعت للغرفه خالد
زينب وهي تفتح الباب شافت الشباب واقفين ويناظرونه
زينب بغباء:شفيكم
رائد تركي وهي خانقته العبره:مو مصدق انه عندك حبيبه
فارس:اشتقت لحنانك هااه
رائد بتنهد:ماتوقعت انه عندك حبيبه ابد
سامي وحمد وهم يضحكون:اشتقت لك هااه
حمد:صراحه صدمه شوي مع هالجسم والوجه ماتوقعت انه عندك حبيبه ولا بعد بصوت حنون اشتقت لك ترا اخخ يالرومنسي
سامي:لاتستغربون هذا ولد شي طبيعي يصير عنده حبيبه
باسل بعصبيه:انت ماتستحي على نفسك هاه وشلون تحب بنت
رائد التفت لباسل وبتنهد:لا تصير غبي اجل شتبي يحب ولد
باسل:اقصد يحب بس بس اووف خلاص انسوا
باسل راح وقعد على السرير ومسك جواله ويعد يلعب فيه
فيصل:وااوه صدمه صراحه معليش
زينب بنفسها وبتنهد:هذولا اغبياء الحين لو مافهمتهم وش تصير لي راح يفضحوني
زينب بصوت بصراخ:هيييييهه
كلهم التفتوا له
زينب:تعالوا افهمكم
كلهم راحو جلسوا
زينب وهي تناظر باسل:اولا هي ماهي حبيبتي
باسل بادلها بنظره حاده
تركي بابتسامه مستفزا:اشتقت لك اوومي قاد
زينب بتنهد:هذي مثل اختي انا وياها سنين وعمر هذي اعرفها من ايام الروضه وهي كانت تعوضني عن حنان الخوات والاخوان
فارس وهو رافع حاجب:اغبياء حنا عندك وشلون تقول كيذا لبنت انا مشتاق لك وحنانك ومدري وشو هاه
الشباب بصوت واحد:ايه
زينب بتنهيده طويله:تبوني اتصل عليها اتصل عليها تسمعون ايه بعدين هي مستحيل تصير حبيبتي ولا يمكن اصلا
رائد والشباب:لييه
زينب بضحكه:هذي اصلا واضح لاني بن
زينب توسعت عيونها وخافت
الشباب وهم يناظرونها:لانك شو
زينب بتوتر:هذي لانها عندها حبيب
باسل:كذاب لو عندها حبيب ماكانت كلمتك
الشباب:ايه صادق باسل
زينب عصبت وبصراخ:هيييه الحين ليش ابين لكم وش تصير هي ههااه اللي يبي يصدق يصدق ولي مايبي لا يصدق تفهم انت وياه استغفرالله بس
وطلعت من الغرفه وسكرت الباب بقوه
الشباب كانوا منصدمين منها ووشلون عصبت عليهم
الشباب وكل واحد يناظر الثاني:…..
فيصل بتنهد:خليناه يعصب
باسل:انا موقصدي بس
فارس:صح عليه ماهو مجبور يوضح لنا وش تصير له البنت
فارس التفت لفهد:فهد ليه مااسكع لك حس بالعاده لاصار الشي عن زياد تصير اول من يتكلم
فهد وهو منسدح على السرير وحاط ايدينه ورا راسه:انتم غلطانين المفروض تصدقونه ماكان لازم تعصبونه كيذا وهو ماهو مجبور يوضح لكم ومثل ماقال مستحيل يحب البنت
الشباب التفتو له وبصوت واحد:لييه
قام فهد من السرير وناظرهم وبنظرات حاده وجديه وبصوت حنون:لانه زياد
استغربو الشباب من شكل فهد وكلماته وشكوا انه في شي هو يعرفه وهم مايعرفونه وكل واحد بدا يتسال ((لييه وش فيها واذا كان زياد وشفيها يعني))
قاطعهم فتح الباب
خالد بضحكه وفرح:انا جييت
الشباب وهم يناظروه بعيون بارده وخيبه امل
خالد وهو يلتفت على فهد وبغباء:شفيهم
فهد بابتسامه:ااهووه اخيرا جاء طلبي لييه تاخرت
خالد وهو يناظر الشباب:ام كنت اسلم على امي واختي و امم وش فيه ليه انتم كيذا _وهو يضحك_لهدرجه اشتقتوا لي :$
الشباب تجاهلوه وفهد قعد يضحك عليه
نروح لم زينب
زينب وهي تمشي وتكلم نفسها:وش هم مليفهموون كم اقول لهم اني مااحب بنت اووف من وين يفهمون هذولا -وقفت-اصلا لييه رحت اوضح لهم انا غبيه….. اهه حتى انا جوعانه افف لييش طلعت من الغرفه
طلعت الجوال واتصلت على خالد
قعد دقايق حتى رد خالد على زينب
خالد وهو يستهبل:هاه رجعت لسكن
زينب:هاهاها بلاا غباء المهم تعال خذني اتوقع اني ضعت ببيتك وانا ميت من الجوع
خالد باستهبال:ميت من الجوع ولا ميت من ميت من الشبع ههههه
زينب سكرت الخط بوجهه
زينب بعصبيه:اوريك بعلم الكل انك تلبس ملابس داخليه سبونج بوب
رجعت اتصلت على فهد
زينب بصوت حزين:فههههد
فهد وهو يضحك:طيب الحين اجيك
وسكرت الخط
زينب بنفسها:ياليت خالد مثل فهد-بتنهيده-انا مديونه لفهد بحياتي عرف سري ولا قال لاحد وفوق هذا يخاف علي يابخت من بتاخذ فهد
زينب قعدت على طرف تنتظر لين مايجي فهد
وشوي الا تحس احد وراها
زينب بصوت عالي وهي تلتفت:لييه تاخرت انتظرتك وقت طو
زينب توسعت عيونها وخافت:اهه عب عبدالله توقعتك فهد
عبدالله بابتسامه:لاعادي هم عادي اجلس
زينب:ايه ايه تفضل
عبدالله جلس بجنب زينب
زينب جتها قشعريره واحساس يخوفها
عبدالله وهو يناظرها:كم عمرك
زينب وهي تتجاهل النظر له:18
عبدالله:من متى وانت صديق خالد
زينب:من اسبوع
عبدالله:يعني مالك شي جديد
زينب وهي قلبها بيطيح ببطنها:ايه
عبدالله بابتسامه:همم زياد اسمك صح
زينب:ايه
عبدالله:زياد بسالك
زينب:ايه تفضل
وبنفسها:لالا تتفضل لا تسال
عبدالله وهو يقرب لمها بزياده وبابتسامه خبيثه:لييه زياد يلبس ملابس ولاديه
زينب كانت بيغمى عليها بس تمالكت نفسها ودقات قلبها تتسارع وكانه بينفجر
زينب بابتسامه:هذا لاني ولد
عبدالله بابتسامه متبادله:اها طيب انا اع
قاطعهم فهد
فهد وهو يناظر زينب:اسف دورتك بكل البيت وتوي لقيت
زينب:عادي
جاء فهد ومسك يد زينب وشالها عن الارض
فهد وهو يناظر عبدالله وبابتسامه:ماتغيرت
عبدالله بابتسامه:نفس الشي معك
وراح فهد وزينب
بعدو عن مكان عبدالله
فهد وهو ملتفت يناظر اذا كان احد فيه وبصوت واطي:انتي مجنونه وشاون تجلسين معه
زينب كانت تتنفس بصعوبه وطاحت على يد فهد
فهد وهو منصدم:هي هي
زينب وهي تناظره:لهدرجه واضح اني بنت
فهد وهو شايل زينب:هاه
زينب:ماقدر اقعد بالبيت هذاك اكيد يعرفني لا هذا يعرفني
فهد قعدها على الارض وهو يناظرها:هيي تفالي بالخير واذا عنه هو
مااتوقع كشفك وحتى كشفك مارح يقدر يسوي شي وبعدين شوفي انا هنا -وهو يضحك-انا راح اصير قارس الظلام لك
زينب ضحكت على فهد ونست خوفها
فهد:يلاا خلينا نرجع لغرفه كل الشباب ينتظرونك
زينب:يلاا
ورجعوت زينب للغرفه وكانوا الشباب ينتظروها وحتى انهم مااكلوا شي من الحلا اللي جابه خالد بس عشان ينتظرونها وبنفس الوقت تاسفوا لزينب وحست بالامان بنفس الوقت وقعدت تاكل لين ماادخات ونامت والشباب نفس الشي داخوا وناموا
نرجع لعبدالله
عبدالله وهو منسدح:غبيه ماكان لازم تجين للبيت انتي حفرتي قبرك بيدك وهذا المرا اكييد مارح اخليك تروحين ههههههههههه
ونام
قبل 8 سنوات وبالتحديد بشاليه كان الكل مجتمع من العوائل الراقيه والغنيه
خلود وهي تنادي زينب:زيينب تعالي سلمي على عماتك
زينب ببراءه:طاايب
زينب راحت سلمت على عماتها
وكل وحده تمدح فيها لانهم من سنتين مااشوفها من بعد موتت امها واختفاء ابوها
بعد ساعتين..
خلود:روحي يابنتي واللعبي مع العييال والبنات وتعرفي عليهم
زينب بنظرات بارده وصوت حزين:ماابي اروح ابي ارجع لبيت انام
خلود وهي تحط يدها على راس زينب:يابنتي روحي اللعبي وبس تخلص العزيمه نرجع البيت
زينب بعيون حزينه:طيب
خلود بابتسامه:يلاا بنتي حبيبتي
راحت زينب جلست تحت الشجره وكان من بعيد مليان بنات وعيال ويضحكون
زينب بتنهد ووبصوت واطي:ابي ارجع لبيت حتى اني مااشوف سامي وخالد وحتى حمد ماجاء>حمد تقصد فيه ولد عمها>
زينب ضمت رجلينها لبعض وحطت راسها على رجلينها وغطت وجهها باديها وبعد مده قصيره حست بااحد يلمس كتفها
زينب رفعت شوي راسها وتشوف منهو اللي يلمس كتفها
زينب بدون اي تعبير:مين
…:ليش قاعده بالحالك
زينب بقساوه:مالك دخل
…:ليش ماتروحين تلعبين معاهم
زينب:مابي اللعب مع احد
….:لييه
زينب بنظرات حزينه:ابي ارجع لبيت
…..باابتسامه:وش اسمك
زينب:زينب
..وهو يمد ايده عشان يقومها:اسمك حلو
زينب مسكت بيده ووقفت وبابتسامه:شكرا وانت وش اسمك
…. بابتسامه:عبدالله
الحادي والعشرين من هنا
