رواية انثي في معتقل الحب الفصل السابع عشر 17 بقلم عطر الورد
البارت١٧
مساء العافية
(تصويت::::تفاعل)
………ديمة…..
جاوبتني..ماما بصوت مبحوح..وتعبان..
سمية:هلا يمه اشلونج..
ديمة:هلا..ماما حبيبتي..ليش ماتردون..ومنتظر اخابره..ومايرد.. ضل بالي عليكم ..شصاير..
فدوة احجي..
سمية:لا امي ما كو شي ..سلامتج..لإيضل بالج..
علينه ..احنا بخير..
ديمة:ماما اكيد اكو شي ..صوتج ماعاجبني..ومنتظر
شكد ادك عليه ..ومايرد..واليوم ..حلمت حلم موزين
..كوليلي شكو..
سمية:حبيبتي…لاتفكرين..اهتمي بس بدراستج
وبالج ع نفسج..
ديمة:يمه والله اذا ما كلتيلي..هسة اجي..الكم..
سمية:تنهدت..وبصوت حزين..
سارة..خطبها..ابن خالها…وهي موافقة..والبارحة.
علي ..اجه كال ..لمنتظر..وهسة اخوج..ساد باب
الغرفة..عليه..وكسر ..الغراض..ولايقبل..واحد
يشوفه..ولا ياكل..واني خايفه ..عليه..
ديمة:انصدمت ..من الخبر..معقولة ..راح تزوج غير منتظر..
ليش ..تزوج ..وتكسر..كلب..اخوية ..وهو يحبها..
سمية:كلشي ..يايمه ..بقسمه..وهي ما مقسومتله
تنهون ع اخوج..لاتخافين..عليه..بس انتي ديري..
بالج ..ع نفسج..
ديمة:ماما ..فدوة..طمنوني..عليكم..واذا منتظر..
استقرت حالته ..خلي يخابرني..
سديته ..بعد ..ما سلمت ..ع صوفي..
اخذت نفس..واني مقهورة ..ع اخويه..خطية..
هسة شنو احساسه..وحب حياته..راح تنزف..
كدامة..صعب هذا الشي..واني مريت بيه..
اذكره..من كال..
ماكو حب…الى يوم ويروح…
أوف يامنتظر..ليش كابرت..وهسة خسرتها..
واني اكول ..ليش سارة متغيرة..
ما اعرف ..ليش بس احنا هيج…
دعيت لخويه..ينسى..ويبرد..كلبه..ويرزقه
بنت الحلال ..التحبه..وتقدره..
وانشاء الله يسر امورنه…
ما بيدي …شي اسويه الى..غير ..الدعاء
صعدت لقسم..وصلت لقاعة..واني احس نفسي
دايخة..البارحة ..ما اكلت من وراء..سيف ..واليوم
منتظر..جانت عندنه..محاظرة..من ١٠ ونص.
ل١٢ ونص..دخل..الاستاذ ..وهو ..يشرح..اني بالي
مو يمه..ابد..اريده ..بس يخلص..عندنه..طالب شكد
يسأل..واخرنا..واني ..احس روحي ..تلعب…ما اكدر
حتى احجي..طلع الاستاذ..ما صدكت..يطلع..
نزلت ..واني مسطورة ..ع الدرج..وجهي صار احمر
احس روحي دخت ..لزمت راسي..اريد اتوازن..
ماكو..فقدت التوازن..ضليت ..واكفه..ع الدرج.
اريد بس وحدة اساعدني..
كمت..كوة ..افتح عيني..فقدت التوازن..اجيت..اطيح
ولد ..جان موجود…استندت عليه …ما اشوف
الدنيا كامت ..تفتر بيه…اسمعه..ايكولي تعالي
ادخلي لقاعة …لزم ايدي ..دخلني لقاعة..
جانت قاعة المرحلة الرابعه..قانون..
كعدني ..ع الكرسي..واني اريد اخذ نفس..
اريد ارتاح..واني معدتي..موتتني..صاح ع ابنيه
اجيبلي..مي..جابتلي..وشربتني..شوي ارتاحيت
كالو نوصلج …كلتهم لا ..اشكرت منهم..لان ساعدوني
وصلت لقسم..واني ..كوة امشي…ذبيت جنطتي..
وكتبي.. شف المطبخ وسخ ..واني لعبانه نفسي رحت ..ع الحمامات..اريد اغسل بلكي..
ارتاح..لكيته..ازدحامات..بلعادة..ما اتملل منه ..بس
اني هسة نفسي ما طايقتها..والبنات ما ينطن مجال
لان كلها ..هسة جايات من كلايتهم..وتجي بلبداية
تحصللها مكان..
وكفت بسرة..ع ما يخلصن البنات..احس روحي ..بسجن..اجت ابنيه ..كالت..
وخري عيني..ماخذة سراية..
واني صالي نصف ساعه منتظرة..وهاي اجتني
صحت عليها بصوت عالي..وين ماخذة سراج
وينج لعد اذا سراج..ماتوكفين…
دفعتني..حيل…ماحسيت..بروحي…
غير اني بغرفه..وع الجرباية..والبنات ..يفركون اليه
ويحجن وياي..ولج ..ديمة شجاج…
واني كوة احجي..كلتهم..دايخة..
سمعت ..مشرفه ..القسم..حاجيه.. ع البنية..
وهي اتكول معليه.هي ..غلطت عليه…
وضاله تبجي..المشرفة..جاية ..لرغد
وكايلتها..بس اصير ..زينه..خلي تجيني ..نفهم شصاير..مانريد ..مشاكل ..بقسم…..
اجت ..رغد ..وكالتلي…ياربي..شنو ..هاي..منين
طلعلتي..ماجان ..ناقصني..بس هي.
رغد :هاي شبيها ليش هيج ..دفعتج
ديمة:والله ما..ادري اشو ..هي اجت بعدي
وكالت..هذا مكاني..ودفعتني..
سلار:طبعا..ياعيني غير انتي منسقة..اي حبيبها..
ديمة:واني مصدومة ..شنو حبيبها…
سلار ولج شنو حبيبها فهمني..شتحجين..
سلار:اني..ما ادري بس اليوم ..ابنيه..جاية…وكايلتها
انتي اليوم..اي حبيبها..بمرحلة الرابعة..ولازمه ..ايده
ما اعرف..شنو ..وهاي سمعت ..وراحت تعاركت هي وياه..
ديمة:شنو لازمه ايده..ترة هذا الولد ..هو ساعدني
لو مو هو اني هسة طايحة..بنص الكليه ..وجانت وياه بنية ..هي دقايق ..يمته ..لحكت ..انسق وياه
هاي صدك تحجي ..من كل عقلها…
احجي…واحس روحي ..رجعتلي..الدوخة….
لان كلشي ما ماكله ..احس ..جسمي يرجف..
ما اسيطر ..عليه..ما اريد اروح ..لمستشفى
ويكولون لامي..وتبقى بقلق….
جابتلي ..رغد لفة ..بتيته..وخيار..ولبن..
كثرتلي بملح..علمود يستقر..ضغطي..
رغد:ديمة..ترة المشرفة…اتريدج..انتي وهاي البنية
كملي ..وروحي..لرئاسة الاقسام..
ديمة:يا صدك تحجين ..والله عيب..قابل شسويت
علمود ..يدزون عليه..
رغد:عادي ..هي كل يوم ..اي ابنية..يدزون ..عليها
من ايصير شي…وترى مايسون شي ..بس هيج
كعدت..رحت لبست ..روب..فوك..التراك..طلعت رغد
وياي ..واني ارجف..اخاف يسولي..شي ..وصلت
لغرفه..دكيت الباب …دخلت…شفت هاي البنية
بس شنو اعيونها تجدح شرار ..اول ما دخلت تباوعلي..صفح ..وبحقد..حسستني فعلا ماخذة
حبيبها..أوف وينج حنين..بس انتي اتكدرين عليهن
كالتلي ..المشرفة اكعدي…
كعدت كدام البنية..واني وجهي ينطي ..الوان
حجيتلها..اشلون دفعتني..وهي ..اصيح واتكول.
اخذت مكاني..بعدين..المشرفة كالت..ميصيرين
هيج ..انتو اثنيلكم..غلط ..مرة الثانية..اندز ..كتاب تنبيه..لكلية ..وهي تعاقبكم..هسة وحدة..تعتذر لثانية
اعتذرتها..وهي من وراء خشمها ..اعتذرت..حسيت
روحي مكسورة..ع الرغم..اني وياي الحق..بس طاح
صوج بيه..طلعت ..امشي حسيتها..هي وراية..
وصلت يمي… همست باذني…والله اخابر..ابويه
واخوية ..باجر ..اخليهم يفرون عقل ..المشرفة
بس اصبريلي..ضحكت وراحت..اني باوعتلها صفح
رجعت لغرفة..وبنات ضلن يسالني…حجيتلهن الصار
واني افكر ..اذا اجيب اهلها شنو..موقفي ..واني بوحدي..حتى ابو ماعندي مثل البنات..يحاملي
واخوية..هسة هو ..بيا حال ..فكرت اخابر سيف
اذكرت ..اشلون من صارت مشكلة مرة.بمدرسة
وهو حلها..بس بعدين اذكرت..من داس ع رجلي
مستحيل اخابرة…دخلت علينه ..سلار وهي تلهث
رغد:ولج شكو ..شصاير..
سلار:ولج ديمة هسة سمعت ..نرجس راحت اجيب
اهلها..اتكول اشلون يحجون هيج..وياي ..وابوها
واصل بدولة..لج خايفه عليج…
الصراحة اني خفت..خاف يفصلوني..لو شي ياربي
وين اروح …شاورت ..رغد اخابر ..سيف …راح
هو يجي..يفضها الشغلة..
رغد:اي خابريه..بس يعرف..يسويلج مشاكل..هسة
خلي يساعدج…
ركضت ..اخذت موبايلي…دكيت عليه..انطاني مشغول..كلت هسة ..اكيد كاعد..يم خطيبته ..
مايكدر يحجي…ورا ربع ساعة…رجع خابرني
سيف:هلاو ديمة..والله ابوية ..مريض ..ويمنه
خطار..هسة طلعت ..وخابرتج…
ديمة:اخذت ..نفس..من سمعت صوته..راسا دموعي
وكمت ابجي بصوت ..مثل الجهال…ماكدرت ..احجي شمرت الجهاز..
رجع اتصل..ادموعي تجري..كوة ..احجي..
سيف:ولج ..ديمة ليش ..تبجين ..اذا ع رجلج..والله
انتي ..استفزيتني …احجي شكو ليش ..تبجين
سيف ..اهنا تعاركت ..بنية ..وياي ..وراح اجيب
اهلها ..عليه
سيف:لا والله صدك..واني عود موصي..هذا عليج..
وحتى ..افلوس..منطيه..اليوم العن اهلهم…بس فهميني ع شنو اتعاركتو..
والله ..هي اجت ..لحمام…واني جنت اغسل..
وتكول.. اخذتي..سراية..ودفعتني..
سيف”لا مو معقولة ولج خاف صاير..شي ثاني
ديمة:لا والله علمود ..هاي وتعال ..اسال البنات اذا اجذب…
ما ادري حسيت ..بس سيف ..راح يساعدني..
رغم كلشي صار ..وياي..كال
لاتخافين..ولا تبجين..صيري قوية..هاي بسيطة
الشغلة..اني احلها..سلم ..عليه وراح..
ضليت ..افتر..وأفكر خاف ..اجيب اهلها..اشلون
وراء ساعتين..خابرني سيف..
انحلت المشكلة..انتي مكبرتها..وهاي سوالف ..نسوان
مرة ثانية اذا ..واحد حجه ..وياج..تعالي خابرني
ديمة:اي حقك..ماشفتهن..اشلون تحجي ..وياي
واتكول ..اجيب اهلي..
ضحك…لا بعد محد ..اجيب اهله ..لاتخافين
سديته منه …واحس ماي بارد ونزل ع كلبي
زين اذا يزوج ..سيف من بعد .. يساعدني
اكيد مرته ماتخليه..اوي هسة اني بيش طالبه
نفسي بمشاكل…
رحت لغرفه ..واني اضحك..البنات مستغربات..لان
ساعة اضحك ..ساعة ابجي…
خابرت ..امي ..علمود ..اطمئن..ع منتظر..كالت ..
راح لزيارة..ادعليه..الله يبرد..كلبه
كلت ليش ما اخابر ..منتظر..خابرته ..وحسيت صوته
تعبان..حجيت ..وياه…وبعدين ..سديته..
خطية يكابر ..ع نفسه..ادري بيه مجروح..
رحت ..ع فراشي ..اريد ارتاح..لان يوم..جاني مليان
بلاحداث…اجتني رغد..علمود..اتعشى..
ديمة:ما اريد ما اشتهي..
رغد:ولج كومي..انتي اليوم ..مريضة مفروض تاكلين
اجني ..البنات ..حاولن..وياي ماقبلت…
بقيت ..بفراشي ..افكر بسيف.. اذا ازوج اشلون بيه
اكدر انسى ..او لا ..كملو…البنات ..العشى..اجني
كعدن..نسولف..وهمين ..حظرو..ملابسهم باجر
دوام…اندكت..الباب ..المشرفة ..بيدها علاكة..
كالت:هذا عشى..لديمة.. دزو الها..
البنات كالن..منو دزة
المشرفة:من طرف اهلها…
شفت رسالة من سيف..اتعشى زين..
اني عرفت..هو اكيد موصي صديقه ..هذا اشلون وياه…ويردني انساه ..اوف ياربي..عايشة بصراع
وي نفسي…كتبت اله..
اي وصل..شكر..ما رد..
البنات يباوعن ..عليه..بنضرات ..ويحجن..
اي عيني ..ونكول ..ما نريد عشة.. مرتبة وضعج..
واني احلف ..الهن ..ما ادري حتى رغد..كالت
ولج..ديمة ليش ما كلتلي..وخليتني ..اتوسل بيج
اكوللها والله ..ما ادري…
فتحت ..العلاكة..لكيت ..بيها..كباب وصمون..
ولبن..صحتهن..يتعشن..ماقبلن…بعدين كوة
قبلن..كالن ..شبعانات..المهم اكلن شوي..
اني اكلت ..حسيت روحي..اتوازنت..وضغطي استقر
الصبح..كعدت حظرت نفسي …هدى كالت..ماعندي
محاظرات..اليوم ما اروح..طلعنه ..من القسم..لكليه
بطريق خابرتني هدى…
هدى:ولج اهل …البنية …هسة اجو ..موجودين
وهسة ديحجون …وي الاستعلامات
ديمة:وبخوف ..شيحجون ..ولج
هدى:ما ادري..هسة اشوفلج ..الوضع
سديتها..منها واني ..ارجف ..ياربي مو سيف..كال
انحلت..لعد ليش جاين…هسة اني منو يوكفلي
راسلت..سيف ..تضحك عليه انته ..خليت البنية ايجيب ..اابوها..ويحجون عليه…هاي لو خطيبتك او اختك.. مارحت..ركض ..بس هاي لان اني وما عندي
احد..
وصلت لكليه…واني بالي كله يم…القسم ..هسة شيحجون..خلصت محاظرات واجتمعت…اني و رغد وسلار كاعدين على..المصطبة..بقانون..وسولفت
الهن…اشوف الولد..اجة علينه..البارحة ساعدني
بلبداية ..نسيت شكلة ..بس بعدين اذكرته..
وصل يمنه..كال
السلام عليكم..اشلون صرتي..
ديمة:زينة..الحمد لله..واني اشكرك ع المساعدة..
الولد:لا عادي..ما سويت شي
اني عرفت رغد..وسلار وكلتهن هذا الولد الساعدني البارحة ..وهنة ..يكرصن بيه..عود كليله
كال:اذا تحتاجين شي ..احنا برسم الخدمة
ديمة؛خادم ربك ..بس هلمرة اذا ساعدتني..راح يشمروني..من قوم القسم
شفته استغرب من الحجي ..وكال ليش ..ومنو اليشمرج ..
رغد:كالت..عيني..احنا مانريد مشاكل ..بس عيب
ابنية تههجم ع ديمة
كال غير افتهم ..شنو
وسولفتله..رغد اليصار..حسيته صار عصبي
وخجل من عندنا..وكال اني اخذ حقكم
راح كعد..كدامنه ..وموبايله بيده..يتصل ..بيه
وهو متوتر..امبين من هزة رجلة..وعيونه مانزلت
من رغد اكلها اكل..بعيونه..
اني ..وسلار نصبنه..عليها وكلانلها هلمرة..كبل ياخذوج لمستشفى ..اني بس دفعه انتي تجرم بيج
خطية شفتها ..خافت ..كالت خلينه نكوم ..
وهو ما نزل عينه ..واحنه نضحك ..عليها ..
رجعنه ..لقسم شفتها..كدامي..هي وصديقتها عيونها حمر ..مبينه باجية..وهي تباوع علينه ..بحقد
وتكول الا اندمجن..اني ما اهتميت ..رحت دخلت لغرفة..واني اسال هدى ..أبوها شسوه ..وخاف اتعاقب ..بعدين حظرنه الغدة..بدلت ملابسي .
لبست اتراك وردي بيه ..وردات بنفسجية..داحظر
بسفرة..وي البنات ..اجتي العاملة..كالت ديمة ..اجو اهلج عليج ..تعالي انزلي …جوة اني من ..الفرحة
نزلت ركض بدون حجاب ..وجنت مسوية شعري
ظفيرة رغد..ركضت ..وراية ..وانطتني حجاب
كالت خاف ..يشوفج واحد منا منا
اخذته منها ..وشمرته ..ع راسي..
وصلت ..كلت لعاملة..وينهم ..واني حسبالي امي اجت علية ..كالت ولد ..مايصير ..يدخل..كلت اكيد
منتظر أجه عليه
رحت طلعت شفت لكييت.. سيف ..واكف يم صديقه
الأمنية لابس سترة ..جلد وبنطرون كابوي اسود
فرحت ..معقولة جاي علمود.. يشوفني. هو ما شافني
لان جانت المسافة..بعيدة..رحت رجعت..لبست
روب وطلعت..هو شافني ابتسم..واني همين ابتسمتله..سلمت عليه..كال اسمعي الولد شيكول
كال معليج اختي انتي بعيونه..ومحد يكدر يأذيج
أبوها..اجو وكال سوالف بنات ولا تودون اسمها لكليه
ومن هذا الحجي..
التفت لسيف ..
كال ها هسة اطمئنتي …
هزيت ..راسي ..بمعني ..اي
راح الرجال..بعد ما اشكر..منه سيف..
التفت ..عليه كلتله..ولا اصورتك ..تجي
سبف:شسوي ..عفت شغلي..وابوي..مريض بس كلت
ما اريد..اشوف واحد مضوجج
باوعت عليه ..صارت عيني ..بعينه
راح ترجع ..هسة
لا للمغرب..واروح ..روحي بدلي ..خلينه ..نطلع سوه
نتغدة..
لا وين انروح..خاف ما يقبلون..تعال اجيبلك ..صينية بحديقة..ونتغدة
سيف:لا بوية..تعالي انروح ..نطلع برة ..نتغدة. وانتي
معليج يقبلون
رحت لمشرفه ..وهو دز خبر بيد الامنية..هي قبلت
لان كايلاها..ابن عمها ..اني رحت ركض لغرفة
وكلت لبنات..راح اروح ..وي ابن عمي..هنه كالن
ما ترضى اشلون..اطلعين
ديمة:اخذت الاذن من المشرفة ..وقبلت…شاورت
رغد وكلتها ..راح اروح وي سيف ..شفتها فتحت
عيونها اشرتلها اتكوم ..اجت وراية ..واني رحت
فلشت ملابسي حايرة شلبس ..ع الرغم اني شكد عندي ..ملابس..كلت لرغد..اساعدني باختيار الملابس
ما اعرف ليش اريد اطلع حلوة..اخر شي ..اختاريت كوت ماروني..قصير ..وبنطرون اسود ..وشال وحذا بيجي..خليت مكياج..وعطر..باوعت ع روحي..
بمراية ..راضية عن نفسي..طالعه حلوة..مشيت وصوت..الكعب بممر المشرفه كالت لا تتاخرين
طلعت..واني اشوفه..مرتجي..ع..السيارة..وجكارة
بيدة..باوعت عليه ..هو ما شافني..بس من اتقربت
منه دار وجهه..شفته يباوع من فوك ..ليجوة
نزلت راسي خجلت ..هو صعد ..اني صعدت ليورة
اجيت أسد الباب
سيف:بخزرة تعالي..اكعدي يمي
ديمة؛ فتحت الباب..وصعدت يمه..واني احس كلبي يدك سريع..
حرك السيارة..اخذت نفس ..وحاجيته..
سيف ترة اني زعلانه منك ..اشلون ادوس ..ع حذائي
كدام ..الطلاب ..ودور انشلع..وخليتني موقف محرج
باوع عليه..ورجع باوع ع الطريق
طبعا اتريدني..اسكتلج واصفكلج..واني اشوفج
رايحة .وي الولد اضحكين..واسولفين..
ديمة:اي الولد ايردني..ويريد يخطبني..شنو ما تتمنى
الخير الي..
باوعلي..وخزرني اني خفت من نظرته..
سيف:هيج ..يخطبج..بسرعه .هو شعرف عنج ..ويريد يخطبج..خلي ..يخابرني واني اشوفه
الج مناسب لو لا
حجيت بكلبي ..هذا شبيه شمفكر نفسة..والله يالله
اشو عايش الدور ..زيادة عن الزوم
باوعتله..وحجيت بثقة..اني مستعجله..اريد ازوج
بشهر التزوج..بيه انته
سيف:ممكن تكريمنه بسكوتج..انروح نزقنب ..وبعدين
نفهم شنو السالفة..
اني…سكتت وجان الصمت سيد الموقف..
وصلنه لمطعم ..نزلنه اشوف سيف يباوع منا ومنا..
عود يغارخاف واحد يباوع عليه
خاف واحد يباوع عليه كعدنه..وهو طلب أنواع..الاكل اني..كوة اكل.. استحي
ع الرغم بكليه..عادي اكل وي الولد بس وياه ..ما اعرف ليش اخجل منه..
المهم خلصنه ..وطلعنا كال اخذج لاسواق
لا خلينه نرجع لقسم..خاف اتاخرت
باوع لساعته..بعد وكت..تعالي نكعد مكان ..هادئ
رحنة كعدنه بمنتزه..مال عوائل..هو اجه..معد يمي
جان كلش قريب حسيته..مو سيف العصبي بلعكس
جان كلش هادى..وبس يباوع مقابيله بدون مايخلي..
عينه بعيني..بعد صمت
ديمة:سيف انته شتريد من عندي..
سيف:ما اريد منج شي
ديمة:لعد مو انته..ماتخليني اوكف..وي الولد لو سويت..شي الكاك..كدامي
سيف:ديمه اني اخاف عليج..خاف واحد يضحك
عليج..
غمضت ..عيوني. واني احس غصة..حجيت
سيف شوكت..تزوج
اخذ نفس قوي كومي ..ديمة اوصلج لقسم
ما حجيت ولا لحيت…كمت صعدت بسيارة
هو حجالي ع ابوه ..وضعيته..وصلنه
قبل لا انزل كال..ديمة محتاجة شي
هزيت راسي لا..
سيف:بالج ع نفسج
ابتسمت. سديت الباب..رحت دخلت..واني اشوف
نرجس اشلون تباوعلي..حاسة تخطط لشي
لاكتني..رغد ..وسولفتها..كلشي
رغد:هذا شبيه ..شيريد منج
ديمه:ما اعرف رغد ما اعرف
رحت خابرت حنين..سولفتها عن سيف
حنين:اكولج..اني وسامر..قدمنه..العرس خلال هذا الأسبوعين هو مايريد لعطلة..حظري نفسج ..
ضروري تجين
اني دمعت عيني..كلت اكيد سيف..وياهم
حنين سيف همين وياكم
حنين:لا سيف ..ايكول للعطلة مو هسة..
جريت نفس..من تثبتون ع موعد..انطيني خبر..
قبل يومين..علمود انزل..سلمت عليها وقفلته
مسحت ادموعي..واني احاجي نفسي..
من كل عقلج..ديمة تبجين ..اذا مو هسة..بعطلة
كافي تتأملين ع شي مستحيل..
لازم اني اشوف طريق مو بس هو..
راسلت احمد..
هلو احمد اشلونك اشو مختفي
احمد:هلو زين..انتي مو كلتي نفترق .
ردت اكتب..ما كدرت خليت الموبايل..ع الميز..
وايدي..ع عيوني..وكلعادة..الافكار تصارع..براسي
لحد ماتعبت من التفكير ..ونمت..
وتستمر الحكاية…..
