رواية انثي في معتقل الحب الفصل الخامس 5 بقلم عطر الورد
البارت٥
مساء السعادة
(تصويت:::*تفاعل)
……………ديمة…………
كعدت الصبح نفسيتي زفت روحي طالعة ما اريده…ما ادري وين جان عقلي من وافقت عليه..احس روحي استعجلت بقراري بلحضة عاطفية ..اشلون اخلص ما اعرف …مستحيل اكمل حياتي وي واحد مثل مهند…ضليت افكر بموضوع…اسمع امي اصحيني جوة…
سمية:ولج ديمه اكعدي اليوم الخطبة مالتج…
ديمة:انقبض صدري من سمعت هيج…ما اكدر ارفض احس نفسي دخلت بمتاهة…ما اعرف وين المخرج…نزلت من الدرج ..واني اليشوفني …ايكول عندها عزا…وحدة مثل حالتي …هسة تفرح بس اني كلشي بلعكس….
ماما صباح الخير…
سمية:هلا باميرتي…صباح العافية …شنو يمة نسيتي اليوم …العقد…مالتج..لازم اكعدين من الصبح
ديمة:بكلبها ياريت لو انسى…
يمة خايفة اني من الزواج…ما احس روحي مستعدة…
سمية:لاتخافين كلنا مرينه بحالتج…وخفنه بعدين عادي….ترى هذا الشعور اي ابنية تمر بيه…ومهند خوش ولد …وخالج وخالتج حبابين…راح تتدلين يمهم…واني قريبة عليج…يمه هاي قسمتج…وخوش قسمة…خليها ع ربج…وهي تمشي الامور
ديمة:اخخخ..لوتدري مهند شسوه بيه …ماحجت هيج…
الله كريم …ونعمة بالله..
ضليت كاعدة…صافنه لحد الان مامستوعبة الموقف واكول حلم…وهسة كلشي ينتهي…اخواني كاعدين بصفي…ويحجون وياي واني بالي مو يمهم….
شوي واجت خالتي ….اسراء
اسراء:هلا صباح الخير…اشلونج ديمة
ديمة:صباح النور زينه الحمد لله..
اسراء:وين امج راديتها…بشغلة
ديمة:ردت احجي واجت …امي..
سمية:هلا خية زارتنه العافية…شوفي اليوم عروستنه هسة يلا كعدت….
اسراء:والله خية لو انأجل الخطوبة…مو احسن هسة اخوج شوي تعبان…حتى مايكدر يحجي…والناس رايحة وجايه عليه…خلينه ناجلها اسبوعين لحد مايصير زين…
سمية:وهي لطمت ع صدرها…يمه خوية بيه ولابيك…خية هي البنيه بنتكم ماطايرة اول وتالي الكم…هسة اهم شي صحت …سلام..
يمة ..ديمة خالج هسة شوي مريض …راح اناجلها الخطوبة …لحد ما يصير زين…
ديمة:ماي بارد ونزل ع كلبي حتى…لو اتاجلت بس المهم مو اليوم..صحيح انقهرت ع خالي… لان فعلا مايستاهل…احس روحي ارتاحيت..
بس مثل ما يكولون مصائب قوم عند قوم فوائد
رحت سبحت..مشطت شعري…واكلت لان من البارحة ما ماكلة شوي ارتاحيت…
مر اسبوعين…خالي حالته صارت لاسوء دكتور كالالهم طلعو للخارج لان علاج للمرضى ماكو العراق وهو بمراحلة الاخيرة…
الوضع ..ماجان واحد بيه يكدر يسافر ب٢٠٠٣ حتى الطرق الخارجية قطعوها الوضع تعبان …ماكدرنه نسفره….بقى بلعراق وي المرض …خالي اتوفى…
اهنا جانت الصدمة لخالتي…والنا خالي جان معتبرنه مثل جهالهة….خسرنه الاب مرة ثانية…
رجع أجواء الحزن خيمت علينه …وبخصوص بيت جدي…مهند وعلي…كلش متاثرين موتت ابوهم وخصوصا…مهند لان خالي جان امدللة…ومهند ماجان يسمع كلام خالي ومن اتوفى…حس بنفسة اشلون جان يقصر…وياه..سارة وحنين بس يبجن
امي…ماعندها طاقة للحجي…
اذكر بلفاتحة.. اشلون خالاتي ملخن روحهن…
امي خسرت اخر سند الها بدنيا….حجيها قل ويانه…صدمتين وفاة امها واخوها…الوحيد…ماتتحمل…صار كل وقتها بجي…وتمرضت…امي القوية ..صارت اي كلمه تبجيها انكسرت كلش …بوفاة خالي..
رغم كل هذا الحياة لازم تستمر…..
مرت ايام منطقتنه…صارت كلش يخوف…الحال صار لاسوء…صوت الرمي يوم عن يوم يقترب من عندنه ..عشنه بجؤء رعب ع خوف …
احنا كعدنه من المدارس لان وضع خطير وموزين…بدت الناس تجمع مسواك مال ايام محد يطلع من بيته…لان قصف صار بلبيوت…اشتد الوضع كلش وخصوصا بمنطقتنه بغداد….احنا بفرع…وبيت جدو بيتهم ركن..بحيث القصف ايصير عليهم…
ماما كالتلهم تعالو يمنه ..أمان الكم…واحسن صح بيتنه اصغير …
بس حسينه بلامان…مهند ماعليه شغل بيه…لان بعدة مصدوم بموتت ابوه…
بس اشوف سارة …ومنتظر كلش منسجمين..
ديمة:سارة اشوف نضراتج لمنتضر بيها حب
سارة:يااا لج منين اجيبن هذا الحجي…
ديمة:عليه مو اشوف اكلتي الولد اكل بعيونج…ومخلصتها وياه سوالف وضحك..
سارة:اكولج بس لاتكولين…اني معجبة بمنتظر…
ديمة:وبغمزة وهاي من يمته…وضامة عليه …
سارة:اش ولج اسكتي لحد يسمعنة ..
ديمة:احجيلي…ولج راح اموت من الفضول ومنتظر يعرف بيج…
سارة:وصارن خدودها حمر..اي هو اصلا اعترفلي..قبل لايتوفى ابوية…وتنهدت 
ديمة:الله يرحمه لخالو…اخوية يشتغل دفن واني ما ادري….تستاهلين حبي…
واجت حنينن واكتملت اللمه سوالف وضحك خلصنها
خالتي اسراء …شكت بسارة…ومنتظر…لان نضراتهم فاضحتهم….لزمت سارة واسمعها اتكول الها
اسراء:ولج احنا بيا حال وانتي حايرة بحب شوفي حالنه…وابوج هستوة ميت وانتي كاعدة يم منتظر وسوالف وضحك …حسبالج ما منتبه لا منتبه من زمان عليكم…بس مغلسة…لاتخليني استخدم وياي غير طريقة…خليني محترمتج واكول جبيرة عيب
سارة:بس يمه اني ماعندي شي وي منتظر…
اسراء:شوفي يمه كعدت يمه كلها غلط لاتحاولين تتقربين من يمه شوفي اختج ….اشلون بس وي ديمة صيري مثلها…
سارة:صار يمه….راح ابتعد
اسراء:وهي تبوسها عفية ببنيتي اريدج هيج ….علمود مصلحتج…ومحد يحجي عليج بشي الموزين…
ديمة
مرت الايام شوي الوضع استقر…رجعنا لمدارسنه بوكتها اني برابع اعدادي…اخوية منتظر بكليه اول مرحلة …بس الوضع بعدة تعبان والامريكان وين ماجان موجودين…امي اشترتنه موبايل طابوكة نازل جديد…وكلش غالي…وهي تدوينه لو منتظر لو علي جنت اروح وي حنين وسارة…
منتظر ..صار تفكيره ضد المحتل واشلون يطلعون المحتل سيطرت هاي الافكار عليه كام ايجيب جماعته…لبيت واشلون يتناقشون…امي خافت عليه لان الامريكان كامو يدخلون للبيوت…ويأخذون الشباب…
سمية:ولك ابني راح تموتني…بطل هاي سوالفك مأشوف الوضع اشلونه…بس انته بقيت عندي همين تروح…هلمرة اموت بوراك…
منتظر:يمة لاتخافين عليه اني رجال اطمئني وريحي بالج….
سمية:يمة كلبي نار عليك لاتكسرني اوليدي بيك
منتظر:اشلون انخلي ذولة الانجاس بكيفهم يسرحون ويمرحون بارضنة واحنا ساكتين…
وبقى منتظر وي جماعته يومية مجتمعين…وماعندهم بس فكرة اشلون يطلعون الاحتلال …ويحاربهم…
يوم جنت انضف بلبيت…ومنتظر ماكو طالع كلعادة يم جماعته…سمعنه رمي…امي خافت ع منتظر وضلت تبجي….اني رحت لطرمة…اطفي الماطور….وأريد أسد الباب لان ناسينه مفتوح ما احس الا الباب…اندفر….ودخلو ٢٠ رجال لابسين زي امريكان….اني جفلت بمكاني
ديمة:وهي ترجف وبعياط منو انتو…ماما تعاليلي ذولة ما اعرف منو …
ما اشوف غير …السلاح وجه ع راسي اني من الخوف ….حتى دموعي جفن…
امي كامت تعيط….عليهم….
دقايق عشت بيها رعب….يمكن الموت اهون بيهم طلعو فوك وبيهم يفتشون جوء…احنا حجوزنه اني وامي وصوفي…موجهين السلاح علينه….اني باقيلي شوي اصير عندي حالة اغماء…يحجون بيناتهم ما افتهم شي…شوي وطلعو…
بس اني شنو كنت ما احس بجسمي…صابتني حالة من البرد…جسمي يرجف ع رغم جوء …حار اريد احجي ما اكدر …احس الساني مربوط…اباوع ع امي وأريد احجي ماكو بس ارجف…
خالتي اجني عدنه …يمكن شافن الامريكان…
اسمع علي يحجي وياي…
علي:ديمة شبيج احجي شصايرلج شسولج
ديمة:اني بس اهز راسي …الساني مربوط ما اكدر احجي…شوي وماحسيت بروحي الا بكاع…
انغمى عليه…اسمع صوت امي…
سمية:يمة البنية ماتت…يمة بنتي شصاللها
وبعد ما حسيت بشي …الا واني بمستشفى …مشكليلي المغذي…عطشانه اريد ….ماي ماكو همين ما اكدر احجي…معقولة بعد صرت خرسة..اسمع الدكتور يحجي وي امي
سمية”فدوة دكتور بنتي ليش هيج حتى ماتكدر تحجي…
دكتور؛البنية متعرضة لصدمة فقدت بيها النطق…بس هذا الشي موقت…
سمية:يعني دكتور فدوة يمته ترجع تنطق…
دكتور:هاي بقت وراء حالتها النفسية…
سمية:يمه منين الكاها من منتظر من ديمة…ليش ياربي كاعد تختبرني…الامتحان صعب واني مو كد الحمل…بقيت بوحدي…ربي لا صعبها عليه …اريدك اترجعها اليه مثل قبل….
ديمة:اسمع امي وابجي…خطية ما شافت يوم راحة بحياتها…..
مر ٣ ايام رجع صوتي وحالتي استقرت….
سمعنه…الامريكان جاين تفتيش…لبيوت ومنتظر موجود …جانو شكو شاب ياخذوه وخصوصا منتظر مشتبه بيه ….لان جان كل يوم اجتماع ومسوين مفخخات لامريكان واسمه رايح وياهم
من سمعنه الخبر ….حاولنه نهرب منتظر من فوك السطح …لان كان الامريكان بشارعنه….
هم دخلو للبيت…بس هلمرة مو بوحدهم تتدخل السريع …جان وياهم ..اني صرت اعيط
ديمة :وبنفس الرعب وخوفه ما ذيج المرة…
انتو شتريدون منا الله لايوفقكم….ضليت اصيح…
شفت واحد اجه يمي…ملثم بس هو عراقي من التدخل السريع…
سيف:وبهمس اسكتي صوتج ترى ذولة ما يهتمون اتريدين اتحافضين ع حياتج اسكتي…
ديمة:خفت واني اشوف صوفي وامي اشلون يرجفون….يومية هبطة…لازمة صورة الإمام وادعي…وهمين مالكو شي وطلعو…بس بقى هذا الولد يباوع عليه….هو مامبينه بس عيونه…
سمية:وكلبها صاير نار ع ابنها…
ولك يمه مو كليتلك بطل من هاي السالفة هسة لو ماخذيك …احرك روحي…
حظنت امي وكمت ابجي الموقف كلش صعب
(بس مو كل مرة تسلم الجرة)
جنه كاعدين ع تلفزيون جنت لابسة تراك جويتي وضيك وشعري مخليته مفتوح منتظر موجود فجاءة دخلو علينه(جانو مراقبين منتظر)ما لحكت البس حجاب…شافو منتظر واخذو…
احنا كمنا انصيح ونتوسل بديهم ايخلونه…
امي تتوسل بيه مايخذوه…هو يصيح ع امي ايكللها لاتتتوسلين بيد ذولة الانجاس…ويقاومهم
هم ضربو ع راسة…
واني كمت اصيح…ولكم حقرا خلوه لاتاخذوه ونفس الصوت …ونفس العيون…ونضرة مثلها اجه اتقرب
سيف:لاتخافين ماراح ايسوله شي…
اني ماجنت منتبه شيحجي..
حقراء اخذتو اخوية رجعو ماتخافون من الله رجعو النا….
امي ملخت روحها وكامت اصيح….وتتوسل
راحو واخذو منتظر…بسيارة…مو بس هو اكو هواي أخذهم من الشباب حتى الشياب…
امي انهارت كامت تلطم…..
اني طلعت…برة واسمع مصطفى ايكللها لايمه تحركين روحج….
رجعت وشفت امي ذابه عليها نفط…
ركضت عليها شبكتها…
ديمة:يمه منو النا فدوة ليش اتريدين اتموتين نفسج مافكرتي بينه ماكلتي وين يرحون…وصرت اوخر جداحة من ايديها واني شابكتها حتى انترست نفط…طاحت وضلت تبجي…
سمية؛ماتكليلي بعد شخصر حتى منتظر أخذوه مني ربي ليش ماتموتني وتخلصني من هاي العيشة….
صرت ابوس بيها ..
علي اجه….وخالاتي…علي خابر ع محامي وجماعته بلكي يساعدوون منتظر…
وماكو…وبذيج الليله مرت علينه واحنا طعم نوم ماشفناه من الخوف والرعب…وشيسوون بمنتظر…ضليننة بس نبجي…مابيدنه شي…
وضلتامي تلوم بنفسها…وخافت من عمامي شيسوون
الصبح اتفاجانه عمي من اجه عمامي اثنينهم بس ماحجو شي عمي الجبير اتاثر…وحتى بجى خابر كل اليعرفهم…علمود يساعدون منتظر …بس ماكو …
ثامر:سمية اني راح اخذ مصطفى وياي خاف يصير عليه شي…وهذا ابن اخوي…
سمية:ع جثتي تاخذوه ابني ما يروح للمكان يبقى بحظني…
ثامر:منتظر واخذوه…واني خايف ع مصطفى…اريده وياي يروح…
واشوف امي تلزم دبة نفط اتريد اترش ع روحها عمي الزغير …لزمها…كالالها ابنج يبقى بحظنج محد ياخذه….
ابوية بيومها خابر رديت عليه برود ماعندي طاقة احاجيه بلاوقات الصعبة هو مو يمنه ضل يبجي ع منتظر ويسالني اشلون اخذوه…كسر كلبي…بس رغم هذا شايله عليه….ما اكدر اسامحه…
خطية سارة تاثرت كلش صحيح احنا انقهرنه بس مو مثلها صارت تدخل لغرفته اشم بملابسة وتحجي وياهن وتبجي حالتها تكسر الخاطر…
مابديه شي اسويه الها احنا همين …نريده نرجع
مر اسبوعين ومنتظر ماكو اخباره حاولو عمامي وعلي وماكو ماخلوه واحد ما وصوه كالو ساجنيه بسجن….اني اداوم بس ما الي اي واهس لدوام
رحت لبيت جدو علمود حنين وسارة..جنت لابسة صدرية نيلي…وقميص ابيض صدرية مخططه وبيه فتحة من الرجل…واني ما البس حجاب مسوية ضفيره وشعري اشقر طويل….وصلت لبيت جدو…ادك بلباب اشوف سيارة سودة واكفة…
طلعت سارة وحنين نمشي..نلحك ع الكيات لان انروح بيها بمدرسة شوي ابعيده…واشوف ولد نزل من السياره جبير يطلع عمره..ب٢٧ طويل عيونه جوزي حادات حنطاوي شعره سرح…احس روحي شايفته من قبل….جان لابس كله اسود…جكارة بيده لاحظت لابس محبس كلش حلو يعكس بشمس صعدنه …سيارة اشو هذا اجه وصعد بورانه…
اني استغربت معقولة واحد عنده هيج سيارة يصعد بكية….
ماحجه شي …ضل اسبوع هيج يسويه بس شنو يومية يجي لبس شي أناقة والعطر…حسيته يتابعني
بس يوم كاعدين بكيه وهو كلعادة الكاه بوراي كاعد…انطاني الكروه انطيها للسايق…اشو طاحت منها…ورقة ..اشوفه مكتوب بيها رقم …واتصلي بيه….انصدمت….
من نزلت
ديمة:ولج حنين شايفه هذا الولد اليومية يجي يتابعنه…هسة انطاني الرقم..
حنين:هذا الحلو انطاج رقم…
سارة:بس لا هذا الطويل الاسمر
ديمة:اي هو انطانيها وي الكروه…
حنين:ولج امداج هذا الصاك انطاج رقمه…روحي خابريه…
ديمة:ولج حنين شنو اخابره…ماتستحين…لزمت الرقم وشكيته…
فرح؛صديقة(ديمة) لج انتي مخبلة…هاي فرصتج هي بس سيارته اجنن
ديمة:انتن صاير العقلجن شي…بابا شنو هذا الحجي هسة اني بيا حال وانتن تحجن ع هذا الولد..
سارة:اكولجن…صدك هو مو عندة سيارة ليش يصعد كيات…
حنين:غير علمود الحب
ديمة:ضلن يحجن…واني بالي مو يمهن بالي يم امي من آخذو منتظر لحد الان يومية واكعة…وأفكر بمنتظر شصاير بيه هسة…صارت تجي ببالي أفكار سلبيه وابعدها من تفكيري….
ومر ثاني يوم وهمين نفس الولد صعد السيارة وكعد بوراية…ذولي يباوعلي…ويضحكن جنهن مخبلات اني اصلا ما اهتميت…ماناقصني بس خرابيط الحب…ونفس الشي انطاني الكروه وهمين بيها ورقة…اني ما شوفتهن للبنات الورقة ايضلن يلحن ومالي خلكهن ابد …خليتها بجنطة…ونزلت
مر الدوام عادي امتحانات شهرية ودروس رجعت للبيت…شفت امي كاعدة وتبجي هاي حالة من راح منتظر…
ديمة:يمه راح تموتين نفسج….هيج فدوة ما اتحمل اشوفج…بهاي الحالة…
سمية:ولج يمة شسوي واني ما اعرف عن اخوج شي… عطشان جوعان هسة…
أوف يمة شكم مرة كليلتلك بطل من الهاي السالفة هسة خليتني احترك يايمة…..
ديمة:يمة فدوة لكلبج كافي…تعالي اكلي صالج يومين مامخليه شي بحلكج
سمية:واني اشتهي شي وابني مو يمي…
ديمة:سوتلها غدة…ما اكلت اشويه…غسلت المواعين وكملت صعد لغرفتي…
فتحت جنطتي اعزل الجدول شفت الورقة وكعت شلتها لكيت مكتوب بيها
اني سيف وهذا رقمي اني اعرف اخوج منتظر هسة وين وأكدر اساعدة بس اذا كليتي لواحد اخوج راح يكون بخطر اتصلي بيه ع هذا الرقم اذا تردين اشوفين اخوج…
اني انصدمت وكمت ارجف كلساعة اقراه الورقة واعايدها اكول منو هذا وشيرد مني…حايرة شسوي اخابره لا …اشلون يعرف اخوية…الافكار كامت تضارب براسي…لازمة ورقة وما اعرف شسوي….
وتستمر الحكاية…
