رواية امرأة في عصمة صعيدي الفصل السادس والعشرين 26 بقلم سلسبيل كوبك
الحلقة 26
.
رواية إمرأة في عصمة صعيدي للكاتبة سلسبيل كوبك الفصل السادس والعشرون
دنيا: في مين يا عمو؟
شاكر: في تسنيم هانم..
ديما عند اللحظة دي انهارت قوتها و اعصابها سابت و جاسر قام و مسكها و حضنها و هي مأبدتش بأي رد فعل…
دنيا(بدموع): انت بتهزر صح؟لا لا طنط تسنيم لا..
على: انت متأكد؟
جاسر(بقلق): ديما ديما ردي عليا متفضليش ساكتة كدة، متقلقنيش يا ديما..
ديما بصتله بدموعها اللي مالية وشها و مردتش عليه..
فتحية: يا عيني عليكي يا بنتي..
شاكر: كلهم راجعين مصر يا ديما فورا..
حازم: طيب يا عمي شاكر روح انت…
شاكر: طب لو عوزتوا اي حاجة ابعتوا ليا..
جملات: البقاء لله..
جاسر: ديما طب زعقي اتكلمي اعملي اي حاجة…
خالد: يا حبيبتي ردي علينا، بلاش الصمت ده..
ديما اغمي عليها فجأة على ايدين جاسر..
جاسر: حد يبعت لاي دكتور انجزوا..
جاسر شال ديما و طلع على اوضتها و نيمها على السرير…
دنيا: انا طلبت الدكتور…
حسن: كله على تحت سيبوهم يلا..
فتحية: لا حول و لا قوة الا بالله…
اسماء: هتعمل ايه المسكينة؟
جملات: ربنا يعينها هي و الحاج محسن يا رب..
دنيا(بعياط): طب طب ازاي طنط تسنيم حرام تروح كدة..
خالد: اهدي كل الامور هتتحل…
دعاء: طب و ديما؟
حازم: كلنا هنبقي معاها..
فيروز: ان شاء الله..
ايمن: ربنا يصبرها و يصبر اخوي…
ناصرة: الدكتور جه…
حسن: دخليه..
الباب خبط..
جاسر: ادخل..
الدكتور: فين المريضة؟
جاسر: اهي..
الدكتور بدأ يفحص ديما تحت نظرات جاسر…
الدكتور: هو ايه اللي حصل؟
جاسر: هو مش انا اللي المفروض اسألك..
الدكتور: انا شايف انخفاض ضغط الدم بشكل مفأجئ و ده بيحصل غالبا نتيجة صدمة اتعرضت ليها..
جاسر: تمام ايه بقي؟
الدكتور: في ادوية لازم تأخدها و لازم تكون في مكان هادئ علشان حالتها النفسية تتحسن و تنفذوا رغباتها و تبعدوها قدر الامكان عن اي حاجة تضايقها…
جاسر: طيب يا دكتور…
الدكتور: هي ممكن تفقد النطق علفكرة او يحصل شلل او يحصل اي حاجة، ممكن متتقبلش الصدمة..
جاسر: بعد الشر…
الدكتور: دول شوية حقن لو فاقت و صرخت و زعقت كتير لازم تودوها الحقنة دي، بتعرف تدي؟
جاسر: لا..
الدكتور: خش اتعلم، اتفضل اهو اسماؤهم، عن اذنك..
الدكتور مشي و جاسر قعد جمب ديما و قعد يملس على شعرها و يقرأ قرآن بصوت واطي لغاية ما نام جمبها…
في الجنينة…
خالد: بتعيطي ليه؟
دنيا(بعياط): طنط تسنيم كانت امي التانية…
خالد: خلاص اعتبريني انا…
دنيا(بعياط): اعتبرك امي التانية؟
خالد: ليه شايفة سوسن قدامك؟
دنيا ابتسم بخفة على كلامه و بعدها كملت عياط..
خالد: ما هو انا لو كاتب الكتاب كان زماني حضنتك و نمتي..
دنيا: ليه حضنك منوم؟
خالد: تحبي تجربي؟
دنيا: انت شايف انا بقول ايه و انت بتقول ايه؟انت شخص مش مقدر..
خالد: و الله مقدر وحاسس بيكي و بديما…
دنيا: ليه؟
خالد: مفيش، اهدي و كل الامور هتتحل و كمان ده امر ربنا مش هعترض و كلنا هنموت…
دنيا(بعياط): انا خايفة لديما تعمل في نفسها حاجة..
خالد: متخافيش جاسر معاها…
دنيا: لا انا خايفة..
خالد: يا بنتي اهدي…
في اوضة فتحية و حسن..
فتحية: ربنا يصبرها يا رب، و يغفر لتسنيم..
حسن: اللهم امين، خير خير..
فتحية: البت صعبانة عليا اوي..
حسن: و عليا انا كمان خايف عليها اوي، البت مش مستحملة…
فتحية: يا تري هتعمل ايه؟
حسن: معرفش..
عدي فترة و ديما بدأت تفتح عنيها و تغمضهم…
ديما(لنفسها): انتي بتحلمي يا ديما متصدقيش..
ديما(لنفسها): ايوه ده حلم..
ديما بصت جمبها لقت حاسر محاوطها بايده ايد محاوط بيها خصرها و الايد التانية فوق رأسها…
ديما(لنفسها): لا مش حلم…
ديما بدأت تعيط من غير صوت و هي مش قادرة تطلع صوتها اساسا، و جاسر حس انها صحيت فتح عينه لقاها بتعيط بصمت..
جاسر: حبيبتي ممكن تتكلمي؟متفضليش تعيطي و بس اتكلمي طلعي اللي في قلبك…
ديما بصتله و خبت وشها في صدره و هي بتعيط..
جاسر: طيب خلاص حصل خير اهدي..
جاسر قعد يطبطب على ضهرها و باس رأسها…
جاسر: اللي حصل ده طبيعية الدنيا يا ديما، كلنا هنموت و كل نفس ذائقة الموت…
جاسر: لازم نتقبل هو ده حال الدنيا يا ديما…
ديما زادت من عياطها و هي مش قادرة تأخد نفسها…
جاسر: طيب بصي حاولي تهدأي و اتكلمي طلعي كل اللي في قلبك يا حبيبتي..
ديما هزت رأسها بنفي بمعني انها مش قادرة تتكلم…
جاسر: طب هنزل اجيب اي دواء مهدئ..
جاسر لسة هيقوم لقي ديما مسكت فيه اكتر و هي بتبصله بضعف، جاسر رجع مكانه تاني و حضنها و قعد يقرأ قرآن تاني بصوته المريح و ديما نامت تاني في حضنه…
-في الصباح الباكر..
محسن رجع هو و اولفت و محمد و رحلوا تسنيم على المستشفي لغاية ما يطلعوا تصريح الدفن من مصر…
حسن: معلش يا اخوي البقاء لله..
محسن(بحزن): عايز اشوف ديما…
جملات: البت يا عيني اغمي عليها امبارح اول ما سمعت الخبر..
دنيا(بعياط): ماما..
دنيا جريت على اولفت و حضنتها و قعدوا هما الاتنين يعيطوا..
اولفت(بعياط): خلاص يا حبيبتي لازم تبقي قوية علشان خاطر ديما..
دنيا(بعياط): طنط تسنيم كانت غالية عليا اوي..
محسن: انا انا هطلع اوضتي…
جملات: اجي معاك يا حاج؟
محسن شاور ليها بمعني لا و سابهم و طلع اوضته قعد يتفرج على البوم صوره هو و تسنيم و ديما و يعيط…
خالد: المفروض هتدفنوها امتي؟
محمد: النهاردة بليل في مقابر عائلتها…
حازم: طيب يا عمي..
محمد: انت مين؟
حازم: حازم يا عمي..
محمد: حمد لله بالسلامة..
دعاء: هو جاسر و ديما ليه مخرجوش من اوضتهم لغاية دلوقتي؟
فيروز: منعرفش انا صعبان عليا ديما اوي..
اسماء: ربنا يكون في عونها..
الكل: آمين…
عند ديما و جاسر…
ديما فاقت و بصت حواليها لقت جاسر صاحي و باصص ليها…
جاسر: اعملك حاجة؟
ديما هزت رأسها بمعني لا و كانت هتقوم بس جاسر مسكها..
جاسر: ديما طمنيني عنك يعني انتي مش قادرة تتكلمي و لا مش عارفة تتكلمي، طمنيني يا حبيبتي..
ديما رفعت اكتافها بمعني انها مش عارفة حاجة…
جاسر: طيب يا حبيبتي قومي خدي دوش دلوقتي عقبال ما اجيب الاكل، يلا..
ديما قامت و دخلت الحمام قعدت تعيط كتير و خدت دوش و خرجت ملقتش جاسر..
تحت..
خالد: ها يا جاسر طمنا اخبار ديما؟
جاسر: معرفش هي مش بتتكلم و الدكتور قال انها ممكن متتكلمش يحصل شلل غيبوبة اي حاجة ممكن تحصل ليها…
الكل اتصدم من كلام جاسر..
دنيا: طب و هنعمل ايه؟
جاسر: نبعدها عن ايه حاجة ممكن تضايقها او تزعجها..
محمد: طب هي كدة مش هتحضر الجنازة صح..
جاسر: معرفش…
اولفت(بعياط): ربنا يصبرنا يا رب…
محمد: الكل يطلع يلبس يلا..
الكل طلع يلبس هدوم للجنازة، جاسر طلع لقي ديما بتلبس هدومها لف وشه الناحية التانية..
جاسر: اسف مكنش قصدي..
جاسر فضل واقف و ضهره لديما لغاية ما لقاها بتحط ايديها على كتفه..
جاسر: انتي هتروحي؟
ديما هزت بمعني اه…
جاسر: طيب، هدخل البس انا..
ديما لبست فستان باللون الاسود قصير و فوقه جاكت باللون الاسود قصير لغاية الركبة و قفلته بحيث انه يبان انها لابسة الجاكت بس و لبست صندل باللون الاسود بكعب بسيط و سيبت شعرها على ضهرها
ديما نزلت لقت الكل جاهز و لابس اسود، ديما دورت بعنيها على محسن بس ملقتهوش…
اولفت(بعياط): ديما..
اولفت راحت ناحية ديما و حضنتها…
اولفت(بعياط): ادعيلها هي في مكان احسن..
دنيا: ديما انتي كويسة؟
خالد: معلش يا جلب اخوكي..
محسن(بدموع): ديما…
ديما جريت على محسن وقعدت تعيط في حضنه و جاسر نزل على المنظر ده..
محسن: معلش يا حبيبتي، ادعيلها..
محسن: معلش معلش هي سابتنا بس هي معانا في قلوبنا يا حبيبتي…
محسن: خليكي قوية كلنا جمبك يا حبيبتي..
و الكل راح ركب العربيات و كان جاسر طول الطريق ماسك ايد ديما و ديما حاطة رأسها على ازاز العربية و بتعيط بصمت…
و رحوا للمستشفي و نقلوا الجثة للعربية و وصلوا للمقابر…
جاسر: لو مش قادرة خليكي هنا..
ديما فتحت باب العربية و نزلت و الرجالة راحت تشيل التابوت، جاسر و حازم و خالد و حسن و محسن و محمد و ايمن و على كانوا ساندين التابوت، و وراهم الستات في اللي بيعيط و دنيا و دعاء و فيروز بيسندوا ديما علشان متوقعش…
-و دفنوها و رجعوا البيت، الكل رجع الصعيد ماعدا جاسر و خالد و حازم و دنيا و جملات…
-و ديما مش بتأكل لكن جاسر بيغصبها على الاكل، و بيخلوا محسن يأكل علشان خاطر ديما، و كل شوية حسن بيتصل يطمن عليهم، و دنيا بتفضل تقعد مع ديما تقول مواقف مضحكة و ديما مبتبديش بأي رد فعل و مش بتتكلم، خالد يفضل يتكلم بس برضو زي ما هي، جملات بتواسي محسن..
-عدي اربعين يوم…
جاسر(بقلق): فين ديما؟
خالد: هي مش كانت معاك؟
جاسر: كنا نايمين و صحيت ملقتهاش…
دنيا: اومال راحت فين؟
محسن(بحزن): مش هقدر على فراق تسنيم و ديما يا جاسر…
جملات: اهدوا هتلاقوها حبت تتمشي لوحدها…
حازم: و العمل دلوقتي؟اتصلت بيها؟
جاسر: اه..
ناصرة: ديما عند حمام السباحة…
محسن: الحمد لله انها موجودة..
جاسر: هروحلها انا..
خالد: طيب…
جاسر راح لحمام السباحة لقي ديما بتعوم بانسجام و كتمت نفسها تحت الماية كذا مرة و طلعت رأسها..
جاسر كان هيمشي و يسبها لوحدها..
ديما: جاسر..
جاسر وقف بسرعة و هو مصدوم..
جاسر: نعم؟!انتي نادتيني صح؟ردي بس..
جاسر(بفرحة): اتكلمتي صح؟
ديما: اه الحمد لله…
جاسر: و الله من الفرحة ممكن اجي انط معاكي..
ديما: طيب..
ديما مدت ليه ايديها جاسر كان لسة هيطلعها لقاها بتشده للماية..
جاسر: يا مجنونة انتي عبيطة يا بت..
ديما: عندك مانع؟
جاسر(بعصبية): ديما مينفعش كدة..
ديما قربت لعنده و حاوطت بايديها رقبته..
ديما: تمام يا جاسر بيه، تؤمر بحاجة تانية؟
جاسر: و ربي يا ديما لانفخك..
ديما لسة هتبعد عنه بسرعة لقته ماسكها جامد و عمال يزغزغ فيها و ديما بتضحك..
جاسر: ياااااه اخيرا شوفنا ضحكتك و سمعنا صوتك..
ديما(برفعة حاجب): كان يفرق معاك؟
جاسر: طبعا..
ديما: ليه يا تري؟
جاسر قرب ديما منه جامد و قرب من ودنها..
جاسر(بهمس): لاني و لاول مرة احس بان وجودك نعمة في حياتي و لاني لاول مرة احس ان ضحكتك بتفرق معايا و ان صوتك واحشني جدا و اني..
ديما(بتوهان): انك؟
جاسر(بهمس): اني بحبك..
جاسر باس رقبة ديما، و ديما كانت بتفكر في كلامه و تايهة…
جاسر(بهمس): تقبلي تكملي حياتك معايا؟
خالد: ايه يا عم الحنين تحب نجيب اتنين لمون؟
حازم: لمون ايه انا بقول يطلعوا فوق احسن…
جاسر(بحدة): امشي ياض منك ليه..
ديما(باحراج): انتوا فاهمين غلط علفكرة يعني هو بس اللي فاهمين يعني..
دنيا: يا اختي كميلة و انتي محرجة..
جملات: مضايقنهم ليه ياض منك ليه و انتي يا بت..
دنيا: انا عملت حاجة…
جاسر: لا احنا…
جملات: حمد لله على سلامتك يا ديما…
ديما: الله يسلمك يا طنط..
جاسر: طب يلا نطلع بدل ما نأخد برد..
ديما: طيب..
حازم: اول مرة اشوف حد بيعوم بهدومه…
ديما: انا..
ديما و جاسر طلعوا بسرعة و كل واحد دخل حمام و استحموا و خرجوا…
جاسر: مش ناوية تغيري؟
ديما: اه قريب ان شاء الله..
جاسر: تمام براحتك، يعني احم مردتيش عليا..
ديما: اه قريب ان شاء الله..
جاسر: ايوه اللي هو امتي؟
ديما: قريب و خلاص، ابعد..
جاسر: ديما اتعدلي و جاوبي عليا..
ديما: عن اذنك..
ديما لسة هتمشي جاسر مسك ايديها و رجعها تانية..
جاسر: لا انا عايز رد…
ديما: بعد فرح دنيا و خالد و حازم و دعاء، يلا باي..
جاسر: انا لسة هستني انتي مجنونة..
ديما: طب ابعد عني بقي، هشوف بابا..
جاسر: طيب..
ديما سابته و مشيت و راحت لوالدها…
محسن: حبيبتي جيتي؟
ديما(بابتسامة خفيفة): اه يا حبيبي..
محسن: تعالي تعالي..
ديما: عامل ايه؟
محسن(بدموع): وحشتني اوي يا ديما..
ديما خدت والدها في حضنه و قعدت تطبطب عليه..
ديما: اومال انا روحت فين يا بابتي..
محسن: لما قالولي انك اتكلمتي انبسطت اوي..
ديما: كنت عايزة اتكلم علشان اكلمك انت، و اخدت قرار عايزة اقوله لحضرتك…
محسن: قولي يا حبيبتي..
ديما: مبدأيا كدة توعدني انك ترجع زي الاول و تروح للست الغلبانة طنط جملات..
محسن: قولي قرارك يا ديما..
ديما: لا توعدني انك تكلم طنط و تبدأ صفحة جديدة..
محسن: تمام يا ديما..
ديما: انا قررت قرارين تمام..
محسن: قولي يا بنتي..
ديما: …
محسن: ايه الجمال ده موافق طبعا يا بنتي..
ديما: شكرا يا بابتي بحبك..
ديما باست خد والدها و قامت خرجت..
محسن: ربنا يهديكي..
ديما خرجت و نزلت لتحت..
ديما: دنيا عايزاكي..
دنيا: عيوني..
ديما(بهمس): ايه رأيك…
دنيا(بفرحة): الله و انا و انا…
ديما: مستعدة؟
دنيا: اه…
خالد: بتخططوا لايه؟
ديما: مفيش هنزور واحدة صاحبتنا..
خالد: هنوصلكوا…
دنيا: لا لا لا…
حازم: يبقي انتوا مش رايحين بقي تزوروا واحدة صاحبتكوا..
ديما: لا رايحين متخافش و هنأخد السواق..
جاسر: رايحة فين انتي استأذنتي مني اساسا؟
ديما: لا كنت بخطط و بعدين هأجي اقولك..
و بعدين ديما بصت لدنيا بندم…
ديما: و انت مين اساسا علشان اخد اذنك؟ايه ده يا ربي..
ديما سابته و دنيا وراها و مشيوا…
دنيا: يلا نلبس…
ديما: طيب..
دنيا و ديما لبسوا هدومهم و نزلوا..
جاسر: اسم صاحبتك و العنوان و كل حاجة، يلا..
خالد: يلا انجزوا باصين لبعض ليه؟
ديما قربت من جاسر و باسته على خده و مسكت دنيا و طلعوا جري علطول…
حازم(بضحك): ثبتتك..
جاسر(بصدمة): هي ديما عملت كدة؟
خالد: هو احنا هنقف نستغرب كدة و نسيبهم…
جاسر: انا واثق فيها…
-بعد فترة…
محسن: ها البنات جم؟
حازم: هو انت كمان عارف هما فين؟
جاسر(بعصبية): و الله لما ترجع بقالها خمس ساعات بره..
خالد: لا و دنيا حتى مش بترد على التليفون…
جملات: ما تهدوا شوية، شوية و جايين كلوا..
جاسر(بعصبية): ليه ملهاش راجل هي و لا متجوزة سوسن؟
حازم: ما تهدوا…
الباب خبط، ناصرة فتحت الباب…
ناصرة: بسم الله ما شاء الله..
دنيا(بضحك): عاملة ايه؟
ديما: يلا يلا ندخل..
ديما: مساااااااء النوووووور…
جاسر(بعصبية): انتي يا هانم ايه اللي…
جاسر سكت لما شاف ديما و اتفأجي..
خالد: ايه ده؟!
دنيا: عجبكوا؟
جاسر قرب من ديما و ديما بصاله..
ديما: احم في ايه؟
جاسر(بفرحة): ايه الجمال ده؟بسم الله ما شاء الله ربنا يحفظك..
جاسر باس رأس ديما و حضنها…
خالد: عن اقتناع يا تري؟
دنيا: اه…
ديما و دنيا كانوا لابسين فستان طويل بكم باللون السماوي و اطراف الفستان باللون الابيض و طرحة باللون الابيض و صندل باللون الاسود بكعب و روچ هادئ باللون الوردي و كحل اسود…
جملات: قمرات و الله، بسم الله ما شاء الله..
ديما(بهسم): سيبني اروح احضن بابا..
جاسر(بهمس): طب ما تعتبريني بابا..
ديما: ظريف..
ديما سابت جاسر و راحت حضنت باباها..
دنيا: من غيري..
محسن: تعالي يا روحي..
ديما: هطلع انا باي..
دنيا: و انا الحق اروح باي..
جملات: ربنا يهديكوا..
ديما طلعت جري على اوضتها و و قلعت الطرحة..
ديما: ايه ده الجو كان حر اوي..
ديما شغلت التكيف و هي قاعدة عمال تهوي على نفسها، جاسر دخل عليها..
جاسر: هتتعودي..
ديما: طيب..
جاسر: بس كنتي قمر..
ديما: طيب..
جاسر(بتردد): ديما مردتيش عليا..
ديما: موافقة..
جاسر: بسهولة كدة؟
ديما: بص انا حسبتها قولت ان الحب مش كل حاجة هنبقي زوجين عادي يعني..
جاسر: بس انا بحبك..
ديما: تصبح على خير يا جاسر..
ديما سابته و راحت الحمام و خرجت لبست ترنج بيتي قصير و نامت، و جاسر مكنش عارف يعمل ايه، راح نام جمبها و حضنها..
و بعدين في نص الليل…
ديما كانت بتتقلب في السرير بتاعها و فجأة..
ديما(بصريخ): عاااااااااااااااااااااا.
