رواية امرأة في الاربعين الفصل الخامس عشر 15 بقلم نورا الرماحي

بارت15

الشخص المهم في حياتك…

ليس الذي تشعر بوجوده…..

انما الذي تشعر بغيابه…

لا أملك من العشق سوى روحاً..

أنتزعتها من جسدي ” لتسكنك…

ولا أملك من الكلمات سوى كلمة ”

أحبك للأبد ” …

دعهم يقرأون حروفي..

“أما أنت إقراء نبضي”..

أيها البعيد عني.. البعيد كثيراً, كشيء لا يرى ,

بك ابتدأت حروفـــــي واليكِ

آخرهــــــــــــــــــا….ليوم مماتي…

.

..

.

.

هلوحبايبي مشتاقين

.

.

.

وصلنا بغداد اذكرت اخرمرة طلعتها جنت ابنية وهسة رجعتها واني مرت ارؤع رجال بالعالم.

جنت اباوعله وصافنة عليه واحمد ربي على زواجي منه..

لدرجةماحسيت الاوكفت السيارة بباب بيت اهلي نزلنا وفتحت باب الحديقة ودخلنا ..

جان البيت صنطة فتحت باب المطبخ بهدوء معناها ماما بمكان بالبيت ماتعوف باب المطبخ بدون قفل اذا هي موبالبيت…

يسو يسحل بجنطتنا وراية طلعت ماما من الباب الجواني للمطبخ الي صايرللبيت..

فتحت عيونها على وسعهن متفأجئة بينا وابتسمتلي وفتحتلي ذراعاتها ورحتلها وشمرت نفسي بحظنها ابوسها واحظنها وهي هم مااعرف ماما هوايةتغيرت من زواجي لهسة صارت الام الي جنت اتمناه طول عمري تبين حبها وخوفها وشوكها علية…

سلم يسو عليها هم وباسها من راسها وكالت ماما… ليش ماخابرتوا على جيتكم يابنتي

اني… شلون موماهر يعرف ماكلج

ماما… لاوالله ماما ماكال هذا الولد يجلطني بيوم هههه…(فعلا ياماما جلطج)

اني… وينه هو

ماما… نايم فوك بغرفته الساعة ب٩روحي كعديه..

يسو… لا خالة اني اروح اكعده

ماما… ههههه روح ابني كعده وذب كلاص مي عليه

اني ويسو

راح صعد يسو.. واني وماما رحنا لغرفةبيبي..

بس شافتنى صلت ع النبي وحظنتها واشتم بيها ويمةةةة بيبي فديت ريحتها وايامها…

شبعتها بوس وهي تردد… اجت شمعة بيتنا اجت بزر الكعدة… وتكرصني بخدودي..

ماما كالت… اي اجتج اشبعي بيها كل مانفركلج رجليج تكولين مومثل هيومة..

باوعتلها وكتلها… يمة بيبي اليوم فرك للصبح تعويض مال اسبوعين واكثر .

بيبي… يمة بس شوفتج خلتنى اصير زينة لج انتي العزيزةالغالية لافراك خواتج ماسون بية هيج طلعتى محتلة نص الگلب.

اني… فدوةلگلبج بيبي الله يطول بعمرج النا ومايحرمنا منج وحظنتها

ماما… اليوم ابوج يفرح خوش مفأجئة اله هههه

اني… اوي بابا حبيبي فدوةاروحله مشتاقتله كد رحمةالله…

ماما… اليوم يجي من وكت خميس هووماجدة وراح يفرحون بشوفتج… يلة ماما كومي روحي صعدي جنطكم بغرفتكم اهناك ناموا انتى ورجلج وماجدة تنزل يم بيبتج..

اني… ماشي ماما… اترخص منج بيبي اروح ابدل واغسل واجي…

ماما راحت للمطبخ وبيبي هم وياها صعدت اني رحت سمعت ضحك وسوالف ماهرويسو فتت عليهم كام ماهر على حيله اتقرب مني وحظني واتباوسنا والتفت لياسين وكال… هيو ترى رجلج كاعد يدور من وراج على بنات

ضحكت اني وكتله… لاعيني ماتكدرتخرب بيني وبين رجلي اعرف شعندي

ماهر دفعني بالشقة على يسو وكال… عمي اخذ هاي مواختي هيو هاي وحدة ثانية مسويلها غسيل مخ رجعلي اختي يقلدو يعيط مثل الجهال واني ويسو خربانين ضحك عليه .

يسو… لك لاتحجي على مرتي خليها حليف وياك راح تحتاجها للي بالي بالك

ماهر وهو يغمز ليسو… هاا يعني تشوفها تكدر تساعدنا

يسو وهو يضرب على رگبته بيده… على رگبتي وراح تشوف

ماهروهويقترب مني واني مثل الاطرش بالزفة وسحبني من يم يسو وباسنى من كصتي بقوة .. هيو فدوة لاختى الزغيرة اخوج محتاجج واليوم خميس وشغلتى يمج تنحل

اني وباستغراب… ها خير شكو وكعتوا گلبي

ماهر… شوفي ياعمراخوج اليوم من يجي بابا اريدج توكفين وياي انتي ويسو ومجو هم بارحة كتلها… اني احجي ويةبابا اريد اخطب ابتهال وانتو تقنعونه وياي..

فرحت اني كتله… زين ماقنعت اخواني هم وياك

ماهر… كتلهم كالوا افتح الموضوع واحنا وياك وتدرين بابا مفلس ومااتصور يقبل اخطب هسة واني قبل ايام كالتلي ابتهال ابن خالها حاجي يريديخطبها خايف لاتروح مني غيراتخبل

ويسو يعرف كلشي وحاجيته اني.

يسو… اطمئن وياك احنا ومااعوفك اني ابشر مانسافرالا وخاطبيها الك احنا

اني… فدوةاروحلك اخويةلعد استعجل واحناوياك مثل ماكال يسو.

ماهر… يمة فديت خيتى الحنينة واحلى نسيب

اني… يلة لعد العصرنحجي بيها وياك من نكعد وية بابا وهسة نزلوا ماما حضرت ريوك النا وبيبي هم كاعدة واني اغسل ابدل اجي.

يسو… خلي انزل اسلم على بيبي وحظريلي هدومي ابدل ونكعد يمهم.

اني… ماشي

راحوا نزلوا رحت غسلت اني هم وبدلت لبست دشداشة مريحة وجنت توني راح اطلع هدوم يسو واحظرها اجي هو ودخل علية مغسل جوة ويريديبدل…

بدل لبس دشداشةهو هم.. طلب عطر طلعتله واني انطيه العطر سحبني لحظنه بحركاته السريعة وكام يشمشم بية ويبوس

كال… تدرين اشكدتمنيت انام وياج بهل غرفة

ضحكت وكتله… شمعني؟!

يسو… لان غرفتج جانت وملجئج وانفاسج بيها وشهدت كل ايامج قبل زواجنا فاريد انام بيها ولان هم… امممم

اني دفعته وضربته على صدره بخفة… شكو تغمز خير واممم شنو ياوكح فهمني لان شنو؟؟؟!!!

يسو… ولان اشتهيت وسحبني وشاورنى بأذني……. ج

راسا دفعته وخدودي صارن حمر واتوترت كتله عيب ببيت اهلي احنا وراح تنام يم ماهر انت فهمت واني يم مجو على كولت الكويتين حامض على بوزك

يسو… لج صدك تحجين انتي

اني درت ظهري اله اريد اطلع وانزل وكتله… امممم ايردت امد ايدي اسحب الباب افتحه وانزل…

يسو وهو متعصب بحركة خاطفة سحبني ووكعني على سرير مجو ونزل بثقل جسمه عليه بوس ولمس واني اضحك واحط ايدي على حلكي لايطلع صوتي واتؤسل بيه ننزل عيب اهلي جوة ينتظرونا وهو يهمسلي بهدوء لج مشتاقلج اشو احلويتي ببيت اهلج بالزايد ها ناوية تموتيني اخ اخ منج وانفاسه تنفث بوجهي وصايرنار كبرة

واني اهمسله عيب يسو حبيبي وهو ولا يسمعني مستمر كتله بليل موهسة كوووم عيب شجاك ماتتحمل

يسو… لج شتحمل شوفيه نار صار عليج

ضربت خدي… وكعدت اريد اعدل نفسي وكتله.. يسو حبيبي لاتفشلنا خلي ننزل وبليل اعوضك ههههه

يسو… لج مااتحمل دا تعاي…. وجان ياخذني ع السريع المجنون وخربط احوالي مثل الديج والدجاجة لدقائق كمل ارتاح…..

كمت اعدل والبس وارتب بنفسي ع سريع كتله ارتاحيت ماصبرت وزاد الطين بلة اجي ماهر يصيح من الدرج علينا

وكال… يمعودين يلة الچاي والريوك برد.

اني… يبووو سمعت كوم البس يلة ننزل..

يسو… اروح اسبح بعدين

اني لطمت على خدي… ياسبح هذا هسة ناوي تفضحنا اجلها بعدالريوك… ولزمت ذراعه واسحب بيه حتى يكوم ينزل وبالشافعات كام ونزلنا..

لكينا كاعدين اخواني وبثينةوسمر سلمنا عليهم وكعدنا كلنا نتريك سوة

هم زين ماما ماحجت بس جانت تباوعلي شكلها حاسة صار شي بيني وبين يسو، شفتوا شلون فضحني

واني جنت مااشتهي لان جنت متريكة من البيت كملنا ريوك البنات استلمن البيت تنظيف وماما استلمت الطبخ واني رحت اخذت بيبي لغرفتها

فهمت بيبي نعسانة ولازم اروح انام شوية وصعدت..

يسو جان كاعدوية اخوتي عرفت مو قفه محرج رحت كتله كدام اخواني.. يسو صليت الضحي؟

التفت هو علية غمزتله فهم… كال… لا اريد اصلي..

كتله…تعال لعد اتوضئ وصلي.

عاد كام واستئذن من اخوتي وصعد وياي واحنا بالدرج كتله ع سريع بوجهك للحمام واني بعدين وراك..

كال… لا تعاي ندخل سوة

كتله بدلع.. لاعيني روح وحدك واستعجل كافي ترى ماما حست لعلمك..

كال… صدك ليش حاجتج

اني… لا بس اعرف من نظراتها علية يلة دفعته للحمام فوت اسبح حتى اسبح وراك..

دخل سبح وانطيته هدومه لبس وطلع راح يصلي…

طبيت ع سريع سبحت وغسلت هدومنا وطلعت وجان تلزمني سمر يم الحمام وتضحك..

كالت.. ماصبرتوا لليل

كتلها… لخاطر الله كافي لاتحرجيني اكثر اخوج كفى ووفى. فدوة بس نشري هدومنا بالسطح يمج بباب السطح… وها عدكم علاليك خالتي دزتهن الج ولبثينة هسة من اكمل شعري اجيبهن الج..

كالت.. تدلل عروستنا

كتلها… مايدلل عليج ظالم عروستنا

كامت تضحك نشرت ونزلت ورحت اني جففت شعري وما لكيت يسو الظاهر نازل.

نزلت واني لابسة غير دشداشة بثينة وماما يشتغلن بالمطبخ

ماما انتبهت غيرت ملابسي احسها عرفت وتباوعلي بصمت …

عاد ردت اكسر حاجزالصمت بيناكتلها… ماما اساعدج بشي؟

كالت… اخذي لكطي الخضرة وجابتلي صينية الخضرة وتقربت وهمستلي..

وكالت… جان صبرتوا لليل موعيب كدام اخوانج

طبعا بلعت ريگي وسكتت ماگدرت اجاوبها

اخذت الخضرة ورحت يم بيبي الكطها بسكتة وافشلتاااااه .

كملت الخضرة ورحنا اني وبيبي يمهم للهول.

يسو باوعلي وغمزلي… خازرته ههههه…. اجي تقرب يم بيبي… وكام يتحرش بيها هو وماهر

كال… بيبي عدنا عميدبالكلية يريد يتزوج هوارمل وقبل العطلة كلمنا عليج وخطبج منا اله شتكوليين

ضربته بيبي ضربةخفيفةبالعوجية وكاللتله روح رشحله بيبيتك ام امك رازقية اني ماافيده عميدكم هذا

نط ماهر من يمه وكال…. لا بيبي هو طالبج بالاسم كال خديجة بنت حسن هي مناي وطلبي مايريد غيرج

تعصبت بيبي عليهم وكالت… هو وين شايفني ومنين يعرف اسمي حتى يطلبني اشو لااطب ولااطلع

ماهر…من طلعتي ورحتى لدكتورج ابوالمفاصل شايفج هناك موهو هم مفاصله موتمام وداخل بالعمرين..

ضربتهم بيبي بالعوجية وكالت… ملعون الوالدين انت ووياه جايبلي واحد داخل بالعمرين واني بعدني ب٢٠حتى ذاك المرة ابو السيطرة الظابط الشاب الحليوة من رحنا لكركوك كال للسايق دير بالك على الگمر الصاعدوراك لاتسوك بسرعة

وظل يغمزلي وراد ينطيني رقمه ومااخذته غلست عليه بس يمكن وكع بجمالي وحسني…

يابة اهنا خربنا ضحك ماصاير كلنا انى ويسو وواخوتى ونسوانهم وماهر

لحد ما ماما صاحتنا نصب غدة… كمنا

صبينا الغدة ب١ الظهر جانت مركة باميا على ظلوع تخبل وتمن ودجاج وخضرة وطرشي وسمجة جايب باهر مسكوفة

كملنا غسلنا مواعين صارت ب٢اجي بابا ومجو وياه وجانت احلى مفأجاة لبابا حبيبي فتحتله الباب اني شبكته وبوست خدوده وراسه ونزلت على ايديه عيوننا دمعت اني وهو ومجو هم جنت حيل مشتاقتله مامفاركته هلكد.

ودخل سلم على يسو وكعد يباوعلي

وكال… شنو هلمفاجأة يعني ماكلتوا ماخابرتوا.

ردت ماما وكالت…. ماهر جان يعرف.

بابا التفت لماهر وكله… ها ياملعون وماكتلنا هههههه.

ماهر وهو يضحك… ردتها مفاجأة الكم ووصيت امي كتلها باجر صديقي يجينا ع غدة

ماما… اي يا لوتي طلعت اختك وياسين

ماهر… اي ماجذبت عليج كتلج صديقي ويسو صديقي بالكلية قبل لايصير ابن عمي وزوج اختي.

الكل كام يضحك ( اه يا ضحكة ذيج الايام ابد ماتتعوض).

ورة ماتغدوا باباومجو صبينا جاي جنت بالمطبخ اني اجاني ماهر…

وكال …شوفي هيو هسة مونكعد كولي كدامهم ذاك اليوم خابرت ابتهال وحجينا سوة وكالت جايها خطابة بيت خالها وخلي الباقي علية

ضحكت على تخطيطه كتله صار اتفقنا…

راح قبلي هو كعديم يسو واني رحت وراه وقدمتلهم الچاي وكمنا نسولف..

من ضمن السوالف ذبيت حجاية عن ابتهال نفس كلام ماهر…

ماما… كالت اوي خلي تزوجها ام مثنى لولد اخوها ماريدها تصير چنة الية بنت من بناتها

وجان الاستاذ يكب على حيله ويكول… ابتهال الي وماتصير لغيري شنو هلحجي والله اروح اهدالبيت على راس بيت عمي منو اولى اني لو ابن خالها يوووم ترضين ابنج يموت بحسرته.

تخبلت ماما لطمت على صدرها وكالت… يمة اسمالله تروحلك فدوةهي وامها اوليدي بس اعرف مرت عمك ماتخليك تتهنى تتدخل بحياتكم وخوفي لاتسحبك منا وتروح تعوفنا اني خايفة من هذا اليوموكامت تبجي..

بيبي كالت… شحدها هسةتخابرولي اسماعيل (عمي ابو مثنى)… يجيني اهنا لانروح ولانتحرك من مكاننا اخطب بنته اني يلة خابرولي بكيفه يزوج بناته بدون رضى بيت اخوه وولدعمهن.

ماهر… يابيبي منين اخطبها واني طالب وابوية يكول ماعندي هسةاخطبلك

والتفت لبابا وكال شكتلك يا يابة كتلك اخطبها خليني احجزها الي مارضيت هسةتروح مني تقبلها وهو يتصنع الحزن وعود متأثر والكل فاكين حلكهم عليه(طلع ممثل بارع).

بابا من شاف ماهر متأثر ضاج

وكال…ياابني ماعندي هسة يادوب كدرت ادبرزواج اخوانك مو فوكة فوكاه منين اجيب الزواج يرايدله وبهل الحصار كوة ندبر ياوليدي ويسو مثل ابنا موغريب بعد حتى اخجل احجي كدامه..

باهر حجي وكال لبابا…. يا يابة خلي نخطبها اله بس خطوبة والعرس لحدمايسهله ربنا… واحنا نساعده هم اني وساهر ندبر فلوس حلقة وكلادة خفيفة وتراجي يعني نيشان بسيط…

وانوب يسو حبيبي حجي… وكال… عمي خلي نروح اليوم نخطبها اله وزواجه علية واني هم ابنكم مثل ماكلت وماهر بحسبةاخوية وعضيدي واحنا حمدلله عدنا خيرمن الله بيني وبينه…هو واني نتفاهم ببينا من نتخرج

انتو مالكم دخل بس اخذوا الصافي…

طبعا بيومها موقف يسو وكلامه زيد حبه بگلبي قاطات مااتخيلته بخيالي خيال انو هيج يحجي ويتصرف الصراحة افتخرت بنفسي لان اتزوجت انسان محب وعظيم مثله…

حتى اهلى شفت بعينهم اله نظرة فخر وكانوا مفتخرين بهيج نسيب مثله

كام ماهر على حيله وراح ل يسو وحظنه وكله… حياك الله يلنسيب عشت ماتقصر اخوي وعضيدي وسندي للموت وواحدحظن الثاني.

عيوني دمعت اني من شفتهم هو وماهر حتى اهلي اتأثروا كلهم..

بيبي كالت… ها ها وحلها ياسين النا صدك ياسين موغريب خلي يداين منه ويوفيله من يتخرجون هسة ماكو غريب بينا ياسين وخواته ابنا وبناتنا صاروا خلى نتؤكل وخابرولي اسماعيل خلي يجيني وهي تضرب بعصاتها الكاع عود متعصبة على عمي .

بابا كال… لايمة ميصير احنا نفتهم بالاصول بليل نروحلهم ونخطبها اني وانتي وام باهر وباهر وابو وليد وام وليد..

بيبي… اي نكبر راس ام مثنىمتلام ام باهر من تحجي عليها…

ماما كالت… هههههه ميخالف نعديها الها يكولج ياحجية ابوالمثل يكول اذاحاجتك يم الچلب كوله يا عمي (حشى قدركم) .

كالت بيبي… لا مو اي چلب هي چلب مسعور.

كمنا نضحك كلنا على سوالف بيبي وشفت الفرحة بعيون اخوية حبيبي ماهر شلون كامت تلمع جان يريد الكل يفرح بفرحه …

وفعلا بليلتها ماعرفنا شلون سوينا عشا سريع وشون تعشينا وبيت اختى ام وليد خابرناهم واجوا وتحظروا وراحوا بسيارتين لبيت عمي سيارة ابو وليد وسيارة يسو

احنا ظلينا اني ومجو وبثينةوسمر وساهر وجهال اختى ام وليدبالبيت رغم كلهم لحوا علية اروح وياهم بس ماقبلت ماردت اتواجه ويةمثنى ويشوفني واشوفه رغم ماكو شي بگلبي اله بس احسن…

سألت مجو عن زوجته ما صار عدها طفل.

كالت…بيبي سامعة تصير وتحبل ورة شهرين تسقط هاى ثاني مرة تسقط خلال سبع اشهر زواجهم..

حزنت على وضع زوجته ودعيتلهم بالخلف الصالح..

انتظرنا اهلي ل١١بليل اجو وركضنا كلنا للباب ونترقب الخبر…

اول من دخل للبيت ماهر دخل عصبي وينافث ويكول ماوافقوا ماوافقوا

واهلي سكتة وراه واحنا البنات نمشي ونحاجي ماهر ليش.. ليش.. ماوافقوا…

التفت النا وكال وهو مدنك راسه عود حزين لان… لان… مامصدكين اخوكم خطبها وشال راسه النا وضحك وكال بعيطةطبعا وافقوااا

يابة والهوسةكبت بالبيت وكمت اكمز واصفك وابوس بماهر واباركله ويسو يباوعلي ويضحك وماهر يهوس واحنا كلنا وياه…

لحد الان اذكر فرحتنا بماهر وجنت اباوع لبابا وماما واخواني وبيبي شلون الفرحة بعيونهم ماساعيتهم…

بليلتها ظلينا نخطط لمهر ماهر الي اتفقوا يسوه الاسبوع الجاي…

تالي الليل صعدوا اخوتي ويةنسوانهم لغرفهم ومجو راحت تنام ويةبيبي..

وماهر استلم التليفون خابرابتهال

واني ويسو صعدنا لغرفتنا الي هي غرفتى قبل…

من دخلنا وسدينا الباب كبل حظني وانى هم جنت حيل مشتاكتله وراغبته..

وغركنا بحبنا ووووووو……..

من كملنا حطيت راسي على صدره الي هو ملاذي الدائم صار وهو شابكني بذراع وبيده الثانية يلعب بشعري..

كتله… حبيبي.. تدري افتخرت بيك اليوم اشكد

يسو… ليش حبيبتي…

اني… على وكفتك لماهر

يسو… ههههههه

اني… يديم ضحكتك حبيبي

يسو… وياج وبوجودج حبيبتي…

اني… انت جنت متفق ويةماهر لجيتنا هاي علمود خطوبته

يسو… اي وحتى جبتله فلوس للخطبة… شوفي حبيبتى اني ماكتلج قبل بس هسة اكلج اني خطبتج من ماهر من ثاني زيارة الي لعدكم حاجيته واحنا جنا بالمعسكر وهو قبلها جان مصارحني بحبه لبنت عمج وبوكته وعدني يساعدني بخطوبتنا ويقنع امج…

واني وعدته اكون عون اله بخطبته لبنت عمج هسة افتهمتي حبيبة كلبي وكرصني من خدي.

جنت صافنةعليه وهو يحجي وبكرصته ههههههه طلعت من صفنتي وكتله… يعني ماهر جان يعرف بحبك الي ؟!!!

يسو… ههههههه لاحبي موهيج بس كتله عاجبتنى واريد اخطبها ويكولون امكم صعبةماتزوج وخاصةالزغيرة قبل الجبيرة.

اني… اوف هم زين.. وانت جنت هم راح تساعد ماهر اذا مامتزوجني؟؟!!

يسو… ههههه اولا..ليش تخافين لايعرف ماهر… وثانيا.. اي هم جنت راح اساعده لان هو ابن عمي وصديقي وعضيدي مو لان اخوج فهمتي يا بطة

اني… اولا..عيب من اخوية.. اكيد يشوفها صعبة احديحب اخته غيرته ماتقبل… وثانيا فدوة اروحلك واروح لتراب رجليك احببببك .

يسو… اني ماسويت علاقةوياج ولاعرفت شعورج شنو اتجاهي الا لما ردت اخطبج سألتج وكوة جنت لازم نفسي عنج يابطة .

اني…. ههههههه وكح موبيدك…

يسو… ها بدينا لااطلعين الوحش الي نام هسة ترى املخج للصبح..

اني… ههههههه ههههههه لادخيلك حبيبي كافي خلي ننام اتاخرالوكت…

وحظنا بعض ونمنا والفجر كعدت رحت سبحت وطلعت وصليت وكعدت يسو هم راح سبح وصلى ورجعنا هم نمنا لان جان بعد وكت…

ظلينا ببيت اهلي للجمعة العصر طلعنا لكركوك وماما توصينا الجمعةالجاية نجي كلنا للمهر مال ماهر و ابتهال…

ورجعنا لبيتنا ولغرفتنا الي اشتاكينالها ومرت ايامنا عادية لحد الخميس اتحظرنا للسفر كلنا ورحنا لبغداد…

وجانت حفلة خطوبة ماهر وابتهال العصر الخميس واتؤنسنا حيل ركصنا وهوسنا ويسو وياي جان يركص جانت من اجمل ايامنا….

.

.

.

.

يتبع