رواية امرأة في الاربعين الفصل الحادي عشر 11 بقلم نورا الرماحي
بارت11
ومابين نقطة حبر ونقطة حبر ..
هنالك توضع حروف تسمى بالكلمات ..
تصور لنا اجمل صورة وابهى منظر …
احيانا” تسرنا واخرى تسوؤنا ..
وتلك الكلمات هي من …
مقتبس جميل الذكريات الماضية…
قد نكتب…
حُباً ونعبر شوقاً…
ونبعثر الحروف شغفاً …
وقلوبنا شوارع مهجورة …
خالية لا يسكنها أحد …
تتشابه الأشكآل حتى أربعين شكلاً….
لكن الأرواح لاتتشابه أبداً …
فهناك روح واحدة…
لا تغنينا عنها …
كل الأرواح
الأخرى ..!
هلو حبايبي شلونكم 
.
.
بعد اسبوع متعب اجي يوم الثلاثاء الي قبل يوم من ليلة الحنة ..
ماما واخواني باهروساهر راحوا لكركوك حتى يجيبون العرائس لبغداد لان الزفة عكب باجر ببغداد وبوكتها جان عرسهم بقاعة نسيت اسمها طلعوا من الفجر ووصلوا لكركوك ب٨الصبح ..
وطبعا العرائس جانن محظرات نفسهن بس وصلوا امي واخواني ورة الغدة طلعوا لبغداد وام ياسين واحمد اخوه واخته زمن اجوا وياهن… وعمي وياسين ظلوا بالبيت.
وصلوا ساعة ٥العصراتذكر…ومن ارتاحوا واتعشوا راحن بليل للتأجير بدلات الحنةوالعرس وية اخواني…
بيومها كنت فرحانة بخالتي ام ياسين ريحة الحبايب 
وماجنت افاركها لولا طلبات ماما وازعاجاتها الي
.
وماجنت افاركها لولا طلبات ماما وازعاجاتها الي. طبعا خواتي ام وليد وام سيف (فائزة) اجن هاي اليومين يمنا هم
جانن يساعدن وشايلات البيت شيل ويانا اني وماجدة..
صاحتنى ماما اني وماجدةنساعد خالة ام ياسين بترتيب غرف بناتها لان المسعدات راحن للسوك وخلن امهن ترتب هدومهن وجهازهن بالكناتير بمساعدة المغضوبات عليهن اني ومجو طبعا 
…
… دخلنا اول شي لغرفة باهر صلت ع النبي خالة وعجبها اخشاب الغرفة جانت توصايةو تكمة حتى اخشاب غرفةساهر واثنينهن نفس التصميم جانوا يسموه بوكتهاابوالتاج…
واحنا نرتب ونحط الفرشات ونكمل الغرف كالت خالة والفرحةتارسةوجهها
…يوم ليلتج يمة هيومة ويوم زواجج مجو .
كالت مجو… بحياتج خالة فدوةلگلبج ويفرحج بيسو وحمودى وتشوفين ولد ولدهم 
واني دنكت من خجلي من خالتى وكتلها… الله يخليج انتي وعمو الناويطول بعمركم وتفرحون بينا وبالبنات وحمودي..
وبالبنات وحمودي..وبوسناها اني مجو.
طبعا خالة ام ياسين جانت شايلةطيب ومحنة محد شايلها ومتدينةبشكل وتخاف الله وتحب بناتها وولدها سوة مومثل امنا المصون تحب ولدها وبس وتفضلهم على بناتها 
.
. ل١٠كملنا وشرفن المسعدات وية الملوك اخواني
وظلن يحجن وين راحن وشنواختارن وشنو اكلوا وشربوا واني صافنةعليهن واتخيل يوم زواجي وشلون راح اكون وية يسو وشنوراح اختار من بدلةوشكلها شلون وووو…
واني صافنةعليهن واتخيل نفسي بيوم حنتي وزواجي وية يسو شراح اختار وشلبس وشكلي شلون يطلع…
واني بخيالاتى صاحتنى ماما اروح اكنس الحديقة واغسل الطوارم والكراج لان ليل احسن من هوسةباجر الصبح…
وماما انتبهت عليها وهي تكلمني…لوتشوفوها شلون فرحانةوطايرة بچناتها
ولاعبالك امنا تصدكون لو اكولكم اول مرة اشوفها تضحك 
.
. كامن يحظر غراض الدولمة لباجر للحنة حتى نلفهاوتصيرجاهزة بس نطبخها باجرللعشا من يجونا الاهل والكرايب.
واني مخبوصة من صفحةاغسل الكراج واكنس ومن صفحة كل ساع وحدةتسألني من خواتى عن شغلة ومن صفحة اخواني يوصوني اكوي هدومهم لاتكولون ولااكول صرت مثل سندريلا الي ماتلحك على طلبات مرت ابوها..
صاحتنى ماجدة كالت وين جيس الملح
كتلها بنترة….بالكاونتر.
كالت… ماكو دورنا
كتلها.. امي موتعرف وين احطه يعني الا كلشي نحطه بيدها وننطيها اوف اوكفي جايةواتآفف ..
اوكفي جايةواتآفف ..ورحت سديت الماي الي جنت اغسل به الكراج
ورحت للمطبخ الكل كاعدات متحظرات يلفن الدولمة خواتى وامي وخالةام ياسين وبيبي كاعدة على كرسي تتفرج عليهن.. ماعدا بثينة وسمر يم ازواجهن كاعدات بالهول…
بس دخلت لكيت ماما يتطاير الشرار من عينها وتخازرنى خزرة موت
بس انطيتها الملح من طلعته الهم من الكاونتر رأسا بدون اي كلام تفلت بوجهي(حشاكم) وضربتني راجدي كدامهن…
صفنت عليها واني حاطة ايدي على خدي ومستحية ومتفشلة لان كدام خالة ام ياسين ضربتني
الي ماقبلت على امي وكالت… لا ليش هيج ام باهر شكوبيها هن خوات ماكوبينهن حقديحجن عادي ماقللت من احترام اختها.
كالت.ماما وهي توجه كلامها الي…. هاي حتى تتأدبين ثاني مرة لاتتأففين وتنترين على الاكبر منج…
والتفتت لام ياسين ..
وكالت….لا خيةماتدرين بيها صايرة كلش صلفةمن انخطبت عبالك كبرت عليناا 
.
. ام ياسين… شنوالقصة لاعيني مايستجوب كل هلعصبية وهيومةوردةمال الله وكافي شايلةوياج البيت.
ماما… يمعودةاشايلة الله وكيلج انظف وراها ومالحك لاتشوفيها بس طول.
انصدمت من كلام امي
وخالة خطيةانقهرت علية و عفتلهم المطبخ ورحت بالممر الصغير يم الحمام وكفت على المغسلة واباوع لوجهي وخدي الاحمر و مختنكة
والعبرة لازمتنى كمت فتحت الماي ارش على وجهي ماي وابجي وادعي على نفسي لان الله انطاني هيج ام 
.
. واني بحالتي هاي بيبي صاحتني مسحت وجهي و ركضت رحتلهالغرفتها
كتلها …ها بيبي ..
كالت بيبي…. يمة افركيلي رجلية اشو يوجعنى
كتلها… موتدلل ست الكل جم بيبي عندي كمت افركلها وهي تحاجيني وتكولي… اي اي يمة اي جوة ايدج فركيه زين اروح فدوةلايدج.
واني اكللها… بعدالشرعليج بيبي اسم الله جم بيبي عندنا فدوة اروحلج اني وكمت ابوس برجليها…
سحبتني من جتافي لحظنها وكامت تحظني وتبوس بية
وكالت يمة خليني اشبع منج هلاسبوع بعد منو يفركلي رجليةيومية
كامت دموعي تصب بسكتة واني بحظنها واشتم بها وبريحتها جانت دوم ماي ورد وهيل ريحتها…
شبكتني حيل وكامت تبوس براسي …
كالت… تدرين يوم الي اجيتى بيه للدنيا شنو من الايام جان؟
كتلها… لا ماعرف ولا احد حاجيلي ….
كامت تمسد على شعري هاى احلى فقرةجانت بالنسبةالي بحظن بيبي من جنت زغيرةوجنت انام بحظنها اغلب ايامي…
وكامت تسولفلي بيبي… كالت جان يوم اربعاء ليلةخميس ساعة ب٧المغرب اجت تطلگ امج
وراح ابوج وجاب الداية ام عبدالله للبيت بس دخلت الدايةمنا انتي وكعتي منا…
كامت تصلي ع النبي الداية وكالت هاى الابنية مبروكة خلت امها تجيبها بساعةسهلة اول مرة اتصادفني هيج ولادة
وكالت لامج….يامرة هاي منا طلگتى ومنا ذبيتى مالحكت حتى اطلعها صلوات ع النبي
هاي الابنيةمبروكةحطوها على گلبگم فدوة وتخبل بيضة ثلج وشعرهاعبالك قطعةقطيفة على راسهاصدقةلله.. تدرين امج اشسوت؟؟!
كتلها …اشسوت ؟!.
. كالت بيبي… امج كالت انطوني اياها اريدها اشوفها
شالتج ام عبدالله الدايةوحطتج بحظن امج
وكامت دموع امج اتصب وتتفحص بيج لان هي جانت ماتريدج
حملها بيج جان غلطةهي جانت تكول واخذت انواع واشكال حبوب في سبيل تتخلص من الحمل بيج بس ارادة الله جانت اقوى وماوكعتي…
حظنتج وتفحصتج وكامت تبوس بايديج وانتي فكيتى حلكج تبجين ههههه
وهي هم تبجي وياج وردنا ناخذج منها حتى نسبحج كامت توصينا بيج ..
وتكوللي.. عفية باجي ديري بالج عليها ايديها رجليها لاتنخلع
غسلتج المرة وكمطناج وانطيناج الها وكامت تشم بيج وتبوس
وماغفت عينها عنج بيومها وكامت ترضعج جانت تخاف عليج من الهوى…
كتلها…. بيبي مااصدك امي تحبني لعدليش خلت خواتي يهتمن بية؟
فتحت عيني شفت خواتي هن المتكفلات بنومتي وكعدتى واكلي وشربي
وجنت انام لوبحظنج لوبحظن فائزة عمري ماحسيت بحنانها
كالت بيبي… لج انتي يمتى فتحتى عيونج وعرفتى الدنيا الاوعمرج ٣سنين كمتى تنامين وين ماجان من تتعبين من اللعب
وامج كامت صعدت جربايتج لغرفة خواتج حتى تنامين يمهن بعد..
قبلها جنتى ماتفاركين امج ومن راحت للحج ويةابوج حتى تحج اجت ملهوفةوميتةعليج
وجابتلج من دون خواتج اشكال وانواع من ملابس والعاب
وجانت تكول بيوم العيدفاض گلبي بس ل هيومة وبس گلت هسة تعيدواني مويمها
وظليت امشي بالشعائير وبس اشوف طفلةبعمرها گلبي ينمرد
كتلها لعدليش هيج اتغيرت وياي ليش ماتحبني هسة
شفتيها شلون فشلتنى كدام ام ياسين شفتيها وانهاريت بحظن بيبي من البجي
كالت بيبي… لايمة هي امج وتحبج بس ماتعرف تعبر عن حبها ماتعرف موكوة.
ماكو ام ماتحب ظناها.
كتلها… لابيبي هي اصلاماتحبنا مو ماتعبرنا اشو انتي تعبرين عن حبج النا ومفضلتنا على حفيداتج الباقيات
انت امنا وانتي شمعةبيتنا عسى من عمري على عمرج بيبي
بس انتي فراكج راح يصيرصعب عليةمن اروح لكركوك وازوج شلون افاركج .
. بيبي…. اياااا لوتية شلون تفاركيني موو
بحظن يسو تفاركينى وتنسين الدنيا.
اني…. ههه لابيبي حظنج غير و حنانج غير وريحتج غير محد يعوضنى عنج.
لزمتنى وكامت تبوسنى وابوسها خلتنى اهدا اشوية وانسي فشلتى كدام خالة بسبب امي.
خلي احجيلكم عن مكانةبيبي يمي..
اذا اعتبر بيبي هي امي محد يلومني لان ماشفنا من ماما شي يشفعلها عدنا ولابيوم شفناها تضحك بوجهنا او ادارينا من نتمرض
بابا حبيبي والله اذكر هوجان يسويلي كمادات من اصخن واتمرض ويبقي سهران فوك راسي.
حتى من جنا نعايدها بالاعياد من ورة خشمها تبوسنا وتعايدنا … خاصةاني وماجدة مااعرف ليش جانت شادةويانا..
… خاصةاني وماجدة مااعرف ليش جانت شادةويانا..وهسةمن انخطبت لليوم وزواجي الاسبوع الجاي ماشفت بعينها اي حنية علية واني راح افاركها لغير محافظة بالعكس زادت حربها النفسيةعلية..
ولاتحس بالذنب علية ولاكملت جهازي لان ماتعترف بزواجي وماراضية عليه وحتى من كلت ليسو بمخابرة مرةمن المرات..
كال ..عوفيه خلي يولي الجهاز..
اني اخذلج بس تجين يمي خلي نخلص متت مدى اتحمل بعدج.
كتله… ولا اني بس اريد قبل يوم اخلص من بيتنا تعبت حيل من تصرفات ماما وياي .
. كال… اي اييييي لج وتجين لحظني واشبعج
كتله… شتشبعني هاا
كال …اشبعج بوس وحظن شبيج
كتله… بس هذاهمك ماهمك ارتاح يمك من تعب شغل بيت اهلي 
كال… لعدشلون موهمي غير الراحة تصير بالحظن والبوس واشبعج دلال بس تعاي
كتله… ههههه اي هانت ماظل غير اسبوع وانشاءالله يمك.
كال… يااسبوع لج من يوم الاثنين اجي اخذج لو اخلي امي ماترجع لكركوك الاثنين الا وانتي وياهم
واني اجيب سيارة واخذجن… يمتى تخلص هلايام شطولهن علية
كتله… تخلص
……………. 
بليلتها نمنا كلنا بتعب….
ثاني يوم كعدنا بنشاط واتريكنا وماما جانت عاجنةوخابزة من الصبح كومة هي وفائزة
ول١٠ الصبح كاموا يهلون الكرايب بيوت عمامي وعمام ابوية وخواله وخالاته وصارت لمة وبليل زينو الحديقةبالاضواء
وبثينة وسمر راحن للصالون من الصبح سون مكياج وتسريحة بسيطة طبعا هن حفن من يوم خطوبتهن قبل ٣اشهر مومثلي وميشن شعرهن اني ماجنت احب الميش 
.
. رجعن طالعات گمر وبدت حفلةالحنة من ورةاذن العشا ول١بليل ركصنا وهوسنا ومصور جنا جايبين يصورفيديو
وحنو العرسان وكبت الهلاهل ماما تمشي وتهلهل وطبعا من بارحةلسانها ماطخ لسانى ولاكلمتنى كلمة…
وبوسط الحفلة جان مخابر يسو اجت ابتهال بنت عمي شاورتنى بأذنى واني بالمطبخ وكالت… ياسين يريدج بالتلفون ماجدة تكول.
ركضت راسا على التليفون اخذت السماعة
وكتله الوووو..
كال…الوووو
اوف ياصوتك ياحبيبي بگلبي اكول…
كتله سده هسةاني اخابرك ثواني…
كال…انتظرج…
اخذت الفيشةوطلعتها ورحت خليتها بغرفةبيبي وقفلت الباب واتمددت على بطني على جربايةبيبي ودكيت عليه….
شاله من اول دكة
گلي.. سديه اني اخابر لاتكول امج طلعت فاتورةعليكم هواية…
كمت اضحك اني وسديته وخابرورديت عليه واني اضحك.
كال… اووويلي يااابة شنو هلضحكة
كتله..غيرعليك اضحك.. وبدلع نعمت صوتى وكتله شلووونك..
كال….. شلوني مثل لوني ميت شوگ …لج لاتتماوعين واني جد جدي محترك عليج.
كتله بمياعة….. اوي اجدادنا شعليهم خطية تحركهم بگبورهم…
كال…. اي علمود حفيدتهم الي دمرني عشگها همة خلفوا واحنا ابتلينا اووف.
اني…… فدوةاروحلك شبيك حبيبي ضايج.
يسو….. اي ضايج واريدج يمي واريداجي بس امي تمنعني .
. ضحكت ضحكةطويلة وكتله… شنوانت زغيروتمنعك.
يسو … تكول عيب عرس خواتك.
كتله… اعتبر نفسك بس ابن عمنا مواخواتك العروسات
يسو ….. ههههههه صدك يعني يصير اجي احظر هواني بس علمودج اريداشوفج مشتااااااق.
هواني بس علمودج اريداشوفج مشتااااااق. اني… ههههههه بصفت عرس اخوان خطيبتك راح اخلي ماهر يعزمك ويلح عليك هوالوحيد بس يكدر
انت خابرعود تسأل على امك وخواتك واخلى ماهريستلمك
يسو…. فدوةللي تخطط الظاهرمواني بس مشتاق .
. اني بدلع….اوي اشكد مغرور ههههههه
يسو… لج اني مغرور بيج حرم الملازم ياسين خليل حسن السامرائي….
اني ..فديوةللضابظ ضابط قلبي وعمري…
يسو… احبج احبج….
اني….. اموت عليك… يلةمثل ماتفقنا خابر ورة ساعةمن تخلص الحفلة..
يسو….. اوك عمري اتفقنا
باي حبي امووواه
اني….باي حبيبي اموواه.
سديت الخط وكعدت لدقايق متمددة وسعيدة لان سمعت صوت حبيبي.
ورحت ركصت ويةخواتي والبنات ل١٢تعبنا وراه كعدنا اجو الولد اخوتى كعدو يرتاحون
رحت لماهر وكعدت بصفه شفته عينه على ابتهال…
شاورته باذنه كتله تعال اريدك.. كام وراية رحنا للحديقة..
ماهر… خيراحجي شكو
اني… اكولك تريد اصيحلك ابتهال اهنا واسويلكم مجال تكعدون وحدكم وتسولفون
ماهر…. صدكياريت والله حسرة علينا الكلام والشوف…
ياريت والله حسرة علينا الكلام والشوف… اني …وشتسويلي اذاجبتها ليمك هسة 
ماهر…. اطلبي وتمني
اني…. فدوةاروحلك بس خابر ياسين واعزمه على العرس كدام امي وامه يريديجي بس امه تكوله عيب.
ماهر…. والله، من كل عقله امه تمنعه عمي خلي يجي ليش يستحي هوخطيبج وباجر اخوانج بعرسج يحظرون ويةنسوانهم..
والله، من كل عقله امه تمنعه عمي خلي يجي ليش يستحي هوخطيبج وباجر اخوانج بعرسج يحظرون ويةنسوانهم.. هسةاخابره
كتله… يلةخابر حتي اني هم اخلي ابتهال تبات يمنا لخاطرك وبعدين كعدوا براحتكم من ينامون الكل…
ماهر…. تعاي يلةجوة وشوفي اخوج شيسوى
اني…. ههههههه اي عيني الحب يسوي اكثر
ماهر… انجبي اني لخاطرياسين اولا وثانيا انتي اختى حبيبتى وسعادتج تهمني.
اني… فدوةاروحلك حبيبي يااطيب اخ بالعالم ربي يحفظك بوسته وهوباسنى هم
كال بصوت محبوح راح اشتاقلج من تتزوجين.
اني… راح اشتاقلك اني هم… ردت اكمل وعبرة لزمتنى دنكت راسي ماريد يشوف دموعي..
فجاءة ضربني ع عباتي وكال اذا رايت رقبة مفتوحةاضربها ولاتخف من صاحبها.
وكال اذا رايت رقبة مفتوحةاضربها ولاتخف من صاحبها. وركض للبيت واني اركض وراه رؤيسية بعد 
دخلنا ركض وجان نصطدم بماما يم باب المطبخ كالت هوب هوب شنو صغار تتراكظون .
. ماهر… لاهيومة كالت دكوا عليك جماعتك بالتليفون ردت الحك عليهم..
ودخلنا لزمت ذراعه كتله روح شيل سماعة على اساس تحجي واني الهي ماما.
راح ماهر وشفته اتصل بيسو حتى ماخلي يسو يتصل مثل ما اتفاقنا اني ويسو
وحجي شويةوصاح خالةام ياسين..
وراه من كملت خالة ويةياسين استلمه ماهر وكام يعزم بيسو بصوت عالي وباهر سمع واجي يكلم يسو وماهر يوز باهر…
والله وقنعوا يسو بالشافعات ع اساس مثكل حبيبي مو هوالي كاتل نفسه يجي .
. ماما سألت اخواني شكو ماهر كال.. عزمت يسو الا يجي باجر ونسيبنا ولازم يحظر ويوكف وية نسابته شعليه من خواته.
طبعا ماما سكتت ماكدرت تحجي على اخواني كدام الخطار وخاصةام ياسين..
واني طفرت من نظرات ماما ليم بيبي.
بليل نفذت وعدي لماهر وخليت ابتهال تبات يمنا
وورة ماراحو اهلها. ..
كعدوا هي وماهر وماجدة سوالف واني عفتهم وصعدت راسا نمت.
تالي ماجدة صاعدةتنام ومانعرف همة يمتى ناموا بس كعدنا صبح لكيناها نايمةيمنا .
. ثاني يوم الصبح كعدت فتحت عيني ب٦ لكيت خواتي نايمات والعرايس وام ياسين وابنها احمد..
نزلت كلت خلي اغسل الكراج توسخ بليل وهسة يسو يجي جنت لابسة دشداشة صفرة بورد وردي ناعم ربع ردن بياخة مدورة لاستيك طبعا خياط ماما وشعري نصه شايلته …
طلعت اغسل الكراج اندك الباب كلت منو…
سمعت صوته… كال اني… عرفت يسو ركضت فتحت الباب…
شافني تخبل….
كال… صباح العسل والقشطة
اني… صباح الورد
باسني من خدي ودخل للبيت مسطور رغم هو جان مبين عليه تعبان ونعسان الظاهرمانايم الليل وطالع الفجرلبغداد بس شافني صحصح وتخبل عليه..
رغم هو جان مبين عليه تعبان ونعسان الظاهرمانايم الليل وطالع الفجرلبغداد بس شافني صحصح وتخبل عليه..يم باب المطبخ شاف ماكو احد سحبني لورةالباب الجواني ردت احجي وياه بس صارت عينه بعيني متحملت اباوعله
هو لزمني وعصرني بشبكة قوية وتقرب مني وباسنى من شفايفي بكل هدوء ذوبني ويكولي انفاسج حلوة
ورحت بعالم وردي وياه ونسيت كل همومي ببعده واحزاني واحس الدنيا تضحكلي
ومااعرف يسو شون يتصرف وياي بس شعور يذبح اول مرة اعيش الحب ومو اي حب حب يسو واتمنى مايخلص الوقت وياه واني بحظنه وماريد يبتعد عني وابقي بحظنه ياربي حظنه دفو وحنان وامان والاحلى هو مايقبل ابتعد عنه.
يسو واتمنى مايخلص الوقت وياه واني بحظنه وماريد يبتعد عني وابقي بحظنه ياربي حظنه دفو وحنان وامان والاحلى هو مايقبل ابتعد عنه. ورة بوسته بشفايفي سمعنا صوت كحة بابا يطلع من غرفته عرفت كعدوا هو وماما..
عاد عدلنا نفسنا اني ويسو وكال هسةشلون شينوم الكايم…
كتله… شنو هو؟ قصدك بابا؟!
كال… اهوو منج يامطفية وخري اروح للحمام اغسل واجي…
وخري اروح للحمام اغسل واجي… ركض وراح وعافني وحدي… وبابا اجي للمطبخ
بابا… يمتي كعدتى ؟
كتله هسة ردت اغسل الكراج اندك الباب اجي ياسين..
بابا… لعدوينه…
كتله… راح لتواليت
بابا… اي حظري ريوك وجاي لعد
اني… بعيني
كمت احظر كعدت ماما وراها كعدت ماجدة وبيبي وبعدين الباقي وصارالريوك جاهز واني فرحانة بيسو
وكملنا وحطوا الغدة على النار واني بعدالغدةرحت للصالون ويةالعرايس ويسو وصاني مااطوخ مكياج وفعلا ماطوخت .
وبالزفة جنت وياه كاعدة طول الطريق بالزفة لازم ايدي ويفرك بيها ملخ ايدي
وبالقاعة ماخلاني اركص وكعدنا بس نسولف. عرس اخواني جان كلش حلو تمنيت ليلتي مثلهم ووعدني يسو انو يكون احلى منهم.
وتالي خلص العرس. وزفينا العرسان للفندق ليلة ورجعنا للبيت تعبانين..
الكل ناموا ظلينا اني ويسو وماجدة نسولف بالحديقةالخلفيةبسكتة وبعدين عافتنا مجو ظلينا وحدنا…
.
.
.
يتبع
.
