رواية الم احل لك بعد الفصل التاسع 9 بقلم الكاتبة بتول

عگاب…بت الاوادم عباالي ضعتي وتيهتي كمت ااهبت عليج وانتي واكفه هناانه ما تحاجيني شسووين

مليكه…..لاله ما ضعت ولا تيهت وكفت اقره اسماء الاصحاب

عگاب….وخلصتي يو بعدج

مليكه….لاله بعدني

جر حسره ووكف متجتف بمجانه عيونه تفتر على المربعات السوده يعاين للاسماء كال

عگاب….يله كملي عالراحتج

خلصت الاسماء كلها واخذني لخيمة الامام القاسم ماا شفتها من بين الخيام معزولة جانت

وطلعنه لجفوف الامام العباس الأيمن والايسر كل واحد بمجان

اخذني يم نهر العلقمي قريب يم مقام صاحب الزمان عجل الله فرجه

كعدنه هناك نرتاح تعبنه والصبح بده يكشف ووصوت العصافير والحمام تارس السمه

جابلي لفه كيمر عرب وجاي من مريه مبوشايه وكاعده عالرصيف

تريكنه سوه ومشينه وهو نعمة لله علي بهاليوم لله هادي وما فج حلجه بجلمه يو شي

وكفني يم محل بي اكسسورات وجنط

عگاب….اخذي الج شتردين وللبنيات مناك

بديت اخذهن الهن كل وحده حاجتين واعدد اسمائهن ويخزرني اذ عليت صوتي ارجع انصي واحج صارن علاكتين كال

عگاب….وانتي عليش ماا اخذتي الج

مليكه….صارن هواي عليك وانه ماا معتازه

عگاب….من فلووس جدج مووش من عدي يعني صرفي عالراحتج

مليكـه….صدك من فلوس جدي

عگاب….اي

مليكه….چاا اخذني لغير المحل ماا عجبني شي هناانه

عگاب….لا ياا

استغفرلله ياللهي چاا عليش اخذتي للبنيات منه

مليكه….اي اشتريتهن الهن شغلات حلوه وهنه راح يعجبنهن لان ما شافن المحل بس انه شفت بعيني وما عجبني شي منانه

استغفر ومشه بيه

غير المحل وصدك بيه شغلات وحاجات تخبل واكثر من هذاك

اخذت شال ماروني وجنطة ماروني مقدفه ووياها حذاء بوت كصير هم مقدف يخبل وساعة سيرها ماروني اموت على هذا لون

كال

عگاب….بس وجهج بعد ماا صبغتي مااروني

….. ابتسمت اله وهاي يمكن جانت اول مره ابتسم اله انه من زغري مرعوبة منه ومكروصه يمكن لانه يشبه جدي جثير وهو الحفيدي الجبير اله هيبة بالبيت ودوم مرافگ جدي بس جدي حنين ويضحك النه ودوم مبتسم ماا يعبس بوجه واحد

…. اله عگاب وي العالم كلها يضحك ويشاقه بثكل ومن يوصل يمنه احنه البنات ينكرص وينگلب حاله ما عدا حبيبه گلبه وهم مرات يصيح بيهاا وما يرضه عالتصرف ماا يعجبه منها

وهو ردلي الابتسامة كال

عگاب….خلصتي مووش

مليكه….اي خلصت

عگاب….تراها من فلووسي موش من جدج

مليكه….اي عاادي

عگاب…..رديهن وولج من فلووسي

ملكيه….اي عاادي انته هم مثل جدي تصرف علينه غير احنه بنات عمك واخواتك

عگاب….هيج صارت السالفه

مليكه…اي هجي نرد هساعة حبوبتي ضال بالها يمنه

عگاب….هسه نرد اكلج مليكه

مليكه….نعم

طلع ساعات من جيب دشداشتة وحده بناتيه ووحده رجالية بس نفس التصميم ولون بس وحده انعم شكلها وبيها كرستال

عكاب….ذني حلوات سدن تحب هذا لون

ملكيه….اي عاش ذوقك حلووات

عگاب….يعني يعجبنها

مليكه….اي ااكيد حتى لو مو هذا لون تحبه هيه راح تحبها لان منك

…. ابتسم مدنك مستحي اول مره اشوفه هيج لا هذا اليوم رااح اسجله بتاريخ عايلتنه هم ابتسم الي وهم ناطيني حرية ومخليني براحتي وهم استحه

وعلي خفت احسد روحي وتالي يهبدني براشدي ويردني لدار وارث ابجي

…. مشينه ردينه للشقه مالت وارث على كولت عگاب دكينه الجرس فتحه وارث وكاض بيده مداس يريد يلبسه نزله وانطانه مجال نفوت

وارث….حياكم لله

عگاب….يحيك شنهي راح تمش تخدم

وارث…اي ماشي الحك عليكم

عگاب….ميخالف نتاخر علما ترد

وارث….ها خوويه تونستي

ابتسمت وكلت

مليكه….تخبل ووارث مجانات ماا شايفتهاا للتالي

وارث….يله المره الثاني جيبو البنيات كلهن واطلعكم على الاطراف مناك مزارت ما سامعين بيها موش ماا شايفينها

عگاب….وانه اتورط افتر بيهن سيد ووارث لا تعزم على تجسر رجليه

وارث….حصلتك ااجر بالعافية عليك يله انه اتوخرت في امان لله

مليكه….لله وياك

…. خله وطلع فتت للحجره مالت وارث حبوبتي نايمه ذبيت العباية والشال وحطيت راسي يمها اريدن انامن نعسانه ومتت تعب واندك الباب

كمت حطيت شال عالراسي وطلعت

عگاب….تعااي طلعي حگ الفره خدريلي جااي ثخين يجيم عالگلب

مليكه….صار

….. خدرت الجاي ثخين هو من دون عربنه وولدنه كلهم يشرب الجاي اسود مفحم كون

صبيته اطيته اله ورديت للحجره نمت ودعيت لله كوون بعد ما يجي اريدن انامن نعست كلش

وصدك غفيت وكعدت على اذان الظهر طلعت غسلت وكعدت بصف جدي بالهول توه مكمل صلاة حبني براسي

غياد….شوونه عگاب ويااج خوما غثج بجلمه من رحتي وياه

مليكه….لا جدي ولله ما حجه شي وياي وخلاني براحتي واشتريت كومه شغلات اليه

غياد….بالعافيه بوويه وكوون دوم اشوفن هلمبسم على وجهج ماا اريدنج بيوم تبجين يوو تنظامين من واحد وراسي يشم الهوه

مليكه….عسااك سالم وذخر اليه اروحن اشوف حبوبتي كملت صلاتها يو بعدها خاطر اصبن غده

غياد….عفيه ببتي

مشيت للغرفة فجيت الباب هساعة مخلصه صلاتها

صفيه….حبوبه كعدتي وليد عمج يوو لاله

مليكه….عگاب شنهي بعده نايم

صفيه….لا حبوبه تووه نام وكال وعوني عالصلاة و راح عن بالي كعدي بعد حبوبتج

مليكه….ان شاءلله

…. طلعت من الحجره وفتت بالثانية وكفت بعيده عن مندره صاده وجهي منه عبن ما لابس فانيلة

صحت باسمه مره وحده وفز هم صلووات ماا تعب حلجي رفع راسه و رد نام ياا… يا فرحة ما تمت ولا دامت ندهته مره ثانية كلب ليغاد وبس يتهمهم

اجه جدي للحجره حاجيته

مليكه…. جدي ماا يرضه يكعد اندهه بي وماكو

غياد….تنبل مال نوم هذاا روحي يجدي انه اعرفن شون اكعدنه

طلعت عنهم فتت للمطبخ صبيت الغده خطايه حبوبتي هيه مسويته وانه بس صبيته

مركه فاصولية ودجاج تكلاه هاي الاكلة المفضلة عد وارث حطيت المواعين بالهول ونفج الباب

وارث….اااهل الداار وينكم

شافني رفع ايده يسلم

سلام عليكم ياابه

مليكه….وعليكم السلام

لله يساعدك

وارث….يساعد بختج وين الاهل

مليكه….بالحجر فوت بدل سلاباتك خاطر تجي تتغده

وارث….اي ولله جوعان عاشت ايدج مقدماً

فات يبدل وانه جبت الماي ومتانيه جدي وحبوبتي يجون جدامي جاعد عگاب ايده براسه يجر بشعره يهلس بي

وارث….صح النووم عگيب

رفع راسه اله عافس وجهة كال

عگاب….هلا

اندار الي وحجه

وارث…توه كايم من فراشه مو

هزيت راسي بالموافقه اجو حبوبتي وجدي كعدنه نتغده ويحجون وي وارث علمود صاحبه ميمون وجدي يسئل من يا عمام وشيشتغل

وارث….ولله جدي الزلمه وونعم منه وما شفت اله الخير من رافجته للحين

وهوه عمامه من بني تميم وشغله ضاابط توه ملازم اول ومتزوج وشغلة ببغداد واهله منا بكربله وانه يو ما عدي شي يمرلي هوه ونطلع يوو يجي يسير عليه ويتعلل يمي نضل هنانه

غياد….انته يـبويه حط بالك زين لا كلمن هب ودب تصاحبه

وارث…حاط بوويه بالي كلش زين وما عدي صحبان غير من شباب العتبة نخدم سووه وهذا لولد

صفيه….لله يحفظك حبووبه ويسخر الك من طيب خلقه بجااه التخدم عده

خلصنه غده غسلت الماعين نظفت المطبخ زين وطلعنه لبست وكملت وصاح جدي اجت السيارة

تردنه لاهلنه

…. نزل وارث ويانه يوصلنه للسيارة ويحلف جدي يجي مره ثانية ما يكطع بي وما دريت ليش هو ما يجينه ليش ما يطب لحوشنه چاا احنه موش اهله وهذاك الحوش حوشه واله حصه بي وهناك اهلنه كلهم يحبونه ومامش من يكرهه يو يكدر يغثه بجلمه

… طلعنه من كربله وانه سلمتها نوم عالجتف حبوبتي حد ما وصلنه جدام حوشنه وكفت السيارة كعدني جدي ونزلنه خليتهم يتحاسبون وي السايق فتت سلمت عله امي وعمااتي اخذت هديماتي وفتت اسبح عركت وانه نايمه بالسيارة

…. طلعت ادور عله امي شفت باب غرفتها مسدود عاينت سدن اشرتلي رحت يمهاا عرفته عمي عد امي بالغرفة اطيتها المشط مشطت اليه شعري

وما حجيت الها عن سالفه تاخير عقدهاا هيه وعگاب سديت حلجي ونمت تعبانه هو انه من اركب سيارة هواي اضل يوم كامل اتطوطح يو ما نامت حتى يو توني فازه من النوم

…..كعدت بنص ليل ساعة بالوحده وبس صوت الصرصر من الهول انداريت اشوفن فراش سدن خاالي عدالي بالحمام كمت انه هم اريد اروحن بس اخافن بحدي بلجي هيه هناك وتروح الخوفه

من عدي طلعت مشيت للحمامات اربعتهن خاليات

انكرص كلبي وخفت منهاا المعزااية المدهربه وين ولت فريت راسي اردن للغرفة

راسن اجت بالي حجاية جدي من كال يو شفتيها گربت صووب ابن عمهاا اطيني خبر

….اروح اكولن لجدي لا خطية افتن عليها واصير فتانه وانوب هيه تضل تغني الي فتاانه بحلكج ذبانه اايعع لله يلعب نفسج سدن على هاي السالفه

جانج خليتها ببالي

…. ذبيت مداسي من رجليه وامشي على كيفي ادري بيها يو رادت تمش يمه تروح بالمخزن مالت المطبخ

مخلين بي الكميه والجداري والصفاري مالت العزايم مفصول عن المطبخ ببردة وباب حديد

دخلت للمطبخ خاايفه لا واحد يشوفني من عمومتي انوب يصير كتلي عمل شعبي انه وسدن وانه مالي كل غرض بالسالفه اووف منج سدينه ولا تكعدين راحة هسه انجبي وانطمري بمجانج يوو اله تشوفين محبوب الگلب ادورين المصايب ادواره

…..وصلت وماا خاب ظني المنور مالت المخزن مشتعل هوه ضواه خفيف كلش شفته من حداد الباب مبين مشتعل واسمع صوتهاا تتنغوص وتتوسل بي وعگاب مااا عگااب صخاام بعينج سدينه شوداج يم عگاب الگرين ماا تكليلي على كوله وارث فتحت المغسلة حتى اطلع صووت خنس صوتها حجيت بصوت مسمووع

مليكه….سددن ولعبااس اذ ماا طلعتي بواري هساعة للحجرة اله اكوولن لجدي عليج

…… خليت وطلعت للحجره كعدت بفراشي خايفه من عگاب لا يجيني يو يحاسبني بس همه صوجهم شعدهم يتساسرون ويتختلون بنص ليل شوي وفاتت بيدهاا جيس زغيرون ضحكتها شاكه حلكها ولا جنها مسوويه مصيبه بكد راسها صديت عنهاا ما اعاين الها

…. وهيه ما فجت حلجهاا عبنها تدري بروحها غلط خلت وسكتت وانطمرت بفراشها وانه ضليت جاعده اناطر اسمع صوت خاطر اطلع اروحن للحمام متوازيه كلش واكل شي ميته جووع

وصدك سمعت فجت باب حجره

طلعت من الحجره بساع لانه جدي متشله يريد يصلي صلاة ليل

صبحت علي وبسته بجتفه

غياد….هاا يجدي جااعده شعدج

مليكه….فزيت من نومتي جوعانه واناطر خاطر اسمع صوت واطلع

ضحك ومشه بيه للمطبخ

غياد….ولله يابوويه عليج سوالف جاان دكيتي باب الحجره وجعتيني

مليكه….لا مو راهمه جدي

بطبتنه فات عگاب من بره ماا صديت اله ابد سلم عالجدي وفات صعد لحجرته

وكف جدي يتوضه من مغاسل المطبخ سويتلي لفه

وكلاص حليب احمر (حليب و جاي)

غياد….هاا بويه خلصتي

مليكه….اي جدي خلصت

غياد….تعاي اكلي حذااي وانه اصلي

… مشيت يمه للهول كعدت وهو فرش مصلايته يصلي وانه فاتحة التلفزيون منصيته مامش صوت بس صورة فلم هندي واقره الترجمه واكهكه بحيدي واصم بحلكي لا يسمعني جدي

يو ما صارت صلاة الفجر كمت طفيت التلفزيون وفتت لحجرتي كلت يخلصون صلاة واطلع هم فشلة يشوفوني افتر ويدرون بيه ما اصلي

….تانيتهم لحد ماردو ناموا وطلعت يم عمتي كريمه اشنك وياها العجين خاطر تخبز انه ما اعرفن اخبز بس اشلع بالمنكاش وعمتي لفت شال على وجهي وشعري شون جراوية والكصيبة ضمتها حدر ثوبي خاطر لا تلوح وجهي ووشعري النار

كريمه….فلك و دهر كون صااب العدوو يمصكوعة اليشوفج يتدوهن

مليكه….عليش عمه يتدوهن

كريمه….مامش يمه لا تخلين ببالج بس ديربالج تتنكبين جدام وحيد غريب ولا جدام ولد عمومتج خوش ولو تتبوشين احسنلج

مليكه….لا عمه لا اتنكب ولا اتبوشه انه اضوج منهاا البوشيه عليش البسها

كريمه….تستر وجهج يمدهوره عبن وجهج فتنه للرايح والجاي هاي امج موش تلبس بوشي من تطلع عليش انتي ما تلبسين مثلها

مليكه…..اي مو امي علوية انه موش علوية

هزت ايدها وضحكت طبطبت الخبزة حطتها عالمخبازة وطكتها بالتنور غطيته انه

كريمه….چاا انتي ياهو كايلج البوشي بس للعلويات

مليكه….مادري مااحد كايلي بس انه هيج تفطنت من يمي

غاد واجانه صووت عگاب صاح عالعمتي

كريمه….لا تحـدر صووبي عگاب

عگاب….اهاا عليش شعددج ما احدر صووبج

كريمه….عبن موش بحيدي اخبزز وياي مليكه

اندارت عليه وحجت

….فلي نكابج لبسي شيلتج وامشي نامي يو تانين الريوك

فليت شالي واحج وياها

ملكيه….لا اتاني الريوك رايحه اسلك البيض

كريمه….حطي ١٥ وحيده بالقوري

تعاال عمه عگاب

عبرت عگاب ومشيت حطيت البيض بالقوري عالطباخ واسمع ضحك عمتي كريمه وبصفه عگاب اهو صار يشلع الخبز الها

….. ضحكت علي خوش طلع يشلع خبز جاا راح تستفد منه سدينه يوم التاخذه يوكف يشلع وياها خبزز

حضرت استكاين الجاي والكيمر العرب فورت الحليب لله يذكر بت ابو فلاح بخير جانت هيه تجيب الحليب بس من صارت سالفة فارس والنهوة انكطعت رجلها واخبارها من عدنه بعد ما كامت تجي

…. طلعت حبوبتي بوراها جدي وفاحت ريحة المسچ بالهول نزل عمتي عتاد وطلعوا عمومتي ضهد ورافع بوراهم نسوانهم وامي ووحيده منهن

وانه انگل بالريوك للصاله فاتت عمتي بطبك الخبز ووزعت عليهم كرص الخبز وحطت جدامي وحيده بيها سمسم وشكر مشوكره تدري بيهاا احبها هجي

تدنه حذاي جدي وكال

غياد….من كون الزين كله لمليكه واحنه مامش النه بالطيب نصيب

ملكيه….تعمه عيوني من كون ما الك بيها نصيب

گسمتها بيني وبين جدي

غياد….بوويه اتغشمر وياج ستين الف عافية انه مااحب الحلاة هوواي

اخذ منها لكمه علمود لا يكسر بخاطري

عگاب….ناوشني جددي

انطاه جدي النص وانه ساكته بس اعاين بعيوني ما جنت مشتهية اكل عبن ما صارلي هواي من اكلت وي الصلاة

وتمر الايام نفس ماهيه كلمن ملتهي بحياته وطامسين بيهاا لهامتنه وطبت الفرحتنه بيتنه يووم درينه تنسيم مرت عمي عتاد حبله

ومرضها وتعبها جان كله من الحباله

ونزلت الصدمة على روسنه بنفس اليوم يوم ما اجت عمتي ام عگاب وكالت خطبت لفارس بت اخوها وبين المعارض والمؤيد لهاي السالفه صدمنه فارس…..!!!

…………… ميـمون

طلعت بوجهي للشقه صعدت متهلف وگلبي سبقني ووصل وصار بـ باب الشقه انفتح بدون ما ادكه

شمرت روحها لصدري وانه ما قصرت جن شايف الجنة بعيوني شميت ركبتهاا وانترست حياة وامل جديد وصوت گلبي يكلي

ميخالف ميمون هذا الحضن وهاي اللهفه والشوق ودكه الگلب تستاهل تصبر وتتحمل الاذيه وادوس عالروحـك علمـودها

جئت على حافة الشوق محمـلاً

شوق طفل الى حلـيب امه….

شوق ام الى عطـر ولدها…..

شوق مـراهق الى حبه الاول….

شوق التـراب العطشان الى المطـر….

شوق الهارب الى الامان…..

شهكت ودموعها سبقت لسانها بالحجي

ميمون….اااش بالله عليج بس لا تنزل دموعج

بغداد….اشتااقيت الك ميمون هوواي ولله ليش بقيت هااي الفترة كلهاا هناك

ميمون….انتي تدرين بالوضع ما حاجة ابرر الج

بغداد….اي ادري ولله بس شنوو اسووي لگلبي

كولي عندك حل يخليني ماا اشتاقلك ولا اعتب عليك

ميمون….جان انه لكيت حل لگلبي وخليته ماا يشتااقلج جاان لكيت لنفسب حل

شوو دخلي خلي اشووفج زين واشبع عيوني بهلـ طلة الحلوه

…. وكفت كدامي تفتر بفستانهاا رفعت عيونها الي مكحله والرمش طاخ بالحاجب جرتني من ايدي وانه مسيل الها كلشي شتريد تسووي خلتسوي ما يهمني ما دام گلبي مرتااح يمها وهيه تسعئ لراحتي وتريد رضاي مو غير شي

وكفتني كدام طاولة الطعام عليها مواعين مغطاية بغطه شفاف مسويه سمج مطبك عالتمن احمر اللبن والخضره مزينه الطاولة بترتيبها غلطة ماكوو

دارت وجهي لجهتها الواكفه بيها كالت

بغداد….سويته علموودك

ميمون….يعيش مودج ياابه

فتحت الغطه وهبت ريحه الاكل والبهارات الطيبة

اوويلي ريحة تخبل عااشت ايدج

ابتسمت بهدؤء ودلع راحت جرت الجنطة من يم باب الشقه واخذتها دخلتها للغرفة

لحكتها للغرفة اخذت ملابسي بيدهاا ولازمه الي الغيارات الجديدة لبستهن وهيه واكفه وراه ظهري تباوعلي بالمراية تمشط شعري من وراه

خلت المشط عالميز سحبت ايدي كالت

بغداد….يله نتغده مشتاقة ااكعد وياك عالفرد وجبة صاار شكد ماكاعدين سوه ومأكلين من نفس الطاولة

اخذتها بين اديه وطلعنه

تغدينه وكملنه خلت كدامي كلاص الجاي وبدت تتمايل بمشيتها كدامي وترتب المطبخ لبست صدرية وتغسل المواعين تسئل عن اهلي وسؤال استوعبه واجاوب علي والثاني اتيهه بضحكتها ورنة حجلها

جنت رايد ااطلع وي صديق الي تالي كنسلت السالفه موو مالت اعوفها بحدها ولا مالت اخليها بنفسي وانه متحصر عليها غاد

غسلت كلاص الجاي واحتاريت وين مكانه كد ما المطبخ مرتب اخاف اخربط شي بي واضيع تعبها بي

ميمون…. بغداد ووين مكانه هذا

بغداد….ها حبيبي عوفه يمك هسه اني ارجعه

ارتجيت على السنك متجتف وعيوني تتحرك وي حركة ايدهاا وفره جسمها كدامي مسحت الطاولة وذبت صحن سڤري بالزبل لزمت ايدهاا

ميمون…. ماا خلصتي

بغداد….عيوني انته بس ااغسل اديه واجي روح انته بالغرفة

ميمون….اي مو تدرين من اجي يمج ماا اريد تلتهين بغيري عوفي المطبخ وكلشي هسه

باستني وابتعدت تضحك

بغداد….ااسفه يعمري انته هسه بس ابدل ولله روح للغرفة

ميمون….عووفيها فستانج عاجبني

بغداد….مو تبلل عليه

يله تعال للغرفة انته ارتاح واني هسه اجي يمك

دخلت للغرفة وهيه اخذت ملابس ووكفت كدامي تبـدل خلصت بدلت اضاءة الغرفة واجت يمي

همست وذبيت التلفون من ايدي

ميمون….شلوون بحسنج انه

بغداد….گلي الك اني وحسني وكل شي املكه بس الك ميمون

………….

شــام

….. تحركت بألم واحس شي تفطر بـ اديه ورجليه

كمت كوه على نفسي الم يكتل ولان خلص المسكن هاج عليه ما كدرت افتح الباب بجفوف اديه فتحت بعجس ايدي وراه معاناة

طلعت بره الغرفة صار شكد ما طالعه للصاله ولا شايفتها بس اول مره دخلت من المستشفى وجنت بحالة يرثئ الها ما منتبهة عليها ولان الحمام بالغرفة

…. افترت عيوني عليها متعجبة وعلى تغير اثاثها همه كل فترة يغيرون الأثاث مستحيل يخلونه بس هلمره كلش حلو مسويته عمتي توجهت لغرفة البنات دكيت الباب تقريب العشر دقايق يله انفتح طلعت رغد وكفشتها ضد الجاذبيــة باوعتلي ومسنده نفسها عالباب مغمضه عيونـها عرفتها بعدهي نايمه وماا تدري بنفسها من فتحت الباب

شام….رغد اتصلتي على ميـمون شفتي ووين وصل

رغد….هااا منوو

شام….رغد حباابه فتحي عيونج

فتحت عيونها وتباوعلي ما مصحصحه

رغد….شتردين شاام

شام….ميموون

رغد…شبي

شام….خاابرتي شفتي وين وصل

رغد…يوو ياا شام واني شعليه بميمون

شام….شلون شعليج غير اخته

طلعت شهد وعلى اذنها سماعات كبار كال

شهد….هاا شام شبيج

رغد….تردين ميمون

شام….لا ولله ما اريده بس ضل بالي وصل لو لا واني ما عندي تلفون حتى اخابره

شهد….لا يضل بالج وصل هسه وانتي شكومج من فراشج ليش تحركتي جان بس دكيتي الجرس اليمج

شام…مو اشكال على كومتي المهم متاكده من ميمون

شهد….اي ولله ووصل وبخير وسلامة

تعالي ارجعج لغرفتج لا يتلوث الحرگ وما يطيب بسرعة وانتي نسيتي وصية ميمون الج لو شنوو وضعج

كادتني من زندي وتمشي بيه للغرفة

شام….لا مانسيت بس كلت اسئل عنه

شهد…حصل الخير اغطيج لو لا

شام…لا حرانه ما اريد غطه

شهد….لعد راح اشغل التلفزيون الج واخلي على فلم هسه بادي عالمشفر تايتنك تشوفينه كلش حلو

شغلت الشاشة وسدت الباب وراحت واني بقيت على كعدتي اتابع الفلم لحد ما خلص نعست كلش

طفيته من يمي ونمت على ظهري هاي نومتي من يوم احتركت غمضت عيوني وافكر شوكت افل الضماد من اديه ورجليه

وشلون راح يكون شكلهن معقولة يرجعن طبيعيات

لو مشوهات وراح يتقبلني ميمون لو لا

ولله اذ شفت بعيونة نظرة شمئزاز وحده ااني اعوفه واروح ما اتحمـل و روح امي

هو من غير كلشي ما متقبلني مو هسه واني متحركه اديه ورجليه يااربي فدووه طلع هاي الافكار من راسي رااح اموت واني كل يوم نفس الافكار تزورني

نزلت دموعي على حالتي وضعفي ولا بلا حول ولا قوة

رفعت اديه كدام عيوني متأسفه على نفسي

نزلتهن على بطني واحاول انام والصباح رباح

وليوم يعيد نفسه ثاني يوم لحـد ما صار شهـر بالضبط اني بيت عمو ايامي نفسها تمشي ما تغيرت واني مربطة بعدني

بس عندي موعد ليوم وي دكتورة حتى تشوف حالتي وتتطلع عليها شنو احتاج بعد واستمر على نفس العلاج لو يتغير

جـهزت نفسي وياي شهد تساعدني بالملابس وكل شوي اطخني ما متعمدة تشووغ روحي بس ما اكدر احجي هيه متفضلة عليه وجاي تساعدني

واني ما عولت تتغير معاملتها وياي شويه حتى لو جان هذا الشيء بشفقه منها

لفت الي الشال وطلعت كعدت بالهول منتظره عمو يطلع هو يروح ويااي وعمو غامد عشر دقاايق وسمعت خطوات تنزل على الدرج وصوت يدندن بـ اغنية ووكفت بدون ما احس على نفسي

احس جسمي عرك ورجليه احساس برودة بيهن ماا اعرف شلون رفعت عيوني اجت على طوله الفارع يعدل بساعته مبتسم ومطرب

القميص النيلي شلون متربع على اجتافه بنطرونه القماش بني وكافف اردانه حتى لمعة حذائه شفتها

نزل من الدرج مد راسه للمطبخ ما شاف واحد رجع نظره للهول شافني اعتدل بوكفته واجه متقدم بخطوات الي مبتسم كال

ميمون….شلوونج شام

سكتت وما كدرت ارد العبرة خانكتني بزردومي وعيوني مدمعه بس مشتاقلته خاايف ادمع لا تتحجب صورته عني

رجع كال

ميمون….هاا معوده شبيج تردين تبجين شنو هيج شوفتي تبجيج

هزيت راسي بـرفض لزم ايدي من يم زندي كعدني عالقنفه وهو كعد بصفي اندار الي

ميموون….شاام

جريت نفس كوه طلعت مني حجايه

شام….نعم

ميمون….شبيج فهميني احد مأذيج

هزيت راسي برفض

ميمون….لعد شنوو

مسحت عيوني بـ اطراف اصابعي السليمة

شام….طولت ميمون كلش

ميل راسه بحنية ووخر اديه عن وجهي كال

ميمون….وانتي على هاي تردين تبجين ما تسوه ولله

انه طولت لان عندي شغل ومتأخر عن دوامي اخذت دوام بدل زملائي هناك اعوض ايام غيابي

شام….وما ترجع بعد

ميمون…. يرجع دوامي نفس ما هوه قبل انتي لا ادوخين روحج بهاي السوالف ما عليج بيها

يله نرووح لا يفوتنه الحجـز

ابتسمت بين دموعي وفرحة دخلت لگلبي بسرعة مثل النور اليخترق الظلام الدامس مثل مخنوك على حافة الموت وفجاة اجت اله نسمة اوكسجين انعشت بيها كل اعضائه كلت

شام….انته ترووح وياي

ميمون…اي انه لا عمج غامد ولا ابوي

… لزمني من يم زندي ساندني صعدت بالسيارة بصعوبة وهو طلع السيارة بره البيت ودك هورن للبنات حتى يجن يسدن باب البيت ساق السيارة واني عيوني كل شوي تروح علي مبتسمه صار شكد ما طالعه وياه وبحدنه

قبل ست اشهر بالضبط اندار الي كال

ميمون….شنوو انه هيج حلوو

شام….هاا

ميمون….خلصتي الطريق دايره عينج عليه هيج حلوو اانه

…. ابتسمت ودنكت مستحية من نفسي هو هم سكت بعد ما حجه شي وصلنه للعيادة نزلنه وجان اكو مراجعين بس شوي بسرعة دخلنه لان حاجزين قبل بـ وقت دخلنه اني وميمون رغم ماا ردته يدخل وياي اخاف الدكتورة تكشف الحرك وهو يشوفه وتلعب نفسه مني بس ما كدرت احجي او امنعه فضلت السكوت

… وفعلا كشفت الحرك وبهاي اللحظة اندارت عيوني علي لكيته واكف يباوع للدكتورة شلون تفحص الحرك ومستقيم بوكفته ملامح وجهة جامده وما بيها اي تعبير انتبه الي هز راسه ببتسامة بسيطة وخله ايده على جتفي همس

ميمون….ميخالف هانت

هزيت راسي ودنكت عالحرك ومنظرة يحفر بگلبي واتذكر شلون جانن اديه ورجليه سليمات وشكلهن حلو ولله

خلصت الفحص وكعدت على مكتبها وهو ساعدني انزل من على السديه نزل فساتني بيده كعدنه كدامها

كالت

…..شنو امكانيتك استاذ ميمون وضعك المادي شنوو

ميمون….نعمة من لله يحتاج الها عمليات دكتورة

….الحمدلله

وما تحتاج عمليات تحتاج عملية وحده لجف رجلها وواحد منهن لان كلش متأذية من الحرك

والحمدلله ما اجه الحرك على الفخذ لو ساعدالرجل

ميمون….الحمدلله دكتورة عمليتها هنا تصير لو بالخارج لان اذ بالخارج انه يحتاج الي فترة طويلة حتى اضبط السفره بسبب عملي

….العملية هنا وعدنه دكاترة اكفاء وجديرين بعملهم

…..اتفقوا بينهم على العملية وشكد بعد وقت حتى يسونهاا وشنو العلاج التهيئي للعملية

بعدهاا طلعنه من العيادة وبداخلي فرحانة اطمئنيت ما احتاج كذا عملية بس وحده

راح ميمون يجيب العلاج وهو عبارة عن مراهم وضمادات جديدة ما تسحب المرهم اذ تخله على الحرگ وجان كلش مكلف ولمن كتله يجيب غير نوعية لان غالي زيادة عن لزوم

سكتني بخزره وكال

ميمون….هذاا واجبي تجاهج موو انتي زوجتي

حجايته خلت گلبي يدك ويرگص من الفرحة

هو اني هيج وياه حجاية من عنده ترفعني واطيرني فووك السمه وحجاية منه تنزلني وتخليني تحت الكاع رجع وبيده جيس ابيض خله وراه وساق السيارة بهدؤء بدون ما يحجي

….. وكفنه كدام محل مرطبات نزل جاب ايس كريم حجم عائلي والنه بكاسات نهكات فانيلا وفراولة

انطاني الفراولة ووكفنه مكان قريب من حديقة بس ما نزلنه هو هيج بس كهرباء من النزله والطلعه وي مره مو بس وياي حتى وي امه واخواته اعصاب واقل عرقله بالطلعه يبطل وينزل الجينكو علينه ويطلع بحده

…. وهو اخذ الحجي وياي عباله خايفة من العملية ويشرح الي البنج وما راح احس بشي ولا الم بس من اكعد الم بسيط ويروح بمرور الايام الاولئ للعملية واني ساكته واتمعن بشكله من يحجي ومحتاره شلون اصارحه اني خوفي من من العملية خوفي من يجي وقت العملية وهوه مو يمي ولا وياي وكالعادة فضلت السكوت والاستماع لحجيه بس خلصنه طلعتنه وراه ساعتين ورجعنه

…. جانت طلعه عاديه وحتى الكلام دار بينه قليل كلش بس بالنسبة الي هاي الطلعه اامل جديد بي يرجع ميمون الي بحدي وارجع زوجتة وارجع لدلالي وياه مثل ما جنت ارجع اشتاق اله من يغيب بدوامه وابقه مثل وحده تطلك احووم بالبيت بوقت رجعته من الدوام وصلني للبيت ونزلني وطلع بشغلة گال راح يمر لصديق اله

….. نزلت فرحاانه حيل دخلت للبيت لكيت عمتي تحضر عشه والبنات يمهاا سلمت وبدت تسئلني عن الدكتورة وشنو كالتلي واني ارد على اسئلتها والابتسامة تارسة وجهي خلصت حجيها خليت كاسة ايس كريم الهم بالثلاجة ودخلت لغرفتي نزعت شالي بصعوبة ونمت عالجرباية ارتاح شوي

تعبت كلش ومنتظرة اليل يجي حتى ميمون يخليلي العلاج هو كال اني اتكفل بعلاجج ما دام وقت نزولي بالبيت انتظر دقيقة دقيقة للساعة حتى تجمعني وياه

…. صار وقت العشه وماكو هوه ما بين عزلت عمتي اله عشه وكعدنه كلنه نتعشه سوه البنات وعمتي وعمو خلصنه والبنات شالن المواعين وراحن لغرفهن على التلفونات

…. واني بقيت افتر بالغرفة بحدي شوو طول كلش صارت بـ١٢ وهوه ماكوو تالي تعبت من الفره حطيت راسي عالمخده مأيسه من عنده وغفيت بدون ما ادري بنفسي

ليوين يله حسيت بي يخلي العلاج لـ اديه فتحت عيوني

مدنك يخلط المراهم وبيده فرشة مالت فونديشن ويخلي على ايدي لابس سماعات بـ اذنه

رفع راسه الي كال

ميمون….شلون تنامين بلا ما تخلين علاج

شام….جنت انتظرك مو كلت ارجع واني اخليلج العلاج

وكف حركة ايدة وسكت مثل اليتذكر كلامه هز راسه وتهمهم كال

ميمون….العفو نسيت ولله لتهيت وي اصدقائي صار هواي ما شايفهم واخذتنه السـوالف

بس هم ما يصير تبقين بلا علاج اذ انه ما اجيت

يعني لو ما داخل عليج جان بقيتي بدون علاج ليلة

شام….ما اعيدهاا

كمل علاج اديه ورجليه ووكف مسح اديه بكلنكس مرطب كال

ميمون….انه هم اعيدها بعد راح اخلي مؤقت بتلفوني حتى اتذكر

هزيت راسي هو وكف بمكانه وراسه افتر بالغرفة

ونظراتي تتبع حركاته لثم شفته نزل نظراته الي كال

ميمون….جنت اريد انام يمج بس انه لوو نمت ثور اناطح لا الجم حرگج وتتأذين

فكيت عيوني وفتحت حلكي واستووعبت نفسي شرايد ااحجي سديت حلكي بيدي ودنكت راسي

وبداخلي احجي

يمعوود الجمني ميخاالف اني قابلة بس تعال خل اشوفك اتمعن بملامحك وانته نايم موو گلبي طاگ عليك وعلي

ابتسم وكال

ميمون….هاا

هسه بالجذب كوولي حشااك نومتك حلووه لوو صدك انه ثور

رفعت راسي وكلت بثول وفهاوة

شام…اها ايي نومتك حلوه

ابتسم وراح ليم الباب فتحه اندار الي وايده على دكمات الكهرباء مالت الاضوية كال

ميمون…. تصبحين عالخير شام

اشرت اله بالموافقة سد الباب رجعت راسي للمخده واسمع دكات گلبي باذني يوترني قربه بس ااحبه ولله ااحبه غمضت عيوني بفرحة ونمت براحة وادعي من لله يديمه الي

… واجـه موعد العملية مالتي بعد ما استمريت على العلاج تقريب ثلث شهور واحس روحي مثل الماي بالصينية من مدارات ميمون الي جان فترة التحاقة اسبوعين بهذني الاسبوعين كل يومين ثلاصه يتصل على شهد لو رغد ويسئل عني واني اكضيها بس اوزع ابتسامات سؤالة عليه يحسسني اني شي مهم عنده وهذا الاحساس كلش كافي بالنسبة الي وكفيل بان يعيشني حياة وردية

ثاني يوم جهـزت نفسي للعملية وميمون قبل بيوم جاي من دوامه نايم فوك بغرفتنه جنت اريد اصعد فوك بس ما يخلوني اتحرك زايد غافلت الكل بليل وكلها نامت وصعدت جنت مشتاقه اله اريد اشوفه واشوف غرفتي صاارلي شكد ما شايفتها كلش احبها وهيه جانت شاهده على كلشي بحياتي من اول لحظة دخلت بيها لهذا البيت لحد هاي الدقيقة

… واددري بميمون ادخل واطلع واهوس الغرفة وهو ما يدري اول يوم يجي من الدوام ما يحس بروحه لو قنبلة نووية يم راسه تنفجر

اسم لله علي وصلت للممر وصارت كدامي غرفتي هنه غرفتين بالطابق الفوك وحده الي والثانية متروكه وميمون جان اذ يزعل ياخذ مخدته وينام بيها

…. فتحت باب الغرفة والحمدلله ما بي صوت ولا يعيط دخلت باوعت لـارجاء الغرفة ياالله شكد مشتاقتلها ومشتاقة انام بيهاا والبس براحتي بيها احضرها لوقت جيه ميمون من الدوام خليت الباب مفتوح ومشيت خطوات وعيوني على المأخذ گلبي وعقلي ذاب حتى الفانيلة الداخلية وظهره كله مكشوف كدامي نايم على بطنه واديه جوه المخده هاي نومته ولا يبطلها

…. سماعات بـ اذنه للحظة عبالي كاعد بس هدوئه وسكون حركته تأكدلي هوه بسابع نومه تقربت يم الكومدي ما كدرت اكعد واطول واشبع عيوني بشوفته وبمنظره قساوة ملامح وجهة الفاتنة والجذابة

تخلي من دكات گلبي ترعـد حتى وهو ناايم مسيطر على احاسيسي يمه وخوفي ورجفتي

كلها نابعة اله من حب مو من كره لو خوف بلا سبب

…..كمت متحسره على حالي وحالتي بس لفت انتباهي شاشة تلفونه على الكومدي من اشتغلت

انهاء اتصال دست عليها بسرعة بـ اصبعي ووكفتها

احاول اتهجه اسم الجان متصل لان بالانكليزي وبالله وياعلي رتبت الاحرف ونطقتها… بغدادي….!!!

يتبع