رواية ازهرت وسط الرماد كامله وحصريه بقلم ميار
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه
»»»»»»»»»»»»»»»»»»»»»»»»
part 1
انا ياسمين بعمر 16 سنه عايشه بين افراد عائلتي ويا ابوي وامي واخواني الثلاثه واخت وحده
جنت عايشه ببيت كله حب وحنان حياة هادئه ومستقره بين اب حنون مدللنه خاصه احنه البنات وبين ام تعتني بأدق التفاصيل حنونه كلش عائله جميله
چنه نرجع من المدرسه تتلگانه امي طابخه الغده ونتنظرنه
بين ما نبدل وننزل نتلگه ابوي من يرجع من دوامه حتى نكعد ناكل كلنا سوه ابوي جان حنين كلش علينا ومدارينه
وما يقبل اي احد يغثنه وخاصه احنه بناته جنه من نكعد نتغده نتعارك اني واخوتي هو ما يقبل علينه
يوم جنه نتغده كال اخوي مرتضى بويه اريد اطلع ويا اصدقائي
كال مو تتاخر رد عليه مرتضى تأمر بويه طلع اخوي ويا اصدقائه
واني كلت يوم راح اني اغسل المواعين كمت غسلت المواعين وصعدت نمت وراها كعدت بلشت بالقرايه قريت شويه وعفته وبالليل هم رجعت للقرايه كملت
ورجعت نمت للصبح كعدت الصبح غسلت وجهي
وفرجت اسناني ونزلت صبحت عليهم وسويت جاي
ولفيتلي جبن وصحت لامي يووم بابا وين
شذى: راح للدوام
ياسمين: هاا تمام
كمت غسلت كوب الجاي وصعدت راجعت قبل ما اروح للدوام اجاني حسان اخوي الصغير جان عمره 5 سنوات
كعد بحضني باسني ضحكت يكولي حبه اخذته ونزلت يم امي جاي تسوي غده ساعدتهه شويه ورجعت تحضرت للدوام حتى يوصلني اخوي الوسطاني علاء وكفت ويا كتله
شنو هلـجمال باسني وضحك وطلعنا. للمدرسه مالتي
نزلني للباب وراح مشت الدروس عاديه كملنا دوامنا
وطلعنا اني وصديقتي ريماس كلش حبابه وفقيره
اتسولفلي على ابوها شلون يتعارك وياها كملنا طريقنا
وصلنا وكل وحده راحت لبيتها اني دخلت سلمت
تلكاني حسوني اخوي حضني بسته ورحت سبحت
لبست تراك خفيف ونزلت اساعد ماما بالغدا
اجه بابا تلكيناه مثل كل مره بس جان بابا ضايج
امبين عافنه وراح سبح لحكته امي واني رحت
اسوي زلاطه التمينه على الغدا حسيت بابا بس
يباوعلي تغدينه ساكتين عكس كل يوم ضحك
وشقى كملنا رحت اشيل المواعين وماما تسوي
الچاي كتله روحي يم بابا اني اجيب الكم الجاي
غسلت المواعين وصبيتلهم الجاي وديته الهم
جانو يسولفون من دخلت شافوني سكتو حسيت
اكو شي نطيته الجاي لابوي كالي عفيه ابنيتي
رجعت انطيت لاخوي
مرتضى: عاشت ايدج يروحي
بالعافيه
ياسمين: كعدت يمهم نباوع على تلفزيون بعدين كلمن راح ينام اني صعدت بس مكدرت انه ظليت افكر شبي بابا
رحت لمرتضى كتله شبيه بابا هم تعرف ظل يباوعلي
بعدين هز راسه لا بقينا نتشاقه ونسولف على دوام
بعدين كتله روح نام ارتاح.
صبح الصباح جان يوم جمعه جان عطله صليت صلاتي ونزلت للغدا جان الكل موجود جان يكول ابوي
حميد: خابروني بيت ابو مهند يردون يجون علينه
حجاها وهو يباوع عليه
شذى؛ هلا بيهم
ياسمين : اني بقت ساكته صدك عزلنا البيت
للعصر واجو علينا اجت ام مهند ومرت اخوهم
واختهم سلمنا انه وماما وبقن يسولفن ويسألن
جان دارت عليه امه وسألتني
ام مهند: حبيبتي تدرسين
ياسمين؛ اي خاله ادرس
بقت تسولف عن ابنهه انه عرفت اهنا عرفتهن عليش جايات اني اهنا كمت عفتهن ورحت للمطبخ بقن شويه
وراحن وجت ماما وكفت يمي كتلها
ياسمين: يوم شكو جايات كالت على العشا بس ما ظلو
هزيت راسي بس اني گلبي ما مرتاح واكو شي
سوينا كباب للعشا وكمنا نااكل كال اخوي مرتضى
مرتضى: هاا يابه شكلت للناس
بقى ساكت شويه وحجه كال اجو بيت ابو مهند حتى يخطبون اختكم الكل سكت صارت صنته والكل تباوعلي
وانه من الصدمه ظليت بس فاتحه عيوني صاحلي بابا
حميد: تعالي بابا تعالي يمي احاجيج
ياسمين؛ كمت وكعدت يم بابا جان يكول
حميد: بابا الناس جوني وطلبوج مني وانتي بكيفج بابا
ما اجبرج اني
ياسمين: كتله بابا اني ما اريد اريد اكمل دراستي
مرتضى: بعدها يابه اصغيره
حميد: انه هم كتلهم هيج بس كال ابو مرتضى فكر
احنه نحبك وعلى صيت ومعزت الوالد جيناك ونريد ناسبك
ياسمين: اني من الخوف صرت صفره بس بابا كال براحتج
بابا بكيفج لا تخافين هزيت راسي وعفتهم وصعدت لفرفتي بس جان حاسني گلبي راح يصير العكس
صعدت صليت صلاتي ورحت فرشت اسناني وتمددت
وبقت افكر شنو راح يصير نمت وانه افكر
مشت الايام بعد ماكو عنهم اي خبر استمرت حياتي
وامتحنه ونجحت الخامس صارت العطله ورجعو
الناس يلحون على ابوي كاعدين العصر وندك الباب
طلع اخوي علاء ورجع كال بويه اكو ناس هواي بالسياره يردونك طلعلهم بابا هو اخوتي بقو ساعه يحجون وراها
طلعو راحو ورجع بابا كلش ضايج كلنا رحنه بقو بس هو ماما يسولفون بالليل جنه كاعدين صاحني ابوي
حميد: تعالي أبنيتي احجي وياج
ياسمين: هزيت راسي اي رحت كعدت بسده جان يكول
حميد: بابا اجوني الناس وجايبين وياهم الشيوخ وهمه خوش ناس والله شاهد تفشلت كدام الناس
ياسمين: بابا اني ما اريد اريد يمك ابقى
باسني براسي وكال
حميد: ابنيتي انتي فكري زين
ياسمين: كمت ابجي وهو مسح دموعي كمت عفتهم وطلعت لليل صعد اخوي مرتضى كتله شفت بابا ساكت قابل يزوجني كمت ابجي وهو جيه حضني ويسولف وياي
مرتضى: اشش سكتي يروحي ما يقبل انه حجيت وياه
ياسمين: مرتضى انه اريد ابقى يمكم
مرتضى: اي تبقين يبعد اخوج
ياسمين: ظل يمي لحد ما نمت وراح
صبح الصباح جنه كاعدين جان يكول ابوي
حميد: يابه الناس نتنظر منه الجواب وانه كتلهم بيها الخير
ياسمين: اني بقيت بس فاتحه عيوني ومصدومه واباوع عليه كام اخوي يحجي بعصبيه ما راضي
مرتضى: يابه شلون تنطيها وهي بعدها اصغيره
حميد: جابو ناس وحرجوني واني قبلت
ياسمين: صارت عركه جبيره بين ابوي واخوي الجبير
لمن ابوي ضرب اخوي مرتضى راشدي وخلاه يسكت
وكلنا سكتنا من الصدمه اول مره ايمد ايده على اخوي
اني صعدت فوك لغرفتي وبعد ما اسمع اصياحهم
وهم ظلو اسبوع يخابرون على. ابوي وبقو امي وابوي واخويه يوميه متعاركين تالي مليت نزلت يمهم كلت لابوي
يابه انه موافقه
مرتضى:: شنو تخبلتي شنو موافقه يحجي ويصيح عليه
ابوي باسني براسي وحضني ويحجي وياي
حميد:: بابا والله انجربت واستحيت من الناس وافقت
ياسمين: هزيت راسي وعفتهم وصعدت لغرفتي وما جنت ادري حياتي تنگلب و راح تتغير كلش وساعة السودة الوافقت……
يتبع……..
