رواية ارحم وحدتي كامله وحصريه بقلم رحمه احمد
الفصل الاول
نبدأ بيوم جديد مشرق بسماء صافيه عند ڤيلا الصياد تصجي ميرال من النوم علي صوت امها
ماجده:- قومي يا ميروا يلا
ميرال:- ايه ي ماما لي كدا اقفلي البلكونه ديه عاوزه انام شويه
ماجده:- يلا يا ميرو عشان تفطري ابوكي سبقف علي الشركه بلاش كسل
ماجده:-صباح النور يا قلب ميجو
قامت ميرال تجهز لبست بنطلون چينس واسع وعليه تيشرت اسود ورفعت شعرها الاشقر ديل حصان ووضعت القليل من الميك مما اظهر ملامحها الهادئه و لون عنيها الاسود وبشرتها الصافيه البيضاء
نزلت تحت لقيت امها مجهزه الفطار
ميرال:-فين الواد معاذ
جيه صوت من ورا ميرال
معاذ:- واد مره واحده مش هتحترميني ابدا اسمي الباشمهندس معاذ كلها كام سنه وهكون معاكي في الشركه علي فكره وهيكون زي زيك 
ميرال: -ههههههه كمان زي زيك
معاذ:- طبعا
ماجده:- بطلو نقار بقا علي الصبح لازم تناقروا في بعض مش هتتغيروا ابدا 
ميرال:- سكتيه يا ماما انا اصلا قايمه امشي
معاذ:- ميرو ي عسل متخديني في طريقك للجامعه
ميرال:- دلوقتي بقيت ميرو
معاذ:- طبعا هو انا اقدر اقول غير كدا
ميرال:- طب يلا يا لمض وأمري لله
مشي معاذ وميرال وماجده فضلت تدعيلهم
في ڤيلا السيوفي
جاسم صحي من النوم جهز ولبس بدله من اللون الرمادي الغامق وقميص ابيض مما اظهر عضلاته البارذه
جاسم:-صباح الخير يا ماما
سعاد :- صباح النور يا حبيبي يلا عشان تفطر
جاسم: – لا مش هلحق عندي اجتماع مهم عاوز بس فنجان قهوه ضروري
سعاد:- هتشرب قهوه علي الريق كدا
جاسم:-بجاديه اه لو سمحت نادي ناهد تجهزلي فنجان قهوه
ناهد:- فنجان القهوه جاهز اهو
جاسم:- شكرا يا ناهد
ناهد: – العفو يا بيه
نزل جاسم وركب عربيتو وراح للشركه
في شركه الصياد دخلت ميرال الشركه وشافت اصحابها ريم وروان
ريم وروان اخوات توأم اصحاب ميرال من اول يوم فى الجامعه كانوا توأم متطابق بس اقرب ناس ليهم تقدر تفرقهم عن بعض ملامح جميله وهادئه من عائله متوسطه
وميرال شغلتهم فى الشركه معاها بعد ما اتخرجوا
ميرال:-هاي يا بنات عاملين ايه
ريم وران :- الحمدلله يا قلبي بخير عامله اي
ميرال:- الحمدلله بخير
ريم:- ها يا ميرال هننزل النهارده زي ما اتفقنا
ميرال:- اه يا بنتي عشان مفيش وقت لازم نلحق نشتري فساتين لعيد ميلادي
روان:- انا اهم حاجه عندي نتغدا
ميرال:- انتي ديما كدا مش همك غير بطنك
ريم:- طبعا متبقاش روان لو مفكرتش في الاكل
روان:- افضلوا انتو اتريقوا عليا والله لو مفهاش غدا مش جايه معاكوا
ميرال:- خلاص يا مفجوعه هنأكلك نفسي اعرف مش بيبان عليكي ازاى
روان بتكبر مصطنع: – طبعا يا بنتي هذا من فضل ربي 
ضحكت ميرال وريم علي روان وكل واحده فيهم راحت تشوف شغلها
في شركه السيوفي دخل جاسم بكل ثقه وجاديه الشركه دخل مكتبوا و وبعت للسكرتير بتاعوا يجي
خبط الباب سالم
جاسم:- اتفضل
سالم:- ايوه يا جاسم بيه
جاسم:- هاتلي ورق الصفقه بتاع الوفد الألماني
سالم: – اتفضل اهو انا مجهزوا لحضرتك
جاسم :- تمام قاعه الاجتماعات جهزه
سالم: – ايوه ي فندم كل حاجه تمام
جاسم:- طيب اكدلي علي مروان ومازن ان الاجتماع كمان ساعتين
سالم :- حاضر يا جاسم بيه
مروان صاحب جاسم من ايام الطفوله واقرب شخص لجاسم ويعرف كل اسراروا
ومازن ابن خالت جاسم وقريب منو باردوا بس مش زي مروان
خبط الباب علي مكتب مروان
مروان: – اتفضل
كان مروان ومازن مع بعض
سالم دخل :-جاسم بيه بيقولكوا الاجتماع بعد ساعتين.
مروان:- تمام يا سالم
خرج سالم علي مكتبو
مازن:- مش عارف يا اخي لحد امتا جاسم هيفضل منشفها علينا كدا مش عارف يشغل سكرتيره موزه كدا
مروان: – عمرك ما هتتغير يا مازن حرام عليك
مازن:- اتغير اية يا ابنى كل الناس بيكون عندها سكرتيره موزه لكن جاسم منشفها علينا
مروان: – بضحك علي طريقه مازن هتفضل زي ما انت
بعد ساعه دخل مازن ومروان وجاسم قاعه الاجتماعات يتنقشوا في الصفقه قبل وصول الوفد الألماني
مازن:- جاسم انا عندي اعتراض مهم جدا في الشغل عموما
جاسم بأنتباه هو ومروان
مازن:-لازم تغير سالم انقلوا أي قسم تانى وتجبلنا كام سكرتيره موزه كدا
جاسم حدف مازن بالملف اللى كان مسكوا
مروان: – بضحك يا ابني انت عمرك ما هتكون جاد ابدا
جاسم: – لو بقا جاد ميبقاش مازن
وضحكوا علي خفه دم مازن
وسكتوا بعد خبط علي الباب وكان ماجد دخل قاعه الاجتماع
ماجد:- ها ي ولاد جاهزين الوفد علي وصول
مروان بجاديه:- اه ي ماجد بيه كلو تمام
بعد ساعه وصل الوفد الالماني واتفقوا علي الصفقه
بعد انتهاء الاجتماع
مازن:- جاسم هنخلص شغل وننزل عشان نجهز اللبس اللى هنلبسوا في عيد ميلاد بنت الصياد.
جاسم:- لا مش مهم هلبس اي حاجه
مازن: – فكها شويه لازم ننزل نجيب حاجه دية بنت الصياد اعرف انها حلوه اوي
مروان بص لمازن بنفاذ صبر :- مينفعش يا جاسم انت عارف اننا رايحين العيد ميلاد ده مخصوص عشان يكون في بنا شغل بينا وبين الصياد فلازم نروح
جاسم:- خلاص تمام
مازن:- ياريت بعد الشغل علي طول عشان عندي سهره بليل
مروان:- يابني اتقي الله اعتبر البنات دي اخواتك
مازن:- طيب بس اخواتى اية بس كلهم زي بعض ومبيجبهمش غير الفلوس
جاسم بغضب مما تذكر شئ في الماضي: – خلاص يا مازن
مازن حس بغضب جاسم: – حاضر.
سابهم جاسم ومشي
مروان:- يا اخي مش عاوز تتغير ماشي بس مش لازم كلامك ده قداموا
مازن: – انا نسيت وبعدين هو انا كان قصدي يعني
مروان :- مفيش فايده فيك وسابوا ومشي
بعد يوم طويل وانتهاء العمل
امام مول كبير
ركن العربيه جاسم ولسه هينزل خبطت عربيه فيه وكانت ميرال
ميرال: – نزلت بتزعق انت ملقتش ركنه غير هنا مش كنت توسع شويه
جاسم: – يعني غلطانه ومبتعرفيش تسوقي وبتبجحي كمان
ميرال:- عشان انت اللي غلطان وراكن غلط
جاسم: – انتي مجنونه انتي اللي غبطه عربيتي
جري عليه مروان ومازن فيه ايه ي جاسم …………………
-وهنا يكون خلص الفصل الاول 
ويترى هيحصل اية بين جاسم وميرال
وميرال هتسكت انه غلط فيها
