رواية ارحم وحدتي الفصل الرابع 4 بقلم رحمه احمد

الفصل الرابع

خرجت ميرال شافت مراد واقف في الجنينه واتصدمت لما شافتو

امجد فلاش باك

مراد:- ها يا عمي كلمتها

امجد:- كلمتها يا مراد ولسه هتفكر

مراد:- طيب يا عمي انا عندي فكره يارب تعجبك

امجد:- اي هي

مراد:- ده بعد ازن حضرتك اجيلكوا النهارده وهعملها بارتي صغير كدا نتجمع في ويارب يعجبها يمكن ده يخليها تغير رأيها

امجد:- خلاص تمام فكره حلوه بس ربنا يستر من رد فعلها بعدين

باااك

مراد:- اتفضلي يا ميرال كل سنه وانتي طيبه يارب يعجبك

كان جيبلها بوكيه ورد ابيض وهو عارف انها بتحب الورد الابيض وشكولاتات كتير عشان عارف انها بتحب الشكولاته

ميرال:- ميرسي يا مراد تعبت نفسك

مراد:- ولا تعب ولا حاجه ودي هديتك

ميرال:- شكرا جدا كتير كدا

مراد:- مفيش حاجه تكتر عليكي مش هتفتحيها

فتحت ميرال الهديه كان عباره عن عقد لولي تحفه وعجب ميرال جدا

ميرال:- الله تحفه شكرا جدا يا مراد

امجد:- كل سنه وانتي طيبه يا حبيبتي

ميرال:- وانت طيب يا بابا

امجد:- ودي هديتك

فتحت ميرال الهديه كان بوكس صغير لقيت مفاتيح عربيه

امجد:- بصي وراكي

ميرال:- الله ي بابا العربيه اللي كان نفسي فيها شكرا اوي يا بابا ربنا يخليك ليا

امجد :- ويخليكي ليا يا قلب بابا وافرح بيكي قريب وبص لمراد

خرجت الداده بتورته عليها صوره لميرال

مراد:- انا حبيت احتفل بعيد ميلادك بعيد عن الدوشه بتاعت بكره

ميرال بفرحه:- شكرا ليك يا مراد

معاذ :- حضن اختو كل سنه وانتي طيبه ي ميرو واداها الهديه بتاعتها

ومامتها ادتها هديتها

ميرال:- ايه ده كلكوا عرفين الا انا

ماجده:- وهتكون مفجاه ازاي عجبتك المفجأه

ميرال:- اوي شكرا ليكو كلكوا فرحتوني

واحتفلو بالعيد ميلاد في جو هادئ وكانت ميرال فرحانه اووي

طلعت ميرال الاوضه وفكرت توافق علي مراد وراح ف نوم عميق

في اليوم التاني

ريم:- ميرووو اصحي يا ميروووو كل ده كسل ونوم عندنا يوم طويل

روان:- يلا يا ميرو

فتحت ميرال عنيها ميرال:- صباح الخير يا بنات

ريم وروان :- صباح النور.

روان:- يلا يا ميرو فوقي كدا انا هنزل اجهز مع طنط ماجده وماما الفطار

ميرال:- ايه ده طنط ناهد جت

ريم:- اه محبناش نسبها لوحدها

ميرال:- كويس انكوا عملتو كدا دي وحشاني اوي

نزلت روان تحت وريم فضلت مع ميرال

ريم شافت بوكيه الورد ايه ده ايه ده ايه الحلاوه ديه

ميرال:- مراد جبهولي امبارح

ريم باستغراب:- مراد ازاي

ميرال:- هقوم افوق واغير هدومي ونفطر واحكيلك

ريم:- نعم فطار مين احنا مش هننزل من هنا غير لما تحكيلي كل حاجه

ميرال :- حاضر

في ڤيلا السيوفي علي الفطار

ماجد:- جبت الهديه يا جاسم

جاسم:- اه يا بابا جبتلها انسيال الماظ

ماجد:- كويس

سعاد:- جاب لمين

جاسم:- لبنت الصياد عيد ميلادها النهارده

سعاد:- عقبال ما تجيب لخطيبتك

جاسم فلاش باااك

نرمين:- حلو اوي يا جاسم ايه رايك في الطقم ده

جاسم:- حلو يا حبيبتي مش هو عجبك

نرمين:- اوي يا جاسم

جاسم:- خلاص هناخدوا

كانت نرمين مختاره طقم الماظ خاتم وانسيال وعقد

نرمين خدت الشبكه معاها البيت نرمين كانت متحرره شويه بحكم ان امها وابوها عايشين بره

جاسم بيرن علي نرمين تاني يوم جرس ومحدش بيرد

سعاد:- مالك يا جاسم

جاسم:- نرمين يا ماما برن عليها من الصبح مش بترد مش عارف ليه

سعاد :- روحلها طيب يا ابني واطمن عليها

جاسم جهز ونزل وفضل يخبط الباب محدش بيرد فتح الباب ودخل فضل ينادي علي نرمين

دخل الاوضه ملقاش نرمين وملقاش هدوم نرمين

اتصدم جاسم وفضل يرن موبيلها اتقفل نزل للبواب

جاسم: -مشوفتش انسه نرمين

البواب:- دي كانت نزله بشنطه هي وواحد غريب يا بيه الصبح جاسم:- متعرفش راحو فين

البواب:- لا والله يا بيه

مشي جاسم وروح علي الڤيلا هيتجنن

سعاد:- ايه يا جاسم لقيتها

جاسم:- لا ولا لقيت هدومها ولا اعرف حاجه عنها والبواب قالي شافها نزله هي وواحد غريب

موبيل جاسم بيرن

جاسم:- الو

المجهول:- جاسم معايا

جاسم:- ايوه مين

المجهول:- ……………………………

بااااااك

ماجد:- ايه يا جاسم سرحت في ايه

جاسم:- ولا حاجه بابا حدد يوم مع عمي عشان هخطب هاجر

سعاد:- بفرحه بجد يا جاسم ربنا يريح بالك يا ابني الف مبروك

ماجد:- مبروك يا حبيبي خلاص هكلموا وهحدد معاد معاه النهارده نروحلهم الخميس الجي

قطعهم دخول مازن

مازن:- ايه كميه مبروك دي فرحوني معاكوا

سعاد:- تعالا يا حبيبي جاسم خلاص هيخطب

مازن:- بجد ده في حاجات كتير بدور من ورا ضهري وانا مش هسمح بده اسف ازيك يا عمو انشغلت في مبروك

ماجد:- الحمدلله يا مازن انت اخبارك ايه

مازن:- بخير الحمدلله يا عمو

ماجد:- سعاد خلي حد يجبلي فنجان قهوه علي ما اكلم احمد اخويا عشان نحدد معاد معاه

سعاد:- حاضر

مازن:- يلا يا جاسم احكيلي في ايه وايه القرار المفاجئ ده اروح اسهر امبارح اتفاجئ بقراار ده ده انا لو سهرت تاني هتفاجئ ان مروان اتجوز

جاسم:- هرن علي مروان يجي عشان نجهز كلنا هنا علي طول وهبقا احكيلكوا

مازن:- خلاص انا هرن عليه

مازن بيرن علي مروان

مروان:- ايه لسه فاكر ترن شايف رنيت عليك قد ايه امبارح

مازن:- معلش يا موري السهره كانت جامده امبارح بس بقولك ايه تعالا عند جاسم بسرعه وهات لبسك معاك في حوار كبير

مروان:- في ايه

مازن:- تعالا بسرعه بس وانت تعرف

مروان:- تمام

جاسم:- لازم تقلقوا كدا

مازن:- عشان يجي بسرعه

جاسم:- انسان غريب.

في ڤيلا الصياد

حكت ميرال كل اللي حصل امبارح لريم

ريم:- شكلك هتطلعي ظلماه يا ميرال وشكلو فعلا بيحبك وافقي يا ميرال وفتره الخطوبه اكيد هتوضحلك لو هو شخص مش كويس

ميرال:- بفكر في كدا بعد اللي عملو عشاني امبارح يلا ننزل نفطر عشان نلحق نجهز

نزلوا البنات يفطروا في المساء في فيلا الصياد

وصل مراد و والدو و والدتو واختو سالي

سلم مراد علي امجد وماجده اللي استقبلوهم ومعاذ معاهم سالي بدلع :- ازيك يا ميزو عامل اي

معاذ بديق: – كويس وسبها ومشي وهي اديقت اوي من الموقف ده سالي كانت معجبه بمعاذ وهو مكنش بيطقها

نزلت ميرال وريم وروان

ميرال كانت لابسه فستان احمر ناري طويل كب وكانت حلوه اوي وسايبه شعرها ورا ضهرها وميك اب بسيط مما اظهر جمالها وكانت لابسه طقم الماظ مما اعطي مظهر اجمل للفستان وكانت ملكه فعلا

ريم كانت لابسه فستان من اللون البنفسجي بكم واحد ورفعه شعرها وميك اب بسيط وكانت جميله اوي

روان كانت لابسه فستان من اللون الازرق حماله وكانت عمله شعرها علي جمب وميك اب بسيط وكانت جميله اوي

وصل جاسم و ومازن ومروان وماجد واستقبلهم امجد في ترحاب جامد

امجد تعالو اتفضلوا وقعدوا علي التربيزه وقعد معاهم امجد

مراد مكنش شايل عينو من علي ميرال

ميرال كانت بتتجول في العيد ميلاد خبطت في حد وقعت عليه العصير وكان جاسم

ميرال:- انت

جاسم:- انتي غبيه بهدلتيني بالعصير

ميرال:- احترم نفسك انت قليل الادب انت ايه جابك هنا

جاسم:- وانتي مالك اجي زي ما انا عاوز هو كان بيتك

ميرال:-ايوه بيتي

جاسم:- بطلي تتلزقي في الناس

قطعهم صوت امجد في ايه يا ولاد

جاسم:- مفيش حاجه

امجد:- مفيش حاجه ازاي انتو بتتخانقوا وايه بهدلك بالعصير كدا

جاسم:- الانسه العاميه ديه

ميرال:- احترم نفسك ومتبقاش قليل الادب

امجد:- بس انت وهي ايه مفيش اي احترام ليا خالص

ميرال خدي جاسم خلي حد ينضفلوا الچاكيت ده

جاسم:- هي مين دي

امجد:- دي ميرال بنتي يلا يا ميرال يا بنتي روحي مع جاسم

ميرال:- حاضر يا بابا اتفضل

راح جاسم مع ميرال في الڤيلا ونادت علي الداده

ميرال:- لو سمحت يا داده نضفي الچاكيت ده للاستاذ ده

جاسم بغيظ: – الاستاذ ده اسمو جاسم السويفي يا انسه

خرجت ميرال وجاسم سوا وهما خارجين جاسم داس علي فستان ميرال قصد كانت هتقع مسكها جاسم واتقبلت عنيهم في عيون بعض قرب منها جاسم وكانت ميرال سرحانه في عيون جاسم قرب جاسم من ميرال و باسها جاسم وميرال كانت هتبدلوا البوسه بس فاقت من شرودها وضربت جاسم بالقلم

جاسم:-…………………