رواية احببتك يا صغيرتي الفصل الحادي عشر 11 بقلم راندا عبدالحميد
الحلقه الحاديه عشر:
قصه احببتك يا صغيرتى قصه كامله
ويلا بسرعه من غير ولا كلمه عشان باباكى ما يرجعلكيش
ويمدايده عليكى زى ما عمل فى حسن.
وانا من بعد الكلمه دى مش عارفه ايه الحصل؛والدنيا
اسودت فى عنيا.
وبعدها صحيت لقيت بابا وماما وعمو وخالتو وواحد معاهم
معاه سماعه وبيكشف عليا فعرفت انه دكتور .
وما لقتش حسن معاهم وحسيت ان روحى ضاعت منى
ومش قادره اتكلم ولا اتحرك ولا حتى سامعه ايه البيقولوه.
وكنت مخنوقه قوى بس حتى العياط مش قادره اعيط
واطلع الجوايا.
وفضلت فتره مش عارفه قد ايه ايام كتير مش عارفه الليل من النهار .
كنت بشوفهم لما يدخلوا عندى ويتكلموا معايا ويبكوا
ويخرجوا؛ومش عارفه هو ايه البيحصل ولا بيقولوا ايه.
وانا ماعنديش اى رد فعل خالص.
بس طول ما انا صاحيه ببقى بتمنى ان اليدخل عليا يكون
حسن؛بس دايما بيبقا اى حد غير حسن.
لغايه لما مره وانا سرحانه فى حسن وكالعاده بدعى ربنا ما يحرمنيش من حسن طول عمرى؛لقيته بيفتح الباب
ودخل جرى عليا وشدنى ليه وحضنى قوى.
قصه احببتك يا صغيرتى قصه كامله
ودخل من وراه بابا وماما وخالتو وعمو .
وانا اتفاجئت بيه بس خفت قوى لما لقيت باباقدامى؛حتى هو شاف نظره الرعب الكانت فى عنيا.
بس لقيت فى عنيه بالمقابل نظره حب وحنان.
بس مكنتش مصدقه غير لما لقيت حسن بيمسح دموعى
وبيبص ليهم وفرحان.
ولقيت بابا ابتسم وماما شدت على دراع بابا؛وكلهم جم
باسوا على دماغى وخرجوا .
وما فضلش معايا غير حسن ووفضل يكلمنى شويه؛وانا
فرحانه حتى لو مش سمعاه بس كفايه انى شايفاه. وهو
جنبى فى اللحظه دى.وبعد شويه لقيته بيمسك اديا
ويحاول ..
