رواية احببتك يا صغيرتي الفصل الثامن 8 بقلم راندا عبدالحميد
الحلقه الثامنه:
قصه احببتك يا صغيرتى قصه كامله
وفعلا لما دخلت المدرسه كان اى ولد بيجى يكلمنى بسيبه وامشى .
وكنت بارجع احكى لحسن وهو بيبقى فرحان بيا.
وفعلا انا وهو اقنعنا بابا الله يرحمه ونقلنى مدرسه بنات
بس.فى الاول زعلت عشان مش معايا البنات الاعرفهم؛
بس حسن شجعنى اتعرف على ناس جديده.وفعلا شويه
شويه ابتديت الامور تعدى واخد على الوضع الجديد وكان
يكفينى ان حسن مبسوط بده عشان يعدى عليا بسهوله
انا كمان.وبعد ما خلص موضوع البسين بعد اخد ورد كتير
لانهم لسه من كام سنه عاملين بسين بره.ودلوقت
عايزين واحد تانى بس حسن اقنعهم بده من ناحيه الدين
وحمايه ليا وكان فى جدال كتير .
بالرغم من ان بابا وعمو كنت باحس فى عيونه بفرحتهم
بمواقف حسن بس كانوا خايفين انه يبقى متزمت وده
ياثر كمان عليا.
المهم خلص موضوع البسين ودخلنا فى موضوع الحجاب.
وهو اول واحد جابلى حجاب هديه البسين الجديد بتاعى.
ولبسهونى وصورنى بيه.وقالى مش عايزك تقلعيه تانى
وخدنى وروحنا لماما وخالتو وخلاهم شاففونى وفرحوا بيا
وباسونى لكن حسن قالهم من هنا ورايح عايزهم اى
لبس يجيبوه ليا يبقى مناسب للحجاب لانى مش هاقلعه
تانى.وماما قالت انها مش ناويه تلبسهونى دلوقت.
بس هو قال:انى خلاص هابتدى ادخل فى سن المراهقه
ولازم اتعود عليه وماما قالت دى بنتى وانا مش
هلبسهولها دلوقت لانها لسه صغيره .
المهم بعد جدال ووصل الموضوع كالعاده لبابا وعمو.
وهما كمان رفضوا.
وحسن قالهم ده راى الدين يعنى مش موضوع عايزين
ناخد راى حد فيه او راى اغلبيه .
وانى بحجابى بحافظ على نفسى من عيون الناس وانهم
لو رفضوا يبقوا بيفرطوا فيا.
واتفق معايا انه لو قلعت حجابى ما ادخلش اوضته تانى.
عشان ما ياخدش ذنب لو شافنى بشعرى.
وانا طبعا اتمسكت بالحجاب اكتر منه وبقيت فى صفه.
وبابا جه اتكلم معايا وانا قلت انى عايزه البسه.
فقال لماماوخالتو نزلوا اشترولى لبس مناسب للحجاب.
والكان غايظهم اكتر ان حسن اصر ينزل معاهم عشان ما
يجبوش لبس ضيق او مش مناسب للحجاب.
وقال لانهم لو جابوا حاجه مش مناسبه للدين مش
هيخلينى البسها.وبما انهم عارفين عنده فعارفين انه
هيزن لغايه لما يعمل الهوا عايزه.طبعا ماما كانت هتفرقع
منه ومنى عشان انا كمان قلت مش هانزل من غيره.
المهم نزلنا ورحنا نشترى وكان مصر ان اللبس واسع
حتى فى حاجات عجبتنى؛بس قال لو هتجيبيها تلبسيها
فى اوضتك وبابك مقفول عليكى.لا انا ولاغيرى يشوفك
بيها.احيانا باحس انه محاصرنى فى كل حاجه ومن
مذاكره لتدريب لخروج لتربيه وكل حاجه عندى هيا حسن
ومش بيسيبنى الا لانى فى المدرسه او لانى نايمه.
لدرجه مره باقوله انا بحس انك بابا او اخويا مش ابن
عمى من كتر اهتمامك بيا .
فبصلى شويه وقال:بس انا مش اخوكى ولا باباكى انا ابن عمك
يعنى مش محرم ليكى ولازم تحافظى على نفسك منى
لانك تجوزى ليا.الكلام ده كنت فى اعدادى وهو ثانوى .
انا زعلت من كلامه وخفت لا يكون مش بيحبنى زى ما انا بحبه.
بس هو كمل وقال:انا فرحان انى غالى عندك؛وده انا اصلا متاكد منه.
